„Паушални и избрзани наводи на В.Д. Републичкиот јавен обвинител од причини што истата се смета за загрозена од мојата изјава дека размислувам да конкурирам за местото Републички јавен обвинител“.

Ова е одговорот на поранешниот шеф на вишото јавно обвинителство и актуелен адвокат Мустафа Ахјрулахи на обвинувањата од јавниот обвинителт Анита Тополова Исајловска.

Хајрулахи вели дека е вџашен од неоснованите обвинувања и наводи на Тополова Исајловска, која побара казнени мерки од Адвокатската комора заради неговиот настап на ТВ Алфа во кој тој изнесе многу, за многумина непожелни, вистини за катастрофалните состојби во ЈОРМ.

„Вџашен од непромислената и избрзана реакција од страна на в.д Јавниот обвинител на РМ, Анита Тополова Исајловска по повод мојот настап на ТВ Алфа, во емисијата „За или против“ со тоа што истата до Адвокатската комора на РМ, денеска поднела Претставка против мене, а во врска со мојот настап, најостро ги демантирам сите наводи и сметам дека истите се паушални и избрзани од причини што истата се сметала за загрозена од мојата изјава дека „размислувам да конкурирам за местото Републички јавен обвинител.“ Неможејќи да поднесе конкуренција, на овој начин се справува со истата“, вели Хајрулахи за македонски Курир.

Да биде појасно за читателите, во претставката поднесена до Адвокатската комора на РМ наведено е дека „Јавното обвинителство во целост ги отфрла ваквите неосновани напади, кои претставуваат обид за лична дискредитација и директно нарушување на уставно и законски гарантираната самостојност на јавните обвинители и на обвинителството“.

„Ваквиот јавен настап е спротивен на општиот принцип број 5 од Кодексот за професионална етика на адвокатите кој им забранува на адвокатите да се рекламираат и да бараат личен публицитет на недостоен начин, што вклучува и изнесување невистини и навреди на лична основа кон професионалци и кон други државни органи“, се вели во претставката.

Хајрулахи енергично ги демантира наводите од претставката на ЈО до Адвокатската комора.

„Во мојот настап на „За или против“ никого не нападнав или се обидов да лично да дискредитирам, туку едноставно си ги кажав моите видувања по однос на моменталната ситуација во која се наоѓа Јавното обвинителство во целина бидејќи до пред скоро време бев Виш јавен обвинител на најголемото обвинителство во државата. Ако некој се нашол повикан, тоа не е мој проблем“.

Тој објаснува и зошто цитирањето на општиот принцип број 5 не функционира во овој случај:

„По однос на цитираниот принцип број 5 од Кодексот за професионална етика на адвокатите, а кој се однесува на личното рекламирање на адвокатот истиот гласи „Адвокатот не смее да се рекламира или да бара личен публицитет на недостоен начин“ и дека не се смета за рекламирање објавувањето на основни податоци за адвокатот на наеговата лична веб страница на интернет, туку забрането е истакнување на имиња и називите на клиентите кои адвокатот ги застапувал и ги застапува на неговата веб страна. Ова значи дека од страна на подносителот на претставката, наводите во истата се паушални и истите ги сметам за вид на притисок кон мене, а се со цел да не конкурирам на објавениот оглас за местото Јавен обвинител на РМ“.

Хајрулахи истакнува дека Кодексот експлицитно наведува дека адвокатот не смее да дозволи влијанија од трети лица порачувајќу ѝна Тополова Исалјовска дека нема да дозволи таа, од позиција на моќ, да влијае на неговите ТВ настапи или на неговите мислења:

„По однос на општиот принцип бр. 1 од Истоимениот Кодекс ќе наведам дека истиот гласи „Во извршување на своите обврски адвокатот е независен и не смее да дозволи никакви влијанија од трети лица или неговите лични интереси или интересите на трети лица и надворешен притисок да влијае на него во извршувањето на неговите обврски кон клиентот. Адвокатот е должен да не дозволи никакво нарушување на неговата независност и да не ги прекрши своите професионални принципи со цел да удоволи било кому па и на неговиот клиент“, што значи, драга поранешна почитувана колешка, во никој случај нема да дозволам, Вие од позиција на моќ, како ВД Јавен обвинител на РСМ да влијаете на моите настапи и на моите искажани мислења, а кои се однесуваат на подобрување на моменталната хаотична состојба во која се наоѓа Јавното обвинителство на РСМ“.

Кон крајот од интегралната реакција за Курир, Хајрулахи ја повикува В.Д. обвинителката на јавно соочување.

„Ѝ предлагам на сегашната ВД обвинителка Анита Тополова Исајловска да одбере кој било медиум, место и време за да подискутираме за состојбите во ЈОРМ, се’ со цел да се помогне во издигнувањето на Јавното обвинителство. Со почит, Вашиот поранешен колега јавен обвинител, а сега адвокат, Мустафа Хајрулахи“.

Реакцијата Хајрулахи ја завршува споменувајќи и нов можен скандал на доскорешниот државен јавен обвинител Љупчо Коцевски.

„П.С. Кој му дозволил на Љупчо Коцевски и покрај тоа што на истиот му се констатираше оставка – недела дена по констатирањето на оставката да користи службено возило од ЈОРМ, службен возач од ЈОРМ, како и и канцеларијата во ЈОРМ?“

The post ПРОДОЛЖУВА ХАЈКАТА ПРОТИВ МУСТАФА ХАЈРУЛАХИ Обвинителката Тополова Исајловска се исплашила дека ќе конкурира за Републички јавен обвинител appeared first on plusinfo.mk.

Републичкото јавно обвинителство (ЈОРМ) денеска поднесе претставка до Адвокатската комора против адвокатот Мустафа Хајрулахи, поранешен шеф на Вишото скопско обвинителство, поради неговиот, како што се наведува во претставката, неетички јавен настап во емисијата „За или против“ на ТВ Алфа, објави порталот Мкд.мк.

„Ви укажуваме дека во споменатата емисија од страна на лице кое извршува функција адвокат беа изречени бројни клевети, лични навреди и невистини за одредени јавни обвинители, како и за состојбите во Јавното обвинителство, а со тоа е нанесена штета на угледот на јавнообвинителската институција во целина. Ваквиот јавен настап е спротивен на општиот принцип број 5 од Кодексот за професионална етика на адвокатите кој им забранува на адвокатите да се рекламираат и да бараат личен публицитет на недостоен начин, што вклучува и изнесување невистини и навреди на лична основа кон професионалци и кон други државни органи.

Затоа бараме Адвокатската комора да преземе мерки во рамките на своите надлежности, да се огради и да го повика на одговорност адвокатот Мустафа Хајрулахи, и со тоа да го заштити угледот на Јавното обвинителство, но и на адвокатурата од неговите неетички јавни настапи“, се наведува во претставката.

The post ОБВИНИТЕЛСТВОТО БАРА АДВОКАТСКАТА КОМОРА ДА ГО САНКЦИОНИРА ХАЈРУЛАХИ Некои обвинители се нашле навредени од негови изјави appeared first on plusinfo.mk.

Поранешниот виш јавен обвинител Мустафа Хајрулахи, кој неодамна побара престанок на функцијата во Вишото јавно обвинителство, изнесе сериозни обвинувања за состојбите во Обвинителството, посочувајќи дека под раководството на Љупчо Коцевски предметите намерно се развлекуваат и се водат без јасна цел да се дојде до судска пресуда.

– Ете, Коцевски поднесе оставка – тоа е неговиот карактер. Тој е човек лажго, без ниту грам морални вредности. За мене беше необјасниво како еден таков профил на човек, неписмен и човек кој недоволно го познава македонскиот јазик, може да стаса до оваа позиција. Тој е склон кон секакви наредби дадени од политичките партии. Кога виде дека му се стеснува обрачот, поднесе оставка – изјави Хајрулахи за Мкд.мк.

Тој наведува дека барањето за престанок на функцијата го поднел по повеќе од една година суспензија која ја доби од Коцевски, и тоа, како што вели, под контрола и по налог од поранешните обвинители од СЈО.

The post КОЦЕВСКИ Е НЕПИСМЕН ЛАЖГО БЕЗ ГРАМ МОРАЛНИ ВРЕДНОСТИ Хајрулахи со остри зборови за државниот јавен обвинител во заминување appeared first on plusinfo.mk.

Советот на јавните обвинители ја именува Наташа Крстевска Цалева за вршител на должноста Виш јавен обвинител на Вишо јавно обвинителство Скопје, до изборот на нов шеф на обвинителството, но не подолго од шест месеци.

Определувањето на должноста беше првата и единствена точка на дневниот ред на денешната 33-та седница на Советот на јавни обвинители.

На почетокот на неделава, на 9 декември, Советот донесе одлука за престанок на функцијата јавен обвинител за Мустафа Хајрулахи, поранешен шеф на Вишото јавно обвинителство Скопје, по негово сопствено барање.

Хајрулахи беше суспендиран откако Основното јавно обвинителство Штип поднесе обвинителен акт за пет кривични дела „малтретирање во вршење на службата“ и едно за „злоупотреба на службената положба и овластување“. Тој категорично ги отфрли сите обвинувања, тврдејќи дека случајот е тенденциозен и политички монтиран со цел негово отстранување, поврзувајќи ја постапката со неговото постапување во врска со бонусите на СЈО.

Советот на јавните обвинители веќе во февруари годинава ја определи Наташа Крстевска Цалева за вршител на должноста шефица на Вишото јавно обвинителство, додека траеше оддалечувањето на Мустафа Хајрулахи.

The post ВИШОТО ЈАВНО ОБВИНИТЕЛСТВО ИМА НОВА ШЕФИЦА Хајрулахи заминува, Крстевска Цалева ја презема должноста appeared first on plusinfo.mk.

Советот на јавни обвинители на денешната седница донесе одлука за престанок на функцијата јавен обвинител за Мустафа Хајрулахи, поранешен шеф на Вишото јавно обвинителство Скопје, по негово сопствено барање.

Хајрулахи беше суспендиран откако Основното јавно обвинителство Штип поднесе обвинителен акт за пет кривични дела „малтретирање во вршење на службата“ и едно за „злоупотреба на службената положба и овластување“, базирано на наводи дека во периодот од септември 2023 до октомври 2024 година, тој користел хиерархиска надреденост за континуирано психичко насилство и закани врз пет вработени жени.

Хајрулахи категорично ги отфрли сите обвинувања, тврдејќи дека случајот е тенденциозен и политички монтиран со цел негово отстранување, поврзувајќи ја постапката со неговото постапување во врска со бонусите на СЈО.

На денешната седница Советот, меѓу другото, треба да се расправа и за одлука за избор на нов Претседател на Советот и формирање на Комисија за спроведување на стратегијата за комуникација и транспарентност за периодот 2025-2028 година.

The post ПРИФАТЕНА ОСТАВКАТА НА ОБВИНИТЕЛОТ ХАЈРУЛАХИ На дневен ред е избор на претседател на Советот на јавни обвинители appeared first on plusinfo.mk.

Скандалозната штипска обвинителка Татјана Кацарова, позната по истраги со „клонирани сведоци“ и прекршување на основните права на осомничени, конечно е предмет на дисциплинска постапка. Вишиот јавен обвинител од Штип поднел официјален предлог за нејзино санкционирање, поради сериозни повреди на законот и злоупотреба на службената положба – обвинувања кои досега беа игнорирани, и покрај судски утврдени незаконитости.

Во правосудните кругови, нејзиното име одамна е синоним за скандал, но и за недопирливост. Иако нејзините постапки веќе неколку пати беа јавно и правно оспорени – од фалсификати и повреда на права, до „патентирање“ на клонирани сведоци – сè до сега, никој институционално не се осмели да ја повика на одговорност.

Овој пат, иницијативата за дисциплинска одговорност доаѓа по серија шокантни наоди во предметот против осомничениот М.Н. од Штип, кого Кацарова го држела во притвор над 70 дена – иако, според доказите, случајот требало да биде завршен за помалку од 8 дена. Имено, со судско вештачење било утврдено дека оштетениот не се здобил со тешки телесни повреди, туку со полесна форма, што според законот бара скратена постапка. Наместо тоа, осомничениот останал зад решетки над два месеца и тоа без увид на бранителите во предметот, без известување за клучни дејства и без пристап до вештачења.

Фалсификати, временски парадокси и судска потврда за незаконитост

Судијката Јулијана Недкова од Основниот суд во Штип, постапувајќи по жалба од скопскиот адвокат Стеван Павлевски, детално утврдила дека обвинителката Кацарова прекршила низа членови од Законот за кривична постапка.

Според судското решение од 16 јуни 2025 година, таа не само што спречила увид во предметот, туку и доставувала наредби за вештачење датирани по денот кога вештачењето веќе било готово – што логично води до прашањето: дали располага со временска машина?

Дополнително, во предметот недостигаат потврди за доставување на наредбата до вештото лице, нема приемни печати, ниту докази кога вештачењето било вратено во обвинителството. Судот заклучил дека вештачењето е незаконито, а постапувањето на обвинителката е длабоко проблематично.

Кацарова и Хајрулахи: судир што ја разобличи системската заштита

Ова не е прво дисциплинско барање за Татјана Кацарова. Таа веќе беше мета на жестоки критики поради своето сомнително постапување во предметот против суспендираниот виш јавен обвинител Мустафа Хајрулахи, каде успеала – или со фалсификат или со клонирање – да испита четири различни сведоци во ист момент.

Кацарова, според бројни извори, ужива заштита од републичкиот јавен обвинител Љупчо Коцевски. Тој, како и вишиот обвинител Ристо Бојаџиски, до ден-денес не презема јавно видлива акција за контролирање на нејзината работа – и покрај поднесените претставки, барања за надзор и судски решенија кои укажуваат на флагрантна незаконитост.

Судот зборува, институциите молчат

Иако судското решение од Штип е јасно, реакцијата од системот е алармантно тивка. Адвокатот Стеван Павлевски, поранешен јавен обвинител, преку неспорни правни аргументи успеал да ја убеди судијата да утврди незаконитост. Но ниту ова не е доволно, кога се работи за обвинител под „чадорот“ на политичка или лична заштита.

Суспендираниот обвинител Хајрулахи, кој веќе подолго време води правна битка со Кацарова, и неговиот колега Јово Цветановски, се очигледно неугодни личности за актуелниот врв на Јавното обвинителство. Тие, како што јавноста памети, беа директно вмешани во истрагите околу бонусите на СЈО – предмет што отвори многу рани во правосудниот систем.

Прашањето што сега логично се наметнува е: ќе постапува ли републичкиот јавен обвинител Љупчо Коцевски согласно своите надлежности, ќе ја суспендира ли обвинителката Кацарова и ќе ја изземе од предметот што е предмет на дисциплинска постапка?

Или и овој случај ќе остане како многу други – потиснат, релативизиран и заборавен? Во систем во кој судот утврдува незаконитост, а институциите молчат, тешко е да се верува дека правдата е достапна за сите. Ако не важи законот за обвинителите, тогаш зошто би важел за обичните граѓани?

НОВО ОБВИНИТЕЛСКО ЧУДО ВО ШТИП Обвинителката Кацарова издала наредба за вештачење еден ден откако вештакот веќе го доставил својот наод?!

The post ДИСЦИПЛИНСКА ПОСТАПКА ЗА ОБВИНИТЕЛКАТА-ЧУДОТВОРКА ОД ШТИП Татјана Кацарова под лупа за незаконито постапување appeared first on plusinfo.mk.

Комисијата за утврдување дисциплинска одговорност при Јавното обвинителство на Република Северна Македонија, по спроведени две дисциплински постапки, утврди дека Вишиот јавен обвинител на Вишото јавно обвинителство Скопје, Мустафа Хајрулахи и уште еден јавен обвинител, Јован Цветановски, од истата институција сториле тешки дисциплински повреди, согласно член 91 алинеја 6 од Законот за јавното обвинителство.

Според одлуката на Комисијата, двајцата обвинители „намерно и неоправдано направиле крупни професионални грешки“ при извршувањето на својата функција.

Во една од постапките, јавен обвинител од ВЈО Скопје е прогласен за одговорен поради нестручно и несовесно постапување во четири предмети, каде се откажал од жалба или обвинение. Како дисциплинска мерка, му е изречено намалување на платата за 30% во период од шест месеци од правосилноста на решението.

За Вишиот јавен обвинител биле водени две одвоени дисциплински постапки. Во едната, Комисијата утврдила неправилности во начинот на заведување на предметите, а во другата – донесување нестручни одлуки во три случаи. Обвинителот ги одобрил тие одлуки, откако предметите му биле реферирани.

Врз основа на овие наоди, Комисијата донесе одлука да поднесе предлог до Советот на јавни обвинители за разрешување на Вишиот јавен обвинител на ВЈО Скопје.

Во однос на дополнителен навод за повреда поврзана со нарушување на угледот на Јавното обвинителство, Комисијата оцени дека постои застареност на предлогот и по тој основ не постапуваше.

Инаку, и Хајрулахи и Цветановски тврдат дека нема основа за дисиплинска постапка против нив.

„Војната“ помеѓу државниот обвинител и вишите обвинители почна откако Хајрулахи јавно го обвини државниот јавен обвинител Љупчо Коцевски дека му врши директен притисок каква одлука да донесе Вишото обвинителство во предметот Бонуси за СЈО, откако подносителот на пријавата, ВМРО-ДПМНЕ поднел жалба на претходната одлука на ЈО за гонење на организиран криминал и корупција.

ПОРАДИ БОНУСИТЕ ВО СЈО, КОЦЕВСКИ ГО КРШИ ЗАКОНОТ ВО АПСУРДНА ПОСТАПКА Обвинителите Хајрулахи и Цветановски тврдат дека нема основа за нивна дисциплинска одговорност

ЧУДО ВО ШТИПСКОТО ОБВИНИТЕЛСТВО Јавна обвинителка се клонирала и испитувала четири сведоци во исто време?!

The post ПРЕДЛОЖЕНО Е РАЗРЕШУВАЊЕ ЗА ВИШИОТ ОБВИНИТЕЛ ХАЈРУЛАХИ Обвинителот Цветановски е казнет со помала плата appeared first on plusinfo.mk.

До овој момент не е примена кривична пријава поднесена од вишиот јавен обвинител Мустафа Хајрулахи против државниот јавен обвинител Љупчо Коцевски, а доколку биде, ќе биде распоредена кај надлежен јавен обвинител, информира Основното јавно обвинителство (ОЈО).

– Нема потреба од никаква вознемиреност, пријавата е испратена уредно по пошта и очекувам во текот на утрешниот ден да стаса во Јавното обвинителство. Така што сите засегнати страни ќе имаат доволно време да ја проучат и да постапат – објаснува Хајрулахи.

Хајрулахи е суспендиран од раководната позиција во Вишото обвинителство Скопје.

Пред околу четири месеци Основното јавно обвинителство Штип донесе наредба за спроведување истражна постапка против Хајрулахи.

Од Основното јавно обвинителство Штип известуваат дека во постапката против осомничениот се постапува целосно согласно закон, а истрагата е во финална фаза.

„Надлежниот јавен обвинител не подлегнува на притисоци и испрати покана до осомничениот тој да даде исказ во своја одбрана, меѓутоа поканата е вратена со забелешка дека тој се иселил од адресата наведена за лицето во полномошното и во системот на МВР“, посочија од ОЈО.

Хајрулахи демантира и наведува дека живее на истата адреса со години и редовно прима и испраќа поштенски пратки.

– Никој досега не се пожалил дека имал проблем со мене да комуницира преку пошта. Како потврда за тоа ви доставувам потврда на неколку приемници и доставници од кои се гледа дека по поштенски пат сум комуницирал со правосудните органи. Целосна лага е дека сум го променил местото на живеење и дека Обвинителство од Штип не можело да ми испрати покана – вели Хајрулаги.

Заради заштита на личен податок (адреса на живеење), Плусинфо нема да ги објави доставниците, но им стои на располагање на надлежните органи да направат увид во нив.

Хајрулахи денеска информира дека поднел кривична пријава против Љупчо Коцевски, јавен обвинител на Македонија, Татјана Кацарова, јавен обвинител во ОЈО Штип, Ристо Бојаџиски, виш ЈО на ВЈО Штип и против Ермон Незири, член во Совет на јавни обвинители за сторено кривично дело „злоупотреба на службена положба и овластување по чл. 353 од Кривичниот законик“.

The post ДРАГИ ОБВИНИТЕЛИ, СО ЛАГИ НЕ СЕ ВОДИ ИСТРАГА Хајрулахи демантира дека ја променил адресата и дека затоа не добил писмо од штипското Обвинителство appeared first on plusinfo.mk.

Шефот на Вишото јавно обвинителство, Мустафа Хајрулахи, по негово инсистирање дал исказ во битолското обвинителство по наодите од кривичните пријави против двајцата обвинители Фатиме Фетаи и Сашо Рајчев. Откако во мај 2023 година ги поднел кривичната пријава за злоупотреба на службена положба и овластување и злоупотреба на лични податоци до јуни никој не побарал да биде сослушан по наводите од истата. Затоа во јуни годинава тој инсистирал кај битолската обвинителка која го води предметот, Оливера Нечаковска, да даде изјава за пријавата која ја поднел, пишува порталот Република.

– На 13 јуни 2024 година по мое инсистирање сум сослушан од страна на обвинителката Нечаковска. Ги потенцирав наводите по кривичната пријава и доставив копија од пресудата на Граѓанскиот суд за објавените текстови на сопственикот на порталот Доказ кај што тој признава дека објавува текстови по нарачка на обвинителите. Освен копија од пресудата доставив и писмени изјави дадени од сопственикот на порталот Доказ, Марјан Стаменковски – вели шефот на скопското вишо обвинителство, кој нема сознанија дали после неговото сослушување е постапено по пријавата.

Хајрулахи во разговор за Република ги потврди созанијата дека од мај 2023, кога е поднесена пријавата во Јавното обвинителство на Република Македонија, кога државен обвинител беше Љубомир Јовески, до декември, до неговото заминуање, не е постапено по кривичната пријава. Била доделена на обвинителката Соња Симовска, која во декември беше избрана за в.д. државен обвинител, токму на местото на Јовески. Таа требало да одлучи кое јавно обвинителство ќе постапува по пријавата, со оглед дека двајцата обвинители против кои е пријавата доаѓаат од скопското вишо обвинителство, под чија надлежност е ОЈО Скопје. По „некоја случајност“ како што коментира обвинителот, предметот се доставува до ОЈО Битола и токму кај битолската обвинителка Оливера Нечаковска.

Очигледна е намерата да се има контрола врз предметот и да се доведе до застарување. Релативната застареност за ова дело е 2 години и токму тоа е интенцијата. И да се донесе одлука по истата, по поднесена жалба делото ќе застари – коментира обвинителот, кој додава дека се водат и дисциплински постапки против двајцата обвинители, но како што вели, веројатно под притисок на одредени моќници во обвинителскиот систем се одолговлекува постапката.

Тогашниот јавен обвинител Јовески се обидел да издејствува Хајрулахи воопшто да не поднесе кривична пријава против Фетаи и Рајчев. Според вишиот обвинител кога ги доставил кривичните кај Јовески имал притисок да ги повлече не само пријавите туку и дисциплинската постапка.

– Бев и сѐ уште сум на став дека ако дозволуваме во самото обвинителство, чија цел е да гони кривични дела и криминал, да се става во одбрана на кривични дела, тогаш јавно обвинителство не треба да постои како орган на правосудниот систем. Самиот чин на користење на туѓи лични податоци е кривично дело, а ЈО ги злоупотребува за лични потреби. Зошто да гониме други, ако тоа го дозволуваме внатре во самото обвинителство?! Дозволуваме внатре,а гониме други, каде степенот на одговорност е далеку помал. Но ставот на Јовески беше дека и ние обвинителите грешиме, се огрешиле, но тоа да се реши без кривични пријави и дисциплински постапки – вели вишиот обвинител.

Поради, како што вели, очигледната намера да се чува кривичната пријава за делото да застари Хајрулахи, деновиве тој ќе поднесе и претставка поради ненавремено постапување до Советот на Јавни обвинители. Претставката ќе биде поднесена и до Јавното обвинителство на Република Македонија, како и до вишиот јавен обвинител на Вишото обвинителство Битола.

Кога сето ова се случува со пријава на виш јавен обвинител тогаш можеме да замислиме што се се прави со пријавите на обичниот граѓанин, кога тие ќе дојдат до правдата. Затоа и довербата на граѓаните во правосудниот систем е ниска и се ниски оценките на сите релевантни институции. Довербата во правосудниот систем е едвај два отсто што е еднакво на нула. Мисијата на ОБСЕ во април годинава ја потенцираше состојбата во правосудството, односно како проблем беа посочени крајно политизираните одлуки со недоволна транспарентност и квалитет.

Вчера Плусинфо објави дека по три враќања на првостепената пресуда на Кривичниот суд во Скопје, Апелациониот суд на 17 јули, со мериторна одлука, го ослободил Марјан Стаменковски од обвиненијата за кривичните дела уцена и рекет.

Обвинителството тврдеше дека сопственикот на порталот ДоказМ уценувал и рекетирал директор на Царина. Стаменковски се бранеше дека информациите ги добивал од обвинителите Фатиме Фетаи и Сашо Рајчев, кои тој своевремено ги нарекуваше свои „соработници“.

МАРЈАН ДОКАЗ ОСЛОБОДЕН ЗА КРИВИЧНИТЕ ДЕЛА УЦЕНА И РЕКЕТ Стаменковски бил доведен во заблуда од двајца обвинители, пресече Апелациониот суд во Скопје

The post ЈОВЕСКИ ВРШЕЛ ПРИТИСОК ДА НЕМА КРИВИЧНИ ПРОТИВ ФАТИМЕ И ПРОТИВ РАЈЧЕВ Обвинителот Хајрулахи ги отвора картите appeared first on plusinfo.mk.

Првиот човек на вишото јавно обвинителство, Мустафа Хајрулахи во изјава за Канал 5 истакна дека, по неодамнешните наводи на сопственикот на Доказ.М, Маријан Стаменковски за наводна инволвираност на обвинители во неговите текстови, поднел дисциплински и информација во форма на кривични пријави против двајца колеги.

– После јавната седница закажана на 17 мај, и откако сегаосудениот Марјан Стаменковски, ги обзнани информациите дека наводно некои од јавните обвинители во Вишото јавно обвинителство Скопје контактирале, односно му брифирале за наводните случувања во Вишото јавно обвинителство Скопје, затоа потенцирам наводните случувања во Вишото јавно обвинителство. Јас како виш јавен обвинител на ова обвинителство се обратив и побарав писмена информација од ОЈО каде што се води предистрага за предметот за финансиските средства на Стаменковски и имаат запленети мобилни телефони, компјутерите и веќе се извештачени побарав детална информација од страна на шефот на ОЈО и истиот ми одговори на побараните информации – вели Хајрулахи во изјава за Канал 5.

Тој додава дека од информациите кои што ги добил поднесол предлог за дисциплинска одговорност против двајца обвинители до Комисијата за дисциплинска одговорност на јавните обвинители.

Покрај предлогот за дисциплинска одговорност, Хајрулахи поднесол и известување во форма на кривична пријава до Јавниот обвинител, сè со цел да се определи друго ОЈО надвор од надлежноста на Вишото јавно обвинителство.

– За едниот јавен обвинител поднесов кривична пријава за можно сторено кривично дело „злоупотреба на службена положба и овластување“ и „злоупотреба на личните податоци“. А за другиот јавен обвинител поднесов кривична пријава за „злоупотреба на личните податоци – порача Хајрулахи.

The post МАРЈАН ДОКАЗ ЌЕ „ИЗГОРИ” ДВАЈЦА ОБВИНИТЕЛИ? Хајрулахи поднел и дисциплински и кривични пријави appeared first on plusinfo.mk.