Иран предупреди во писмо до генералниот секретар на ОН, Антонио Гутереш, за наводни планови на САД и Израел за подготовка на атентати врз високи ирански функционери, вклучувајќи го претседателот на парламентот Мохамед Бакер Калибаф и министерот за надворешни работи Сејед Абас Арагчи.

Амбасадорот на Иран во ОН, Амир Саид Иравани, ги опиша заканите како форма на државен тероризам и сериозно кршење на меѓународното право.

Во писмото се наведува дека политиката на атентат е дел од поширока кампања на напади меѓу САД и Израел, која вклучува бомбардирање на образовни и здравствени установи, како и уништување на културни места.

Иравани нагласи дека нападите врз високи функционери ја кршат Повелбата на ОН и меѓународното хуманитарно право, бидејќи министерските функционери уживаат личен имунитет според меѓународното право.

Во одделни писма, Иравани, исто така, упати остри протести до Саудиска Арабија, Катар, Кувајт и Обединетите Арапски Емирати за тоа што им дозволија на САД и Израел да ја користат нивната територија и воздушен простор за напад врз Иран.

Тој ги повика овие земји да ги почитуваат „принципите на добрососедство и веднаш да престанат со каква било соработка во агресија“, додека Иран го задржува правото да ги преземе сите потребни мерки за самоодбрана за да го заштити својот суверенитет и територијален интегритет.

Пораката на Иран ја истакнува неговата континуирана загриженост за заканата за меѓународниот мир и безбедност и обидите за нормализирање на атентатите врз државни функционери како „опасен преседан“.

The post „ОВА Е ДРЖАВЕН ТЕРОРИЗАМ И ОПАСЕН ПРЕСЕДАН“ Иран се жали во ОН на ликвидациите на негови функционери appeared first on plusinfo.mk.

Глобалните лидери од светот на политиката и технологијата денеска ги истакнаа ризиците и придобивките што ги носи вештачката интелигенција (ВИ) на самитот „Влијание на вештачката интелигенција“ (AI Impact) во Њу Делхи.

Извршниот директор на „OpenAI“, Сем Алтман, повторно повика на формирање глобално регулаторно тело за ВИ по моделот на Меѓународната агенција за атомска енергија, додека генералниот секретар на ОН, Антонио Гутереш, побара поголема поддршка за земјите во развој во областа на идните технологии и формирање на глобален фонд за ВИ, пренесе ДПА.

Индискиот премиер и францускиот претседател Емануел Макрон беа другите клучни говорници на првиот самит за ВИ во Глобалниот Југ, барајќи технологијата да биде достапна за сите.

На четвртиот ден од самитот се расправаше и за заедничка декларација за поголема меѓународна соработка во областа на ВИ, при што во нацрт-текстот се наведува дека одлуките донесени од сегашните лидери ќе го обликуваат светот воден од вештачка интелигенција што ќе го наследат идните генерации.

Алтман, чија компанија го разви ChatGPT, беше меѓу неколкуте врвни технолошки шефови кои присуствуваа. Во својот говор тој рече дека е очигледно оти итно се потребни правила и безбедносни мерки. Во последните месеци, предупредувањата за потенцијално деструктивната моќ на ВИ станаа погласни, во услови на стравувања дека технологијата наскоро би можела да достигне еден вид суперинтелигенција.

– Можеби сме само неколку години подалеку од раните верзии на таквата интелигенција. Ако сме во право, до крајот на 2028 година повеќе од светскиот интелектуален капацитет би можел да се наоѓа во центри за податоци отколку надвор од нив – рече Алтман.

Тој додаде дека ова треба да се сфати сериозно, појаснувајќи дека ВИ фундаментално ќе го промени пазарот на труд. Тој повика на демократизација на вештачката интелигенција, која ја нарече „единствениот фер и безбеден пат напред“.

Алтман укажа на дополнителни опасности и неизвесности во врска со ВИ, вклучувајќи ја нејзината достапност за диктатори или нејзината злоупотреба како биолошко оружје преку создавање на сосема нови патогени или нови типови на војување.

Во меѓувреме, Гутереш изјави дека неговата цел за глобалниот фонд за ВИ е три милијарди долари, што според него е помалку од еден процент од годишниот промет на технолошките компании. Тој изрази надеж дека парите би можеле да се искористат за градење основни капацитети во економски загрозените земји, вклучувајќи општи вештини, податоци и пристапна компјутерска моќ.

Сличен тон со надеж дојде и од шефот на „Alphabet“, Сундар Пичаи, кој рече дека ВИ може да го подобри животот на милијарди луѓе и да реши некои од најтешките прашања во науката. Тој ги истакна потрагата по вакцини и борбата против отпорноста на антибиотици како два потенцијални случаи на употреба.

The post ВЕШТАЧКАТА ИНТЕЛИГЕНЦИЈА ТРЕБА ДА СЕ КОНТРОЛИРА КАКО НУКЛЕАРНАТА ЕНЕРГИЈА Светските лидери дебатираа за ризиците и можностите на ВИ на глобален самит во Индија appeared first on plusinfo.mk.

Генералниот секретар на ОН, Антонио Гутереш денеска изрази загриженост поради тоа „што не се почитувало меѓународното право“ кога е во прашање американското апсење и одведување на венецуелскиот претседател Николас Мадуро, пренесе неговиот портпарол.

Гутереш смета дека американската операција претставува „опасен преседан“, поради што „ги повика сите актери во Венецуела да се ангажираат во инклузивен дијалог со целосно почитување на човековите права и владеењето на правото“.

Јужноафриканската Република повика Советот за безбедност на Обединетите нации, телото задолжено за одржување на меѓународниот мир и безбедност, итно да се состане за да се ангажира околу оваа ситуација.

„Властите на нашата земја оваа акција ја сметаат за очигледно кршење на Повелбата на Обединетите нации, со која се налага сите држави членки да се воздржат од закани или употреба на сила кога се во прашање територијалниот интегритет или политичката независност на која било држава“, соопшти владата на ЈАР.

The post АКЦИЈАТА НА САД Е ОПАСЕН ПРЕСЕДАН Обединетите нации загрижени од нападот врз Венецуела и заробувањето на Мадуро appeared first on plusinfo.mk.

Претседателката Гордана Сиљановска – Давкова, денеска во Обединетите нации во Њујорк, имаше средба со генералниот секретар на ОН, Антонио Гутереш. Како што јави известувачот на МИА, средбата е во рамки на работната посета на претседателката на САД и учеството на 80. Сесија на Генералното собрание на ОН.

Сиљановска – Давкова на средбата изрази почит кон улогата на Гутереш како глас на разумот и правдата во време на големи глобални предизвици и тектонски промени во меѓународниот поредок.

– ОН треба да ја зајакнат својата улога и да бидат главната арена за справување со глобалните предизвици – од војната во Украина и конфликтите на Блискиот Исток, до климатската криза и спроведувањето на Агендата 2030. Затоа се потребни суштински реформи, преку јакнење на репрезентативноста и демократизацијата на Генералното собрание и на Советот за безбедност-  истакна претседателката на срдбата со генералниот секретар на ОН.

Нагласувајќи ја важноста на женското лидерство, таа укажа дека активно се спроведува и Вториот национален акционен план за жени, мир и безбедност.

Според неа, водството на Гутереш отвора простор за спроведување на потребните реформи на светската организација, а одличното партнерство со тимот на ОН во земјава, резултира со значајна поддршка на реформите за владеење на правото, борбата против корупцијата и доброто управување – приоритети кои се клучни за македонската европска интеграција.

Сиљановска-Давкова му се заблагодари на Генералниот секретар на ОН за безрезервната поддршка на македонскиот пат кон ЕУ и за неговата позиција за потребата од забрзување на евроинтегративниот процес.

Во соопштението од кабинетот на Гутереш, пак, се наведува дека генералниот секретар и претседателката разменија мислења за случувањата во Западен Балкан, вклучително и процесот на пристапување на Северна Македонија во Европската Унија. Тие разговараа и за соработката меѓу Обединетите нации и Северна Македонија.

По средбата со Гутереш, Сиљановска – Давкова, во Постојаната мисија на ЕУ во Њујорк, ќе присуствува на ручекот што за лидерите од Западен Балкан го организира високата претставничка на ЕУ за надворешни работи и безбедносна политика Каја Калас.

Според агендата, таа ќе присуствува и на церемонијата организирана од страна на Атлантскиот совет за доделување награди за глобални граѓани, како и на приемот организиран од меѓународниот центар „Низами Ганџави“.

Претседателката Гордана Сиљановска – Давкова синоќа присуствуваше на приемот што го приреди американскиот претседател Доналд Трамп.

Предвидено е, таа утре да има обраќање на 80. Сесија на Генералното собрание на ОН.п

The post ГУТЕРЕШ Е ГЛАСОТ НА РАЗУМОТ ВО ВРЕМЕ НА ГЛОБАЛНИ ПРЕДИЗВИЦИ Сиљановска Давкова порача дека е потребно јакнење на позицијата на ОН appeared first on plusinfo.mk.

Вчерашниот повик на генералниот секретар на ОН, Антонио Гутереш, за спроведување независна истрага за наводните израелски напади во близина на центрите за дистрибуција на помош во Газа, предизвика остра осуда од израелската Влада, јави ДПА.

Портпаролот на израелското Министерство за надворешни работи, Орен Марморштајн, ја нарече изјавата на Гутереш „срам“ и го критикуваше шефот на ОН за тоа што не ја споменал палестинската исламистичка група Хамас или нејзиното отфрлање на предлозите за прекин на огнот и за ослободување на заложниците.

„Ни збор за фактот дека Хамас е тој што пука во цивили и се обидува да ги спречи да собираат пакети со помош“, напиша Марморштајн во објава на Икс, пренесе ДПА.

Гутереш претходно побара истрага за извештаите, врз основа на тврдењата на Хамас, дека во израелските напади се убиени цивили кои бараат помош. Канцеларијата за медиуми, управувана од Хамас, во неделата соопшти дека 30 лица се убиени во такви инциденти.

„Неприфатливо е Палестинците да ги ризикуваат своите животи за храна“, напиша Гутереш на Икс, додавајќи дека Израел е обврзан според меѓународното хуманитарно право да го олесни доставувањето помош.

Израелската војска ги отфрли обвинувањата, велејќи дека прелиминарниот преглед не пронашол докази за пукање врз цивили во близина или внатре во хуманитарните објекти. Тврдењата не можеа да бидат независно потврдени, пренесе германската агенција.

Израел неодамна ѝ дозволи на Хуманитарната фондација за Газа (GHF) да дистрибуира помош во Појасот Газа, заобиколувајќи ги агенциите на ОН, а воедно продолжи со ограничените испораки на помош по речиси тримесечна блокада.

The post СРАМОТА, ГУТЕРЕШ ЌУТИ ЗА НАПАДИТЕ НА ХАМАС ВРЗ ЦИВИЛИ ШТО ЗЕМААТ ПОМОШ Израел бесен поради изјавата на шефот на ОН appeared first on plusinfo.mk.

Лидерите на САД, Русија и Обединетите нации упатија апели за воздржаност откако Индија изврши ракетни напади врз неколку цели во Пакистан и во пакистанскиот дел на Кашмир, како одговор на смртоносниот напад од 22 април во кој загинаа 26 цивили.

Воената ескалација меѓу двете нуклеарни сили предизвика загриженост во меѓународната заедница, а Вашингтон, Москва и ОН повикаа на деескалација и отворени канали за дијалог.

„Ова е срамота“

Претседателот на САД, Доналд Трамп, ги нарече растечките тензии меѓу Индија и Пакистан „срамота“, додека државниот секретар Марко Рубио оствари разговори со официјални претставници на двете нуклеарно вооружени ривалски држави, откако Индија нападна неколку цели во Пакистан и во пакистанскиот дел на Кашмир, објави Ројтерс.

Индија е важен партнер за Вашингтон во рамки на напорите за спротивставување на растечкото влијание на Кина, додека, пак, Пакистан останува сојузник, иако неговото значење опадна по повлекувањето на САД од Авганистан во 2021 година.

Пакистан соопшти дека подготвува одговор на индиските воени дејствија од доцна во вторникот, кои следеа по напад, извршен од исламистички милитанти на индиската страна од Хималајскиот регион на 22 април, во кој загинаа 26 лица.

– Срамота е, штотуку слушнавме за тоа. Претпоставувам дека луѓето очекуваа нешто да се случи, со оглед на минатото. Тие се борат веќе долго време. амо се надевам дека брзо ќе заврши – изјави Трамп пред новинарите во Белата куќа.

Американскиот државен секретар, Марко Рубио, објави на мрежата Икс дека внимателно ја следи ситуацијата и додаде дека Вашингтон ќе продолжи да ги ангажира азиските соседи за да се постигне „мирно решение“.

Стејт департментот соопшти дека Рубио разговарал со советниците за национална безбедност на двете земји, повикувајќи ги „да ги одржат комуникациските канали отворени и да избегнат ескалација“.

Амбасадата на Индија во Вашингтон соопшти дека индискиот советник за национална безбедност, Аџит Довал, го информирал Рубио за воените дејства, кои се случиле рано во средата според азиско време.

Изминативе денови, Вашингтон ги повикуваше двете страни да соработуваат во деескалација на тензиите и да дојдат до „одговорно решение“.

Високи американски претставници, вклучително и Трамп, изразија поддршка за Индија по нападот од 22 април. Американските власти не го обвинија директно Пакистан.

Минатиот месец аналитичари изјавија дека Вашингтон можеби ќе ги остави Индија и Пакистан сами да се справуваат со тензиите во првите денови, делумно поради тоа што е зафатен со постигнување дипломатски цели во војната на Русија во Украина и во конфликтот меѓу Израел и Газа.

Трамп на 25 април изјави: „Индија и Пакистан ќе си ги средат односите на еден или на друг начин.“

Стејт департментот соопшти дека е во контакт со двете држави на повеќе нивоа, а Рубио минатата недела повторно оствари телефонски разговори со нив.

Русија повикува на воздржаност

Русија ги повика Индија и Пакистан на воздржаност во екот на сè посилната воена конфронтација меѓу двете нуклеарни сили.

„Русија е длабоко загрижена поради ескалацијата на воената конфронтација меѓу Индија и Пакистан. Ги повикуваме страните во индиско-пакистанскиот конфликт да покажат воздржаност со цел да се спречи понатамошно влошување на ситуацијата во регионот“, соопшти руското Министерство за надворешни работи на Русија.

Гутереш е многу загрижен за индиските воени операции

Генералниот секретар на ОН, Антонио Гутереш, денеска повика на максимална воена воздржаност и од Индија и од Пакистан и нагласи дека „светот не може да си дозволи воена конфронтација“ меѓу двете земји, објави УН њуз.

Портпаролот на генералниот секретар на ОН, Стефан Дијарик, изјави дека Гутереш е „многу загрижен“ за индиските воени операции преку Линијата на контрола, што е де факто границата меѓу делови од Кашмир под контрола на Индија и Пакистан, како и преку меѓународната граница на двете земји.

– Генералниот секретар е многу загрижен за индиските воени операции преку линијата на контрола и меѓународната граница. Тој повикува на максимална воена воздржаност од двете земји – рече портпаролот.

Индија вчера изврши ракетни напади од воздух и од земја врз најмалку девет локации во Пакистан, тврдејќи дека цели биле скривалишта на милитантни групи кои стојат зад нападот кон крајот на април во спорниот регион Кашмир во кој загинаа најмалку 26 цивили.

И Хиндуистичка Индија и исламски Пакистан го сметаат муслиманскиот Кашмир за своја територија, иако контролираат само дел од него и веќе имаат водено војни околу регионот.

Индија го обвини Пакистан за нападот од 22 април, но Исламабад ги отфрли обвинувањата и побара независна истрага.

The post СРАМОТА Е ОВА ШТО СЕ СЛУЧУВА МЕЃУ ИНДИЈА И ПАКИСТАН Трамп, Путин и Гутереш повикаа на смирување на тензиите appeared first on plusinfo.mk.

– Веруваме дека ЕУ е основниот столб на мултилатералниот одговор на предизвиците со кои се соочувавме во врска со мирот, безбедноста, климата, одржливиот развој и човековите права – истакна Гутереш, придружуван од претседателот на Европскиот совет, Антонио Кошта.

Гутереш е поканет да учествува на денешниот работен ручек на Самитот на ЕУ, на кој со европските лидери разговара за мултилатерализмот и за други глобални прашања, како и за подготовките на Третата конференција на ОН за океаните и на Четвртата меѓународна конференција за финансирање на развојот.

Како што јави дописникот на МИА од Брисел, Гутереш истакна дека ОН изразуваат сериозна загриженост поради случувањата во Украина и во Појасот Газа и од последиците од климатските промени.

– Очигледно секој мир е добредојден бидејќи зачувува животи, но клучно е прекинот на огнот да го трасира патот кон праведен мир во Украина. А преведен мир во Украина е мир што ги почитува Повелбата на ОН, меѓународното право и резолуциите на Советот за безбедност (на ОН) за територијалниот интегритет на Украина – додаде Гутереш.

Гутереш е шокиран од обновеното насилство во Газа

Генералниот секретар на ОН истакна и дека е шокиран од обновеното насилство во Газа во услови кога палестинскиот народ веќе страда премногу и затоа го повторува апелот за почитување на прекинот на огнот, за овозможување на доставата на хуманитарна помош во сите делови на Појасот и за итно ослободување на сите заложници.

– Од клучна важност е да ја задржиме вратата отворена за единствениот пат за мир на Близок Исток, кој е да имаме палестинска држава што ќе постои рамо до рамо со израелската држава – додаде Гутереш.

Објавен е извештај за последиците од климатските промени

Тој потсети дека Светската метеоролошка организација вчера објави нов извештај за „разурнувачките последици на климатските промени, но дека не треба да се откажеме затоа што целта за ограничување на растот на глобалното затоплување за 1,5 степени е сѐ уште остварлива“.

Но, за тоа, според Гутереш, потребни се двојни напори за намалување на емисиите на штетни гасови, за декарбонизацијата и за замена на фосилните горива со обновливи енергија.

Гутереш ѝ се заблагодари на Европската Унија за сета поддршка што им ја укажува на Обединетите нации, потенцирајќи дека ОН и ЕУ ќе продолжат заедно да работат за подобра меѓународна заедница и за побезбедна планета.

На прашање за негов коментар за повлекување на САД од некои тела на ОН и дали со тоа се нарушува глобалниот мултилатерален поредок, Гутереш одговори дека мултилатерализмот е сѐ уште жив и тој ја игра својата улога, за што доказ е и тоа што тој денеска е во Брисел со Европската Унија.

„Најважно е да има мир во целиот свет“

Претседателот на Европскиот совет, Кошта, од своја страна, порача дека во овој мултиполарен свет поважно од кога и да е досега е зајакнувањето на мултилатералниот систем и пред сѐ на позицијата на ОН.

– Се соочуваме со многу глобални предизвици и за тоа е многу важно да се залагаме за мир во Украина, во Газа, во Судан и насекаде во светот, да се бориме против нееднаквоста, да ги имплементираме Пактот за иднината и за реформата на меѓународната финансиска инфраструктура и да ја насочиме нашата работа кон контрола на климатските промени и кон заштитата на нашите океани и нашиот биодиверзитет – рече Кошта.

Тој додаде дека ЕУ изразува целосна поддршка на личните напори на Гутереш за зајакнување на ОН и на самите Обединети нации и е посветена на исполнување на сите свои обврски во рамките на Светската организација.

The post ОН СЕ ЗАГРИЖЕНИ ЗА СЛУЧУВАЊАТА ВО ГАЗА И ВО УКРАИНА Гутереш посочи дека е потребен итен прекин на огнот appeared first on plusinfo.mk.

– Гутереш испрати итен апел за почитување на прекинот на огнот, повторно воспоставување на хуманитарната помош и безусловно ослободување на преостанатите заложници – изјави портпаролот Роландо Гомес.

Високиот комесар на ОН за човекови права, Волкер Турк, рече дека е ужаснат од континуираното израелско бомбардирање и повика на „итно прекинување на кошмарот“.

– Единствениот пат напред е политичко решение, во согласност со меѓународното право – рече Турк.

Убиени се повеќе од 400 Палестинци во текот на ноќта

Министерството за здравство на Хамас објави дека повеќе од 400 луѓе, главно палестински деца и жени, биле убиени во текот на ноќта во израелските напади врз Појасот Газа.

Бројот на загинати во израелското гранатирање во Појасот Газа достигна 413, јавија од ДПА, повикувајќи се на здравствените власти во палестинската енклава која ја контролира Хамас.

Во нападите се повредени најмалку 660 луѓе.

Израел денеска започна нова офанзива во Газа, со што стави крај на примирјето со исламистичката група. Се стравува од целосно обновување на војната, забележува ДПА.

„Многу здравствени структури се буквално преоптоварени по новото гранатирање“, соопшти денеска Меѓународната федерација на Црвениот крст и Црвената полумесечина.

Светската здравствена организација од своја страна го истакна недостигот на лекови на палестинската територија.

„Поради недостиг на лекови, постои ризик здравствените работници да не можат да обезбедат третман за различни медицински состојби, а не само за трауматски рани“, предупреди СЗО.

Најмалку четворица високи претставници, вклучувајќи и двајца полицајци во администрацијата на Хамас, се убиени во синоќешните напади. Меѓу нив се шефот на владиниот административен комитет, Есам ал Далис, потсекретарот на Министерството за внатрешни работи, генерал Мохамед Абу Ватфа, главниот директор на службите за внатрешна безбедност, генерал Бахџат Абу Султан, и потсекретарот на Министерството за правда, Ахмед ал-Хета.

The post ГУТЕРЕШ Е ЗАПРЕПАСТЕН ОД ИЗРАЕЛСКИТЕ НАПАДИ ВРЗ ГАЗА Убиени се над 400 Палестинци, главно жени и деца appeared first on plusinfo.mk.

Говорејќи на состанокот, организиран од Комитетот на ОН за остварување на неотуѓивите права на палестинскиот народ, Гутереш рече дека тоа се однесува на правото на Палестинците „едноставно да живеат како луѓе во својата земја“.

– Видовме како остварувањето на овие права е сè понеостварливо. Видовме ужасна, систематска дехуманизација и демонизација на цел народ – рече тој.

Гутереш додаде дека во израелските напади биле убиени речиси 50.000 луѓе, од кои 70% биле жени и деца.

– Поголемиот дел од цивилната инфраструктура во Газа, болниците, училиштата и објектите за вода се уништени. Огромното мнозинство од целото население се соочи со раселување, глад и со болести – рече тој.

Гутереш го поздрави договорот за прекин на огнот и за заложниците, истакнувајќи ја потребата за траен прекин на огнот и за ослободување на сите заложници без одлагање.

– Во нашата потрага по решенија, не смееме да го влошиме проблемот. Од витално значење е да се остане верен на основите на меѓународното право. Од суштинско значење е да се избегне каква било форма на етничко чистење – рече тој.

Гутереш ја истакна потребата и за решение на кризата со две држави.

Шефот на ОН, исто така, изрази „голема загриженост“ поради неодамнешната ескалација на насилството од илегалните израелски доселеници на окупираниот Западен Брег и Источен Ерусалим.

– Насилството мора да престане. Како што потврди Меѓународниот суд на правдата, израелската окупација на палестинска територија мора да престане. Меѓународното право мора да се почитува и да се обезбеди одговорност – порача тој.

Повикувајќи на работа за зачувување на единството и на интегритетот на окупираната палестинска територија и на обновата на Газа, Гутереш рече дека силна и обединета палестинска власт е од витално значење за да се случи ова.

– Меѓународната заедница мора да ја поддржи палестинската управа во оваа цел – заклучи тој.

The post ПАЛЕСТИНЦИТЕ ИМААТ ПРАВО ДА ЖИВЕАТ КАКО ЛУЃЕ ВО СВОЈАТА ЗЕМЈА Гутереш повика да се избегне каква било форма на етничко чистење appeared first on plusinfo.mk.

Претставници на Обединетите нации (ОН) денеска ја опишаа ситуацијата во Газа како „ужасна и апокалиптична“, предупредувајќи дека условите со кои се соочуваат Палестинците во енклавата би можеле да се сметаат за „најтешки меѓународни злосторства“.

Генералниот секретар на ОН, Антонио Гутереш, преку неговата заменичка Амина Мохамед, на конференцијата во Каиро за забрзување на доставувањето хуманитарна помош во Појасот Газа, повика меѓународната заедница да постави темели за траен мир во Газа и целиот Блиски Исток.

Според податоците на Министерството за здравство на Газа, во речиси 14 месеци војна помеѓу Израел и палестинската група Хамас, загинаа над 44.000 луѓе.

– Потхранетоста е ендемична… Гладот е неизбежен. Во меѓувреме, здравствениот систем е во колапс – изјави Гутереш.

Тој додаде дека Газа сега има „најголем број деца со ампутации по глава на жител во светот, по операции кои понекогаш се изведуваат без анестезија“.

The post ВО ГАЗА Е УЖАСНО И АПОКАЛИПТИЧНО Гутереш обвини дека се одвиваат најтешки меѓународни злосторства appeared first on plusinfo.mk.