Управниот суд во Дармштат ја одби тужбата на една правничка која не била примена во судиска служба во германската сојузна покраина Хесен бидејќи одбила да го отстрани хиџабот (шамија за покривање на косата) додека работи во судницата.

Како што соопшти судот, кандидатката јасно навела дека како судијка не би била подготвена да ја тргне шамијата ниту за време на усните расправи, пишува Дојче Веле (ДВ).

Министерството за правда на Хесен ја одбило нејзината пријава со образложение дека носењето облека со верски обележја во директен контакт со граѓаните го прекршува начелото на државна верска неутралност.

Управниот суд ја прифатил оваа аргументација и истакна дека обврската за неутралност е особено важна во судницата и дека во овој случај има поголема тежина од правото на тужителката на верска слобода. Судот притоа нагласил дека ограничувањето се однесува само на отстранување на шамијата за време на водењето на постапката, а не на нејзина општа забрана.

Против пресудата сè уште може да се поднесе жалба. Правничката смета дека како муслиманка е должна да ја покрива косата во јавност.

ДВ потсетува и на претходната одлука на Сојузниот уставен суд од 2017 година, со која била потврдена законитоста на одредбата дека правните практикантки во Хесен не смеат да носат шамија за време на судските расправи. Тогаш било објаснето дека секој учесник во постапката има право пред судот да не биде соочен со верски или светогледни убедувања.

Германија, за разлика од Франција, нема унифицирано правило за носење хиџаб во јавните служби. Во Баден-Виртемберг на наставничките им е забрането да носат хиџаб, но судовите поништиле дел од таа забрана. Во Хамбург, во училиштата е забрането целосно покривање на лицето со никаб или бурка, а припадничките на вооружените сили исто така не смеат да го покриваат лицето за време на служба.

The post НЕ МОЖЕ СУДИЈКА ДА НОСИ ХИЏАБ ВО СУДНИЦА Пресуда на судот во Дармштат, Германија appeared first on plusinfo.mk.

Врховниот суд на Косово ја потврди одлуката за забрана на носење хиџаб во училиштата, оценувајќи дека таа е во согласност со правилата за облекување што ги пропишало Министерството за образование, наука, технологија и иновации. Со тоа, судот ја одби тужбата што против оваа одлука ја поднесе Мрежата за професионален развој на жените „Арита“.

Организацијата „Арита“ тврдеше дека забраната за носење марама во јавните образовни установи е неоснована и претставува форма на дискриминација. Во нивната тужба се наведува дека бројни девојки во изминатите четири години биле исфрлени од училиште или им било забрането да посетуваат настава единствено поради носење марама.

По жалбите на ученички од средните училишта, „Арита“ се обратила до Врховниот суд барајќи поништување на спорната одлука. Сепак, судот ја одбил жалбата, со образложение дека Министерството за образование има законски овластувања да ги утврдува правилата за однесување и облекување на учениците, во согласност со Законот за предуниверзитетско образование и Законот за стручно образование и обука.

Забраната за носење марама во училиштата со години предизвикува бурни расправи на Косово, каде што околу 92 проценти од населението се муслимани. Темата првпат стана предмет на поширока јавна дебата во 2010 година, кога управните инструкции на Министерството ја вовеле забраната за таканаречени „верски униформи“, во кои спаѓало и носењето марама.

Исламската заедница на Косово тогаш остро се спротивстави на таа одлука, порачувајќи дека марама не е „верска униформа“, туку дел од верската обврска на секоја муслиманка.

The post ВО КОСОВО Е ЗАБРАНЕТО НОСЕЊЕ ХИЏАБ ВО УЧИЛИШТАТА Забраната ја потврди Врховниот суд appeared first on plusinfo.mk.

Новиот реформистички ирански претседател Масуд Пезешкијан во предизборната кампања вети дека ќе ја спречи така наречената Иранска полиција за морал да ги вознемирува жените. Но, главен авторитет во Иран е врховниот лидер, ајатолахот Али Хамнеи, кој тврди дека „откривањето (на делови на женското тело) е забрането и верски и политички“.

Амини, Иранка со курдско потекло почина на 22 години во болница на 16 септември 2022 година, три дена откако беше уапсена од припадници на полицијата за морал поради непочитување на строгиот ирански кодекс на облекување и одведена во „центар за превоспитување“ каде беше претепана. Таа беше приведена бидејќи неправилно го носела хиџабот односно и се гледала косата.

Нејзината смрт предизвика повеќемесечни протести, кои се претворија во повици за бунт против ајатолахот Хамнеи и теократската Влада. Протестите се одржуваа под мотото „Жена, живот, слобода“. Во задушувањето на протестите загинаа над 500 луѓе, а повеќе од 22.000 беа приведени.

Независна меѓународна мисија за проверка на факти на Обединетите нации за Иран на 18 март годинава објави дека смртта на Амини е незаконска и предизвикана од насилство.

The post ИЗЛЕГУВААТ НА УЛИЦА БЕЗ ХИЏАБ Иранките им пркосат на властите appeared first on plusinfo.mk.

Во Улцињ, Црна Гора, се отвора првата плажа која е само за жени кои носат хиџаб. Тоа ќе биде помало место од затворен вид, со капацитет од 10 до 20 лежалки.

На сите останати ќе им биде забранет пристапот на новата плажа.

Познато е дека муслиманите се мнозинство во Улцињ. Според пописот од 2011 година, околу 73% од вкупното население се изјасниле како муслимани.

The post ПРВА ПЛАЖА ЗА ЖЕНИ СО ХИЏАБ Ново место за дружење во Улцињ appeared first on plusinfo.mk.

На социјалните мрежи се појави видео од маж како се расправа со група муслимански туристи на плажа во Црна Гора. Се претпоставува дека човекот е сопственик на приватна плажа. Кога забележал жени како се капат во хиџаб, решил да влезе во вербална пресметка со нив и да ги избрка од плажата

Почнале да се расправаат, а тој им рекол дека не се добредојдени на неговата плажа и дека треба да си одат затоа што „мрази муслимани“.

 

View this post on Instagram

 

A post shared by 192.RS (@192_rs)

The post (ВИДЕО) ПЛАЖА ВО ЦРНА ГОРА ЗАБРАНЕТА ЗА МУСЛИМАНИ Сопственикот ги избркал жените што се капеле во хиџаб appeared first on plusinfo.mk.

Islamic Republic killed this woman to enforce hijab.

After days in a coma, source said “Mahsa Amini, 22, died today”.

She was beaten up by morality police because of wearing “bad hijab”.

Iranian women are outraged. Forced hijab is the main pillar of religious dictatorship. pic.twitter.com/51EyYwB8iX

— Masih Alinejad (@AlinejadMasih) September 16, 2022

Махса Амини патувала со своето семејство од иранската провинција западен Курдистан во главниот град Техеран за да ги посети роднините кога била уапсена поради наводно кршење на строгите правила за носење хиџаб во земјата.

Очевидци тврдат дека Амина била претепана во полициско комбе, што полицијата го демантира. По „превоспитувањето“ во полиција, девојката завршила во кома во болница, каде што починала.

Фотографии од девојка со завои на лицето станаа вирални на социјалните мрежи и предизвикаа гнев во јавноста, така што за време на викендот многу жени излегоа на протестот, го соблекоа хиџабот и извикуваа „Смрт за диктаторот“!

Iranian women removing their hijabs in protest and chanting ‘death to the dictator’ at the funeral of 22yr old woman who was killed after being arrested for breaking the hijab rule. These women are simply inspirational! pic.twitter.com/JereUlsiW8

— Ashok Swain (@ashoswai) September 17, 2022

Демонстрантите потоа се собраа пред канцеларијата на гувернерот и извикуваа повеќе слогани, но се разотидоа кога безбедносните сили употребија солзавец, јавија ирански медиуми.

Ултраконзервативниот претседател на Иран Ебрахим Раиси наводно наредил „независна истрага“ за смртта на Амини, додека министерот за внатрешни работи рече дека нема податоци за претепување на Амина.

Протестите се проширија во регионалниот главен град Санандај и траеја до доцна во ноќта, при што демонстрантите палеле автомобилски гуми и фрлале камења врз полицијата.

#IranProtests
Sanandaj conquering brave youth!
The youth of Sanandaj standing with empty hands against the oppressive police and security forces#Masha_Amini #مهسا_امینی pic.twitter.com/3jPp7zzCSi

— Navid (@Navid2019) September 17, 2022

Протести се одржаа и во главниот град на Иран, Техеран, но со масовно присуство на интервентна полиција. Медиумите јавуваат дека во тој момент поголемиот дел од Техеран бил без интернет, веројатно за да се запре координацијата на протестите.

Многу жени во Иран си ја отсекле косата во знак на протест.

The post ЖЕСТОКИ ПРОТЕСТИ ПО СМРТТА НА МЛАДА ИРАНКА Верската полиција ја претепала зашто не го носела хиџабот правилно!? appeared first on plusinfo.mk.

Талибанците им забранија на локалните медиуми во Авганистан да емитуваат странски серии кои го прекршуваат шеријатскиот закон, прикажуваат жени без хиџаб и секаков вид песни, соопштија претставници на медиумите.

Тие рекоа дека Комисијата за култура им забранила на девојките да носат модерна облека, дури и во реклами. Сите жени мора да носат хиџаб. Покрај тоа, медиумите мора да ги отфрлат странските телевизиски серии кои се во спротивност со авганистанската култура и шеријатскиот закон, а употребата на песни е строго забранета.

Комисијата соопшти дека медиумите треба да даваат „балансирани“ вести што не се засноваат на гласини. Странските медиуми кои се емитуваат во Авганистан мора да ги исполнуваат стандардите поставени од властите во земјата, во спротивно тие ќе бидат забранети.

Според претставниците на медиумите, поради овие забрани ќе мора да се затворат претставништвата на некои медиуми. Тие истакнаа дека ограничувањата наметнати од талибанците ја отежнуваат работата на медиумите.

The post ЗАБРАНЕТИ СТРАНСКИ СЕРИИ Девојките ни во реклами не смеат да бидат модерно облечени appeared first on plusinfo.mk.

Авганистанското Министерство за исламска ориентација издаде пишана препорака до возачите да не вклучуваат музика и да не примаат во возилата жени без хиџаб.

Талибанците го зазедоа Кабул на 15 септември и ја презедоа власта во Авганистан, а на почетокот на септември го објавија составот на привремената влада.

The post ЗАБРАНИЈА МУЗИКА ВО ВОЗИЛАТА Жени без хиџаб не смеат во автомобил appeared first on plusinfo.mk.

Авганистанското Министерство за спречување на пороците и за промоција на доблестите неделава воведе девет правила, што се однесуваат на забрана на сите медиуми кои се спротивставуваат на „исламските или авганистанските вредности“.

Дел од указите се однесуваат на жените.

Меѓународната организација за заштита на човековите права „Хјуман рајт воч“ соопшти дека се влошува слободата на медиумите во Авганистан.

The post ПРЕЗЕНТЕРКИТЕ ВО АВГАНИСТАН МОРА ДА НОСАТ ХИЏАБ Талибанците воведоа ограничувања за медиумите appeared first on plusinfo.mk.