Владимир Кличко за првпат се огласи по трагичната смрт на Хејден Панетијер, неговата поранешна свршеница и мајка на нивната 11-годишна ќерка Каја. Поранешниот светски шампион во бокс на социјалните мрежи објави емотивна порака во која се прости од актерката и се присети на годините што ги поминале заедно.

– Нашето семејство минува низ период на длабок шок и тага. Веста за трагичната смрт на Хејден длабоко ме растажи. Таа си замина од овој свет прерано. Иако повеќе не беше моја партнерка, Хејден беше важен дел од мојот живот и мајка на нашата ќерка Каја – напиша Кличко.

Во пораката тој се осврна и на нејзината кариера, но и на тешкотиите со кои актерката се соочувала во приватниот живот.

– Таа изгради неверојатна кариера благодарение на огромниот талент, а истовремено се соочуваше и со мрачните страни на една многу тешка индустрија. Ништо нема да го избрише времето што го поминавме заедно, ниту местото што го имаше во нашите животи – порача Кличко.

Посебно емотивен е делот посветен на нивната ќерка Каја, која е родена во декември 2014 година. Кличко вети дека ќе се погрижи девојчето со почит и љубов да се сеќава на својата мајка.

– На нашата ќерка Каја секогаш ќе ѝ зборувам за нејзината мајка со почит и ќе се погрижам да ја памети личноста каква што беше – напиша тој.

Кличко упати сочувство и до родителите, пријателите и обожавателите на актерката, нагласувајќи дека нејзината смрт е огромна загуба.

– Младите и талентирани луѓе како Хејден не би требало да го напуштаат овој свет толку рано. Ги молам сите да ги почитуваат чувствата и приватноста на нашето семејство во овој неверојатно тежок период. Засега, ова е сè што сакам да кажам – порача поранешниот боксерски шампион.

На крајот тој им се заблагодари на сите кои му упатиле сочувство и му дале поддршка на семејството, а пораката ја заврши со едноставно и емотивно збогување:

– Почивај во мир, Хејден. Да го најдеш вечниот мир.

 

View this post on Instagram

 

A post shared by Klitschko (@klitschko)

Хејден Панетијер почина на 16 август 2026 година на 36-годишна возраст. Таа и Кличко започнаа врска во 2009 година, се свршија во 2013 година и ја добија ќерката Каја во 2014 година. По разделбата, во 2018 година, Кличко ја доби примарната грижа за нивната ќерка, додека Панетијер се лекуваше од проблеми поврзани со зависноста и постпородилната депресија.

The post ВЛАДИМИР КЛИЧКО СЕ ОГЛАСИ ПО СМРТТА НА СВОЈАТА ПОРАНЕШНА ПАРТНЕРКА ХЕЈДЕН ПАНЕТИЈЕР „Беше важен дел од мојот живот и мајка на нашата ќерка Каја“ appeared first on plusinfo.mk.

Американската актерка Хејден Панетијер, позната по улогите во сериите „Heroes“ и „Nashville“, почина на 36 години, откако беше пронајдена без свест во станбен комплекс во Гринвил, Јужна Каролина. Според аудиоснимката од повикот до бројот 911, направен на 16 август во 13:51 часот, диспечерот ја опишал состојбата на актерката како „срцев застој“, додека неколку моменти подоцна друг диспечер споменал и сомнение за предозирање.

Полицијата и медицинските екипи пристигнале во комплексот Judson Mill Lofts, каде што Панетијер била затекната во безсознание. Полицајците и болничарите се обиделе да ја реанимираат со компресии на градниот кош, но не успеале да ѝ го спасат животот. Актерката била прогласена за мртва во 14:32 часот, нешто повеќе од 40 минути откако бил упатен првиот повик.

Според информациите што ги објави „Daily Mail“, на местото бил пронајдено и Narcan, назален лек кој се користи при предозирање со опиоиди. Сепак, важно е да се нагласи дека ова само по себе не е потврда дека Панетијер починала од предозирање. Корнерот на округот Гринвил при обдукцијата утврдил дека немало знаци на траума кои би придонеле за смртта. Важно е да се нагласи дека сомневањето за предозирање во моментов се базира на комуникацијата на диспечерот за време на итниот повик. Официјалната причина за смртта сè уште не е утврдена или објавена.

Полицијата потврдила дека случајот се истражува во соработка со Канцеларијата на корнерот на округот Гринвил. Од полицијата навеле дека „прелиминарната истрага не укажала на знаци на насилна смрт или сомнителни околности“, а повикот до 911 го упатило лице кое било познаник на актерката. Панетијер починала само неколку дена пред својот 37. роденден, кој требало да го прослави на 21 август.

Веста за нејзината смрт предизвика бројни реакции во Холивуд. Колешката од „Scream“, Мелиса Барера, напиша: – Почивај во мир, мила Хејден.

Селма Блер, коментирајќи ја нејзината последна објава на социјалните мрежи, напишала:

– Те сакам. Немој да си заминеш. Немој. Те молам.

Панетијер зад себе ја остава 11-годишната ќерка Каја, која ја доби во 2014 година со украинскиот боксер Владимир Кличко. Раѓањето на девојчето било животозагрозувачко за актерката – по породувањето имала силно крвавење, примила седум трансфузии на крв и била оперирана. Подоцна развила постпородилна депресија и се борела со зависност од алкохол. Во 2018 година одлучила целосното старателство над Каја да му го довери на Кличко, одлука за која во своите последни интервјуа отворено зборуваше.

Во своите мемоари „This Is Me: A Reckoning“, објавени во мај годинава, Панетијер детално пишуваше за најтешките периоди од животот – борбата со зависноста, проблемите со менталното здравје, губењето на својот помлад брат Џенсен и болката поради тоа што не живеела под ист покрив со својата ќерка.

– Не беше одлука што лесно ја донесов, ниту одлука што сакав да ја донесам – зборуваше таа за старателството. Во едно од последните интервјуа, пак, истакна дека ја сака Каја и дека е горда на младата жена во која таа почнува да расте.

Актерката почнала да работи уште како дете, а првата улога ја добила кога имала само 11 месеци. Подоцна се прослави со „Remember the Titans“ и како гласот на Дот во „A Bug’s Life“, а светската слава ја стекна како Клер Бенет во „Heroes“. Следуваше улогата на кантри-пејачката Џулиет Барнс во „Nashville“, за која доби две номинации за „Златен глобус“. Панетијер глумеше и во „Scream 4“ и „Scream 6“ како Кирби Рид. Нејзината смрт го прекина животот и кариерата на актерка која со години отворено зборуваше за своите најголеми борби, а конечниот одговор за тоа што точно довело до нејзината смрт сè уште се очекува од надлежните.

The post МОЖНО Е ХЕЈДЕН ПАНЕТИЈЕР ДА ПОЧИНАЛА ОД ПРЕДОЗИРАЊЕ Откриена е содржината на повикот до 911 откако холивудската ѕвезда била најдена без свест appeared first on plusinfo.mk.

Смртта на Хејден Панетијер повторно во јавноста ја стави и една од најтешките трагедии што го одбележаа нејзиниот живот. Нејзиниот помлад брат Џенсен ненадејно почина во 2023 година, кога имаше само 28 години. Актерката подоцна призна дека неговото заминување го доживеала како да изгубила дел од себе.

Џенсен Панетијер е роден во септември 1994 година, пет години по својата позната сестра. Како и Хејден, и тој многу млад влегол во актерскиот свет. Се појавувал во бројни телевизиски серии и филмови, меѓу кои „Even Stevens“, „Blue’s Clues“, „That’s So Raven“ и „The X’s“, а со сестра му глумел и во филмот на „Disney“ – „Tiger Cruise“ од 2004 година.

Почина поради проблеми со срцето

Џенсен почина на 19 февруари 2023 година во својот дом во Њујорк. Имаше само 28 години. Неговата смрт во почетокот била обвиена со мистерија, а семејството веднаш не открило што се случило. Неколку дена подоцна било потврдено дека станувало збор за здравствен проблем.

За Хејден загубата била особено тешка. Таа била на почетокот на едно ново животно поглавје и се враќала на работа кога стигнала веста која целосно ѝ го променила секојдневието. Само неколку недели по смртта на брат ѝ требало да биде прикажан филмот „Scream VI“, во кој таа се врати во една од своите најпознати улоги.

И тој од мал бил пред камерите

Џенсен Рејн Панетијер бил пет години помлад од Хејден. Растел во семејство кое веќе било поврзано со телевизијата. Нивната мајка Лесли Вогел порано се занимавала со глума, додека татко им Алан Панетијер работел како пожарникар. Така, и Џенсен, исто како и сестра му, многу рано влегол во светот на актерството.

Неговата актерска кариера започнала во почетокот на 2000-тите, кога добивал помали улоги во телевизиски серии и филмови. Се појавувал во сериите „Even Stevens“, „Third Watch“, „Everybody Hates Chris“, „Major Crimes“ и „The Walking Dead“, а работел и како гласовен актер. Гласот го позајмувал на ликови во проекти како „Blue’s Clues“, „Racing Stripes“, „Robots“ и „The X’s“.

Иако Хејден подоцна станала далеку поголема холивудска ѕвезда, нивниот однос никогаш не се темелел на нејзината слава. Џенсен во едно од своите постари интервјуа низ шега зборувал за нивната блискост, опишувајќи ја сестра си како личност која секогаш го штитела, но нагласувајќи дека и тој се грижел за неа.

 

View this post on Instagram

 

A post shared by Jansen Rane Panettiere (@jrpanettiere)

Глумата ја заменил со четката

Како што растел, Џенсен сè повеќе се посветувал на визуелната уметност. Се занимавал со сликарство, цртање и графити, а своите искуства и емоции често ги пренесувал на платно. Неговата креативност по смртта особено ја истакнувал неговиот агент Џејсон Локхарт, кој го опишувал како талентиран уметник со широка насмевка и заразна позитивна енергија.

Се занимавал и со мода и имал свој бренд, а неговата креативност останала дел од семејните спомени. Хејден, на пример, на неговиот погреб носела шарена бомбер-јакна која токму Џенсен ја осмислил.

Помалку од еден месец подоцна, нивниот однос нагло бил прекинат со трагедијата.

Џенсен починал на 19 февруари 2023 година, на само 28 години. Неколку дена по неговата смрт, семејството потврдило дека причина била кардиомегалија, односно зголемено срце, во комбинација со компликации поврзани со аортната валвула. Смртта била прогласена за природна.

Неговото семејство тогаш порача дека ќе ја памети неговата топлина, сочувство и креативност. Зад себе ги оставил родителите, сестра му и кругот на луѓе кои, како што рекле неговите најблиски, го сакале поради личноста што бил, а не поради презимето што го носел.

За Хејден неговото заминување било особено болно. Џенсен не бил само нејзин помлад брат, туку човек со кого го делела детството, првите чекори пред камерите и исклучително блиската врска. Години подоцна таа отворено зборувала за тоа колку неговата смрт ја променила.

Особено емотивно е што една од неговите последни објави на Инстаграм била фотографија на која Хејден го шиша. Фотографијата ја објавил на 25 јануари 2023 година, само неколку недели пред смртта, со духовит опис кој ја покажал нивната блискост.

 

View this post on Instagram

 

A post shared by Jansen Rane Panettiere (@jrpanettiere)

„Чувствував како да изгубив половина од душата“

Актерката повеќе од една година по неговата смрт првпат детално зборувала за тоа колку трагедијата ја погодила. Во интервју за „People“ го опишала Џенсен како свој единствен брат и рекла дека отсекогаш чувствувала дека треба да го штити.

– Кога го изгубив, чувствував како да изгубив половина од душата – рекла тогаш Хејден.

По неговата смрт тешко излегувала од дома, а дополнително ја погодило однесувањето на папараците кои ја фотографирале по погребот на брат ѝ. Зборувала и за силната емоционална и физичка реакција на тагата, како и за тоа дека ѝ било потребно време повторно да го пронајде чувството на сигурност и силата за враќање во секојдневниот живот.

Хејден во својата автобиографија „This Is Me: A Reckoning“, објавена во мај 2026 година, повторно го опишала моментот кога дознала за смртта на брат ѝ. Татко ѝ ѝ се јавил и ѝ кажал дека Џенсен е мртов. Во првиот момент не знаела што се случило и се обидувала да најде објаснување за неговото ненадејно заминување.

Години по трагедијата не криела дека болката не исчезнала. Во едно од своите најемотивни признанија рекла дека поради смртта на брат ѝ „секогаш ќе биде скршена“ и дека неговата загуба никогаш нема целосно да може да ја преболи.

Неговото заминување така остана една од најголемите рани во животот на Хејден Панетијер. Сега, ттри години откако го загуби својот помлад брат, и самата актерка почина, оставајќи зад себе кариера одбележана со големи успеси, но и животна приказна во која семејната трагедија и загубата оставиле длабока трага.

The post ПОКОЈНАТА АКТЕРКА ЕДВАЈ ЈА ПРЕЖИВЕАЛА СМРТТА НА БРАТОТ ПРЕД 3 ГОДИНИ Џенсен Панетијер, како и сестра му Хејден многу рано влегол во актерскиот свет appeared first on plusinfo.mk.

Последната објава на Хејден Панетијер на Инстаграм денес добива особено болно значење. Актерката на 27 јули споделила фотографија со актерот и фотограф Рандал Славин, на која насмеана позира покрај него.

– Добри моменти и добри пријатели @randallslavin – напишала таа покрај фотографијата. Само три недели подоцна, јавноста беше потресена од веста дека 36-годишната ѕвезда на „Heroes“ и „Nashville“ ненадејно починала.

 

View this post on Instagram

 

A post shared by Hayden Panettiere (@haydenpanettiere)

Само пет дена пред последната фотографија, Панетијер најавила уште еден важен проект – била избрана за првата насловна страница на списанието за мајки „Momé“. Токму во интервјуто за списанието зборувала за искуството со мајчинството, кое, како што rekla, воопшто не изгледало онака како што го замислувала. Нејзиното породување било проследено со сериозни компликации, а потоа се соочила и со постпородилна депресија.

Особено силна e нејзината порака до другите мајки.

– Можете да го сакате вашето дете со целото свое срце, а сепак да не бидете способни да го почувствувате тоа. Молчењето е опасност. Да побарате помош не е неуспех – рекла таа.

Во истата порака истакнува дека, и покрај сите нејзини битки, една работа никогаш не се променила – таа никогаш не престанала да ја избира својата ќерка Каја.

 

View this post on Instagram

 

A post shared by Momé (@dear.mome)

Панетијер во мај ги објави своите мемоари „This Is Me: A Reckoning“, во кои отворено зборуваше за славата во детството, зависноста, постпородилната депресија и тешките периоди од животот. Во 2018 година го предаде целосното старателство над ќерката Каја на нејзиниот поранешен свршеник Владимир Кличко, додека се обидуваше да се избори со своите проблеми. Таа подоцна искрено зборуваше за болката со која ја носела таа одлука, но и за љубовта кон своето дете.

Причината за смртта на Хејден Панетијер засега не е соопштена и случајот се истражува.

The post САМО НЕКОЛКУ НЕДЕЛИ ПРЕД СМРТТА АКТЕРКАТА ПОЗИРАШЕ СО ПРИЈАТЕЛ Во последното интервју Хејден Панетијер зборуваше за најтешката страна од мајчинството appeared first on plusinfo.mk.

Американската актерка Хејден Панетијер почина на 36-годишна возраст, а веста за нејзината смрт ја објави и нејзиниот татко Скип Панетијер. Според досега објавените информации, таа починала на 16 август, само неколку дена пред својот 37. роденден. Причината за смртта засега не е соопштена, а надлежните го истражуваат случајот. Американските медиуми известуваат дека полицијата реагирала на инцидент поврзан со актерката, но во овој момент нема официјална потврда за околностите.

Панетијер пред камерите застана уште како бебе – својата прва реклама ја снимила на само 11 месеци, а потоа следуваа улоги во сапуниците „One Life to Live“ и „Guiding Light“. Големата светска популарност ја стекна во серијата „Heroes“, каде што ја играше Клер Бенет, а подоцна во „Nashville“ ја освои публиката како пејачката Џулиет Барнс. За улогата во „Nashville“ двапати беше номинирана за „Златен глобус“, додека меѓу позначајните филмски остварувања ѝ се „Remember the Titans“ и франшизата „Scream“. Нејзината последна филмска улога беше во психолошкиот трилер „Sleepwalker“ од 2026 година.

Зад блескавата кариера, сепак, се криеше многу потежок личен период. По раѓањето на нејзината ќерка Каја во 2014 година, актерката се соочила со тешка постпородилна депресија, а подоцна и со проблеми со алкохолот и зависност од лекови. За својата борба отворено зборуваше во интервјуа, а во мај 2026 година ја објави кинигата-мемоари „This Is Me: A Reckoning“, во која без разубавување пишуваше за детската слава, притисокот на Холивуд, зависностите, мајчинството и периодите кога се обидувала да го врати својот живот под контрола.

 

View this post on Instagram

 

A post shared by Spotify (@spotify)

Еден од најболните делови од нејзиниот живот беше и разделбата со ќерка ѝ Каја, која ја доби со поранешниот свршеник, украинскиот боксер Владимир Кличко. Нивната љубовна приказна започна во 2009 година, а парот првпат се раздели во 2011 година, но романсата ја обновија во 2013 година, а набргу потоа се свршија. Во 2014 година ја добија Каја, но врската подоцна повторно се распадна. Во 2018 година Панетијер се согласи Кличко да го добие целосното старателство над девојчето, додека таа се обидуваше да се опорави.

Иако живееше одвоено од својата ќерка, Панетијер во последните месеци особено емотивно зборуваше за нивниот однос. Во мемоарите ја опиша болката од тоа што мајчинството го доживувала на далечина, но истовремено истакнуваше дека одлуката за старателството ја донела затоа што во тој период верувала дека тоа е најдобро за Каја. За Кличко зборуваше со почит и го опишуваше како добар татко. Нивната приказна, која започна како една од највпечатливите романси во светот на славните, на крајот остана врзана за заедничката грижа за нивното дете.

Нејзината смрт доаѓа само три години по трагичната загуба на нејзиниот помлад брат Џенсен Панетијер, кој почина во 2023 година на 28 години. Таа неодамна повторно се врати во центарот на вниманието со своите мемоари и со искрените разговори за најтешките моменти од животот, оставајќи впечаток дека сака да ја преземе контролата врз сопствената приказна.

 

View this post on Instagram

 

A post shared by Jay Shetty (@jayshetty)

Наместо само како поранешна детска ѕвезда и холивудска убавица, Панетијер во последните години се обидуваше да биде запаметена и како жена која отворено зборуваше за зависностите, мајчинството, загубата и обидот за нов почеток. Нејзината смрт на 36 години го прекина тој пат, а точната причина засега останува непозната.

The post ХЕЈДЕН ПАНЕТИЈЕР ПОЧИНА НА 36 ГОДИНИ, ЗАД НЕА ОСТАНА ЌЕРКАТА КОЈА ЈА ДОБИ СО ВЛАДИМИР КЛИЧКО Животен пат проследен со огромен успех, но и тешки лични искушенија appeared first on plusinfo.mk.