Израел ја користи војната на Блискиот Исток како изговор за окупирање дополнителна територија, обвини денеска турскиот министер за надворешни работи, Хакан Фидан.

– Израел не сака да ја обезбеди својата безбедност. Израел сака поголема територија. Владата на Бенјамин Нетанјаху ја користи безбедноста како изговор за окупирање дополнителна територија – изјави Фидан на Дипломатскиот форум во Анталија.

Според шефот на турската дипломатија, покрај палестинските територии – Појасот Газа, Западниот Брег, Источен Ерусалим – Израел сега се обидува да ја оствари својата доминација и врз териториите што им припаѓаат на Либан и Сирија.

– Ова е континуирана окупација и експанзионизам. Ова мора да престане – рече Фидан.

Израел, додаде тој, создаде илузија на меѓународно ниво, преправајќи се дека му е потребна само сопствена безбедност.

Фидан изрази жалење што конфликтот на Блискиот Исток ги забавува напорите, вклучително и оние што ги презема Анкара, за прекин на конфликтот во Украина.

– Ова ја турна војната меѓу Русија и Украина во втор план – рече Фидан, повикувајќи на континуирани напори за прекин на војната во Украина, откако ќе се воспостави мир на Блискиот Исток.

Шефот на турската дипломатија веќе го обвини Израел во понеделникот дека сака да ја претвори Турција во свој „нов непријател“, откако израелскиот министер за надворешни работи Израел Кац ја опиша Турција како „хартиен тигар“.

The post ИЗРАЕЛ ОКУПИРА ДЕЛОВИ ОД ЛИБАН И ОД СИРИЈА, САКА ПОГОЛЕМА ТЕРИТОРИЈА Овој експанзионизам мора да престане, предупреди Фидан appeared first on plusinfo.mk.

Противвоздушните и противракетните одбранбени сили на НАТО распоредени во Источниот Медитеран пресретнаа иранска балистичка ракета што леташе кон турскиот воздушен простор, објави турското Министерство за национална одбрана.

Ракетата беше испукана од Иран и помина низ ирачкиот и сирискиот воздушен простор пред да биде пресретната, пишува „Туркие тудеј“.

Турското министерство за одбрана соопшти дека балистичката ракета испукана од Иран била навремено пресретната и неутрализирана. Остатоците од пресретнувачката ракета паднале во округот Дортјол во покраината Хатај, откако заканата била уништена во воздух.

Потврдено е дека остатоците припаѓаат на одбранбена ракета, а не на дојдовната ракета. Нема извештаи за жртви или повредени.

MSB: “Türk hava sahasına yöneldiği tespit edilen balistik mühimmat etkisiz hale getirildi” pic.twitter.com/aWHuwep5jg

— İhlas Haber Ajansı (@ihacomtr) March 4, 2026

Според извештаите на „Шафак њуз“ и агенцијата „Норт прес“, иранска балистичка ракета била пресретната над Камишли во североисточна Сирија, во близина на турската граница.

Министерството соопшти дека решителноста и способноста на Турција да ја обезбеди безбедноста на својата земја и граѓаните се на највисоко ниво.

„Ве потсетуваме дека го задржуваме правото да одговориме на секој непријателски чин против нашата земја“, се додава во соопштението, во кое се повикуваат сите страни да се воздржат од потези што дополнително би го прошириле конфликтот во регионот.

BREAKING: Turkish MoD:

A ballistic munition that was detected heading toward Turkish airspace after being launched from Iran and passing through Iraqi and Syrian airspace was successfully engaged and neutralized in time by NATO air and missile defense elements deployed in the… pic.twitter.com/VqJwrY7wbj

— Clash Report (@clashreport) March 4, 2026

И турскиот министер за надворешни работи Хакан Фидан, кој веднаш по спречениот напад му се јавил на министерот за надворешни работи на иранскиот режим, Абас Аракчи, му пренел дека дека мора да се избегнуваат какви било чекори што би можеле дополнително да го прошират конфликтот.

НАТО го осуди иранското насочување кон Турција.

– НАТО цврсто стои зад сите сојузници, вклучително и Турција, додека Иран продолжува со своите неселективни напади низ регионот. Нашата одвраќачка и одбранбена позиција остануваат силни во сите домени, вклучително и воздушната и ракетната одбрана – изјави портпаролката Алисон Харт.

The post 🎥 ИРАН ИСТРЕЛА РАКЕТА КОН ТУРЦИЈА Соборена е од противвоздушната одбрана на НАТО во Медитеранот appeared first on plusinfo.mk.

Постигнувањето траен мир во војната во Украина во моментов е „исклучително блиску“, вели турскиот министер за надворешни работи Хакан Фидан.

– Според мене, во овој момент сме исклучително блиску до постигнување траен мир во Украина. Барем гледаме дека неколку области што се клучни за мирот се дискутираат на исклучително сериозен начин – изјави Фидан за новинарите во турската амбасада во Париз по состанокот на „Коалицијата на подготвените“ за Украина што се одржа вчера.

Истакнувајќи го значењето на средбата во Париз, Фидан рече дека на состанокот го претставувал турскиот претседател Реџеп Тајип Ердоган и дека учествувале лидери на држави и претставници на институции како Европската Унија и НАТО.

– Беа разгледувани важни прашања. Она што го гледаме е дека, доколку двете страни постигнат договор, тоа нема да биде само мировен договор со кој ќе заврши војната во Украина. Тој долгорочно ќе ги одреди и условите на мирот меѓу Русија и Европа во новата ера, а воедно ќе биде сеопфатен договор што ќе ја обликува идната регионална политика на Москва – изјави Фидан.

Во врска со конкретните теми на разговор, турскиот министер наведе дека станува збор за мониторинг на евентуален прекин на огнот, одржување на способноста на Украина за одвраќање и можноста за воени мерки во случај на прекршување на примирјето.

Тој повторно ја истакна подготвеноста на Турција да преземе одговорност за безбедноста во Црното Море доколку се постигне примирје.

– Со оглед на тоа што Турција е земја членка на НАТО со најголема флота во Црното Море, сосема е природно таа да преземе одговорност за безбедноста во тој регион. Се надеваме дека мировниот договор ќе биде потпишан што е можно побргу, за да се спречи понатамошна загуба на човечки животи и да се врати стабилноста во регионот, изјави Фидан.

The post ФИДАН ОПТИМИСТ ДЕКА ДОГОВОРОТ ЗА ТРАЕН МИР ВО УКРАИНА Е БЛИЗУ Турција ќе го чува Црното Море appeared first on plusinfo.mk.

Турција не учествуваше во операцијата на вооружената опозиција во Сирија што доведе до пад на режимот на Башар ал Асад, изјави турскиот министер за надворешни работи, Хакан Фидан.

– Турција не беше дел од таков процес. По почетокот на операцијата од страна на Хајат Тахрир ал-Шам и на другите опозициски групи, вложивме интензивни напори таа да биде спроведена на најбескрвен начин и без проблеми. Пред ова не сме се обединиле со ниедна земја или група, ниту, пак, сме учествувале во планирање таква операција – рече Фидан.

Според него, немало средба меѓу него или други турски претставници со поранешниот сириски претседател Асад, со цел да се разговара за нормализација на односите меѓу Анкара и Дамаск, иако такви обиди неколкупати биле правени со посредство на трети земји.

Фидан истакна и дека Израел никогаш не сакал Асад да се повлече од функцијата.

– Генерално, Асад беше корисен играч за Израел – рече турскиот министер за надворешни работи.

The post ТУРЦИЈА НЕМА НИКАКВА ВРСКА СО БУНТОВНИЧКИОТ НАПАД ВО СИРИЈА Израел никогаш не сакал да се повлече Асад appeared first on plusinfo.mk.

Партијата реагира на тоа што турскиот министер Фидан во своите изјави нашата земја ја нарече Македонија.

Од Сириза велат дека „овој провокативен турски став не е случаен“, туку според нив е последица на политичките одлуки на владата на Киријакос Мицотакис, која „систематски води нетранспарентна надворешна политика, нанесувајќи им штета на националните интереси, избегнувајќи сите овие години какво било активно вклучување во Договорот, за да ги одржи внатрепартиските рамнотежи“.

„Индикативен е фактот што посетата на турскиот МНР има за цел зајакнување на стратешките односи со Северна Македонија, а од друга страна Нова демократија на Мицотакис не се погрижи да ги развие билатералните стратешки односи и улогата на Грција кај соседната земја, со ратификување на меморандумите, потпишување на нови и со свикување на предвидените високи совети за стратешка соработка, при што веќе се очигледни последиците за нашите национални интереси“, соопшти Сириза.

Дополнително, паријата го повикаа грчкиот премиер да преземе дипломатски дејствија со демарши за „Турција конечно да се усогласи со меѓународното право и со реалноста“.

Вчерашната посета на шефот на турската дипломатија на Скопје и прес- конференцијата со неговиот македонски колега Тимчо Муцунски се најдоа и во грчките медиуми, кои акцентот го ставија не само на суштината на изјавите на двајцата министри и на пораките што ги испратија, туки и на тоа кое име го употребил Фидан, т.е. дека земјата ја нарекол Македонија.

Грчката телевизија „Скај“ коментираше дека министерот за надворешни работи на Турција на прес-конференцијата користел и Северна Македонија и Македонија.

– Изјавите беа хибридни, Македонија – Северна Македонија. На почетокот рече Македонија, веднаш потоа рече Северна Македонија. Подоцна, пак Македонија, потоа повторно Северна Македонија – објасни дописникот на „Скај“ од Турција.

Турскиот министер за надворешни работи Фидан вчера на прес-конференцијата со колегата Муцнски рече дека Турција цврсто и непоколебливо ја поддржува Македонија и ќе продолжи тоа да го прави. Тој изрази интерес двете држави да потпишат Виш стратешки совет за соработка. Најави дека Турција има цел да се зголеми билатералната економска соработка на две милијарди евра, а ќе продолжат со поддршка за турските компании да инвестираат во Македонија.

– Продолжуваме и со воената соработка, преку учество на заеднички вежби. Верувам дека ќе имаме сериозен подвиг во следниот период – рече вчера Фидан.

The post ГРЧКИ ЛУТИ РЕАКЦИИ Сириза бара Мицотакис да испрати демарш до Турција затоа што министерот Фидан земјава ја нарече Македонија appeared first on plusinfo.mk.

– Имавме интензивна агенда. Соработката, пријателско и сојузништвото со Македонија го цениме многу. Разговаравме како можеме да ја унапредиме оваа соработка. Како Турција, изразуваме дека имаме интерес да потпишеме Биш стратешки совет за соработка. Турција има цел да се зголеми билатералната економска соработка на две милјарди и ќе продолжиме со поддршка на турските компании да инвестираат во земјава. Продолжуваме и со воената соработка, преку учество на заеднички вежби – изјави Фидан по средбата со Муцунски.

Северна Македонија има посебно место за мене, нагласи Фидан, и верувам дека отоманското наследство е значаен дел од културното наследство на земјава и ќе продолжиме со соработка во таа област.

– Турската заедница во земјава силно нè поврзува, како Камениот мост во центарот на градот. Посакуваме да имаме мир и стабилност на целиот Балкан и како Турција сме активно вклучени во тоа. Затоа активно ќе ја зголемиме соработката со Северна Македонија, нагласи Фидан.

Министерот за надворешни работи и надворешна трговија Тимчо Муцунски, кој е домаќин на турскиот колега Фидан, на заедничка прес-конференција изјави дека Турција е наш докажан пријател и НАТО сојузник.

Денешната посета, Муцунски ја оцени како значаен момент во билатералните односи, како и дека како прва посета на странски министер за надворешни работи од неговото стапување на функцијата, како што нагласи, е силна потврда за се посилното стратешко партнерство.

– Традиционално добрите односи позитивно влијаат на економската соработка. Со Турција споделуваме заеднички ставови и за безбедносни и регионални прашања. Посебно го запознав со нашиот евроинтеграцискиот пат, со посебен акцент дека предвидливост е многу важна – изјави Муцунски.

Од својата независност, посочи Муцунски, нашата држава можеше да се потпре на Турција како наш пријател и поддржувач за остварување на нашите стратешки цели.

Фидан, како што е најавено, ќе го посети и Собранието на РСМ каде ќе има средба со спикерот Африм Гаши.

The post ЗГОЛЕМЕНА ЕКОНОМСКА СОРАБОТКА И ПОДДРШКА ЗА КОМПАНИИТЕ ОД ТУРЦИЈА Муцунски се сретна со својот колега Хакан Фидан appeared first on plusinfo.mk.