Светската премиера ќе се случи на 23 ноември, проследена со панел-дискусија со режисерот на филмот Џоел Соуза, кој исто така беше повреден на снимањето, како и кинематографите Бјанка Клајн и Стивен Лајтхил.

Алек Болдвин нема да присуствува на првото прикажување, објави „Холивуд репортер“.

„Снимателите ќе разговараат за настаните околу филмот, нудејќи увид во продолжувањето на продукцијата по смртта на Халина. Одржувањето на уметничката визија на Хачинс беше навистина важно за филмаџиите бидејќи се надеваа дека ќе ја исполнат својата должност да ја завршат нејзината работа“, се вели во најавата.

Хачинс (42) беше убиена со пиштол што го користел глумецот и продуцент Алек Болдвин. Во оружјето, наместо лажни куршуми имало вистински куршум. И Болдвин беше обвинет за убиство од небрежност, но Судот го ослободи од обвиненијата.

Хана Гутјерез Рид, која беше задолжена за огненото оружје на снимањето на филмот, беше осудена за убиство од небрежност во март. Таа издржува казна од 18 месеци.

„’Рѓа“ раскажува приказна за 13-годишно момче, оставено да се грижи за себе и за својот помал брат по смртта на нивните родители во Вајоминг (САД) во 1880-тите. Детето се впушта во бегство со својот отуѓен дедо откако тој е осуден на бесење за случајно убиство, се вели во описот на филмот.

Вдовецот на Хачинс првично поднесе тужба против Болдвин и другите вклучени во продукцијата на филмот. Сѐ тoa се заврши со спогодба склучена лани, при што не се објавени подробности.

The post ЌЕ СЕ ПРИКАЖУВА ПРОБЛЕМАТИЧНИОТ ФИЛМ НА АЛЕК БОЛДВИН На снимањето на „’Рѓа“ беше застрелана кинематограферката appeared first on plusinfo.mk.

Во март, Гутиерез-Рид (27) беше прогласена за виновна за ненамерно убиство поради погрешно ставање вистински куршум во револверот кој Болдвин го користел на филмски сет во Санта Фе, Ново Мексико.

Гутиерез-Рид ја доби максималната можна казна.

Пукањето го шокираше Холивуд и се верува дека е првпат во поновата историја член на филмска екипа или актерска екипа да биде убиен од „жив“ куршум.

Судијката Мери Марлоу Сомер, која ја изрече казната во понеделникот пред судот во Ново Мексико, рече дека дејствијата на Гутиерез-Рид претставувале сериозно, тешко дело извршено на физички насилен начин.

„Го претворивте безбедното во смртоносно оружје“, рекла судијката Сомер обраќајќи и се на Гутиерез-Рид.

Судењето на Болдвин за убиство од небрежност е закажано за 10 јули.

Убиството на Хачин ги поттикна американските филмски и телевизиски продукции да престанат да користат вистинско огнено оружје и муниција.

Но, две ипол години подоцна, многумина ги користат повторно поради реалните ефекти што ги произведуваат, според експертите за оружје.

The post 18 МЕСЕЦИ ЗАТВОР Падна првата пресуда за убиството на Халина Хачинс, што се случува со Алек Болдвин appeared first on plusinfo.mk.

Додека Алек негира дека го повлекол чкрапалото од пиштолот со кој потоа е застрелана камерманката, експертите за оружје сега велат дека чкрапалото „сигурно било повлечено“.

Новиот извештај, напишан од експертите за оружје Лусиен Хаг и Мајк Хаг, беше доставен до обвинителите во Ново Мексико во вторникот, пишува „Дејли мејл“.

– Иако Алек Болдвин постојано негира дека го повлекол чкрапалото, имајќи ги предвид тестовите, наодите и набљудувањата за кои тука се известува, чкрапалото морало да е повлечено или притиснато доволно за да го ослободи целосно набиениот или повлечен чекан на доказниот револвер – стои во извештајот за оружје кој е вклучен во судските документи.

Да потсетиме, актерот ја застрела камерманката со реквизит на филмскиот сет, а во инцидентот беше ранет и режисерот Џоел Соуза. На снимањето на вестернот, Болдвин вежбал сцена со револвер и испукал вистински куршум во Халина Хачинс, која почина.

Болдвин ја негираше одговорноста за убиството, рече дека пиштолот не бил наполнет и дека никогаш не го повлекол чкрапалото. Тој исто така рече дека Гутиерез-Рид и другите експерти за оружје требало да се погрижат да нема куршуми во него.

Сè уште не е јасно дали наодите од новиот извештај ќе резултираат со повторно покренување обвинение против Алек Болдвин.

За потсетување, првиот асистент на режисерот на „Рѓа“, Дејв Холс (63), во март беше осуден на шест месеци условна казна по спогодба за признавање вина. Тоа беше прва пресуда во тој случај, а беше изречена за несовесна употреба на огнено оружје. Токму Холс, на 21 октомври 2021 година, му пружил на Алек Болдвин пиштол што требало да биде наполнет со лажни куршуми.

The post ПРЕСВРТ ВО СЛУЧАЈОТ СО УБИСТВОТО НА ХАЛИНА ХАЧИНС Проблеми за Болдвин, новиот извештај вели поинаку appeared first on plusinfo.mk.

Снимањето ќе се одвива на филмскиот ранч Јелоустон во Монтана. Пред несреќата, снимањето беше на ранчот Бонанца Крик во близина на Санта Фе, Ново Мексико.

Хачинс (42) им подлегна на повредите во октомври 2021 година, откако беше застрелана од огнено оружје што го држеше Болдвин, кој е продуцент на филмот и главна ѕвезда. Болдвин, кој ја усмрти Халина и го рани режисерот Џоел Соуза, рече дека му било кажано да употреби пиштол Колт- 45 кој нема вистински куршуми.

Болдвин беше обвинет за убиство од небрежност и се изјасни за невин. Под истото обвинение е и Хана Гутиерез-Рид, одговорната за оружјето на сетот. Доколку бидат прогласени за виновни, им се заканува затворска казна до 18 месеци и парична казна од 5.000 долари. Почетокот на прелиминарното рочиште е закажано за мај.

Метју Хачинс, сопругот на убиената Халина, сега ќе биде извршен продуцент на „Рѓа“, а Бјанка Клајн ќе ја преземе работата на Хачинс, односно ќе биде снимателка.

Во продукцијата се враќа и режисерот Џоел Соуза, кој беше ранет во пукањето. Продуцентите ги ангажираа Гери Џенсен и Пол Џордан, кои ќе бидат задолжени за безбедноста на сетот.

The post СНИМАЊЕТО НА „РЃА“ НА БОЛДВИН ПРОДОЛЖУВА В ЧЕТВРТОК Муницијата ќе биде забранета на сетот appeared first on plusinfo.mk.

Тужбата ја поднеле Рос Адиего, Доран Кертин и Рис Прајс, кои биле во близина на актерот во моментот на инцидентот. Како што тврдат, тие претрпеле и оштетување на слухот откако актерот испукал куршум од пиштолот. Во тужбата навеле дека актерот не внимавал доволно на тренинзите со огнено оружје и дека не проверувал соодветно дали пиштолот е наполнет со куршуми.

Потсетуваме, минатиот четврток против актерот беше намалено обвинението за убиство од небрежност, па можно е да добие и помала затворска казна. Досега можеше да добие затворска казна од минимум пет години, но со изменетиот обвинителен акт, во кој беше отстранета отежнувачката околност дека убиството е извршено со огнено оружје, затворската казна сега изнесува најмногу 18 месеци.

Алек Болдвин се изјасни за невин на судењето во четвртокот.

The post НЕМА МИР ЗА АЛЕК БОЛДВИН Нови три тужби против актерот поврзани со убиството на Халина Хачинс appeared first on plusinfo.mk.

Главната окружна обвинителка на Ново Мексико, Мери Кармак-Алтвис, минатиот месец ги обвини Болдвин и задолжената за оружје на сетот Хана Гутиерез-Рид за две точки од обвинението за убиство од небрежност во смртта на снимателката Халина Хачинс. Најсериозната точка од обвинението предвидува потенцијална затворска казна од пет години.

Во петокот, Кармак-Алтвис поднесе изменето обвинение против Болдвин и Гутиерез-Рид, отстранувајќи го како отежителна околност фактот дека убиството е извршено со огнено оружје. Тоа значи дека затворската казна со минимум пет години сега е намалена на најмногу 18 месеци.

„За да се избегне понатамошно попречување на постапката за г-дин Болдвин и неговите адвокати, окружниот обвинител и специјалниот обвинител го отстранија додатокот огнено оружје од обвинението за ненамерно убиство во случајот со смртта на Халина Хачинс на сетот на „Рѓа“, наведува во соопштението​​портпаролката на првиот окружен обвинител Хедер Бруер.

Актерот ја отфрли одговорноста за убиството, велејќи дека никогаш не го повлекол чкрапалото и дека задача на Гутиерез-Рид и другите експерти за огнено оружје е да се уверат дека нема куршуми во него.

Гутиерез-Рид рече дека се уверила дека куршумите во пиштолот се лажни пред да му го предаде на првиот помошник режисер Дејв Холс. Холс му го предал револверот на Болдвин велејќи дека е „ладен“, што значи дека нема експлозивно полнење.

Според безбедносните упатства на филмската индустрија, актерите претпоставуваат дека нема вистински куршуми во огненото оружје, кои се строго забрането на сетови.

The post ИЗМЕНЕТО ОБВИНЕНИЕТО ПРОТИВ БОЛДВИН ЗА УБИСТВОТО НА ХАЛИНА ХАЧИНС Можна помала казна appeared first on plusinfo.mk.

Болдвин е обвинет за убиство од небрежност, како што беше најавено претходно овој месец, пишува „Дејли мејл“.

Доколку биде прогласен за виновен, на славниот актер му се заканува затворска казна до пет години. Болдвин изјавил дека ќе се бори против таквите обвинувања и тврди дека сѐ што се случило било само трагична несреќа.

Снимањето на овој филм каде што се случи убиството ќе продолжи, а во главната улога ќе продолжи и самиот Болдвин.

До трагедија дојде при пробната сцена од филмот „Рѓа“ кога актерот пукал од пиштол за кој се верувало дека е реквизит, а во него нема вистински куршуми. Меѓутоа, се испоставило дека станува збор за вистински пиштол, а куршумот ја погодил и ја усмртил Халина Хачинс.

The post АЛЕК БОЛДВИН И ОФИЦИЈАЛНО ОБВИНЕТ ЗА УБИСТВО Му се заканува затворска казна до 5 години! appeared first on plusinfo.mk.

– Актерот и продуцент Алек Болдвин и Хана Гутиерез-Рид ќе бидат обвинети по две точки за ненамерно убиство. Утврдив дека има доволно докази. Кога јас сум тука, никој не е над законот и сите заслужуваат правда – изјавила окружната обвинителка на Санта Ге, мери Кармак-Алтвис.

Обвиненијата ќе бидат поднесени до крајот на месецот, а обвинетите веќе најмиле адвокати за да се борат на суд. И двајцата се соочуваат со 18 месеци затвор и парична казна од 5.000 долари  доколку бидат осудени. Ним ќе им суди порота, соопштија обвинителите.

Филмскиот режисер Џоел Соуза исто така беше ранет во престрелката, но обвинителите соопштија дека нема да бидат покренати обвиненија во врска со тоа.

Во изјавата, сопругот на почината Халина Хачинс, Метју, рече дека го поддржува поднесувањето на обвиненијата.

– Утеха е за нашето семејство што во Ново Мексико никој не е над законот – рече тој.

Адвокатот на Болдвин, Лук Никас, ги нарече обвиненијата „ужасна утка на правдата“.

– Г-дин Болдвин немаше причина да верува дека имало жив куршум во пиштолот – или каде било на снимањето – изјавил адвокатот.

– Тој се потпираше на професионалците со кои работеше, кои го увериле дека пиштолот нема живи куршуми. Ќе се бориме со овие обвиненија и ќе победиме – додава тој.

Адвокатот на второобвинетата Хана Гутиерез-Рид, задолжена за реквизитите во филмот, рече дека обвиненијата се резултат на „многу погрешна истрага и неточно разбирање на целосните факти“.

– Хана е и отсекогаш била многу емотивна и тажна поради оваа трагична несреќа – рече адвокатот Тод Булион.

– Но, таа не извршила ненамерно убиство од небрежност – додава тој.

Смртта на Халина Хачинс доведе до повици за поголеми безбедносни прописи за филмските сетови.

По пукањето, Алек Болдвин изјави дека пиштолот погрешно пукал. Тој додаде дека не го повлекол чкрапалото и не бил свесен дека е наполнет.

– Не знам што се случи на тој сет. Не знам како стигна тој куршум во тој пиштол. Не знам – рече тој.

Во октомври, 64-годишниот актер и продуцентската куќа на филмот постигнаа спогодба со семејството на г-ѓа Хачинс за неименувана сума на пари.

Тоа се случи откако сопругот на Хачинс поднесе тужба за погрешна смрт во која се наведува дека биле прекршени индустриските стандарди.

– Сите ние веруваме дека смртта на Халина била страшна несреќа. Немам интерес да се впуштам во обвинувања или припишување вина – изјави сопругот.

Производството на филмот требаше да продолжи оваа година, со сопругот на Хачинс како извршен продуцент.

The post НА БОЛДВИН ЌЕ МУ СЕ СУДИ ЗА УБИСТВО ОД НЕБРЕЖНОСТ Му се закануваат 18 месеци затвор за смртта на Халина Хачинс appeared first on plusinfo.mk.

„На овој ден“, напиша Болдвин покрај фотографијата на Хачинс создадена на еден од сетовите.

Во трагедијата која се случи лани во октомври Болдвин го повреди и  режисерот Џоел Соуза. Трагедијата се случи на ранч во Санта Фе, на снимањето на филмот „’Рѓа“.

Дел од неговите следбеници го осудија овој потег на Болдвин.

„Не можам да верувам дека Болдвин мислеше дека е добра идеја да ја објави оваа фотографија“, напиша еден од коментарите.

„Да, ова е навистина одвратно“, се согласи друг.

 

View this post on Instagram

 

A post shared by Alec Baldwin (@alecbaldwininsta)

Инаку, Болдвин на почетокот на месецов се договори со семејството на починатата снимателка. Како дел од спогодбата, сопругот на Хачинс, Метју, ќе учествува во понатамошната продукција на филмот и ќе работи како продуцент и ќе добие дел од профитот. Филмот ќе продолжи со снимање следната година.

„Немам интерес да обвинувам или да ја префрлам вината (на продуцентите или г-дин Болдвин). Сите веруваме дека смртта на Халина беше страшна несреќа. Благодарен сум што продуцентите и забавната заедница се собраа да го почестат последното дело на Халина“, напиша Хачинс во соопштението.

Во февруари годинава семејството на снимателката која случајно беше убиена го тужеше американскиот актер и побара „суштинска“ отштета за нејзината смрт.

The post „НА ОВОЈ ДЕН“ Болдвин објави фотографија на Халина Хачинс на годишнината од смртта appeared first on plusinfo.mk.

Тужбата, поднесена во февруари во Санта Фе, против Болдвин, продуцентската куќа на филмот и другите клучни членови на екипата, наведува дека има бројни прекршувања на стандардите на филмската индустрија за време на снимањето.

Метју Хачинс, вдовецот на Халина Хачинс, која беше убиена на снимањето, ќе биде извршен продуцент на филмот и ќе добие дел од профитот, се додава во соопштението.

„Постигнавме спогодба, која е предмет на судско одобрување. Како дел од таа спогодба, нашиот случај ќе биде отфрлен. „Рѓа“, на кој сега ќе бидам извршен продуцент, ќе продолжи со снимањето со сите првобитни главни актери во јануари 2023 година. Сите веруваат дека смртта на Халина била страшна несреќа. Благодарен сум што продуцентите и забавната заедница се собраа да оддадат почест на последното дело на Халина“, рекол Метју Хачинс во соопштението.

Режисерот на филмот, Џоел Соуза, кој исто така беше повреден во пукањето, треба да се врати во филмот.

„Оние од нас кои имавме среќа да поминат време со Халина, знаеја дека таа е исклучително талентирана, љубезна, креативна и извор на неверојатна позитивна енергија. Посакувам светот да ја запознаеше под поинакви околности, како што сигурно ќе се случи преку нејзината неверојатна работа. Во моите сопствени обиди да се излекувам, секоја одлука да се вратам да го завршам режирањето на филмот би можела да ми има смисла само ако е направено со учество на семејството Хачинс. Иако е секако горчливо, мило ми е што заедно сега ќе го завршиме она што Халина и јас го започнавме. Секој мој труд за овој филм ќе биде посветен на чествувањето на наследството на Халина“, рекол Соуза во изјавата.

The post ПО УБИСТВОТО НА СНИМАТЕЛКАТА КОНЕЧНО ДОНЕСЕНА ОДЛУКА Болдвин постигна договор со семејството на Халина Хачинс appeared first on plusinfo.mk.