Секторот за внатрешни работи (СВР) Охрид поднел кривична пријава против 42-годишен жител на Струга, откако кај него бил пронајден и одземен хашиш.

Според полициските инфомации дрогата била пронајдена при претрес на осомничениот со иницијали Ј. П., во момент кога тој излегувал од фабрика за производство на медицински канабис во Охрид.

„При излез од фабрика за производство на медицински канабис во Охрид, полициски службеници извршиле преглед на пријавениот, при што кај него бил пронајден и одземен хашиш“, се вели во информацијата од СВР Охрид.

Со кривичната пријава осомничениот стружанец се товари за кривичното дело неовластено производство и пуштање во промет на наркотични дроги, психотропни супстанции и прекурсори.

Од СВР Охрид информираат уште за еден случај во кој била запленета марихуана. Вчера попладне на локалниот пат помеѓу струшките села Велешта и Октиси полициски службеници го уапсиле С.А.(47) од Октиси, откако при преглед на возилото што го управувал пронашле и одзеле марихуана.

„При контрола во сообраќајот, полициските службеници сопреле патничко моторно возило ‘пежо’ со струшки регистарски ознаки, кое го управувал и по извршен преглед пронајдена и одземена е марихуана“, велат од СВР Охрид.

The post ИЗНЕСУВАЛ ХАШИШ ОД ФАБРИКА ЗА МЕДИЦИНСКИ КАНАБИС Кривична пријава за стужанец appeared first on plusinfo.mk.

Обвинител од Јавното обвинителство Гевгелија предложи мерка притвор за четири лица oд Валандовско кои се осомничени дека тргувале со марихуана и со хашиш.

Во еден угостителски објект во валандовското село Јосифово, под работна иноксна маса, со месеци тивко стоела пластична кофа со капак. Внатре немало храна ниту алат, туку наркотична дрога, внимателно спакувана и подготвена за продажба.

Според истрагата на Јавното обвинителство, осомничениот во периодот од октомври 2025 година до 23 јануари 2026 година неовластено држел 121,40 грама марихуана, 751,99 грама хашиш и 37,44 грама мешавина од хашиш и од марихуана. Дрогата била ставена во најлонски и во книжни омоти, скриени токму под масата каде секојдневно се работело во објектот.

Кога полициските службеници влегле во просторот, покрај кофата пронашле и пластична вага со траги од наркотична дрога, што дополнително укажало дека дрогата не била за лична употреба, туку за натамошна продажба, соопшто ОЈО Гевгелија.

Истрагата не застанала тука. Во истиот предмет биле опфатени уште три лица, кои, според собраните докази, меѓусебно препродавале марихуана во непосредна близина на лозови насади во Јосифово.

На 21 јануари едниот осомничен продал 679,97 грама марихуана на второ лице. Купувачот дрогата не ја однел веднаш понатаму, туку неовластено ја чувал скриена во штала, соопшти ОЈО. Следниот ден, марихуаната била пренесена во селото Пирава, кај трето лице. Неговата задача била да ја препакува дрогата и да посредува во нејзина продажба до крајни корисници, зависници.

При претресите, полициските службеници ја пронашле таа марихуана, но и дополнителни 65,13 грама марихуана, 110 семки кои потекнуваат од растението канабис и уште една вага со остатоци од наркотична дрога.

The post ЧЕТВОРИЦА ДИЛЕРИ ПАДНАА ВО ВАЛАНДОВСКО Марихуана и хашиш патувале од угостителски објект до лозја и штала appeared first on plusinfo.mk.

Пронајдени се 70 пакувања, 5.000 бонбони со марихуана, 12 килограми марихуана и шест килограми хашиш, соопшти шпанската цивилна гарда.

Пронајден е и материјал за производство, пакување и дистрибуција на дрога, пренесува Хина.

Во акцијата се уапсени три лица, државјани на Велика Британија, Холандија и Русија, кои се осомничени за шверц на дрога и во моментов се во притвор.

Полицијата почна истрага откако пресретна серија пакети по пошта во кои се наоѓале слатки со марихуана испратени во Германија, Франција, Италија, Холандија, Португалија и Хрватска.

The post ПРОИЗВЕДУВАЛЕ ГУМЕНИ БОНБОНИ СО МАРИХУАНА!? Шпанската полиција откри тајна лабораторија appeared first on plusinfo.mk.

Another socialist party member of Edi Rama arrested for narcotics… https://t.co/28rLXoYPUW

— Live Monitor (@amlivemon) December 29, 2022

Кога билa уапсена во Поградец во автомобилот,кој инаку бил службено возило на Агенцијата, биле Ликменд Баша од Фуше-Круја и еден 17-годишник. Полицијата се сомнева дека хашишот дошол од Скадар, потоа пристигнал во Тирана, а Феро транспортот го извршила со возило од Тирана. Ериса била „задолжена” дрогата да ја транспортира од Тирана до граничниот премин Ќафасан кај Струга, за потоа Ликменд Баша кој требало да ја пренесе во Македонија.

U kap me 58 kg drogë në makinë, Erisa Fero ishte kallëzuar edhe nga KQZ për falsifikim votash – https://t.co/eF3K3lcV2j pic.twitter.com/4yMqd1BnwO

— Fraksion.com (@gazetafraksion) December 30, 2022

На изборите во 2021 година во Албанија, Ериса била членка комисијата за броење гласови, каде што биле фалсификувани резултатите од гласовите. Наводно, биле додавани и отстранувани гласови за кандидати од различни партии.

Албанската Централна изборна комисија поднесе кривична пријава до обвинителството во Тирана против Ериса и уште 20 вработени.

ХАШИШОТ ОД ПОГРАДЕЦ ТРЕБАЛО ДА ЗАВРШИ ВО МАКЕДОНИЈА Албанската полиција спречи шверц во „фолксваген“

The post КОЈА Е ЕРИСА ФЕРО ШТО ТРЕБАШЕ ДА ГО ДОНЕСЕ ХАШИШОТ ВО МАКЕДОНИЈА? 28-годишната Албанка била службеничка вмешана во изборен скандал appeared first on plusinfo.mk.

Албанската полиција од градот Поградец денеска уапсила три лица, откако во нивното возило биле пронајдени вкупно 58 килограми хашиш, кои требало да завршат на македонскиот наркопазар.

Уапсените се 17-годишник со иницијали М.К., како и Ликенд Баша(30), двајцата од Круја и Ериса Феро(28) жителка на Тирана, инаку, вработена во Националната агенција за информатичко општество.

„Дрогата е откриена во автомобил „фолксваген” сопственост на Ериса Феро додека другите две лица го набљудувале патот. Таа била „задолжена” дрогата да ја транспортира од Тирана до граничниот премин Ќафасан, на албанско – македонската граница кај Струга, за потоа да ја предаде дрогата на Лика Баша кој требало да ја пренесе во Македонија. Полицијата ги пресретнала во близина на преминот„, стои во полициското соопштение.

Во оваа наркомрежа осомничени сè уште две лица, како соработници, по кои се трага. Тие се осомничени дека биле нарачатели на дрогата.

Ова е тринаесетта успешна акција на албанската полиција од овој регион во сузбивањето на шверцот со дрога во правец на македонската територија, што е во рамки на акцијата „Рестарт” почната во ноември 2021 година.

Како што информираа од Националната агенција за информатичко општество, против Ериса Феро, која имала раководна функција веднаш е започната постапка за нејзина суспензија.

The post ХАШИШОТ ОД ПОГРАДЕЦ ТРЕБАЛО ДА ЗАВРШИ ВО МАКЕДОНИЈА Албанската полиција спречи шверц во „фолксваген“ appeared first on plusinfo.mk.

The post ПРИВЕДЕНИ ТРОЈЦА ДИЛЕРИ НА ТАБАНОВЦЕ Сакале да внесат хашиш, марихуана и кокаин во Македонија appeared first on plusinfo.mk.

Уапсени се тројца членови на банда, чие седиште се наоѓало во градот Уелви.

Шпанската, холандската и франциската полиција од март минатата година учествуваат во истрагата за бандата која шверцувала огромно количество хашиш во повеќе земји.

Тоа е една од најголемите операции оваа година против трговците со дрога, со која е намалена активноста на криминалните организации во Гибралтарскиот мореуз, наведува шпанската полиција.

The post Шпанската полиција заплени седум тони хашиш appeared first on plusinfo.mk.

– Имено, околу 12.20 часот, во непосредна близина на градските гробишта во Охрид полициски службеници запреле товарно возило – комбе „цитроен“, со скопски регистарски ознаки, управувано од Ч.Б.(53), државјанин на Р.Турција. При извршен преглед на комбето, во задниот багажен простор, пронајдени се три големи картонски кутии и една полиетиленска торба во кои биле сместени 114 пакувања хашиш. Од страна на крим-техника е извршена обработка на возилото и подигнати се материјални докази, а Ч.Б. е лишен од слобода и приведен во СВР Охрид – велат од МВР.

По преземени мерки и активности е утврдено дека Ч.Б. пред околу две недели со авион пристигнал од Истанбул во Приштина, пa во Република Северна Македонија и во Скопје остварил средба со неколку лица за да го изврши транспортот на дрогата од нашата земја во Република Турција.

По комплетирање на целосната документација против Ч.Б. ќе биде поднесена кривична пријава до Основното јавно обвинителство Охрид, со цел определување мерка притвор. Покрај ова, во текот на вчерашниот ден извршени се претреси на подрачјето на Скопје, при што се лишени од слобода уште две лица и одземени се предмети за понатамошна постапка, а во консултација со Јавен обвинител кривичната пријава ќе биде проширена.

Министерството за внатрешни работи успешно продолжува со борбата против сите видови криминал, вклучувајќи и спречување на недозволена трговија со наркотични дроги, за што сведочат и секојдневните случаи на заплена на дрога.

The post Уапсен Турчин со 100 килограми хашиш (ВИДЕО) appeared first on plusinfo.mk.

Портпаролот н МВР Тони Ангеловски изјави дека во акцијата учествувале полициски службеници од Одделот за криминалистичка полиција- Сектор за недозволена трговија со дрога, оружје и опасни материи, ОВР Прилеп и Одделот за специјални полициски операции во координација со прилепското Јавно обвинителство.

– На патниот правец од Прилеп кон село Дебреште, на место во близина на градските гробишта лишен од слобода е В.И. (55) од Дебрешта, кај кого се пронајдени четири вреќи со околу 48 килограми дрога (хашиш и марихуана) кои ги подготвувал за транспорт. По преземени дополнителни мерки и активности, околу 20.30 часот во Прилеп е лишен од слобода Н.Д. (46) од Дебрешта, за  кој е утврдено дека бил организатор на транспортот.  Потоа од слобода е лишен и Е.И. од Дебрешта – истакна Ангеловски.

По наредба од Основен суд Прилеп, извршени се претреси на три локации во Дебрешта и одземени се две патнички возила, мерцедес и голф, во врска со овој случај. Приведените денеска ќе бидат изведени пред судија на претходна постапка во Основен суд Прилеп.ки.

The post Запленети 48 килограми хашиш и марихуана во Прилепско, приведени тројца дилери appeared first on plusinfo.mk.

„Осомничениот, на 1 септември, на локалниот пат село Никуштак – Куманово, во атарот на селото Никуштак, неовластено заради продажба држел наркотична дрога хашиш. Тој на наведената локација застанал и излегол од својот автомобил, при што во неговата десна рака држел две најлонски пакувања во кои имало хашиш со вкупно нето маса од 306,24 грама. Во тој момент бил затекнат од полициски службеници кои извршиле личен преглед и ја пронашле и ја заплениле дрогата“, соопшти Обвинителството.

Надлежниот јавен обвинител до Основниот суд Куманово поднесе Предлог за определување мерка притвор за осомниченото лице. Судијата на претходна постапка го уважи предлогот и му определи мерка притвор во траење од 30 дена.​

The post Скопјанец растурал хашиш низ Куманово appeared first on plusinfo.mk.