Француската делегација во рамките на групата од досегашните 23 пратеници сега е сведена на 13, од кои само 10 се од редовите на Ренесансата.

Групата „Да ја обновиме Европа“ ја сочинуваат либералната Алијанса на либералите и демократите во Европа (АЛДЕ), центристичката Европска демократска партија (ЕДП) и неколку либерални и центристички партии што не се дел од некоја од европските партии, меѓу кои е Ренесансата.

Како најбројна национална делегација во рамките на групата, Французите ја дадоа сѐ уште актуелната претседателка на „Да ја обновиме Европа“, Валери Ајер, но новиот сооднос на силите во рамки на групацијата веројатно ќе резултира со нејзина смена.

Ренесансата раководи со групата од 2021 година, прво преку Стефан Сежурне, а по неговиот избор за француски министер за надворешни работи, лидерската позиција во јануари годинава ја презеде Ајер.

Сега се проценува дека АЛДЕ ќе сака да ја искористи ослабената позиција на Ренесансата за да го преземе раководењето со либералната група. Дополнително, пратениците на АЛДЕ ќе сочинуваат убедливо мнозинството во групата „Да ја обновиме Европа“ и затоа очекуваат да ги добијат лидерски позиции.

Во игра се веќе и неколку имиња за можни наследници Ајер, меѓу кои како најсериозни кандидати се сметаат поранешните премиери на Белгија и на Чешка, Софи Вилмес од валонското Реформско движење (МР) и Лудовит Одор, кој не е член на ниедна партија.

Покрај ослабените позиции на нејзината партија, врз очекуваната смена на Ајер влијание може да има зголемениот антагонизам меѓу неа и дел од членките на АЛДЕ, поради нејзиното инсистирање за исклучување на холандската Народна партија за слобода и демократија (ВВД) од либералната група поради одлуката да учествува во влада со екстремната десница.

– Ќе имаме неформални разговори за оваа конкретна ситуација оваа недела – најави вчера Ајер.

Таа нагласи дека нејзината улога како претседател на групата е да „овозможи размена на мислења и да донесе разбирливи одлуки“. Ајер претходно тврдеше дека опцијата за останување на ВВД во групата е неприфатлива бидејќи партијата не ги почитува нејзините вредности со тоа што коалицира со екстремната десница.

Сепак, според извори од групата, ова прашање нема да се најде на неформалното заседание на членките на „Да ја обновиме Европа“ предвидено за денеска.

Либерален европратеник, кој побарал анонимност, за „Еуроактив“ тврди дека предлогот на Ајер за исклучување на ВВД не го поддржуваат сите членки на групата.

Поддршка за останување на ВВД во групата изрази шпиценкандидатката на АЛДЕ, германската европратеничка Мари-Агнес Штрак-Цимерман, како и либерални европратеници од Чешка и од Данска.

Прашањето за евентуално исклучување на ВВД ќе биде една од темите на конференцијата на АЛДЕ во Вилнус закажана за 21 и 22 јуни. Крајниот рок до кога либералната група треба да го избере новото раководство е 26 јуни.

The post МАКРОН ЌЕ ГО ИЗГУБИ ЛИДЕРСТВОТО И ВО „ДА ЈА ОБНОВИМЕ ЕВРОПА“? Предвремените избори во Франција се одразуваат и на Европскиот парламент appeared first on plusinfo.mk.

„Додека не бидеме масовно вакцинирани, било каде, каде што е сериозна ситуацијата, мора да се затвориме“, пишува претседателот на Советот на редот Патрик Буе, во отвореното писмо објавено од весникот „Либерасион“ и упатено до Емануел Макрон , кој вечерва треба да и се обрати на нацијата.

„Секој мора да го стави здравствениот императив пред било кој друг и да ја земе во предвид оваа нова ситуација: вирусот победува, продолжува тој, оценувајќи дека за многу од оние кои секој ден се соочуваат лице в лице со ковид-19, се чини дека ја изгубивме контролата над епидемијата “.

– Пациентите се сè помлади, контаминацијата во училиштата се исто толку зачудувачки показатели за ова континуирано влошување на состојбата веќе неколку недели – според Патрик Буе, кој предупредува на можноста за „преполнетост“ на одделенијата за реанимации.

– За неколку дена, лекарите ќе треба да избираат помеѓу пациентите според немедицински критериуми, едноставно поради недостаток на средства или достапна опрема. Oва прашање ќе се постави пред нас на краткорочен план, со сето свое насилство. Соочени со ужасно сериозна ситуација, ни се наметнува потреба од построги мерки, а со тоа и за вистинско ограничување таму каде што тоа е потребно –  инсистира претседателот на Националниот совет на редот на лекарите

The post Франција ја изгуби контролата над епидемијата, сметаат француски лекари appeared first on plusinfo.mk.

Високите соработници на Трамп полека, но сигурно, се оддалечуваат од него, за Си-Ен-Ен наведуваат извори блиски до Белата куќа.

Ситуацијата е иста како со вработените во Белата куќа, така и со луѓето од неговата кампања.

Веќе не е прашањето само дали ќе го признае поразот, туку што ќе стори подоцна.

– Готово е –  изјави еден од клучните советници на Трамп.

Тој вели дека владата е загрижена за тоа што ќе стори Трамп кога ќе сфати дека изгубил.

-Боже. Кој знае – додаде тој.

Некои во кампањата, за Си-Ен-Ен изјави советник на Трамп, ја доведуваа во прашање одлуката во кампањата да ги вклучи Руди Џулијани и неговите синови, кои сега зборуваат за кражба на гласови. Советникот, исто така, вели дека Трамп има право да го оспори резултатот, но и дека тоа го прави сосема погрешно.

Друг советник објаснува дека Трамп е изолиран кога станува збор за наводите дека му биле украдени гласовите.

-Тој е главно сам во тоа – вели советникот.

Но, извори, исто така, велат дека некои луѓе сѐ уште се со Трамп и му кажуваат што тој сака да слушне.

Како потсетување, Џо Бајден е се поблиску до победа над Трамп. Според последните резултати, Бајден денеска направи голем пресврт во Џорџија и сега во оваа држава води пред Трамп, а по неколку часа се смени и резултатот во Пенсилванија, каде исто така поведе со неколку илјади гласови разлика.

Доколку во Пенсилванија остане ваквиот резултат, Бајден ќе има доволно електорски гласови да вкупна победа на изборите во САД, без разлика на резултатите во остантите држави каде се уште се бројат гласовите.

The post Трамп губи, соработниците се дистанцираат од него appeared first on plusinfo.mk.