Англија со убедлива победа од 4-2 над Хрватска го започна настапот на Светското првенство, освојувајќи важни три бода во првото коло од групата Л на мечот одигран во Далас.

Избраниците на селекторот Томас Тухел уште на стартот покажаа дека располагаат со еден од најмоќните напади на турнирот, а во натпревар исполнет со пресврти и шест погодоци успеаја да ја скршат отпорната хрватска селекција.

Англичаните поведоа уште во деветтата минута откако Лука Модриќ направи пенал над Нони Мадуеке. Хари Кејн првично не успеа да го совлада Доминик Ливаковиќ, но поради прерано излегување на голманот од гол-линијата ударот беше повторен. Во вториот обид капитенот на Англија не погреши за 1-0.

Хрватска се врати во игра во 36. минута кога Мартин Батурина ја заврши одличната акција што ја започна Петар Сучиќ и израмни на 1-1.

Сепак, радоста на „коцкестите“ траеше кратко. Во 42. минута, по корнер на Деклан Рајс, Кејн остана осамен во шеснаесетникот и со вториот гол повторно ја донесе Англија во водство.

Но, драмата не заврши тука. Непосредно пред паузата Иван Перишиќ му асистираше на Петар Муса, кој погоди за 2-2 и најави неизвесно второ полувреме.

Клучниот момент се случи во продолжението кога Џуд Белингам со фантастична индивидуална акција ја затресе мрежата на Ливаковиќ и повторно ја врати предноста на Англија.

По тој погодок Англичаните целосно ја презедоа контролата врз натпреварот, создавајќи серија опасни шанси пред голот на Хрватска.

Конечниот удар го зададе Маркус Рашфорд, кој по брза контраакција ги постави конечните 4-2 и ја потврди заслужената победа на својот тим.

Со ваков офанзивен потенцијал Англија уште на стартот испрати силна порака до конкурентите дека сериозно ја напаѓа светската титула.

The post 📽️ АНГЛИЈА ЈА СКРШИ ХРВАТСКА ВО СПЕКТАКЛ СО ШЕСТ ГОЛА Кејн блескаше, а Рашфорд ја завери победата appeared first on plusinfo.mk.

Англија и Хрватска вечерва ќе го одиграат еден од најпривлечните натпревари од првото коло на Светското првенство 2026. Дуелот во Групата Л привлекува огромно внимание не само поради квалитетот на двете селекции, туку и поради богатата историја на меѓусебни пресметки кои во изминатата деценија донесоа неколку незаборавни натпревари.

Според речиси сите анализи и прогнози, Англија влегува во натпреварот како фаворит. Тимот на Томас Тухел располага со еден од најскапите и најквалитетни состави на турнирот, а многу фудбалски аналитичари ги вбројуваат Англичаните меѓу главните кандидати за освојување на светската титула. Победата на стартот би била важен чекор кон освојување на првото место во групата.

Најголемата англиска надеж повторно е капитенот Хари Кејн, кој и натаму е еден од најопасните напаѓачи во светот. Голема улога ќе има и Џуд Белингем, играчот кој веќе е препознаен како лидер на новата генерација англиски фудбалери. Во составот на Англија има и други ѕвезди од европските гиганти, што дополнително ја засилува улогата на фаворит.

Од другата страна стои Хрватска, селекција која со години ги надминува прогнозите. Иако генерацијата што играше финале на Светското првенство во 2018 година полека заминува од сцената, Лука Модриќ и понатаму е срцето на тимот. На свои 40 години, легендарниот играч од средниот ред останува симбол на хрватската репрезентација и човекот од кого навивачите очекуваат уште една магична вечер.

Хрватскиот селектор Златко Далиќ е свесен дека Англија има поголем индивидуален квалитет, но неговата репрезентација никогаш не се чувствувала удобно во улогата на фаворит. Напротив, најголемите успеси ги остваруваше токму кога противниците ја потценуваа. Хрватите веруваат дека искуството, дисциплината и препознатливиот борбен дух можат повторно да направат разлика.

Посебна тежина на натпреварот му дава и историјата на ривалството. За хрватските навивачи сè уште е свеж споменот на полуфиналето на Светското првенство во Русија во 2018 година, кога нивната репрезентација ја елиминира Англија и стигна до историско финале.

Англичаните, пак, со задоволство се сеќаваат на победата на Европското првенство во 2021 година, кога успеаја да им се реваншираат на Хрватите. Атмосферата меѓу навивачите е сосема различна. Во Англија преовладува уверување дека оваа генерација конечно може да ја донесе толку посакуваната светска титула, прва по далечната 1966 година. Во Хрватска, пак, доминира емоцијата дека можеби се следат последните големи настапи на Лука Модриќ, па поддршката кон репрезентацијата е уште посилна.

Фудбалските експерти најчесто предвидуваат тесен натпревар со мал број голови. Англија има повеќе квалитет и подолга клупа, но Хрватска има искуство и карактер кои повеќепати ја носеа далеку на големите турнири. Затоа вечерва е реално да се очекува неизвесен дуел во кој еден потег на Кејн или една магија на Модриќ може да го реши победникот.

ХРВАТИТЕ ГО ОКУПИРАА ДАЛАС Хрватски кочии, најголемото знаме и море од навивачи

The post ФУРИОЗНИОТ КЕЈН ПРОТИВ МАГИЈАТА НА ЛУКА МОДРИЌ Хрватите вечерва ќе се обидат да го совладаат фаворитот Англија appeared first on plusinfo.mk.

Португалија и Англија со победи ги заокружија последните проверки пред почетокот на Светското првенство и покажаа дека во добро расположение го чекаат најголемиот фудбалски спектакл.

Португалците ја совладаа Нигерија со 2-1 во натпревар во кој имаа повеќе од играта и создадоа поголем број шанси. Педро Нето го отвори резултатот во 23. минута и донесе предност за европската селекција. Нигерија возврати преку Акор Адамс во 37. минута и на одмор се замина со израмнет резултат.

Продолжението донесе нов притисок од Португалија. Тимот создаваше шанси пред противничкиот гол, а наградата пристигна во 75. минута. Франциско Консеисао ја затресе мрежата и ги постави конечните 2-1.

Кристијано Роналдо беше стартер и играше до 65. минута. Искусниот капитен неколкупати се најде во добра позиција, но не успеа да го совлада нигерискиот голман.

„Трите лава“ напаѓаа и доминираа

Англија, пак, остави уште посилен впечаток на последниот тест пред Мундијалот. Избраниците на Томас Тухел ја совладаа Костарика со убедливи 3-0 и во текот на целиот натпревар ја контролираа играта.

Средбата во Орландо почна со едночасовно задоцнување поради невреме, но тоа не го наруши ритамот на Англичаните. Деклан Рајс погоди уште во 10. минута по добро проигрување од Ентони Гордон и ја најави доминацијата на својот тим.

До крајот на првиот дел Хари Кејн, Џуд Белингам и Нони Мадуеке создадоа неколку опасни ситуации, но резултатот остана непроменет.

Свежите сили влегоа и удрија силно

Во второто полувреме Англија продолжи со истото темпо. По еден час игра Еберечи Езе изнуди пенал, а Гордон сигурно реализираше за 2-0.

Конечниот резултат беше поставен во 87. минута. Морган Роџерс учествуваше во акцијата, а по одбраната на резервниот голман на Костарика, Оли Воткинс најдобро се снајде и со удар со глава ја испрати топката во мрежата.

За Англија ова беше најефикасниот настап во 2026 година. Тимот на Тухел така доби дополнителна самодоверба пред премиерниот мундијалски дуел против Хрватска, додека Португалија покажа дека и без гол од Роналдо има доволно оружја за висок дострел на турнирот.

The post 📽️ РОНАЛДО ПРОМАШУВАШЕ, КОНСЕИСАО ПРЕСУДИ Португалија со победа ја затвори генералната проба пред Мундијалот appeared first on plusinfo.mk.

Англискиот напаѓач Хари Кејн изјави дека „ужива во секој момент на теренот“ во дресот на Баерн Минхен, откако синоќа беше двоен стрелец во триумфот над Вердер Бремен од 4-0 во воведниот натпревар од петтото коло во Бундеслигата, што беше негов 100 гол откако му се приклучи на актуелниот германски првак.

Кејн дојде до бројката од 100 голови на својот 104 натпревар за Баерн и стана играчот кој најбрзо постигнал 100 голови за еден клуб во петте најсилни европски лиги.

– Одигравме уште еден многу добар натпревар. Почнавме добро и можевме да постигнеме два гола веќе на почетокот. Но, потоа доминиравме, што е добро – рече Кејн, кој првиот гол го постигна од пенал во 45 минута, а вториот во 65 минута.

Кејн, кој му се приклучи на Баерн во 2023 година од редовите на лондонски Тотенхем, ги отфрли шпекулациите дека размислува за враќање во англиското првенство.

– Не, не во моментов. Среќен сум тука и имам уште две години од мојот договор. Уживам во секој момент на теренот, ми се допаѓа тимот и тренерот и се надевам дека ќе продолжам да постигнувам голови – додаде Кејн.

Баерн е лидер во германското првенство со пет победи по воведните пет кола.

The post „УЖИВАМ ВО СЕКОЈ МОМЕНТ НА ТЕРЕНОТ“ Кејн дојде до бројката од 100 голови во дресот на Баерн appeared first on plusinfo.mk.

Баерн Минхен е заинтересиран за напаѓачот на Мајнц 05, Џонатан Буркард, тврди Флоријан Плетенберг.

Баварците бараат алтернатива за Хари Кејн за следната сезона и една од опциите е 24-годишниот германски интернационалец.

Лидерот на Бундеслигата веќе стапил во контакт со претставниците на напаѓачот и го изразил својот интерес. Буркард го бараат и Баер Леверкузен, Ајнтрахт Франкфурт и клубови од Премиер лигата.

Напаѓачот има многу силна сезона за Мајнц. Тој има 15 гола на 22 натпревари во Бундеслигата и веќе забележа три настапи за германската репрезентација.

Договорот на Џонатан Буркард со Мајнц е до летото 2027 година. Клубот се надева дека ќе го задржи во својот тим.

The post БАЕРН МИНХЕН ПРОНАЈДЕ ЗАМЕНА ЗА ХАРИ КЕЈН Напаѓачот на Мајнц има постигнато 15 голови на 22 натпревари appeared first on plusinfo.mk.

По пет години во складиште беше откриена статуата на познатиот англиски фудбалски репрезентативец Хари Кеј. Градот Лондон конечно одлучи споменикот да стои пред Спортскиот центар Питер Меј во Лондон. Фановите го нарекоа споменикот „кошмар“.

Кејн, за статуата вредна 7.200 фунти вели:

– Многу сум горд, ова беше моментот да се вратам таму каде што започна мојот живот како професионален фудбалер. Се надевам дека ова ќе ѝ помогне на новата генерација да најде инспирација за напорна работа и да работи на себе.

A real proud moment for me to go back to where my life in football began and unveil a statue. I hope it helps inspire the next generation to work hard and believe in themselves. pic.twitter.com/rbAs8RrZgS

— Harry Kane (@HKane) November 18, 2024

The post 📷 СТАТУАТА НА ХАРИ КЕЈН ВЕЌЕ НЕМА ДА ЗБИРА ПРАШИНА По цели 5 години властите во Лондон решија каде ќе ја постават appeared first on plusinfo.mk.

Капитенот на англиската фудбалска репрезентација Хари Кејн потпиша договор вреден 100 милиони фунти со минхенски Баерн, соопшти претпладнево актуелниот германски првак.

Во клупското соопштение се прецизира дека довчерашниот напаѓач на лондонски Тотенхем се обврзал на верност со Баерн до 2027 година.

Договорот беше потпишан по долги преговори и неколку одбиени понуди од премиерлигашот.

Германските медиуми јавија дека Кејн вчеравечер пристигнал во Германија и го завршил првиот дел од задолжителните медицински прегледи во болница во западен Минхен.

Сумата која Баерн ја плати за услугите на 30-годишниот англиски напаѓач е највисок трансфер во историјата на Бундеслигата.

Претходниот рекорд изнесуваше 80 милиони евра колку што Баерн плати за потписот на францускиот репрезентативец Лукас Хернандез од Атлетико Мадрид во 2019 година.

Кејн би можел да дебитира за Баерн веќе денеска во германскиот Суперкуп против Лајпциг, но мора да биде регистриран најдоцна до 14 часот по англиско време за да може да истрча на теренот на „Алијанц арена“.

The post ХАРИ КЕЈН ПОТПИША ЗА БАЕРН МИНХЕН Тотенхем ќе заработи неверојатни 100 милиони фунти appeared first on plusinfo.mk.

Потсетувајќи дека Кејн е долгогодишна желба на Јунајтед, англиските медиуми пренесуваат денеска дека неговиот трансфер ова лето е пореален од кога и да е.

Кејн има договор со Тотенхем до јуни идната година, и според медиумите, клупскиот претседател Даниел Леви ќе се согласи да му дозволи да замине на крајот на оваа сезона, за да не се доведе во ситуација идното лето да остане и без Кејн, и без пари.

Кејн е во Тотенхем од почетокот на кариерата и досега за лондонскиот клуб одигра 429 натпревари на кои постигна 274 голови. Три пати беше најдобар стрелец во Премиер лигата, но со Тотенхем не освои ниту еден трофеј.

The post ЈУНАЈТЕД ЈА КУПУВА ЅВЕЗДАТА НА ТОТЕНХЕМ Напаѓачот се сели во новиот клуб за 100 милиони евра? appeared first on plusinfo.mk.

Тотенхем верува дека напаѓачот на Интер, Ромелу Лукаку може да биде алтернатива за Хари Кејн, објави „Fichajes”. Правата врз Лукаку му припаѓаат на Челзи.

Според изворот, самиот Кејн би сакал да остане во лондонскиот клуб, но доколку реши да го напушти тимот, Спарс ќе размислат за потписот на Белгиецот.

Во сезоната 2022/23, поради здравствени проблеми, Ромелу Лукаку учествуваше на само седум натпревари на Интер во сите натпреварувања, на кои постигна два гола и една асистенција. 

The post ТОТЕНХЕМ НАЈДЕ ЗАМЕНА ЗА КЕЈН Конте го сака напаѓачот на Интер во своите редови appeared first on plusinfo.mk.

Напаѓачот на Тотенхем, Хари Кејн најави дека нема да го напушти лондонскиот клуб во летниот преоден рок.

– Беше неверојатно да се види приемот што навивачите на Спарс ми го приредија во неделата и да ги прочитам пораките за поддршка што ги добив изминатите неколку недели. Летово ќе останам во Тотенхем и ќе бидам 100% фокусиран да му помогнам на тимот да успее – напиша Кејн на Твитер.

Претходно беше објавено дека Манчестер Сити му понудил на Тотенхем 150 милиони евра за 28-годишниот Кејн.

Минатата сезона, Кејн одигра 49 натпревари на сите турнири, постигна 33 гола и 16 асистенции.

The post НАВИВАЧИТЕ МОЖЕ ДА ЗДИВНАТ Кејн останува во Тотенхем appeared first on plusinfo.mk.