Хазби Лика и Гзим Острени, поранешни припадници на ОНА (УЧК), деновиве имаа средби со Билал Касами и Изет Меџити од коалицијата Вреди, што од дел од медиумите на албански јазик во Македонија беше протолкувано како јасна порака за нивна поддршка на политиките на Вреди.

„Пред вториот круг од локалните избори, албанската политичка сцена во Северна Македонија доживува силен шок. Две познати личности од поранешната ОНА Хазби Лика и Гзим Острени, беа видени јавно на пријателски средби со лидерите на опозициската коалиција Вреди, сигнализирајќи јасно оддалечување од ДУИ и Националната алијанса за интеграција“, пишува информативниот портал на албански јазик „Актуале“ во својата статија со наслов „УЧК ги напушти ДУИ-НАИ, Хазби Лика и Гзим Острени видени покрај Вреди!“

Порталот пишува дека Острени, една од највлијателните личности од периодот на војната, имал срдечен разговор со Изет Меџити, додека, Хазби Лика, една од личностите со голема тежина во структурите на поранешната УЧК и во политичките случувања по конфликтот во 2001 година, бил виден во друштво со Билал Касами во Тетово.

The post ВЕТЕРАНИТЕ НА ОНА МУ ГО ВРТАТ ГРБОТ НА ДУИ? Хазби Лика и Гзим Острени на средба со челниците на Вреди appeared first on plusinfo.mk.

Острени за Плусинфо потврди дека со налог од кичевскиот Суд вчераутро полицајци ја претресле неговата куќа, но дека ништо не нашле.

– Точно е. Полицијата вчера со налог од судот во Кичево влезе во мојота куќа и ги претресоа сите соби, но не најдоа ништо. Сомневањата биле дека во куќата нелегално чуваме оружје. Место оружје ме најдоа мене – ни изјави Острени револтиран од претресот.

Тој вели дека изминативе 10 дена полицијата извршила претреси во повеќе куќи во Дебар.

Острени ѝ забележува на полицијата дека треба да има поиздржани информации и сознанија пред да влезе во нечиј дом и да прави претрес. Сепак, тој додава дека полицајците кои ја опколиле неговата куќа и тие кои влегле дома коректно си ја извршиле задачата.

– Сите бевме дома, јас, сопругата, синот, невестата и внучињата. Ја претресоа целата куќа. Но, не се вознемиривме бидејќи немавме причина за тоа, ништо нелегално не сме направиле. Но полицијата треба да е поодговорна и постручна, а не информации да собира од улични хулигани. Треба да се промени тоа. Откако ништо не најдоа и не добија верификација на нивната информација, ми се извинија. Што извини? Треба да сменат нешто, ова се застарени методи – вели Острени.

Според информации на Плусинфо, поради потврдени сознанија дека еден од синовите на Острени поседувал нелегално оружје е извршен претресот во куќата на Острени и на уште едно лице.

Острени потсетува дека по конфликтот во 2001 година јавно се залагал за собирање на оружјето во Македонија.

Острени по конфликтот во 2001 година и трансформацијата на ОНА во политичка партија ДУИ, долги години беше генерален секретар на партијата. Тој беше и потпретседател на Собранието. По несогласувањата со Ахмети и политиките на ДУИ во 2015 година ја формира партијата Унитети.

The post Претрес во куќата на ексгенералот на ОНА, Гзим Острени: Бараа оружје, ме најдоа мене! appeared first on plusinfo.mk.