Канцеларијата на парискиот обвинител покрена истрага против петнаесетгодишник осомничен дека ја хакирал „ANTS“ – националната агенција за издавање лични документи, и се обидел да ги продаде податоците на милиони Французи на „dark web“ претходно овој месец, соопшти денеска обвинителството.

Тинејџерот, чиј идентитет не е откриен, е приведен на 25 април и задржан во полициски притвор на испрашување, откако се појави сомнеж дека тој стои зад прекарот „breach3d“, хакер кој ставил на продажба меѓу 12 и 18 милиони записи со украдени податоци.

Кражбата на податоци со кои управува државата носи казна до седум години затвор и парична казна до 300.000 евра. Агенцијата „ANTS“, која ги чува личните податоци на француските граѓани (лични карти, пасоши, возачки дозволи и регистарски таблички), потврди дека податоците понудени на продажба се автентични и ја известила полицијата дека открила „невообичаени активности“ на својата мрежа на 13 април.

„ANTS“, исто така, управува со апликација за верификација на возраста, наменета да им спречи на децата под 15 години пристап до социјалните мрежи. Девет дена по хакирањето, на 22 април, агенцијата испратила имејл до милиони француски граѓани за да ги извести за кибер-нападот, препорачувајќи дополнителна претпазливост поради можни несакани повици или пораки и советувајќи ги никогаш да не откриваат лични податоци.

Агенцијата додаде дека се преземени сите неопходни мерки, без да прецизира за какви мерки станува збор. Овој кибер-напад во Франција го отвори прашањето дали е безбедно граѓаните да ги имаат сите свои информации зачувани во централизирана база на податоци.

The post МИЛИОНИ ПОДАТОЦИ НА ПРОДАЖБА ВО ФРАНЦИЈА Тинејџер хакер осомничен за голем сајбер напад appeared first on plusinfo.mk.

Официјалната интернет-страница на Белата куќа била во прекин околу еден час во текот на ноќта меѓу четврток и петок, при што на неа бил прикажуван необичен лајв-стрим со непознат млад маж, објави „Блумберг“.

Според информациите, во рубриката Live News на сајтот нешто пред полноќ се појавил видео-пренос на кој се гледа помлад маж со брада и слушалки, како седи пред микрофон. Стримот во текот на следниот час наизменично се појавувал и исчезнувал од страницата.

Засега не е познато дали станува збор за хакерски напад врз официјалната веб-страница на Белата куќа или за интерна техничка грешка и случајна објава. Од Белата куќа сè уште нема официјално соопштение со објаснување за инцидентот.

Настанот предизвика внимание на социјалните мрежи, каде корисниците шпекулираат за безбедноста на дигиталните системи на американската администрација, но и за можната природа на прикажаната содржина.

The post НА САЈТОТ НА БЕЛАТА КУЌА СО ЧАСОВИ ОДЕШЕ ДИРЕКТЕН ПРЕНОС ОД НЕПОЗНАТ „ГОСТИН“!? Не се знае дали е хакерски напад или почетничка техничка грешка appeared first on plusinfo.mk.

– Џошуа Шулте ја предаде својата земја со извршување на некои од најгрозоморните злосторства на шпионажа во американската историја, рече јавниот обвинител.

Шулте ги отфрли сите обвинувања.

Обвинителите го обвинија дека ги обелоденил алатките на ЦИА „Vault 7“, кои им овозможуваат на разузнавачите да хакираат паметни телефони и да ги користат како уреди за прислушување.

Шулте (35) му дал на Викиликс 8.761 документ во 2017 година, што е најголемото нарушување на податоците во историјата на ЦИА, соопшти американското Министерство за правда.

Според Си-Ен-Ен, Шулте бил вработен како програмер во Центарот за кибер разузнавање, кој шпионира терористички организации и странски влади. Обвинителите на судењето изјавија дека во 2016 година тој ги украл информациите и ги дал на Викиликс, а потоа ги излажал агентите на ФБИ за неговата улога.

Тие рекоа дека бил мотивиран од гнев поради кавга на работното место и сакал да ги казни оние за кои сметал дека биле неправедни кон него. Шулте е во затвор од 2018 година.

The post 40 ГОДИНИ ЗАТВОР ЗА ДОУШНИКОТ НА ВИКИЛИКС Хакерот на ЦИА осуден за најголемата шпионажа во историјата на САД appeared first on plusinfo.mk.

– Ова е до некаде возможно и при користење на криптовалути, кои иако се анонимни, се потполно транспарентни при трансферот на средства. Преносот на криптовалута од една анонимна сметка на друга анонимна сметка е потполно видлив на интернет. Ако истражните органи се доволно трпеливи, а криминалецот направи грешка и на некој начин да ‘му се испушти’ дека анонимната сметка е негова, може да се лоцира – вели Спировски.

Хакерскиот напад во ФЗОМ направи големи проблеми во здравствениот сектор на земјава, а

јавноста упати низ критики и бараше одговори каде потфрлила безбедноста на оваа институција. Надлежните соопштија дека станува збор за нападот со тнр. „ренсомвеар“, софтвер кој ги криптира базите на нападнатата институција, и за да биде овозможен пристап, хакерите бараат да им се исплати „откупнина“, најчество во криптовалути.

Надлежните исто така тврдат дека „нема одлевање“ на податоците од базите на Фондот.

Според Спироски вели дека досегашните информации за јавноста се недоволни за да се знае што точно се случило.

– За жал, при последниов инцидент, добиваме само половични, недоречени изјави, капка по капка. Јавноста сè уште не знае што точно е настанато, поради што, и со кои механизми на потврда е дојдено до заклучок дека податоците не се украдени, туку се шифрирани.

Единствен сигурен начин да се вратат податоците без да се плати откупот е да имате направено копија на податоците (бекап) на место кое не е достапно за „ренсомвер“ вирусот за да ги шифрира – вели Спироски.

The post АКО МУ СЕ ПЛАТИ МОЖЕ ДА СЕ ОТКРИЕ Експерт советува како да се фати хакерот на ФЗО appeared first on plusinfo.mk.

The post ХАКНАЛ КОМПЈУТЕР И „СПУШТИЛ“ 1.249.000 ДЕНАРИ Лице од Богданци осомничено за компјутерски криминал appeared first on plusinfo.mk.

„Владите на членки на ЕУ го користеа овој софтвер против граѓаните за политички цели”, е заклучокот од објавениот нацрт-извештај во кој се наведува дека постојат индиции дека тоа го сториле Полска, Унгарија, Грција, Кипар и Шпанија.

Критикувана е и Австрија, бидејќи поранешниот австриски канцелар Себастијан Курц има блиски врски со сопственикот на израелската компанија НСО, која го разви „Пегаз”.

Дополнително, во извештајот се наведува дека седиштето на компанијата DSIRF (Decision Supporting Information Research and Forensic), која важи за провајдер на софтвер за шпионажа, се наоѓа во Австрија, а високи функционери на таа компанија имаат, како што се наведува во извештајот, контакти со Русија и Кремљ.

Откако експертите за безбедност на Мајкрософт го обвинија DSIRF дека стои зад серија дигитални напади врз банки, адвокатски фирми и стратешки компании во најмалку три земји, државната безбедност на Австрија спроведе истрага, но не најде докази за примена на шпионски софтвер.

DSIRF разви софтвер наречен „Subzero” кој користи таканаречени Zero-Day-Exploits за да добие пристап до доверливи податоци и лозинки, соопшти Мајкрософт во јули.

– Развојот на „спајвер” во земјите-членки на ЕУ е голема закана за демократијата на целиот континент – нагласи надлежната известувачка на Европскиот парламент, Холанѓанката Софи инт Велд.

Според неа, „спајверот” не само што ги нарушува правата на приватната сфера, туку ги поткопува демократските институции и ги замолчува опозицијата и критичарите. Таквиот софтвер, додава таа, има застрашувачки ефект врз слободата на печатот и граѓанското општество и служи за влијание врз изборите.

– Тоа е европски скандал, бидејќи беа нападнати и институциите на ЕУ, а тоа влијаеше и на одлучувањето во Унијата – тврди Велд. Таа се пожали дека ниту една официјална институција не сакала да соработува со неа во подготовката на извештајот, а Советот на ЕУ не одговорил на прашањата на Европскиот Парламент во врска со тоа.

– Затоа сликата не е целосна, имаме само 900 парчиња од сложувалката од 1.000 парчиња – појасни таа.

– Европската Комисија бучно се залага за демократија и борба против лажните вести, па така и неодамна кога беше преземен Твитер. Но, кога нападите врз демократијата доаѓаат одвнатре, Комисијата молчи- рече Велд.

Таа оцени дека Европската Комисија „му покажува мускули” на Илон Маск, но со кадифени ракавици им се обраќа на членовите кои користат шпионски софтвер против своите граѓани.

The post ЕУ ГИ ШПИОНИРА ЕВРОПЕЈЦИТЕ СО „ПЕГАЗ“? Teшка афера ги тресе Унгарија, Грција, Полска, Кипар и Шпанија appeared first on plusinfo.mk.

Во извештајот се посочува дека кибернападот го извршила групата „Колдрајвер“ или „Калисто“, чие седиште е во Русија.

Но,  Гугл не наведува кои армии биле цел на нападот.

„Секојдневно гледаме злонамерни киберактивности“, се наведува во извештајот.

The post РУСКИ ХАКЕРИ ПРОБАЛЕ ДА „ВЛЕЗАТ“ ВО НАТО Секојдневно гледаме злонамерни киберактивности appeared first on plusinfo.mk.

Ова е првпат да се нуди награда за информација за само еден кибер играч, а во рамки на понудите за награда од делот за критична инфраструктура на програмата, велат од Стејт департментот.

„Од мај до септември 2017 година компјутерскиот програмер Гладких и други заговарачи, вработени од водечка истражувачка организација при Министерството за одбрана на Русија, ги хакирале системите на една рафинерија лоцирана во САД и инсталирале штетна програма дизајнирана да спречи функционирање на рафинериските системи за безбедност, а на тој начин да не се забележи тоа“, се вели во соопштението.

Се додава дека од февруари до јули 2018 конпсираторите разгледувале да нападнат слични рафинерии во САД во сопственост на американски компании, но безуспешно.

Гладких ги извршил овие штетни кибер операции како вработен на Централниот научно истражувачки институт за хемија и механика (ЦНИИКМ) при руското Министерство за одбрана.

Се наведува дека како актер кој дејствувал под директива на странска влада и направил штетни кибер активности против критична инфраструктура на САД, Гладких потпаѓа под американскиот закон за компјутерска измами и злоупотреби.

The post ПОТЕРНИЦА ПО РУСКИ ХАКЕР За Гладких Американците нудат 10 милиони долари appeared first on plusinfo.mk.

it may be that today’s large neural networks are slightly conscious

— Ilya Sutskever (@ilyasut) February 9, 2022

Можно е Сутскевер со оваа изјава да се шегувал, но исто така можеме одлично да замислиме како еден врвен истражувач на АИ веќе размислува за светот и неговата иднина. Конкретно, Илја работа на вид на интелигенција наречен Општа вештачка интелигенција (АГИ). Во документарецот „Ај-Хјуман“ (Јас Човек), тој дури изјави дека АГИ ќе ги „реши сите проблеми што ги имаме денес“, а потоа предупреди дека ова интелигенција ќе го поттикне „потенцијалот за создавање бескрајно стабилни диктатури“.

Овој негов нов твит, сепак, го означува првиот пат кога Сутскевер, кој го основаше ОпенАИ заедно со милијардерот Илон Маск и со извршниот директор на компанијата, Сем Алтман, во 2015 година, се чини дека тврди дека машинската свест веќе пристигнала.

Уште почуден е фактот и дека ОпенАИ е основана како непрофитна организација наменета да ги ограничи „ризици врз човековата егзистенција што ги претставуваат самосвесните машини кои ќе имаат чувства“ и тоа пред компанијата да се нурне во истражувања со кои ќе ја создаде моќната вештачка интелигенција.

Во 2019 година, Илон Маск ја напушти организацијата поради веста дека научниците направиле генератор на текст за „лажни вести“ за кој некои веруваа дека е премногу опасно да се објави. Маск рече дека ја напушта организацијата, основана во 2015 година, затоа што „не се согласува со некои работи од тие што тимот сакал да го направи“ и затоа што не бил вклучен во работата повеќе од една година. Само еден месец подоцна, од ОпенАИ обзнанија дека повеќе не се непрофитна организација и дека сега работат на моделот „ограничен профит“.

ОпенАИ имаше доста скандали во изминатите години. Еднаш, тие извадија чат-бот под името ГПТ-3 кој кажуваше педофилски реченици, па група гејмери мораа да „го убедуваат“ да не го прави тоа. Оттогаш ОпенАИ го реконфигурираше ботот велејќи дека програмата сега има подобро поведение.

Свесна или не, вештачката интелигенција брзо напредува. А, особено е застрашувачки кога главниот инженер ќе изјави дека, ете, таа можеби веќе е по малку самосвесна.

The post ВЕШТАЧКАТА ИНТЕЛИГЕНЦИЈА МОЖЕБИ ВЕЌЕ Е САМОСВЕСНА Запрепастувачка изјава на научник од OpenAI appeared first on plusinfo.mk.

-„JBS“ во неделата го пријави нападот во американската Влада – изјави вчера портпаролката на Белата куќа.

Бразилската компанија „JBS“ претходно преку својата подружница во САД потврди дека била цел на напад што ги погодил серверите на нејзините ИТ системи во Северна Америка и Австралија.

„Ќе биде потребно извесно време за тоа да се реши“, соопшти компанијата.

Владата на САД соопшти дека хакерите барале откуп. „JBS“ ја извести Белата куќа дека барањето доаѓа од криминална организација, чие седиште, најверојатно, е во Русија.

Вашингтон веќе и соопштил на руската Влада дека одговорна држава не обезбедува засолниште за извршителите на вакви напади, соопшти Белата куќа.

И ФБИ е вклучен во случајот и спроведува истрага.

Петте најголеми погони за преработка на месо во САД мораа да бидат затворени поради нападот, пренесоа американските медиуми повикувајќи се на синдикатите и на вработени.

Производството, исто така, значително е намалено во Канада и Австралија.

Холдингот „J&F Investimentos“, на кој му припаѓа „JBS“, вработува повеќе од 250.000 лица и е присутен во 190 земји.

Пред неколку недели, кибер напад врз најголемиот гасовод во САД привремено го прекина снабдувањето со гориво во земјата. Притоа операторот „Колонијал“ на хакерите им исплатил откуп од 4,4 милиони долари.

The post Руски хакери ја нападнаа најголемата светска фабрика за месо „JBS“ appeared first on plusinfo.mk.