Куба предупреди дека ќе одговори со самоодбрана ако биде нападната од Соединетите Американски Држави. Изјавата доаѓа по новите тврдења во американските медиуми дека Хавана подготвува сценарија за употреба на борбени дронови против американски цели.

Заменик-министерот за надворешни работи Карлос Фернандес де Косио оцени дека против Куба се води „антикубанска кампања“ со цел да се оправда евентуална воена акција.

„САД се агресорот. Куба е земјата што е под напад и постапува во согласност со принципот на самоодбрана“,  порача тој преку платформата Икс.

Дронови, Гвантанамо и Флорида

Американскиот портал „Аксиос“ објави дека Куба наводно набавила повеќе од 300 борбени дронови и разгледувала сценарија за нивна употреба во случај на криза.

Според извештајот, меѓу потенцијалните цели се споменуваат американската база во Гвантанамо, воени бродови и можни цели на Флорида.

Американските разузнавачки служби, сепак, засега не веруваат дека Куба планира непосреден напад. Според нив, станува збор за подготовки во случај на евентуален конфликт.

„Изговор за напад“

Кубанската амбасада во Вашингтон и Министерството за надворешни работи во Хавана соопштија дека подготовките за самоодбрана неоправдано се претставуваат како закана.

Според висок американски претставник цитиран од „Аксиос“, ваквите информации би можеле да послужат како потенцијален изговор за воена акција против Куба.

Во извештајот се споменува и присуство на ирански воени советници во Хавана, што дополнително ги засилува безбедносните сомнежи во Вашингтон.

Непријателство од 1959 година

Односите меѓу Куба и САД се затегнати уште од Кубанската револуција во 1959 година. За време на мандатот на Доналд Трамп, тензиите дополнително се зголемија по воведувањето нови санкции и економски мерки против Хавана.

The post ХАВАНА ГО ПРЕДУПРЕДИ ВАШИНГТОН „Ќе го искористиме правото на самоодбрана“ appeared first on plusinfo.mk.

Американскиот претседател Доналд Трамп изјави дека операцијата на американските сили во Венецуела ја следел „од час во час“, опишувајќи ја како да гледа „ТВ-шоу во живо“.

Трамп на прес-конференција во Мар-а-Лаго, Флорида, пред новинарите изнесе детали за акцијата, по што се огласи и на својата социјална мрежа „Truth Social“, каде објави фотографии од просторијата. На нив се гледа како тој, заедно со неговите најблиски соработници, во реално време ја следи операцијата во Венецуела. Истите фотографии подоцна ги објави и Белата куќа на платформата „X“.

Покрај Трамп, на фотографиите се забележуваат државниот секретар Марко Рубио, министерот за одбрана Пит Хегсет и други високи американски функционери, со сериозни и напнати изрази на лицето додека трае акцијата.

Операцијата, под кодното име „Апсолутна решителност“, заврши со апсење на венецуелскиот лидер Николас Мадуро, неговата сопруга и син, како и уште три лица од неговото најблиско опкружување.

Според официјални информации, Мадуро бил префрлен на американскиот воен брод „УСС Иво Џима“, од каде е транспортиран до американската база во заливот Гвантанамо на Куба, а потоа во Њујорк, каде што треба да се соочи со судски процес.

The post 📷 АКЦИЈАТА ЈА ГЛЕДАВ КАКО ДА Е ТВ-ШОУ Трамп во живо следел сѐ од апсењето на Мадуро appeared first on plusinfo.mk.

Пентагон вчера соопшти дека во поморската база Гвантанамо пристигнал првиот авион со илегални имигранти, осомничени дека се членови на групата „Трен де арагуа“ и депортирани од САД.

Администрацијата на претседателот Доналд Трамп планира потенцијално да смести десетици илјади мигранти во поморската база во Куба.

Трамп рече дека сака Пентагон и Министерството за домашна безбедност да го прошират притворот на мигрантите во базата за да може да прими повеќе од 30.000 мигранти.

Портпаролката на американското Министерство за внатрешна безбедност, Триша Меклафлин, изјави дека во воениот лет за Гвантанамо имало 10 мигранти. Меклафлин ги нарече „многу опасни криминалци“, но одби да даде дополнителни детали.

Кристи Ноем, секретарот за внатрешна безбедност на Трамп, објави фотографии од мигрантите.

The post 🎥 ВО ГВАНТАНАМО СЛЕТА ПРВИОТ АВИОН СО ИМИГРАНТИ Пентагон потврди дека се префрлени десет „многу опасни криминалци“ appeared first on plusinfo.mk.

Претседателот на САД, Доналд Трамп, вчера објави дека во заливот Гвантанамо ќе биде подготвен објект за 30.000 мигранти, со кој ќе управуваат Пентагон и Министерството за домашна безбедност.

Во американската поморска база, во тој залив на Куба веќе е сместен објект за мигранти кој со децении се користи наизменично, вклучително и за сместување Хаиќани и Кубанци, спасени на море.

– Денеска, исто така, потпишувам извршна наредба со која се упатуваат министерствата за одбрана и домашна безбедност да започнат со подготовка на објект за 30.000 мигранти во заливот Гвантанамо – рече Трамп во Белата куќа.

Тој објасни дека објектот ќе се користи за „приведување на најлошите криминални илегални мигранти кои му се закануваат на американскиот народ“.

Затворот Гвантанамо беше основан во 2002 година од тогашниот претседател Џорџ В. Буш за странски осомничени милитанти по нападите врз САД на 11 септември 2001 година. Во него сè уште има 15 затвореници.

Но, мигрантскиот објект е одделен од тој озлогласен затвор со високо обезбедување за странци, осомничени за тероризам.

Американската војска во вторникот објави дека ќе им дозволи на имиграциските и на царинските служби да приведат мигранти во воздухопловната база Бакли во Колорадо.

Одлуката е донесена откако Трамп претходно нареди депортација на мигрантите од земјата со американски воени летови и распоредување на нешто повеќе од 1.600 војници на границата со Мексико.

The post ТУКА ЌЕ БИДАТ ПРИВЕДЕНИ НАЈЛОШИТЕ МИГРАНТИ Трамп подготвува објект за 30.000 проблематични доселеници во заливот Гвантанамо appeared first on plusinfo.mk.

Од друга страна, италијанските активисти за човекови права центрите ги нарекоа „италијански Гвантанамо“.

Ова е првпат земја која не е во ЕУ да прифаќа мигранти од ЕУ.

Петнаесет други земји од ЕУ побараа од Европската комисија да ги разгледа можните модели за слични шеми.

Questa è l’opera.
La firma è del governo italiano.
Centro di trattenimento per migranti.
Gjadër, Albania. pic.twitter.com/EcLw5rcTt0

— Niccolò Zancan (@NiccoloZancan) October 12, 2024

Dentro i nuovi centri #migranti in #Albania, consegnati dopo il collaudo. Saranno operativi dalla prossima settimana pic.twitter.com/KX3C2NRQex

— askanews (@askanews_ita) October 12, 2024

The post 📽️ ВАКА ИЗГЛЕДААТ ПРИФАТНИТЕ ЦЕНТРИ ЗА МИГРАНТИ ВО АЛБАНИЈА За активистите ова е италијански Гвантанамо appeared first on plusinfo.mk.

Администрацијата на американскиот претседател Џо Бајден денеска премести еден затвореник Мароканец од американскиот воен затвор во заливот Гвантанамо, што е прв ваков потег откако Бајден ја презеде функцијата

Мароканецот Абдул Латиф Насир (56), кој бил затворен од 2002 година, бил ослободен уште во 2016 година, но и покрај тоа останал во затвор, за време на целиот мандат на Трамп.

Сега е вратен во својата земја.

Во затворот останаа уште 39 затвореници. Повеќето од нив се притворени скоро две децении, иако не биле обвинети ниту им е судено.

Затворот во Гвантанамо, наменет за странски осомничени по нападите во Њујорк и Вашингтон на 11 септември 2001 година, основан како симбол на американската „борба против тероризмот“, постојано беше цел на критики поради бруталните методи на испрашување, за кои критичарите велат дека се тортура.

Доналд Трамп за време на својот четиригодишен мандат го држеше затворот во функција, додека Бајден вети дека ќе го затвори објектот.

The post Бајден го ослободи првиот затвореник во Гвантанамо во неговиот мандат appeared first on plusinfo.mk.