„Им ги дале документите, веднаш немало пукање. Полицајците побарале од возилото да излезе едно лице, сопатникот, за да го проверат. Сопатникот излегол, сè било сосема нормално, полицаецот (кој беше повреден) Илиќ дури рекол дека човекот што излегол од возилото имал сосема нормално однесување, во однос на гестикулацијата. Дека се смешкал, особено кон него. Лицето излегло, полицаецот Илиќ бил на левата страна од возилото во пределот на возачот за да го држи под контрола. Веднаш потоа се слушнале истрели“.

Вака за српските медиуми раскажува за убиството што се случи во Лозница во Западна Србија помошник на директорот на српската полиција, Драган Василевиќ. Тој го посетил во болница полицаецот кој бил ранет. Синоќа, 55 минути пред полноќ возило„мерцедес“ со таблички од Тутин во кое бил озлогласениот криминалец Фатон Хајризи пробало илегално да ја помине границата, а кога било застанато од граничарите имало пукање.

Хајризи во моментот е во бегство. Тој сакал да се скрие кај јатак во Бјелина во Република Српска. Тамошната полиција уапси уште едно лице за кое се верува дека го организирало транспортот на Хајризи. Патролите се зачестени во Република Српска.

Непознато е кое лицо пукало. На самото место полицајците најдоа документи од братот на Хајризи кој потоа рече дека Фатон го користел неговиот идентитет.

Што се случувало понатаму раскажува Василевиќ според информациите кои ги добил од Илиќ:

Тоа се случило во задниот дел од возилото, покојниот Никола и тоа лице му се тргнале од видикот на полицаецот. Никола (Крсмановиќ, полицаецот кој беше убиен) паднал, потоа полицаецот (Илиќ) излегол да види што се случува, а напаѓачот ја искористил приликата и пукал во него. Куршумот го погодил, (полицаецот) успеал да го повлече пиштолот, но немаме информации дали е рането лицето што го извршило делото. Ова е тероризам, убиен е полицаец, тоа е тешко кривично дело и обвинителството за организиран криминал го презеде случајот – вели помошникот на шефот на српската полиција.

The post ИЗЛЕГОЛ ОД ВОЗИЛОТО, БИЛ НАСМЕАН! Помошник на директор во српската полиција раскажува за убиството во Лозница  appeared first on plusinfo.mk.

Српскиот министер за внатрешни работи Ивица Дачиќ информираше дека во Бјелина полицијата на Република Српска го уапсила 39-годишниот З.Р. кој е осомничени дека го организирал и помагал во транспортот на озлогласениот убиец Фатон Хајризи од Прешево до Лозница, а уапсена е и неговата сопруга за која вели дека му била помошник.

Српските медиуми пишуваат дека таксистот кој ја дочекал полицијата изјавил дека Фатон Хајризи му рекол дека оди во хотел кој го води извесен Марко Марковиќ. З.Р. требало да го однесе Хајзири од Тутин до Трбушница, за да продолжи до Бјелина, каде што се наоѓал јатак – човек кој може да го скрие.

Фатон е во бегство. Не се знае дали тој успеал илегално да ја премине границата преку реката Дрина, за што во моментот во областа Шемберија во Република Српска има засилени патроли.

Артан Хајризи, братот на Фатон, за косовски Лајми.нет кажа дека Фатон дошол во Германија и му ги украл документите за да се претставува како него.

Косовскиот пасош и германската лична карта на братот на Фатон, Артан Хајризи, беа пронајдени од страна на српската полиција откако завршило пукањето во Лозница во кое беше убиен еден 34-годишен, а ранет беше 50-годишен полицаец од граничната полиција на Србија.

Според документите, се сметаше дека Артан е тој што синоќа пукал кон двајца полицајци граничари. Но, според Артан, Фатон го користел неговиот идентитет.

– Фатон дојде овде и ми ги украде документите – рекол Артан во директниот пренос.

На новинарското прашање како дознал за овој настан, тој одговорил:

– Дознав од пријател. Сите сме во шок, не можеме да веруваме дека вакво нешто може да се случи.

Артан додал дека го пријавил исчезнувањето на документите во полиција во Хановер.

– Документите ми ги зеде од масата во ходникот каде секогаш ги чувам заедно со клучевите –  изјавил тој.

Истата приказна претходно ја имал и нивниот татко Мустафа Хајризи.

– Фатон отишол во Германија кај неговиот брат и му го украл пасошот. Артан работи 8 години во Германија, се слушнавме со него – изјави Мустафа.

Граничните полицијаци го запреле возилото во кое бил Фатон кај Липнички Шор близу Лозница заедно со уште еден маж и побарале од лицата да ги отворат торбите. Во тој момент едно од лицата извадило пиштол и пукало кон полицајците.

Фатон Хајризи е добро познат како озлогласен криминалец кој дури девет пати бега од затвор, а по последното бегство се огласил на социјалните мрежи. Тој бил осуден за убиство на руски војник, припадник на КФОР.

КОСОВЕЦ УБИ ЕДЕН СРПСКИ ПОЛИЦАЕЦ И РАНИ ДРУГ Таткото откри дека Фатон Хајризи е тој што пукал, а не брат му Артан

The post УАПСЕН ЧОВЕК КОЈ ГО ОРГАНИЗИРАЛ ПРЕВОЗОТ НА ХАЈРИЗИ Убиецот тргнал да се скрие кај јатак во Бјелина appeared first on plusinfo.mk.