Илузија е дека Русија ќе се откаже од хибридните напади врз европските земји, рече претседателот на Чешка, Петр Павел, пред кадетите од Средното воздухопловно училиште во Куновице.

– Русија нас, како држави и членка на НАТО, нè означува како непријател и би било наивно да се преправаме дека тоа не е случај. Русија е земја, која, за жал, се однесува како империја и се обидува да владее и да ги контролира земјите околу неа – истакна Павел.

Тој предупреди дека е голема илузија дека во Европа ќе завладее мир откако ќе заврши војната во Украина и дека Русија ќе се однесува како пријателска држава.

– Не велам дека Русија, откако ја заврши војната во Украина веднаш ќе почне војна со НАТО, но може да продолжи со хибридна војна, а тоа и ќе го прави – посочи Павел.

The post НЕМА ДА ЗАВЛАДЕЕ МИР ВО ЕВРОПА КОГА ЌЕ ЗАВРШИ ВОЈНАТА ВО УКРАИНА Русија се однесува како империја, предупредува чешкиот претседател appeared first on plusinfo.mk.

Разузнавачки извори за „Фајненшл тајмс“ тврдат дека Русија планирала низа саботажи насочени против западните држави, меѓу кои и заговор за уривање товарни авиони што летаат кон САД. Според нив, Москва во изминатиот период подготвувала поширока кампања на тајни операции, која опфаќала подметнување пожари, труење водоводи, напади на инфраструктура и активирање прикриени агенти низ Европа.

Западните безбедносни претставници велат дека руските диверзии се многу пообемни отколку што јавноста може да претпостави. Минатата година бројот на откриени тајни операции значително се зголемил, а службите ги поврзуваат со делување на групи поддржани од Кремљ.

Како пример се наведува случај при кој експлозивни пратки – испратени преку меѓународни курирски служби – во јули 2024 година експлодирале во логистички центри во Велика Британија, Полска и Германија. Според „Фајненшл тајмс“, секоја од тие пратки имала доволно разорна моќ да урне товарен авион доколку детонацијата се случела додека пратките биле во лет.

Безбедносните служби тврдат дека се спречени и други заговори: обиди за саботирање преполни патнички возови, подметнување пожари во трговски центри, саботирање хидросистеми и брани, како и труење на водоводи. Во повеќе европски држави биле откриени и лица за кои се верува дека делувале како „заспани“ агенти со зададени мисии за диверзија.

Во британските медиуми исто така се посочува дека повторените пожари и експлозии низ континентот – вклучително и пожар во складиште во источен Лондон, сопственост на украински државјани – се поврзуваат со руските служби.

Покрај тоа, земјите во Балтичкиот регион во последните месеци се соочија со прекини на подводни кабли и серија координирани кибернапади, што безбедносните служби го гледаат како дел од поширока кампања.

„Ројтерс“ пренесе дека западните истражители во изминатата година забележале „остра ескалација“ на хибридни активности кои, според анализите, можат да имаат сериозни последици по човечки животи и европската инфраструктура доколку некој од заговорите успее.

Експерти за Русија предупредуваат дека Западот сè уште не ја согледува целосната димензија на случувањата. Како што изјавува Киир Џајлс од „Чатам хаус“, „уште не сме свесни колку многу работи се случуваат зад кулисите“.

The post РУСИЈА ПЛАНИРАЛА СОБОРУВАЊЕ АВИОНИ, ТРУЕЊЕ ВОДОВОДИ, УРИВАЊЕ БРАНИ… Европски разузнавачи тврдат дека спречиле десетици саботажи appeared first on plusinfo.mk.

Русија води хибридна војна против Данска и Европа, користи воени средства и агресивно врши притисок, но без да ги надмине границите на вооружен конфликт во традиционална смисла – изјави директорот на данската воена разузнавачка служба (FE), Томас Аренкиел, на прес-конференција во Копенхаген, заедно со данскиот министер за одбрана Троелс Лунд Поулсен.

– Рускиот десантен брод што неодамна беше закотвен во меѓународни води јужно од данскиот остров Лангеланд веројатно беше подготвен да интервенира ако се обидеме да спречиме руски брод од „флотата во сенка“ слободно да плови – рече шефот на данското воено разузнавање.

Станува збор за бродот „Александар Шабалин“, кој со денови беше закотвен во близина на данскиот брег со исклучен систем за идентификација, сè додека новинарите на данскиот дневен весник „Екстра Бладет“ не го забележаа од хеликоптер и не го повикаа да се движи.

– Имавме и неколку случаи на руски воени бродови кои пловеа по курс на судир со нашите воени бродови, додека го следеа движењето на руските трговски бродови низ данските теснеци. Исто така, хеликоптери и бродови на нашата морнарица беа цел на радари за следење на цели, а оружје од руски воени бродови беше насочено кон нив – објасни Аренкиел.

Данското воено разузнавање, исто така, регистрираше дека руски воени бродови пловат низ данските теснеци со сонари и опрема за блокирање, а во барем еден случај тие најверојатно предизвикале големи прекини во GPS-от во Данска.

Руските трговски бродови беа во центарот на вниманието минатата недела кога неидентификувани беспилотни летала се појавија над шест дански аеродроми и воени бази. Данските власти претпоставуваат дека беспилотните летала биле лансирани од руски бродови кои пловеле низ данските територијални води кон нивните домашни балтички пристаништа Калининград и Санкт Петербург.

– Русија намерно вметнува беспилотни летала во европскиот воздушен простор за да нè тестира. Сака да му демонстрира воена моќ на Западот. Русите сакаат да нè убедат дека постои непосредна закана од војна. Тие дури и јавно велат дека се во војна со Западот. Ова е дел од информациската војна на Русија против нас – рече директорот на данското воено разузнавање.

Сепак, иако сака да ги искористи стравовите и да создаде поделби, Русија не сака директен вооружен конфликт со Данска, проценува Аренкиел.

– Вооружениот конфликт е премногу ризичен за Русија. Веруваме дека Русија нема да започне конвенционален воен напад, но се вооружува за евентуално да води војна против НАТО подоцна – рече данскиот разузнавачки службеник.

Тој исто така спомена дека проруските хакери ја нападнале данската водоводна инфраструктура, што резултирало со пукање на водоводни цевки. Тој рече дека данските комунални компании се изложени и на дури 6.000 хакерски напади на час.

– Веројатно е дека Русија дошла до заклучок дека може да ги користи овие алатки без ризик од ескалација или одмазда. Исто така е веројатно дека верува дека земјите од НАТО стојат зад слични активности насочени против Русија – заклучи Аренкиел.

The post ДАНСКА ТВРДИ ДЕКА Е ЦЕЛ НА РУСКИ ХИБРИДНИ НАПАДИ Се користат бродови, дронови, сонари па дури и хакерски напади врз данскиот водовод appeared first on plusinfo.mk.

Украинскиот претседател Володимир Зеленски со остар тон ја прозва Унгарија да престане да купува руска нафта.

Во присуство на повеќе од 50 лидери на на самитот на Европската политичка заедница во Копенхаген, меѓу кои и домаќинката Мете Фредериксен, тој подвлече дека повикот на Доналд Трамп кон Унгарија треба да се сфати сериозно, посебно во Будимпешта, јави Ројтерс.

– Треба да го поддржиме повикот на американскиот претседател Доналд Трамп да се престане со купување руска нафта… Момците од Унгарија мора јасно да го чујат тоа – изјави Зеленски.

Меѓутоа, ова не бил единствениот удар упатен кон Кремљ. Украинскиот лидер инсистира на уште построги санкции насочени кон приходите од руска енергија.

– Тоа мора да престане – нагласи тој, додавајќи дека американската енергија може да биде соодветна замена.

„Мирот се добива со сила“ – тврдата порака на Фредериксен

Данската премиерка Мете Фредериксен, копретседателка на самитот заедно со шефот на Европскиот совет Антонио Коста, беше уште поексплицитна во својата анализа на конфликтот.

– Мирот со Русија може да се постигне само преку сила. Мораме да ја зајакнеме Украина и да ја ослабнеме Русија со дополнителни санкции – изјави Фредериксен.

Во нејзиниот говор, таа остро ги осуди тактиките на Кремљ и објасни дека војната претставува „јасен неуспех на Путин“.

– Сакал да го освои Киев, да ја собори украинската влада и да ја подели Европа. Не успеал во ништо од тоа – децидна е премиерката.

Хибридни напади и дезинформации – новиот фронт

Фредериксен предупреди дека Москва не се откажала од притисок врз Европа, туку дека сега користи и хибридни алатки.

– Соочени сме со непријател кој користи секакви алатки. Еден ден тоа се беспилотни летала, следниот ден ги туркаат мигрантите кон границите, ја таргетираат критичната инфраструктура, се бориме со дезинформации и обиди за влијание врз избори – истакнала таа.

Од друга страна, шефот на Европскиот совет Антонио Коста подвлекол дека поддршката за Украина не значи „поддршка за војна, туку за траен и праведен мир“.

The post „МОМЦИТЕ ОД УНГАРИЈА“ КУПУВААТ, ЗЕЛЕНСКИ ОСТРО ГИ ИСКАРА Стоп за руската нафта, порача украинскиот лидер appeared first on plusinfo.mk.

Ја потценивме Русија, јавно признал францускиот претседател Емануел Макрон зборувајќи на маргините на самитот на ЕУ посветен на одбраната. Лидерот на Франција потсети дека долго време предупредувал за руската „флота во сенка“.

– Во согласност со доктрината за стратешка двосмисленост, можам да ви кажам дека ништо не е исклучено – рече Макрон во интервју за весникот „Франкфуртер алгемајне цајтунг“.

Според Макрон лу­до е да се игнорира заканата што Русија ја претставува за Европа.

– Нашиот нуклеарен чадор нè штити: тој е целосен, суверен и целосно француски – рече шефот на Елисејската палата и најави стратешка дебата со другите лидери на ЕУ за безбедносната доктрина.

Данската премиерка Мете Фредериксен, која е домаќин на самитот, алармираше дека сите европски земји се цел на хибридна војна.

– Се надевам дека сите сега ќе препознаат дека постои хибридна војна, и еден ден тоа е Полска, друг ден Данска, а следната недела веројатно ќе биде некаде на друго место каде што ќе видиме саботажи или летање беспилотни летала. Мислам дека сме во најтешката и најопасната ситуација од Втората светска војна – изјави таа за новинарите.

И премиерот на Финска предупреди дека, како што вели, Русија претставува закана за цела Европа.

– Европската унија треба да преземе досега невидени овластувања за да се одбрани од сè поизразените закани од Русија – рече Петери Орпо во интервју за „Политико“ пред почетокот на самитот.

Брисел веќе активирал координиран одговор на овие закани, а зголемени се и европските буџети за сајбер-одбрана и борба против дезинформации. Германски, шведски и полски функционери исто така предупредиле на „невидлива инвазија“ која тече паралелно со воените активности во Украина.

Претседателката на Европската комисија Урсула фон дер Лајен рече дека гледа шема, наведувајќи ги беспилотните летала во Полска и нарушувањето на естонскиот воздушен простор од страна на руски борбени авиони.

– Оваа шема доаѓа од Русија, доколку Русија се обидува да нè тестира – рече Урсула фон дер Лајен.

Една од идеите за посилна одбрана на ЕУ кои во последните недели ги наведоа челници на одбраната во Унијата е формирањето таканаречен ѕид од дронови, сложен телекомуникациски систем со радари, дронови и друга напредна технологија кој би служел за пресретнување на хибридни закани од Русија на границите со ЕУ и со НАТО.

The post „ЈА ПОТЦЕНИВМЕ РУСИЈА“, „ХИБРИДНА ВОЈНА“, „НИ ТРЕБА ЧАДОР“ Лидерите на ЕУ испратија пораки на самитот во Копенхаген appeared first on plusinfo.mk.

„Денес, војниците од двете страни на конфликтот комуницираат на шпански, непалски, сомалиски, српски и корејски. Странските јазици во рововите се само еден знак дека конфликтот добива сè  поголема меѓународна димензија“, пишува медиумот.

Во написот се вели дека „на небото, ирански дрон Шахед може да пресретне американски систем за ПВО додека на земја, германската артилерија ги надминува севернокорејските гранати. Речиси три години подоцна, тешко е да се рече дека конфликтот меѓу Русија и Украина е „регионален“.

Она што започна во февруари 2022 година како најголема копнена војна во Европа од Втората светска војна, сега се бори за титулата најглобален конфликт од Студената војна, со десетици земји директно или индиректно вклучени во неа, сугерира анализата.

Третата светска војна наликува на Првата светска војна

„Но, за разлика од Студената војна, Москва нема прокси конфликти каде што може директно да го нападне НАТО“, се вели понатаму во анализата.

Идејата за замрзнување на конфликтот, кој вклучува територијални отстапки од Украина, повеќе не е табу тема, туку сериозно се разгледува, предупредува текстот. Се вели дека ниедна од страните не ја добила воената поддршка која ја посакува и дека кубури со оружје.

Политико заклучува дека ако НАТО ја повлече поддршката, Украина нема да преживее, додека Путин зависи од поддршката на Кина и во спротивно ќе мора да ги ограничи апетитите.

„Во својата четврта година конфликтот повеќе наликува на војна на трошење како Првата светска војна, отколку трета светска војна со висока технологија“.

Украина и САД против Русија и Северна Кореја

„Тој аспект на конфликтот може да го одреди неговиот исход, бидејќи Украина ризикува да го изгуби својот најголем сојузник со доаѓањето на Доналд Трамп на чело на САД, додека Русија привлекува поддршка од американските непријатели како Северна Кореја“.

– Последниот пат кога видовме вакво нешто веројатно беше советската инвазија на Авганистан. Тогаш Западот заедно со Пакистан ги поддржуваше муџахедините и сите се вклучија – изјави за Политико истакнатиот историчар за Студената војна Сергеј Радченко.

Путин очекуваше краток конфликт

Кога Москва ја започна инвазијата, Кремљ ја оправда како одбранбен потег против НАТО.

„Постои широка согласност дека Путин очекувал краткотраен конфликт, потпирајќи се на досегашната пасивност на Западот кон неговите акции во Украина, Молдавија и Грузија“, пишува Политико.

Сепак, Украинците дадоа неочекуван отпор, а Западот брзо реагираше, испраќајќи оружје и разузнавачки информации кои го запреа рускиот напредок и го интернационализираа конфликтот.

– Ќе беше локален конфликт доколку брзо завршеше. Но, не е така – рече Радченко.

Русија ги вмеша Иран и Хутите во Јемен

Статијата продолжува велејќи дека меѓународната димензија станала клучна за двете страни во војната во која „Украина се бори за опстанок, а Русија за доминација“.

Аанлизата спомнува и дека Русија доби сојузници како Иран, кој испорачува беспилотни летала и Северна Кореја, која испраќа проектили и војници.

„Земјите од БРИКС, незадоволни од западните финансиски институции, често покажуваат предност кон Русија. Кинеската поддршка, која вклучува купување на руска нафта и технологија, е од клучно значење за руската економија“, пишува Политико.

– Индија и другите можат да тргуваат со Русија, што е значајно. Но, ништо не се споредува со она што го носи Кина – рече Александар Габуев, директор на Карнеги центарот за Русија и Евроазија.

Текстот спомнува и дека Русија „користи хибридни методи за да предизвика проблеми и поделби, вклучително и мешање во изборите и поддршка на проруски групи како Хутите во Јемен“.

The post ТРЕТАТА СВЕТСКА ВОЈНА Е ВО ТЕК, НАЛИКУВА НА ПРВАТА „Политико“ вели дека Украина и Русија зависат од своите спонзори appeared first on plusinfo.mk.

Амбасадата на Русија во Скопје е рекордер меѓу дипломатските претставништва во Македонија и на Западен Балкан според бројот на објави на социјалните мрежи и по бројот на интеракции на тие нивни објави. Само во 2021 и 2022 година, Руската амбасада има објавено двојно повеќе постови од дипломатските претставништва на Европската Унија (ЕУ), САД, Велика Британија… и неколкукратно повеќе објави од македонското Министерство за надворешни работи (МНР).

Ова го покажува истражувањето на Центарот за проучување на демократијата од Софија (CSD), кој ги следел објавите на повеќе амбасади на Балканот во изминативе две години. Анализата покажува и дека Руската амбасада во Скопје има многу повеќе објави и од македонското МНР.

Македонскиот фејсбук простор во стратегијата на Кремљ

Оваа активност, според Горан Георгиев, истражувач во софискиот Центар за проучување на демократијата и експерт за меѓународни односи и геополитика, е дел од стратегијата на Кремљ за ширење на руското влијание и пропаганда.

– Профилите на руските амбасади на социјалните мрежи се канал и засилувач на руската пропаганда и целата палета на дезинформациски наративи кои доаѓаат од Кремљ, од кои повеќето се насочени против Западот и демократскиот начин на живот. Амбасадите вршат клучна информативна (но и оперативна) функција во информациската војна на Кремљ против слободниот свет. Вкупниот број на објави на руските дипломатски претставништва на социјалните мрежи е значително зголемен од почетокот на инвазијата врз Украина, а дезинформациите се поексплицитни и поагресивни од кога било. Има и докази за тоа – изјави за Радио Слободна Европа (РСЕ), Георгиев.

Бројот на објави на Руската амбасада во Скопје на социјалните мрежи е повеќекратно повисок од бројот на социјални објави на македонското Министерство за надворешни работи, кое, според истражувањето, постира во просек по три објави неделно (вкупно 5 во март и вкупно 12 во февруари 2023). што е околу 40 отсто од вкупниот број на објави на Фејсбук страницата на македонската Влада, на која се постираат по околу 12 објави дневно во просек.

Од Македонското МНР, до објавување на текстот, не добивме коментар за ова истражување.

Коментар за ова истражување и за резултатите од него, побаравме и од Руската амбасада во Скопје, но не добивме одговор, со образложение дека се воздржуваат од коментар бидејќи „нивната нормална работа била оквалификувана како дезинформација“.

Руска амбасада во Скопје: Принудени сме да се воздржиме од коментирање

За коментар на ова анализа на Центарот за истражување на демократијата од Софија, официјално се обративме до Амбасадата на Руската федерација во Скопје.

„Со оглед на тоа што нашата нормална дипломатска работа ја карактеризирате
како дезинформација, принудени сме да се воздржиме од коментирање на Вашите
прашања“, стои во одговорот од Руската амбасада во Скопје на нашето барање за коментар на истражувањето на Софискиот центар.

Први на просторот на некогашна СФРЈ и први на Балканот

Податоците во истражувањето се добиени преку мониторинг со специјализирани софтвери за преземање на податоци од онлајн медиуми, профили на социјалните мрежи на политичари, јавни личности и дипломати и онлајн канали на комуникација на дипломатските претставништва од регионот на Балканот.

Според бројот на објавите на социјалната мрежа Фејсбук, дипломатските претставништва на ЕУ, Франција, Германија, Русија, Велика Британија и САД во Северна Македонија во 2021 и 2022 година објавиле околу 7.500 постови. Над 50 отсто од овие објави отпаѓаат на руските дипломатски претставништва во земјава.

Од сите земји од поранешна Југославија, руските дипломати во Северна Македонија најмногу постови имаат објавено во земјава, додека на Балканот, руските дипломатски претставништва повеќе имаат објавено само во Романија. Таму од вкупно 10.500 постови, 7.100 отпаѓаат на руските дипломатски претставништва, покажува истражувањето на софискиот центар.

Фејсбук објавите биле во фокусот на истражувањето, и како што велат, „ова е релевантно, бидејќи над 90 отсто од остварениот сообраќај на социјалните мрежи во Југоисточна Европа се одвива на Фејсбук“.

Колку се постира во 2023 година?

Како што покажуваат податоците прикажани во извештајот на софискиот Центар за проучување на демократијата, од сите руски амбасади во земјите од Западен Балкан, амбасадата на Русија во Македонија објавила најмногу постови и добила најмногу интеракции (лајкови, коментари и споделувања) во двегодишниот период 2021 – 2022.

– Трендот на висока активност продолжува и во 2023 година, при што Руската амбасада во Скопје објави 717 објави на кои има речиси 50.000 интеракции од први јануари до денес – изјави за РСЕ, Горан Георгиев, експерт за меѓународни односи и геополитика и истражувач во софискиот Центар за проучување на демократијата.

Објавите како дел од хибридна војна

Според бројот на интеракции на корисниците со постовите на дипломатските претставништва, како што се допаѓања (лајкови), коментари и споделувања, Фејсбук страницата на Руската амбасада во Северна Македонија е, исто така, на врвот на Балканот, според бројот на жители.

Во Бугарија има најмногу интеракции на корисниците на објавите на веб-страницата на руската амбасада, односно 2,3 милиони интеракции, потоа следува Грција со 770.000, Романија со 517.000 и Северна Македонија со 296.000. Кога овие податоци ќе се поделат со бројот на жители, излегува дека во Бугарија на секои три жители има по една интеракција, во Северна Македонија на секои седум жители, Грција на 14 и Романија на 35 жители има по една интеракција.

Сето ова, вели Георгиев, „може и треба да се гледа како ел од хибридната војна на Кремљ.

– Дискурсот на руските дипломатски служби, и онлајн и офлајн, целосно излегува надвор од воспоставените стандарди на меѓународната дипломатија и во пракса е алатка за влијание и мешање во внатрешните работи на земјата домаќин. Нормално, тоа се прави под раководство и со поддршка на централните власти во Русија, вклучително и тајните служби. Колку една земја е поранлива на руско влијание (социјално, економско, политичко итн.), толку повеќе локалниот руски амбасадор може да си дозволи и поширок пристап има до информативниот простор на земјата – вели Георгиев за РСЕ.

Како да се направи разлика што е пропаганда, а што вистинска информација?

Социјалните мрежи, вели Георгиев, го револуционизираа начинот на кој се креира и консумира информациската содржина.

„Секој може да објавува текст, видео или аудио што потенцијално може да допре до огромна публика со релативно мал напор. Недостигот од ефективна регулација и умереност на содржината ги прави социјалните мрежи идеални платформи за манипулација и мешање со странски информации“, појаснува истражувачот. Според него, друг важен момент е дека хибридната улога на руските амбасади се зголемила по почетокот на инвазијата врз украина поради сериозното ограничување на официјалните медиуми контролирани од Кремљ како РТ, Спутник… Исто така, вели Георгиев, локалните медиуми во Европа вообичаено не сакаат да емитуваат интервјуа или друга содржина со „дипломати на земјата агресор“. Овие промени „ги принудија руските власти уште повеќе да прибегнуваат кон алтернативни медиуми и начини за влијание врз јавноста“.

МОСТ: „Фејсбук“ е еден од центрите во кој се развиени мрежи кои ја засилуваат руската пропаганда

И неодамнешното истражување на граѓанската асоцијација МОСТ, кое е прво вакво во Северна македонија и во регионот, покажува дека „Фејсбук“ е еден од центрите во кој се развиени и се координираат мрежи кои ја засилуваат руската пропаганда, дезинформациите и манипулациите со информации во Северна Македонија. Во тој „центар“ забележано е масовно пренесување и присуство на претставници на Кремљ.

Во оваа студија на МОСТ, насловена „Една година од руската агресија врз Украина“, биле анализирани и идентификувани над 10.000 постови на Фејсбук во овој контекст и утврдено е дека во функција на ширење на руската пропаганда во земјава се вклучени и „домашни актери“, кои го овозможуваат и засилуваат тоа, или ги пренесуваат пораките.

The post РУСКАТА АМБАСАДА ВО СКОПЈЕ „РАСТУРА“ НА ФЕЈСБУК Амбасадата на САД може „вода да ѝ носи“ со активност на социјалните мрежи appeared first on plusinfo.mk.

Бесмислен е разговорот со Албин Курти, нема да разговарам со него, ослободете ги уапсените Срби, повлечете ги последните норми за српската стока, повлечете ги лажните градоначалници и полицијата од северот на Косово, и ќе размислам на продолжување само на техничкиот дијалог“, изјави претседателот Александар Вучиќ во денешното обраќање до јавноста, јави дописникот на МИА од Белград.

Пред тоа, Вучиќ ги наброја сите инциденти, пукања, апсења на косовските Срби во изминатата година, обвинувајќи го Еулекс дека „не презема, ама баш ништо, дури ни во извештаите, дека само ја следи ситуацијата“.

Тој го спомна воениот конфликт во 2001 во Македонија, настаните во Теарце, Арачиново, ОНА, рече дека се убиени 75 припадници на македонските вооружени сили, правејќи паралела со настаните во Србија и ја спомна амнестијата која тогаш била побарана од западот за припадниците на ОНА.

Според Вучиќ кон Србија се води „хибридна војна“ преку Србите на Косово и нивните лидери кои се обвинуваат за криминални дејствија, и дека според западот „Србија мора да биде виновна“.

– Овде доаѓаме до суштинската одлука на западните земји, за која мораме да бидеме свесни. Тие дозволуваат пукање врз Србите, малтретирања на Србите. А на Курти сè му е дозволено, тој провоцира, сака конфликт, сака војна по секоја цена, а во тоа има заштита, лаже дека нема заштита – посочи Вучиќ.

Претседателот на Србија најави дека поради односот кон косовските Срби, „тие на Видовдан на мирен начин ќе преземат свои чекори за слобода, во рамките на меѓународните норми, внимавајќи на односите на Србија само со НАТО.“

Тој порача дека „веќе никого нема да информираме, освен за подигање или спуштање на борбената готовност“.

– Освен нашите обврски кон НАТО, кои секогаш целосно ќе ги исполнуваме во согласност со резолуцијата 1244. Ќе се обидеме да го зачуваме мирот, но ги предупредуваме сите оние кои очигледно не се грижат за мирот и кои сакаат Србите да бидат малку потивки, а не толку гласно иселени од северот на Косово, што нема да се случи. Тоа е сè што треба да им кажам. Нека мислат или тврдат дека тоа е блеф, реалност, сеедно ми е, вака или онака – рече Вучиќ.

The post ПРОТИВ СРБИЈА СЕ ВОДИ ХИБРИДНА ВОЈНА ИСТО КАКО ПРОТИВ МАКЕДОНИЈА Вучиќ за односите Србија-Косово appeared first on plusinfo.mk.

– Кога се организирани со ваков интензитет, со толку широк опфат, со таргетирање на места, институции, објекти и градови со голем број на жители, каде што се повторува моделот(примерок) на пораки кои се исти во повеќе држави, а се исти во многу држави, тогаш може да се постави претпоставка дека се работи за хибридна војна, бидејќи ако е изолиран случај на адолесценти на хакери тогаш нема во толку многу држави на толку исти институции во толку исти денови, со толку ист интензитет да се случуваат ако се изолирани случаи – рече на новинарско прашање Ковачевски на прес-конференцијата во Владата по повод презентацијата на буџетот на Министерството за транспорт и врски за 2023 година.

Ковачевски нагласи дека министерот за внатрешни работи и тој веќе информираа дека надлежните сектори во МВР работат во координација со партнерските служби во НАТО, чија членка сме, и се справуваат со овој проблем, како и дека ова не е само проблем на нашата земја туку и во многу други држави.

– Доколку ги погледнеме пораките кои денека се пуштени за дојави на бомби во нашата држава и доколку се споредат со пораките на пример во Црна Гора, или други држави ќе се види дека се работи за речиси идентични пораки на кој начин се најавуваат бомбите. Тоа што некоја држава успеала да најде еден случај на некој што дојавувал тоа не значи дека се најдени сите. Исто така и ние ве информиравме дека најдовме еден случај на наш граѓанин кој што тоа го имаше правено за кој што се води соодветна постапка – рече премиерот Ковачевски.

Тој ги поврза дојавите како облик на хибридна војна со воениот конфликт во Украина означувајќи го како најголемиот воениот конфликт на континентов по Втората светска војна поради нападот на Русија врз Украина, и тоа на помалку од 1000 километри од нашата држава.

– Со оглед на средставта за комуникација кои се достапни денес во 2022 година, споредено со она што било достапно во 1941 година кога не биле можни хибридни војни и сајбер напади, за очекување е дека ова е дел на она што се случува на европскиот континент. Доколку ја гледате содржината на бомбите многу е јасно дека во Европа постојат две страни – едната која вели дека не треба државите сами да го определуваат својот демократски пат како што тоа ѝе ускратено на Украина, дека немаат право помалите држави сами да одлучуваат за својата иднина и друга страна на која ние и припаѓаме, на демокартскиот свет, страна која е чкленка на најголемиот одбранбен сојуз во светот и која се состои од членки на ЕУ и на оние кои што ќе бидат членки на Унијата како што е нашата држава – наведе премиерот Ковачевски.

The post ТОЛКУ МНОГУ ДОЈАВИ ЗНАЧАТ ДЕКА ОВА Е ХИБРИДНА ВОЈНА Премиерот ги спореди заканите за бомби со оние во соседството appeared first on plusinfo.mk.

Медведев додаде дека легитимни цели можат да бидат вооружените сили на други земји кои се сојузници на непријателите на Москва. Според него, прашањето за легитимните воени цели се толкува на различни начини низ историјата на човештвото, а различно се толкува и за време на актуелниот конфликт во Украина.

Како легитимни воени цели тој ги наведува:

1. Сите непријателски трупи (легални борци и нелегални борци) што не се официјално повлечени од своите вооружени сили.,

2. Секоја воена и помошна техника на противникот,

3. Сите објекти кои се однесуваат на воената инфраструктура и кои придонесуваат за реализација на воените цели (мостови, станици, патишта, енергетски објекти, фабрики и работилници кои вршат воени задачи),

4. Воено-политичкото раководство на непријателската земја,

5. Вооружените сили на другите земји кои официјално влегле во војната, а кои се сметаат за сојузници на непријателот, како и објекти лоцирани на територијата на непријателот.

Рускиот политичар додава дека највисоките претставници на земјите-членки на НАТО едногласно тврдат дека нивните земји не војуваат против Русија, иако, според него, сите добро разбираат дека работата е сосема поинаква.

„Меѓутоа, денес се поставува главното прашање – дали хибридната војна, која де факто и беше објавена на Русија од НАТО, може да се смета како влегување на Алијансата во конфликтот со Москва? Дополнително, се поставува прашањето дали испораката на огромна количина оружје за Украина може да се смета за напад врз Русија? И, се разбира, дали првите четири ставки се сметаат за легитимни воени цели кога станува збор за северноатлантскиот блок”, се прашува Медведев.

The post СИТЕ НЕПРИЈАТЕЛСКИ ЗЕМЈИ ЗА НАС СЕ ЛЕГИТИМНА ЦЕЛ! Медведев им се заканува на членките на НАТО и на нивните сојузници appeared first on plusinfo.mk.