– Точно една година по појавата на оваа група на мрежата Телеграм, која се користи за сексуално вознемирување на девојки преку објави на нивни фотографии без никаква согласност, во порнографски контекст, како и лични податоци за жртвите, сведочиме и на нови случаи на ваква злоупотреба. На прашање на Хелсиншкиот комитет, Министерството за внатрешни работи одговори дека постапиле по предметот „Јавна соба“ во рамки на својата надлежност и го доставиле до Јавното обвинителство. Година дена подоцна, ваквите групи на Телеграм сѐ уште се активни во објавување на фотографии, лични имиња и адреси.

Сметаме дека е скандалозен и недозволив односот на Јавното обвинителство, од кое се очекува да го процесуира случајот во насока на докажување на вина и санкционирање на креаторите и учесниците во еден ваков сериозен облик на сексуално вознемирување на девојки, од кои голем дел се и малолетни – се вели во реакцијата на Хелсиншкиот комитет.

Од таму потсетуваат дека оној кој ќе објави приватни видеа на интернет со порнографска содржина, може да одговара за кривичното дело „Злоупотреба на лични податоци” член 149 од Кривичниот законик, за кој е предвидена парична казна или казна затвор до една година.

– Доколку на видеата има прикажано малолетник, сторителот кој ја произвел детската порнографија со цел нејзина диструбуција, или ја пренел или ја нудел преку компјутерски систем ќе одговара за „Производство и дистрибуција на детска порнографијa” член 193-а став 3 од Кривичниот законик за кој е превидена казна затвор од најмалку осум години. Ние како претставници на граѓанскиот сектор ќе инсистираме сексуалното вознемирување преку интернет посебно да се регулира и во Кривичниот законик – реагира Хелсиншкиот комитет.

Молкот на институциите, како што велат очигледно дополнително го охрабрува фунцкионирањето и одржувањето на вакви групи во дигиталниот простор, а девојките и понатаму се соочуваат со опасност по личната безбедност и нарушено достоинство и здравје.

– Во групата вознемирувачите заемно се поттикнуваат, здружуваат и дополнително ги омаловажуваат девојките. Исто така, се зголемува и ризикот од уште посериозни форми на насилство, а се обесхрабруваат сегашните и идни жртви да пријавуваат и да зборуваат за насилството кое го претрпеле – се вели во реакцијата.

The post Хелсиншки комитет: Скандалозно е што Обвинителството не гони за кривичните дела во „Јавна соба“ appeared first on plusinfo.mk.

„Денес, се објавува дека има потреба да остане во сила вонредната состојба и во исто време се објавува дека ќе има митинзи и одење од врата до врата? Штом се дозволуваат собири, не може да зборуваме за вонредна состојба и не ми кажувајте дека какви било протоколи при такви собири ќе можат да го заштитат јавното здравје! Граѓани се казнуваат заради повреда на полицискиот час со парична казна од 2.000 евра, но партиски митинзи ќе се дозволуваат! Ризично по здравјето на луѓето и дискриминаторски по однос на граѓаните кои ги почитуваат мерките повеќе од два месеци, реагира Пировска.

The post Пировска: Казнуваат граѓани со по 2.000 евра, а дозволуваат партиски митинзи appeared first on plusinfo.mk.