Трагичен инцидент се случи на централната плажа во Ханиоти, на Халкидики. Според пишувањата на грчките медиуми, животот го загубил 19-годишен државјанин на Македонија. Тој се удавил во морето.

Според извештајот на волонтерот-спасител и член на EAC, Јоанис Т. Колокитас, момчето доживеало срцев удар по давењето, при околности што сè уште не се целосно разјаснети.

Локалниот спасувач веднаш реагирал, а со помош на капачите, момчето било извлечено од водата. Следела итна реанимација, во која бил користен и автоматски надворешен дефибрилатор (AED).

Екипа на итната медицинска помош ЕКАБ пристигнала брзо и ја продолжила реанимацијата, но, и покрај сите напори, не било можно да се спаси животот на момчето.

Деветнаесетгодишникот бил префрлен во Здравствениот центар Касандрија, каде што лекарите подоцна ја констатирале смртта.

The post 19-ГОДИШЕН МАКЕДОНЕЦ СЕ УДАВИ ВО ГРЦИЈА Реагирале спасувачите, ама не успеале да го спасат appeared first on plusinfo.mk.

Утринава е забележано големо присуство на полицијата низ улиците на Скопје. Според нашите информации се вршат претреси во поголем број на објекти во кои живеат лица поврзани со тешки кривични дела меѓу кои и со убиството на Пластичарска улица со кое во Мај 2024 беше убиен Амар Исмани, а две лица беа тешко ранети, како и убиството на Орхан Бајрами Оки, кој беше убиен на 15 јули 2023 година во луксузна вила во Ханиоти на Халкидики во Грција.

„Под раководство на предметниот обвинител што постапува во предметот под кодно име „Бункер“, единиците на МВР од рано утринава вршат претреси на пет локации во Скопје. Акцијата е резултат на обезбедени докази во рамките на истражната постапка што се спроведува против членовите на криминалната група „Беланоца-Барон“.

Со повеќе информации обвинителството ќе излезе во текот на денот.

На 15 јули 2023 година двајца маскирани напаѓачи влегле во апартманот каде што престојувал Бајрами и отвориле оган, при што биле испукани 19 куршуми. Бајрами почина на лице место, додека неговиот пријател беше сериозно повреден, но истиот преживеа.

Дали со последната акција се комплетира целиот мозаик од случајот со убиството на Орхан Бајрами, но и убиството на Амар Исмани, за кои веќе има и други лица кои се под истрага и во затво? Со ова полицијата задава комплетен удар на целокупната криминално бандитска мрежа, покажува храброст и решеност да расчисти со сите рецидиви на криминалнотот раководење на СДСМ и ДУИ.

На овој начин полицијата заедно со обвинителството е во насока да направи целосна реконструкција на настаните поврзани со убиствата на поголем број членови на криминални групи кои хараа низ улиците на Скопје и помагаа на светски криминалци да добијат Македонски пасоши кои непречено се шетаа низ целиот свет.

На крај се поставува прашањето дали е случајно или не, во овој момент Директорот на БЈБ да биде лично дискредитиран како дел од партиската кампања на СДМС за наводни лажни дипломи, кој целиот свој работен век го поминал во полицијата, а својата кариера ја започнал како униформиран полициски службеник на своите 18 години. Дали обезбедување на правдата со овој голем случај но и со многу други истраги кои беа спроведени во изминатите месеци некого плаши дека со расчистување на политичкото подземје, истото повеќе нема да може да се користи за политички уцени.

The post ГОЛЕМА ПОЛИЦИСКА АКЦИЈА, СЕ ПРЕТРЕСУВААТ 5 ЛОКАЦИИ ВО СКОПЈЕ Полицијата обезбеди докази против групата Беланоца-Барон appeared first on plusinfo.mk.

– Основното јавно обвинителство Скопје донесе Наредба за спроведување истражна постапка против едно лице за кривично дело кое во македонскиот Кривичен законик е предвидено како – Убиство од член 123 став 2 точка 3 во врска со став 1 и член 22, како и за Неовластено изработување, држење, посредување и тргување со оружје и експлозивни материи според член 396 став 3 – велат од ОЈО.

Како што посочуваат од Јавното обвинителство, осомничениот 33-годишник на 15 јули 2023 година, во Ханиоти, Република Грција, заедно со уште едно засега непознато лице, со умисла го лишиле од живот сега покојниот Орхан Бајрами, а ги довеле во опасност и животите на уште четири лица.

– По претходен договор, осомничениот и неговиот соизвршител маскирани пристигнале во туристичкиот комплекс каде била сместена жртвата и се приближиле до отворената задна балконска врата. Осомничениот од огнено оружје – пиштол „Црвена застава“ со калибар 7,65 мм со пригушувач испукал 11 куршуми, а неговиот соучесник со пиштол од ист калибар уште 8 куршуми во правец кон оштетените. Од куршумите, три завршиле во телото на сега починатиот, нанесувајќи му смртоносни повреди. Грчките истражни органи имаа издадено налог за апсење на осомничениот, како и Европски налог за апсење и меѓународна потерница поради сомненија за кривични дела – Намерно убиство со соучесништво и Обид за сериско и соучесничко убиство на територијата на Република Грција – велат од Обвинителство.

Како што наведуваат од ОЈО, со оглед на тоа што станува збор за македонски државјанин за кого не постои можност за екстрадиција, врз основа на инструментите за меѓународна правна соработка, грчките власти го отстапиле кривичното гонење на Основното јавно обвинителство Скопје.

Јавниот обвинител до Основниот кривичен суд во Скопје доставил предлог за определување мерка притвор за осомничениот.

The post ОТВОРЕНА Е ИСТРАГА ЗА УБИСТВОТО НА ОРХАН БАЈРАМИ-ОКИ ВО ХАНИОТИ Осомничен е 33-годишен маж од Македонија appeared first on plusinfo.mk.

Снинмка од безбедносните камери на плажата Ахинос Тути ја покажува пресметката меѓу тројца Бугари во туристичкото место Ханиоити на првит крак на Хаклидики. Во тепачката во преполниот ресторан летаат столчиња, а влегуваат уште тројца мажи. Клиентите бегаат. Се слушаат врисоци и паника.

Волонтер од местото по име Јоанис за бТВ раскажа како дознал за случајот и како влегол во ресторанот:

– Ќерка ми рече дека има мали деца. Сите се забавуваа. Сè се случи за неколку секунди. Како да дојде пеколот. Истрели насекаде. Ја добив опремата и почнав да помагам. Влегов внатре – прво видов човек со куршум во градите. Веднаш повикав брза помош – вели тој.

По масовната тепачка и пукање меѓу Бугари во грчки ресторан на Халкидики, тројцата Бугари кои беа повредени во метежот остануваат во болница, објектот останува затворен, а има зголемено присуство на полиција.

Причините за пукањето сè уште се истражуваат. Според очевидци, во ресторанот имало повеќе од 400 луѓе, меѓу кои и мали деца.

ОРУЖАНА ПРЕСМЕТКА ВО ХАНИОТИ Повредени тројца Бугари

The post 📽️ СЕ ПОЈАВИ СНИМКА ОД ПУКАЊЕТО ВО ХАНИОТИ Во ресторанот имало над 400 луѓе, меѓу кои и мали деца appeared first on plusinfo.mk.

Тројца бугарски државјани се повредени во пресметка што се случила ноќеска во познатото грчко летувалиште Ханиоти на Халкидики.

Група бугарски државјани нападнале сопственик на кафеана во Ханиоти и сонародник, удирајќи ги со тупаници и клоци по лицето и телото. При пресметката одекнале пет-шест истрели, по што гостите почнале да бегаат од локалот каде имало со жива музика, пишуваат грчките медиуми. Волонтерот што прв стасал да помогне сведочи дека бил употребен и пепер спреј.

Како што пренесуваат грчките медиуми, еден маж е ранет од огнено оружје во градниот кош, друг со нож, а трет се здобил со повреди од тепање. Повредените со возило на Брза помош од Ханиоти биле пренесени во Здравствениот дом Касандриа и во болницата во Полигирос.

Медиумите шпекулираат дека во пресметката е вмешана бугарската мафија.

Дописничката на МИА од Атина јави дека пет лица се уапсени и се трага по уште едно лице, а повредени се тројца во пукање во кафуле на плажа во Ханиоти на Халкидики во кое, според грчките медиуми, учествувале бугарски државјани, а не е исклучена веројатноста да се работи за мафијашка пресметка.

Инцидентот се случил доцна синоќа кусо пред полноќ додека во барот се одржувала музичка вечер и присутни биле и семејства со деца, а причините за пукањето засега се непознати.

Според државната телевизија ЕРТ инцидентот бил помеѓу сопственикот на кафулето и неколку лица, кои почнале да пукаат со огнено оружје.

Се трага по лицето што пукало.

The post ОРУЖАНА ПРЕСМЕТКА ВО ХАНИОТИ Повредени тројца Бугари appeared first on plusinfo.mk.

„За жал, вчера околу 20 часот бевме сведоци на тепачка на двајва мажи поради риболов, додека луѓето се уште се капеа, еден човек почна да лови риба. Другиот му рече дека не смее, а овај му врати со пцости и така почна тепачка. Денеска слушнавме дека рибарот заработил два скршени заба, пукната аркада и задниот дел од главата со камен. Беше застрашувачки да се види сето тоа, особено што нивните деца гледаа и врескаа. Локалниот лекар не го ни прегледал, туку веднаш го испратил во болница. Вака човек си го расипува одморот и за себе и за семејството“, напиша таа.

Во коментарите многумина додадоа дека требало да се изостави дека се работи за Срби.

The post СКРШЕНИ ЗАБИ И ПУКНАТА АРКАДА Се степале Срби на плажа во Ханиоти appeared first on plusinfo.mk.

Според грчките медиуми станува збор за ликвидација. Според очевидци, маскирани напаѓачи упаднале во изнајмената хотелска соба каде биле сместени жртвите и почнале да пукаат, испукувајќи повеќе од 20 куршуми и избегале од местото.

Набргу потоа непознато лице се јавило на 112 и пријавило дека некој бара помош. Повредените биле пренесени во Здравствениот дом Касандра на Халкидики, каде било констатирано дека 39-годишниот бизнисмен им подлегнал на повредите, додека вториот маж, на возраст од 45 години, е хоспитализиран во болница во Полигрос.

Како што јавува порталот Iefimerida, повикувајќи се на полициски извори, станува збор за Орхаин Баграини (роден 1984 година) кој е починат, додека Сеад Слезовиќ (1978) е повреден. Двајцата бизнисмени биле активни во Северна Македонија, имале казино, како и фабрика за пијалоци, а во моментот биле во посета на Халкидики.

Всушност, денеска напладне двајцата бизнисмени требало да се одјават од хотелот, велат извори на медиумот.

Прелиминарна истрага врши Полициско одделение Полигирос.

The post ДВАЈЦА МАКЕДОНСКИ ДРЖАВЈАНИ ЗАСТРЕЛАНИ ВО ХАНИОТИ Едниот веднаш починал, другиот е хоспитализиран appeared first on plusinfo.mk.

Мајката на девојчето за грчките медиуми изјави дека нејзината ќерка била со пријатели на одмор во Ханиоти. Тие биле на забава во вторникот вечерта, а потоа во раните утрински часови во средата, отишле да јадат во локален ресторан за брза храна.

-Ќерка ми јадела виршла, но беше алергична на млечни производи и отсекогаш беше внимателна кога јаде надвор. Не знам што точно се случило и дали имало нешто млечно во тоа што го јадела, колабирала веднаш штом го изела сендвичот со виршла, потресено открива мајката на починатата тинејџерка, пренесува Ореокастро24.гр

Еден од нејзините пријатели веднаш отрчал во собата каде што престојувале за да и донесе лекови, а во меѓувреме повикале и брза помош која според сознанијата на грчките медиуми, пристигнала по 45 минути.

-Според доказите се чини дека моето девојче доживеало алергиски шок и почина. Таа беше најубавото дете и почина на само 16 години, без помош. Во болницата два пати се обидувале да ја реанимираат, но не успеале – вели неутешната мајка.

Девојчето наводно прашало дали храната содржи некои од состојките на кои била алергична, а од ресторанот и дале негативен одговор. Но, откако го изела оброкот доживеала алергиски шок кој бил фатален.

Погребот на девојчето е денеска во Ореокастро, малото место е завиено во тага од трагичниот настан.

ТРАГИЧНА СМРТ НА ХАЛКИДИКИ Тинејџерка починала на ручек во ресторан

The post (ВИДЕО) ИЗЕЛА ХОТ-ДОГ И КОЛАБИРАЛА Откриени детали за трагичната смрт на 16-годишната тинејџерка на Халкидики appeared first on plusinfo.mk.

Момчето било на гумен чамец, објавија во групата „Никана“ на Фејсбук.

Кога сфатиле дека момчето го нема и го виделе во водата, неколку луѓе, меѓу кои и родителите, се обиделе да го спасат, но залудно пливале за да стигнат до момчето, бидејќи детето се оддалечувало и струите го го носеле се подалеку од брегот. По 30 минути агонија и повикување на помош од сите присутни во тој момент, маж на скутер дошол до детето и го извлекол на брегот. Момче било вратено живо и здраво на брегот кај неговите загрижени родители.

Драмата на плажата во Ханиоти за среќа, добро се завршила, но бидејќи ова не е прва ваква ситуација, упатен е апел до родителите да не ги оставаат децата сами со душеци и со гуми за пливање, посебно во периоди кога има ветар и силни морски струи.

За потсетување, слична ситуација се случи во Ханиоти и пред две години, кога тригодишното девојче беше однесено од морето на километри оддалечено, а беше спасено од екипаж на траект.

Минатата година пак, три возрасни момчиња од Македонија на Халкидики беа однесени од морските струи, двајца беа спасени, но 20-дневната потрага по третиот, Мартин Јовановски, беше безуспешна.

The post ДРАМА ВО ХАНИОТИ, РОДИТЕЛИ БИДЕТЕ ВНИМАТЕЛНИ! Спасено двегодишно дете, морската струја го однела два километри од брегот appeared first on plusinfo.mk.

Видеото, кое, според некои, го прикажува несоодветното однесување на српските туристи, и за кое се вели дека го срамат својот народ во странство, се појави на Фејсбук групата „Live from Greece“. На него може да се видат како туристите како бездушни по отворањето на плажата трчаат да земат лежалки што е можно поблиску до брегот.

Во целата турканица, една туристка се сопна и заринка со главата во песокот, иако реално немаше причина да брза да зафати лежалката, бидејќи ги има многу слободни на плажа.

Имаше и такви кои мислат дека видеото од плажата во Ханиоти, како што напиша еден од членовите на оваа група на Фејсбук во описот, е монтирано. Но, секој извлекува заклучоци врз основа на она што го гледа или слуша. Затоа, оставаме на вас да процените.

И она што може да се прочита во последните неколку дена од групи кои се занимаваат со слични теми, е поврзано со оваа тема. Дали е можно грчките домаќини да се толку груби, што не ни дозволуваат да одиме на ручек и да се вратиме на нашите лежалки? Исто така, оставивме крпи за да ги зачуваме нашите места. Ова се прашања за кои неодамна се „водеше битка“ меѓу луѓето.

И додека има некои кои со цело срце го поддржуваат принципот – ние користиме лежалки и чадори додека сме тука, иако можеби сме платиле за нивната употреба, и кога одиме и се враќаме повторно, повторно плаќаме, има и други. Тие мислат дека со право ги оставаат крпите на лежалките и одат во станот или хотелот да ручаат и да дремнат. Потоа се враќаат на плажа сѐ уште уживајќи на лежалките што ги платија утрото.

The post ТРИ, ЧЕТИРИ, СТАРТ! Српски туристи се „борат“ во Ханиоти за лежалка (ВИДЕО) appeared first on plusinfo.mk.