Меѓународните обвинители за воени злосторства денеска изјавија дека поранешниот косовски претседател Хашим Тачи ги контролирал етничките албански герилци, дека треба да биде прогласен за виновен за воени злосторства и осуден на 45 години затвор.

Тачи и тројца други поранешни команданти на Ослободителната војска на Косово (ОВК) се обвинети за прогон, убиства, тортура и присилни исчезнувања за време и кратко по востанието од 1998-1999 година, кое на крајот донесе независност на покраината на Србија со мнозинско албанско население.

– Обвинетите извршија злосторства против своите противници за да ја преземат контролата врз Косово – изјави обвинителката Кимберли Вест пред судот во Хаг.

Таа додаде дека во 1998 и 1999 година, повеќе од 100 политички противници и наводни соработници на српските безбедносни сили биле убиени, а стотици биле малтретирани во околу педесет логори под администрација на ОВК.

– Овој случај е за целта на четворицата обвинети да добијат и да остварат контрола врз целото Косово – рече Вест кон крајот на речиси тригодишното судење во Специјалниот трибунал за воени злосторства за Косово со седиште во Хаг.

Тачи, кој беше премиер, министер за надворешни работи и претседател на независно Косово помеѓу 2008 и 2020 година, и другите обвинети ги негираат сите обвиненија. Адвокатите на Тачи, кои се очекува да дадат завршни зборови во среда, претходно тврдеа дека 57-годишниот Тачи немал вистинска власт над ОВК и нејзините воени команданти за време и по востанието.

Обвинителите тврдат дека Тачи и другите водачи на ОВК воделе насилна кампања против политичките противници, како и малцинските етнички Срби и Роми, со цел да преземат целосна контрола врз Косово.

Специјализираниот суд за Косово, во кој работат меѓународни судии и адвокати, беше основан во 2015 година за да се занимава со случаи на воени злосторства според косовскиот закон против поранешни герилци на ОВК. Многу Косовци веруваат дека судот е пристрасен и ги сметаат командантите на Ослободителната војска на Косово за херои кои го ослободија Косово од репресивната српска влада.

The post ХАШИМ ТАЧИ СЕ СООЧУВА СО 45 ГОДИНИ ЗАТВОР Судењето при крај, в среда завршни зборови на одбраната appeared first on plusinfo.mk.

Специјалниот суд во Хаг им го продолжи притворот на лидерите на поранешната ОВК, Хашим Тачи и Кадри Весели, кои се обвинети за воени злосторства и злосторства против човештвото.

Во образложението на решението е наведено дека советот констатирал дека доколку тие бидат ослободени, постои ризик да побегнат или да влијаат на сведоците и да се мешаат во работата на судот, пренесува онлајн весникот „Репортери“.

Тачи и Весели се во судски притвор во Шевенинген од ноември 2020 година, кога беа уапсени на Косово.

The post ПРОДОЛЖЕН ПРИТВОРОТ НА ХАШИМ ТАЧИ И НА КАДРИ ВЕСЕЛИ Специјалниот суд во Хаг пресече appeared first on plusinfo.mk.

Во понеделникот во болница во Скопје починал Илир Ќалапеку, телохранителот на поранешниот претседател на Косово, Хашим Тачи.

Соопштено е дека тој починал од срцев удар, но членовите на неговото семејство се сомневаат дека неговата смрт можеби дошла од човечка рака, објави информативната агенција на албански јазик Илирија-ИНА.

Членовите на неговото семејство го пријавиле случајот и во косовската полиција.

Телото на починатиот е испратено на обдукција во Институтот за судска медицина, бидејќи, како што пренесуваат косовските медиуми, членовите на семејството на Ќалапеку побарале да се изврши обдукцијата.

Медиумите дознаваат дека неговиот брат Ганиу ги пријавил овие сомнежи во полиција.

Тој изјавил дека не се сомнева во болницата во Скопје, но сака да ги знае точните причини поради кои дошло до срцев удар.

– Ганиу тврди дека неговиот брат претходно немал здравствени проблеми, па затоа се сомнева дека тоа би можело да биде од човечка рака“, изјавил за косовските медиуми извор близок до семејството.

The post ПОРАНЕШНИОТ ТЕЛОХРАНИТЕЛ НА ТАЧИ ПОЧИНА ОД СРЦЕВ УДАР ВО СКОПЈЕ Семејството се сомнева во причината за смртта и бара истрага appeared first on plusinfo.mk.

Според соопштението на судот во Хаг, одлуката е донесена од хуманитарни причини.

– Од хуманитарни причини Судскиот совет го упати секретаријатот да организира посета на притворениот Хашим Тачи на Косово, заради средба со неговото семејство. Обвинетиот останува во притвор и под надзор на Специјалниот совет“, се наведува во соопштението на Судот доставено до неколку приштински медиуми.

За време на престојот во Косово, Тачи ќе биде под надзор на припадници на косовската и на полицијата на Мисијата на ЕУ за владеење на правото, ЕУЛЕКС.

На Тачи и на уште неколкумина поранешни водачи на Ослободителната војска на Косово (ОВК) во Хаг им се суди за претпоставени злосторства врз цивили во периодот од почетокот на војната во Косово во 1998 до крајот на 2000 година.

The post ТАЧИ Е ВО КОСОВО Судот во Хаг го пушти за да го посети болниот татко appeared first on plusinfo.mk.

„Нивниот син со пријателите го брани достоинството на ОВК. Правдата се одложува, но не заборава. Гордо ќе го пречекаме Тачи со пријателите кога ќе се врати како победник на правдата“, напиша Ахмети на социјалните мрежи.

Хашим Тачи се изјасни за невин на судењето за воени злосторства на Косово, заедно со тројцата други членови на Главниот штаб на ОВК, Кадри Весели, Јакуп Красниќи и Реџеп Селими, на судскиот процес што пред неколку месеци почна во Хаг по речиси тригодишна истрага и повеќе од 20 години од војната.

Тачи се соочува со 10 обвиненија за апсење, убивање и мачење на оние кои се сметале за непријатели, вклучително и Албанци, Срби и Роми, додека се обидувале да ја преземат власта за време на ослободителната војна во 1998-99 година.

The post (ФОТО) ЌЕ ГО ПРЕЧЕКАМЕ КАКО ПОБЕДНИК НА ПРАВДАТА Али Ахмети го посети семејството на Хашим Тачи appeared first on plusinfo.mk.

– Светот сега знае, како резултат на овие процеси, дека немало трговија со органи и дека Жолтата куќа никогаш не постоела. Сега знаеме дека јас и ОВК, и народот на Косово и сите Албанци сме ослободени од тоа обвинение – рече Тачи алудирајќи на обвинението во кое не се споменува трговија со органи, пренесува Бета.

Тачи го нарече „застрашувачко“ тврдењето од извештајот на Дик Марти, специјалниот известувач на Советот на Европа, објавен во 2011 година, дека ОВК и тој лично биле вклучени во трговијата со човечки органи.

Обвинетиот рече дека „веднаш побарал меѓународната заедница да спроведе независна истрага“ за тие обвинувања.

– Меѓународната заедница ми одговори дека е неопходен специјален суд за да се укине црниот облак од обвиненија за трговија со органи, кој висеше над Косово… Вистината сега е кажана и црниот облак се крена над Косово – рече Тачи.

Тврдејќи дека неговото „жртвување“ затоа „било вредно“, Тачи нагласи дека очекува на крајот од судењето да биде ослободен од сите обвиненија.

The post ЖОЛТАТА КУЌА НИКОГАШ НЕ ПОСТОЕШЕ Тачи тврди дека ОВК не тргувала со човечки органи appeared first on plusinfo.mk.

Тој се соочува со 10 точки од обвинението поврзани со војната во 1998 и 1999 година.

– Го разбирам обвинението и се изјаснувам за невин – им рече тој на судиите по почетокот на постапката.

Во Хаг денеска почна судењето на поранешните лидери на ОВК обвинети за злосторства врз Срби, неалбанци и политички неистомисленици.

Специјалниот суд за воени злосторства на Косово со седиште во Хаг го обвини Тачи во ноември 2020 година за воени злосторства и злосторства против човештвото, вклучително и прогон, убиства, тортура, присилно исчезнување и други злосторства извршени.

На првиот ден од судењето воведниот говор ќе го одржат обвинителите. Потоа, во текот на неделата, воведниот говор ќе го има правниот застапник на повеќе од 140 жртви, на кои судот им одобри да учествуваат во судењето.

Тачи (54) поранешен претседател и поранешен лидер на ОВК поднесе оставка од функцијата шеф на државата веднаш по подигнувањето на обвинението и е во притворската единица на судот во Хаг.

Тројца од неговите најблиски соработници, вклучително и двајца поранешни претседатели на Парламентот, се соочуваат со истото обвинение како и поранешните припадници на ОВК.

The post СУДЕЊЕ НА ВОДАЧИТЕ НА ОВК ВО ХАГ Тачи и останатите се изјаснија за невини appeared first on plusinfo.mk.

Пред Специјалниот суд за извршени воени злосторства на припадниците на Ослободителната војска на Косово (ОВК) денеска почнува судењето на поранешниот командант на ОВК и поранешниот косовски претседател Хашим Тачи и на уште тројца соучесници.

Специјалниот суд за воени злосторства на Косово со седиште во Хаг го обвини Тачи во ноември 2020 година за воени злосторства и злосторства против човештвото, вклучително и прогон, убиства, тортура, присилно исчезнување и други злосторства извршени.

На првиот ден од судењето воведниот говор ќе го одржат обвинителите. Потоа, во текот на неделата, воведниот говор ќе го има правниот застапник на повеќе од 140 жртви, на кои судот им одобри да учествуваат во судењето.

Тачи (54) поранешен претседател и поранешен лидер на ОВК поднесе оставка од функцијата шеф на државата веднаш по подигнувањето на обвинението и е во притворската единица на судот во Хаг.

Тројца од неговите најблиски соработници, вклучително и двајца поранешни претседатели на Парламентот, се соочуваат со истото обвинение како и поранешните припадници на ОВК.

Покрај Тачи, за извршени злосторства врз Албанци, Срби и Роми во Косово и во Албанија во 1998 – 99 година обвинети се и членови на Главниот штаб на ОВК, Кадри Весели, Јакуп Красниќи и Реџеп Селими.

Обвинението ги товари Тачи (54), Весељи (55), Селими (52) и Красниќи (72) за злосторства извршени во 42 нелегални притворни центри на ОВК во Косово и во Албанија против околу 407 притвореници, од кои најмалку 98 биле убиени во периодот од март 1998 до септември 1999 година.

The post НА ДУША МУ СЕ СТАВААТ НАЈМАЛКУ 98 УБИСТВА Почнува судењето на Хашим Тачи пред Хашкиот трибунал   appeared first on plusinfo.mk.

Медиумите пренесуваат дека таквата одлука на Судот во Хаг била донесена на 26 мај, а објавена денеска.

Одбраната на Тачи до судијата во претходна постапка трипати поднесе барање обвинетиот да биде пуштен во домашен притвор или во трета земја што понудила гаранции.

Тачи и Весели се товарат за прогон, затвор, други нехумани дела, тортура, убиства и присилно исчезнување на лица, незаконско апсење и лишување од слобода и сурово постапување, дела извршени во периодот од март 1998 до септември 1999 година.

The post ТАЧИ И ВЕСЕЛИ ОСТАНУВААТ ВО ПРИТВОР ВО ХАГ Одлуката била донесена уште на 26 мај appeared first on plusinfo.mk.

Дачиќ за ТВ Пинк изјави дека таму се води голема дипломатска битка, дали ќе се продолжи со еднострани дејствија или нема да се дозволат, а она што е потпишано претходно ќе се почитува, додавајќи дека Србија ја очекува интензивен период.

– Западот би сакал да најде решение за проблемот на Косово, но тоа веќе го има осмислено, а тоа е признавање независност на лажна држава. Тие би сакале мирно или со сила да се реши – изјави Дачиќ.

Тој додаде дека „многумина палат фитил на Косово, бидејќи ако ситуацијата е мирна, се губи значењето на нивната улога кога станува збор за меѓународните претставници“.

– Тие се тука на Косово со години, дури и во БиХ, со мотивација да придонесат за регионалниот мир и стабилност. Што би правеле доколку навистина постоеше регионална стабилност, ако немаше инциденти и сите проблеми беа решени – порача Дачиќ.

Според него, другата страна на мотивацијата за предизвикување на инцидентот е агресивноста на премиерот на Косово, Албин Курти, кој се обидува да претстави дека неговата влада е првата која има легитимитет, и дека претходните биле неважечки.

– Мислевме дека (Хашим) Тачи е лош и дека нема полош, па тогаш се појави (Рамуш) Харадинај и сега Курти – нагласи Дачиќ.

The post МИСЛЕВМЕ ДЕКА ТАЧИ Е НАЈЛОШ, АМА СЕ ПОЈАВИ КУРТИ Дачиќ вели дека Србија и Косово водат војна на нерви appeared first on plusinfo.mk.