ЕОС Матрикс Македонија забележа значаен раст на приходите во финансиската 2024/25 година. Овој резултат е нотиран и во Годишниот финансиски извештај кој го објави ЕОС групацијата.

Имено, во периодот од март 2024 заклучно со февруари 2025 година, подружниците од Источна Европа во рамките на ЕОС Групацијата оствариле вкупни приходи од 369,2 милиони евра, што означува раст од 7,6 отсто во однос на претходната година, а во рамките на ЕОС Групацијата овие приходи учествуваат со 35,1 отсто. Во извештајот се нотира дека растот на регионот на Источна Европа се должи на значајните зголемувања на приходите забележани во Грција, Полска, Романија, Србија и Македонија.

– Бројките говорат дека нашето работење бележи нагорен тренд, и покрај промените и предизвиците што се случуваат на домашниот пазар. Нашите инвестиции во иновации и модернизација растат, а оперативната ефикасност е стабилна. Дополнителна мотивација е фактот што заедно со нас растат и нашите клиенти, кои сѐ повеќе ја бараат нашата експертиза. Како членки на групацијата ЕОС која е присутна на пазарите во повеќе од 20 земји, ние имаме пристап до иновации и нови технологии во индустријата, што овозможува развој на нашата компанија, но и развој на секундарниот финансиски пазар. Активно придонесуваме за подобрување на финансиската солвентност на македонските граѓани и компании – изјави д-р Катерина Бошевска, генерална директорка на ЕОS во Македонија и Косово.

ЕОС Групацијата во 2024/25 година бележи консолидиран раст на приходите и на добивката, на сите пазари каде што е присутна. Вкупните приходи изнесуваат 1,1 милијарди евра, што е зголемување за 5,6 проценти во однос на 997,3 милиони евра во претходната година. Групацијата успешно ја заврши 2024/25 година со остварена „EBITDA“ (добивка пред камата, даноци, амортизација и отписи) во износ од 460,8 милиони евра, што е значаен раст во однос на 412,9 милиони евра во претходната година. Лани и годинава, на ниво на групација, во портфолијата се инвестирани 826,6 милиони евра. Како водечки инвеститор и давател на услуги во управувањето со побарувања во Европа, EOS ги комбинира бизнис успехот со одговорноста и одржливоста.

– Нашиот претприемачки дух е нашата најсилна движечка сила. Затоа, прво сакам да им се заблагодарам на сите вработени. Без нивната посветеност, овој резултат не би бил возможен. Доживуваме стабилен и здрав раст. Минатата година, нашите приходи се зголемија за 5,6 проценти – тоа првенствено е резултат на силни инвестиции во купување на побарувања и одличен оперативен перформанс – вели Марвин Рамке, извршен директор на ЕОС Групацијата.

Високите ЕСГ оценки и признанија говорат и за достигнувања во областите на животната средина, општеството и управувањето, а како позитивен пример е истакната ЕОС Матрикс Македонија.

„Нашите национални подружници се фокусираат посебно на своите сопствени проекти за заштита на животната средина, кои се поврзани со специфичните потреби и можности на нивните региони. Нивната посветеност се протега од образовни иницијативи до конкретни намалувања на емисиите на стакленички гасови. На пример, EOS во Северна Македонија учествуваше на конференција за регулативата во делот на екологијата, која во декември 2024 година ја разгледа одржливоста во корпоративниот сектор на широк начин“, велат од ЕОС Групацијата.

Компанијата го имплементираше сопствениот софтвер за наплата „Kollecto+“ во 11 земји. Дополнително, ги користи роботската процесна автоматизација и вештачката интелигенција за да ги направи процесите поефикасни, да ги забрза операциите и постојано да го подобрува квалитетот на услугите.

The post ЕОС МАТРИКС МАКЕДОНИЈА СО СИЛЕН РАСТ НА ПРИХОДИТЕ Групацијата ги објави финансиските резултати appeared first on plusinfo.mk.

„Проширениот список на телевизиски канали на MOVE вклучува над 300 канали, покривајќи разновиден опсег на содржини за да одговараат на сите вкусови. Од филмови, спортови и документарни филмови до, детски програми и меѓународни вести, MOVE обезбедува комплетен пакет за забава за сите во семејството. Со овој импресивен избор, МТЕЛ продолжува да испорачува премиум ТВ услуги, давајќи им на гледачите содржината што ја сакаат кога ја сакаат“, велат од компанијата.

Покрај проширениот избор на канали, MOVE воведе надграден интерфејс на платформата, нудејќи модерен изглед и подобрено корисничко искуство. Со интуитивна навигација, корисниците можат беспрекорно да истражуваат канали и да откриваат возбудлива содржина. Без разлика дали сте на паметен телефон, таблет или паметен телевизор, новиот дизајн на MOVE гарантира дека забавата е на само еден клик.

Од компанијата објаснуваат дека пријавувањето е брзо и лесно: само треба да се пополни онлајн формулар и по одобрување, ќе ги добиете деталите за најавување преку е-пошта. За време на пробниот период, уживајте во пакетот MOVE L со пристап до сите достапни канали на два уреди – мобилен/таблет и паметен телевизор.

Сите заинтереснирани може да ја посетат интернет страницата mtel.mk и почнат да ги гледаат нивните омилени канали 30 дена бесплатно, без обврски, без потпишување договор и без било какви скриени трошоци.

The post ГЛЕДАЈТЕ 300 КАНАЛИ БЕСПЛАТНО ВО ТЕКОТ НА 30 ДЕНА Подобрено искуство на гледање со MOVE од МТЕЛ appeared first on plusinfo.mk.

Документот, кој поставува основа за долгорочна соработка меѓу страните, ги истакнува можностите за „4iG Group“ да влезе на телекомуникацискиот пазар во Северна Македонија и ги идентификува стратешките целни области за идниот развој на телекомуникациските услуги и инфраструктурата во оваа земја од Западен Балкан, во која „4iG Group“ може да учествува.

Прелиминарниот договор во Скопје го потпишаа Александар Николоски, вицепремиер и министер за транспорт и врски на Северна Македонија, и Гелерт Жазаи, претседател на „4iG Group“. Документот, кој ја поставува основата за долгорочна соработка меѓу страните, ги истакнува можностите за „4iG Group“ да влезе на телекомуникацискиот пазар во Северна Македонија и ги дефинира заедничките цели за идната соработка:

– Подобрување на искуството на клиентите со воведување најсовремени мобилни и широкопојасни технологии за да се обезбедат побрзи и посигурни комуникациски и интернет услуги во оваа земја од Западен Балкан;

– Да се ​​имплементираат инвестиции во врвни технологии засновани на 5G, IoT и вештачка интелигенција за развој на дигиталниот екосистем во Северна Македонија, со оглед на посветеноста на владата на Република Северна Mакедонија на иницијативата „Clean Network“ (Чиста мрежа);

– Отворање нови и квалитетни работни места преку формирање регионални канцеларии и оперативни центри, што ќе придонесе за економски раст и за долгорочен развој;

– Минимизирање на влијанието врз животната средина и поддржување на зелените иницијативи на Северна Македонија. Стимулирање иновации, технолошки развој и претприемништво во партнерство со локалните економски актери;

– Меморандумот за разбирање, потпишан денеска меѓу Владата на Северна Македонија и групацијата „4iG“, е целосно во согласност со „Планот за одржливост на Северна Македонија 2030“ и со посветеноста на оваа балканска земја на програмата „Clean Network“.

Партнерите ќе формираат заедничка работна група за унапредување на соработката, со цел да се истражат можностите на пазарот и да се забрза соработката.

The post ВЛАДАТА ГИ ПОДДРЖУВА НАМЕРИТЕ НА 4iG ЗА ВЛЕЗ НА ПАЗАРОТ Прв чекор на моќниот унгарски телекомуникациски оператор appeared first on plusinfo.mk.

Иуте Естонија, водечка финтек групација во Европа, под чијашто капа работи Иуте Македонија, официјално ги објави неревидираните резултати од првите три месеци работење во 2024 година, со нето добивка од 2,2 милиони евра и вкупни приходи од 26,4 милиони евра, бележејќи пораст од 3,5% во споредба со истиот период од минатата година.

Компанијата освен што бележи уште едно исклучително тромесечие, остана доследна на својата мисија, визија и определба за ставање фокус исклучиво на квалитет и подобрено корисничко искуство. На овој начин, со оваа динамика и стратешка поставеност, годишните таргети за приход од 120 милиони евра и нето добивка од 15 милиони евра се сосема остварливи.

– Нашите напори да инвестираме повеќе во квалитет наспроти квантитет вродија со плод. Приоритет и понатаму останува креирање на поголема вредност за нашите клиенти. Со други зборови, и покрај тоа што нашата цел останува надминување на бројката од 300 милиони евра кредитно портфолио, патот кој треба да го изодиме дотаму е исклучиво со унапредување на квалитетот на истото. Затоа особено нѐ радува позитивниот тренд во првиот квартал во делот на наплатата, кој надмина 90%. Во насока на етичко и одговорно кредитирање, се стремиме да привлечеме што повеќе клиенти кои се кредито-способни, а за да го постигнеме ова на ниво коешто го посакуваме, ќе работиме дополнително на едукација на клиентите, на дигиталната писменост, пред сѐ, на нивната доверба и навлегување во сржта на нивните потреби. Колку поголема реална вредност ќе креираме за нив, толку поуспешна ќе биде приказната на Иуте. Изминатава година имавме значителен технолошки напредок и со новите интегрирани модели за корисничко искуство базирани на машинско учење и наука базирана на податоци, очекуваме уште повеќе да се доближиме до потребите на клиентите, преку етичко одговорно кредитирање и намалување на кредитниот ризик – вели Тармо Силд, извршен директор на групацијата Иуте во Талин.

Клучот на успехот на групацијата лежи и во континуираниот напредок кон креирање целосен и подобар еко-систем на сите пазари каде што се нудат услугите, пришто приходите од платежните и осигурителните операции веќе бележат значитечен раст и испорачуваат одлични резултати.

Извршниот директор на Иуте Македонија Биљана Мишиќ вели дека перформансот на Иуте Македонија е над таргетираните очекувања.

– Благодарение на имплементацијата на моделите на машинско учење и напредните аналитики, исплатите во првиот квартал од годината пораснаа за 40% споредено со истиот период минатата година. Воедно, квалитетот на портфолиото во континуитет се подобрува, при што наплатата до 30 дена во првиот квартал достигна 93% на исплатените кредити. Од големо значење за квалитетот на портфолиото има и ново-воведениот сервис на МКБ за автоматска проверка на приходите на клиентите, што воедно допринесува за одговорно кредитирање и непрезадолжување на клиентите. Инвестициите во технологијата и проширувањето на сегментот на услуги остануваат наш најголем приоритет – вели Мишиќ.

Таа посочи дека измените на Законот за финансиски друштва од Министерството за финансии, како и новиот Правилник за работење на финансиските друштва ќе придонесат дополнително кон поголема заштита на клиентите, како и подобрување на репутацијата на финтек индустријата.

Стратегиски резултати на групациско ниво

• 271.000 активни корисници (31.12.2023: 274 илјади), со приход по клиент во износ од 379 евра (3М/2023: 360 евра)
• Вкупниот број на корисници порасна на 1 милион (31.12.2023: 992.000)
• Консолидираниот биланс на групата се зголеми за 3,7% изнесувајќи 389,8 милиони евра, а капиталот се зголеми за 5,5%, изнесувајќи 67,7 милиони заклучно со 31.03.2024
• MyIute апликацијата достигна бројка од 900.000 симнувања заклучно со 31.03.2024  (31.12.2023: 813.000 симнувања)
• Прва исплата на дивиденда на ЕнергБанк во износ од 3,3 милиони евра (јануари 2024)

Оперативни резултати на групациско ниво

• Исплатата на кредити порасна за 29,7%, достигнувајќи 82,1 милион евра (3М/2023: 63.3 милиони евра)
• Бројот на одобрени кредити се намали на 75.000 (3М/2023: 84.000)
• Бруто портфолиото на кредити порасна за 4,9 изнесувајќи 264,3 милиони евра (31.12.2023: 252 милиони евра), од коишто принципалниот износ на кредити порасна за 19,6%, изнесувајќи 244 милиони евра (31.12.2023: 204 милиони евра)
• Нето портфолиото на кредити порасна за 5,5% изнесувајќи 245 милиони евра (31.12.2023: 232,1 милиони евра),
• Вкупната мрежа на бескартични банкомати достигна бројка од 78

Финансиски резултати на групациско ниво

• Приходите од камати и провизии се намалија за 2,6%, изнесувајќи 22,4 милиони евра (3М/2023: 22,9 милиони евра), небанкарско портфолио, како резултат на понискиот приход од државни обврзници во ЕнергБанк
• Нето приходите од камати и провизии се намалија за 10,5%, изнесувајќи 15 милиони евра (3M/2023: 16,8 милиони евра), небанкарско портфолио, како резултат на повисоките трошоци и пад на каматните стапки
• Вкупниот приход порасна за 3,5%, изнесувајќи 26,4 милиони евра (3М/2023: 25,5 милиони евра).
• ЕБИТДА, приспособена за курсни разлики и приходи од Енергбанк, се намали за 10,1%, изнесувајќи 10,6 милиони евра (3М/2023: 11,8 милиони евра), прилагодена на еднократните трошоци поврзани со аквизиција на ЕнргБанк и во износ од 0,9 милиони евра
• Нето добивка во износ од 2,2 милиони евра, споредбено со 2,8 милиони евра во истиот период од минатата година

Во изминатите осум години, Иуте Македонија како дел од групацијата Иуте Естонија одигра огромна улога во редефинирање на финансиското опкружување во финтек секторот во Македонија, наметнувајќи сосема нови стандарди во делот на дигитализацијата и корисничкото искуство. Со ребрендирање од Иуте Кредит во Иуте, компанијата веќе работи на проширување во многу нови финансиски сегменти на работење, со што покрај кредитирањето ќе се понудат платежни услуги и осигурување.

На тој начин, како финтек и лидер во дигиталната трансформација, Иуте се подготвува да стане целосен финансиски партнер на граѓаните, преку одговорно, безбедно и сосема поразличнo дигитално корисничко искуство.

The post ИУТЕ ИМА 2,2 МИЛИОНИ ЕВРА ДОБИВКА ВО ПРВИТЕ ТРИ МЕСЕЦИ Групацијата ги објави неревидираните резултати за првиот квартал од 2024 година appeared first on plusinfo.mk.

„Развиениот длабок и ликвиден секундарен пазар ќе придонесе кон зајакнување на економијата и ќе помогне кон целокупното приближување на земјата поблиску до практиките на Европската Унија и кон успешна хармонизација со постоечките директиви кои веќе наоѓаат своја примена во земјите на ЕУ. „ЕОС Матрикс“ како единствена компанија на домашниот пазар специјализирана за професионално управување со побарувањата споделува дека износот на отпишани побарувања од страна на банкарскиот сектор во последните 7 години изнесува приближно 350 милиони евра. Оваа бројка ја отсликува големината на неискористениот потенцијал на домашниот секундарен финансиски пазар.

– Управувањето со нефункционални побарувања е финансиски инструмент со голем потенцијал, кој може да понуди солуција и да отвори можности за развој на бизнисите, но и да поттикне економски развој. Нашите анализи покажаа дека потенцијалот на пазарот е и во многу недвижности кои се заробени во отпишаните побарувања. Искуството и експертизата што ги имаме во рамки на групацијата ни овозможија на овие недвижности да гледаме како на нов потенцијал, па по нивното преземање, преку трансформација создаваме услови истите да добијат нова вредност, која ќе биде атрактивна за привлекување на нови инвестиции – вели д-р Катерина Бошевска, генерална директорка на „ЕОС Матрикс“.

„ЕОС Матрикс“ е дел од Групацијата ЕОС, која има широко портфолио на инвестиции во недвижности, чија вредност достигнува 510 милиони евра.

Трансформацијата на недвижниот имот кој претставува обезбедување на одредено нефункционално побарување, освен што овозможува овие имоти повторно да станат атрактивни и да се вратат на пазарот, влијае и на заштитата на животната средина и на примената на принципите врз кои се базираат ЕСГ-стандардите. Имено, процесот на трансформација на овој имот значи и целосна ревитализација на зелените површини, но и подобрување на енергетската ефикасност и намалување на јаглеродните емисии.

„ЕОС Матрикс“ очекува овој сегмент дополнително да се развива следната година и да биде еден од неколкуте клучни столбови на финансискиот пазар, особено во делот на управување со финансиските ризици.

И покрај високата инфлација и нестабилноста на финансиските пазари, кои беа предизвикани од геополитички случувања, „ЕОС Матрикс Македонија“ успеа да го реализира својот бизнис план, а во одредени сегменти дури и да го натфрли. Следната година компанијата ќе се фокусира на дополнително зајакнување на своите позиции на пазарот, со акцент на развој на нови модели и потенцијали.

„ЕОС Матрикс Македонија“ е финансиски инвеститор со меѓународна експертиза, кој во континуитет развива нови финансиски алатки и иновативни технолошки решенија, кои ја збогатуваат понудата на финансискиот пазар, овозможувајќи повеќе различни опции за подобрување на конкурентноста на македонските компании“ – се вели во соопштението на „ЕОС Матрикс Македонија“.

The post НОВИ МОЖНОСТИ ЗА ИНВЕСТИЦИИ ВО НЕДВИЖНОСТИ ВО 2024 ГОДИНА „ЕОС Матрикс“ отвора можности за посилен развој на секундарниот пазар appeared first on plusinfo.mk.

Една од водечките светски компании во рударската индустрија Групацијата „Трафигура“ се јавува како покровител на инвестицијата во рудникот Иловица. Меѓудругото оваа Групација се занимава и со трговија со метали и други суровини. Оваа компанија е еден од клучните акционери во „Еуромакс ресоурсес“, која пак во Македонија ги застапува правата кои произлегуваат за рударските концесии во Иловица.

„Трафигура“ е мултинационална компанија со регионални центри на повеќе континенти. Главното седиште за Европа е во Женева, Швајцарија, а потоа следуваат и Хјустон, САД, како и Монтевидео за Јужна Америка, но и Мумбаи во Индија. Компанијата, освен со метали, се занимава и со енергенси, а е основана во 1993 година. Набрзо прераснала во компанија која има клучни сопственички удели во изградбата и активностите на голем број рудници, топилници, нафтоводи, пристаништа и терминали за складирање во светот. Паралелно „Трафигура“ се наметнува и како најголемиот приватен трговец со метали во светот и втор по големина трговец со нафта, која опстојува во економиите на 36 земји, со отворени преку 65 канцеларии.

Во портфолиото на компанијата е истакнато дека тие „најмногу инвестираат во решенија кои придонесуваат за производство на зелена енергија, која пак е најпотребна за енергетската транзиција со нула емисии на јаглерод“. Оттаму велат дека за постигнување на своите цели, инвестирале во повеќе компании и проекти. Меѓу нив се „Пума енерџи“, која контролира пренос на горива, како и „Импала терминали“, која се занимава со складирање на стоки и логистика. Третата покрупна инвестиција е во „Nyrstar“, меѓународен производител на метали и минерали неопходни за постигнување на енергетската транзиција. Покрај тоа, „Трафигура“ е мнозински сопственик на TFG Marine, како и во H2 Energy. „Galena Asset Management“ од друга страна е целосно во сопственост на „Трафигура“ и претставува нејзина инвестициска подружница.

Од компанијата „Еуромакс ресоурсес“ неодамна соопштија дека правните можности за покренување меѓународна арбитража против државата произлегуваат од билатералната спогодба за заштита на инвестиции меѓу Македонија и Швајцарија, потпишана уште во 1996 година. Тие постојано потенцираат дека нивен мнозински акционер е Групацијата „Трафигура“, која како правно лице подлежи на правото на заштита во согласност со наведената билатерална спогодба.

„Спогодбата предвидува дека инвеститорот може да поднесе барање за решавање на спорот до Меѓународниот центар за решавање на инвестициски спорови (ICSID) или Ад-хок Судот воспоставен во согласност со арбитражните правила на Комисијата за меѓународно трговско право на Обединетите Нации (UNCITRAL)“, соопштија од „Еуромакс ресоурсес“.

Од „Еуромакс Ресоурсес“ истакнаа дека ги информирале своите акционери за неодамнешното поништување на претходната Одлука за одобрување за спојување на концесиите од страна на Владата.

„Ваквата нова владина одлука не содржи и не е базирана врз правни аргументи за спротивно одлучување од одлуката со која беше потврдено спојувањето. Компанијата ќе побара од Владата повторно да ја разгледа одлуката за спојување на концесиите со оглед на големата важност за развој на регионот и државата во целина. Земајќи ги предвид актуелните политички околности со кои е прекриена изненадувачката спротивна одлука на првично донесената од Владата, Компанијата со посебно внимание ги проценува следните чекори и ќе ги преземе сите неопходни активности со цел заштита и обезбедување на правата за сите акционери“, соопштија од „Еуромакс ресоурсес“.

Оттаму додадоа дека сите инволвирани страни, што може да се протолкува и дека се однесува и за дејствија на поединечни министри, може да бидат предмет на директни правни дејствија доколку во легална процедура се покаже дека новата одлука е во спротивност со позитивните законски прописи на Република Северна Македонија, или е политички мотивиранa. Според проценките, евентуалната меѓународна арбитража може да ја чини државата најмалку една милијарда евра, не вклучувајќи ги затезните камати од спорот.

The post ПОНИШТУВАЊЕТО НА КОНЦЕСИИТЕ ЗА ИЛОВИЦА ЌЕ ЈА СООЧИ МАКЕДОНИЈА СО ГИГАНТОТ „ТРАФИГУРА“ Пропаднатата инвестиција може да одекне како финансиска бомба во македонската економија appeared first on plusinfo.mk.

– Веќе со години владее хаос во такси превозот во главниот град, поради тоа бараме решение на нашите проблеми – рече првиот човек на групацијата, Сашо Рајчановски во гостувањето на Телма.

Тој вели дека таксистите немаат долгови кон град Скопје, но имаат проблеми со издавањето на лиценци.

Според него, многу таксисти возат без лиценца, а има и такви кои се лиценцирани, но без фискални таксиметри или со диво наштелувани таксиметри.

– Низ скопските улици има над 1.500 диви таксисти, а со решавање на овој проблем, се очекува намалување на бројот на невработени во Агенцијата за вработување, но и полнење на буџетот на Македонија со околу 200.000 евра месечно – посочува Рајчановски.

The post НАД 1.500 ДИВИ ТАКСИСТИ ИМА ПО СКОПСКИТЕ УЛИЦИ Групацијата на такси превозници бара помош од Градот appeared first on plusinfo.mk.

– Празниците се време на дарување и радост. Ние во НЛБ силно веруваме дека радоста е поголема ако се сподели со другите, ако се помогне на оние на кои тоа им е потребно. И токму затоа оваа година, наместо прослави и подароци, одлучивме да донираме во хуманитарни цели. Донацијата на хуманитарните пакети за старите лица во соработка со Црвениот Крст е само една во низата предновогодишни донации на нашата банка и навистина ни значи што можеме да придонесеме овие лица да имаат достоинствена трпеза и посреќни празници – велат од НЛБ Банка и изразуваат благодарност до Црвениот Крст за логистичката поддршка во пакување и дистрибуцијата на пакетите.

Стареењето на популацијата во Македонија наметнува голем број на здравствени, социјални и економски предизвици, а поради промената на структурата на традиционалните семејства се губи и можноста за соодветна семејна грижа. Многу стари лица живеат сами и изолирани во својата немоќ од потребите за секојдневно функционирање, ситуација која е дополнитено влошена со најновите инфлациски текови во светот и во нашата земја.

– Соработката со НЛБ Банка е вистински пример за општествена одговорност и филантропија. Празниците се за секого, но за жал не секој може да има достоинствени празници. Во период на раст на цените, обезбедувањето на храната која претставува основно право и услов за човеково достоинство, за многумина станува предизвик. Не радува тоа што, со заедничката акција и донацијата на НЛБ Банка, 700 стари и изнемоштени лица кои живеат изолирано и на тешко достапни места нема да бидат заборавени за новогодишните празници. Потребата за поддршка на ранливите категории секогаш ќе постои, а ние се надеваме дека и други компании ќе го следат овој пример и ќе помагаат во заедницата во која живееме – велат од Црвениот Крст на град Скопје.

Оваа година сите членки на НЛБ Групацијата одлучија да ја споделат радоста и да помогнат на оние на кои помошта им е најпотребна. Под мотото „Свет полн со добрина е свет полн со можности“, вработените во Групацијата предложија и гласаа за различни здруженија, хуманитарни организации и групи на кои ќе им бидат доделени средства во вкупна вредност од над 500.000 евра, од кои само НЛБ Банка издвојува 75.000 евра. Освен донацијата во соработка со Црвениот Крст, вработените во НЛБ Банка, преку интерна анкета, избраа уште три организации на кои банката со донација ќе им ги разубави овие празници – Универзитетската клиника за детски болести во Скопје, Асоцијацијата за цистична фиброза (АЦФ) чиј патрон од неодамна е НЛБ Банка и Центарот за поддршка на лица со попреченост „Пркос“.

The post НЛБ БАНКА ДОНИРАШЕ 700 ПАКЕТИ СО ХРАНА И старите и изнемоштените лица заслужуваат достоинствена трпеза appeared first on plusinfo.mk.

Секој ден е одлична можност за споделување топлина и добрина, но некако се чини дека за време на празничниот декември овие доблести доаѓаат уште повеќе до израз. НЛБ Групацијата тоа добро го знае, поради што годината ќе ја заврши со донации за ранливи групи, но и во други добротворни цели, на сите пазари каде што работи.

– Светот е многу поубав и пошарен кога стоиме еден до друг и од срце создаваме нови можности, особено оние кои ги создаваме ние, со нашата поддршка – велат од НЛБ Групацијата, чии вработени предложија и гласаа за различни здруженија, хуманитарни организации и групи на кои ќе им бидат доделени средства во вредност од над 500.000 евра.

Дополнително, НЛБ Банка Скопје во соработка со организацијата на Црвениот Крст ќе донира хуманитарни пакети со основни прехранбени продукти за стари и изнемоштени лица кои живеат во рурални подрачја, тешко инфраструктурно достапни до редовни сервиси и потреби.

– Оваа година беше полна со предизвици за многу семејства, организации, компании, едноставно, година на предизвици за заедницата во која живееме и работиме и за регионот за кој знаеме да кажеме дека не е само точка на мапата, туку наш дом. Деновиве влегуваме во најубавиот период од годината, време на празници, дарување и среќа. А ние во НЛБ силно веруваме дека среќата е поголема ако се сподели со другите.  И во тој дух, оваа година, сите членки на НЛБ Групацијата одлучивме да ја споделиме радоста и да помогнеме на оние на кои помошта им е најпотребна. За таа цел, само нашата банка издвојува 75.000 евра кои ќе ги намениме за помош на ранливите категории – истакнуваат од НЛБ Банка.

– Овој регион е нашиот дом. Тука се нашите семејства, пријатели, соработници, соседи, спортисти за кои навиваме, угостители кои знаат како го пиеме кафето… Овде можеме да дишеме со полни гради, да создаваме, да доживуваме подеми и падови, да градиме релации. Затоа, сосема е природно што сакаме да бидеме активно вклучени, да влијаеме и да го подобриме квалитетот на животот во нашиот дом преку создавање можности онаму каде што недостасуваат, особено во оваа празнична сезона. Затоа што свет полн со добрина  е свет полн со можности – истакнуваат од НЛБ Групацијата.

The post ВРАБОТЕНИТЕ ОДБРАА, А ГРУПАЦИЈАТА ЌЕ ИСПОЛНИ Оваа година НЛБ Банка ќе ја заврши со донација appeared first on plusinfo.mk.

Во последните неколку години, НЛБ Групацијата посвети големо внимание на одржливото работење во регионот на Југоисточна Европа, на кој гледа како на свој дом и во кој е присутна со своите банки-членки. Токму затоа, годинешниот проект #РамкаЗаПомош се фокусира на поддршка на идеи кои ќе донесат напредок, можност за одржлив развој и подобар живот.

„Нашето внимание се фокусира на иднината на овој регион и на можностите што тој ги нуди и кои ние во НЛБ Групацијата можеме да ги поддржиме преку нашите одлуки и услуги – односно преку нашето делување. Оттука, фокусирањето на одржливоста преку проектот #РамкаЗаПомош е нешто што за нас е сосема природно“, вели Блаж Бродњак, претседател на Управниот одбор на НЛБ Групацијата.

„Одржливоста, во најширока смисла на зборот, не само од еколошки аспект, туку и од социјален, како и од аспект на управување, е во срцето на нашата работа. Ние сме исклучително горди на овој регион на можности, каков што е регионот на Југоисточна Европа и знаеме дека тој навистина има многу да понуди – од квалитет на живот, до знаење и иновативни идеи. За да продолжи да биде така, со проектот #РамкаЗаПомош, овојпат ќе бараме одржливи решенија за подобро утре. За нас овој регион не е само точка на мапата. Тука е нашиот дом, местото каде што ја градиме нашата иднина“, потенцира Бродњак.

Десет локални финалисти и тројца регионални победници

Право на учество во проектот #РамкаЗаПомош имаат претприемачи, микро и мали бизниси, како и ентузијасти и смели „сонувачи“ на кои НЛБ Групацијата сака да им помогне да ги остварат нивните идеи за подобра иднина.

Сè што треба да направат заинтересираните е, најдоцна до 22 октомври 2022, да пополнат едноставен онлајн формулар на веб-страницата на НЛБ Банка и во неколку реченици да ја претстават нивната одржлива идеја за производ, услуга или план за унапредување на одржлив развој на нивниот бизнис, кои ќе имаат позитивно и мерливо влијание врз подобрување на квалитетот на животот.

По затворањето на конкурсот, локална комисија ќе ги избере 10-те најдобри, одржливи идеи од Северна Македонија кои НЛБ Банка ќе ги награди со посебни поволности – паричен износ од 60.000 мкд и бесплатна Visa Business картичка, а воедно финалистите ќе добијат и медиумска поддршка и презентација на дигиталните канали на НЛБ Банка и медискиот партнер Bloomberg.

Од сите финалисти во регионот, во следниот круг, жири комисија составена од меѓународни експерти ќе ги избере тројцата регионални победници кои ќе ги понудат најдобрите решенија за предизвиците на одржливиот развој, циркуларната економија и иднината. За нивна поддршка НЛБ Групацијата обезбеди вкупно 100.000 евра, од кои најдобриот проект ќе биде награден со 50.000 евра, второпласираниот проект со 30.000 евра, а третопласираниот со 20.000 евра.

Одржливоста – еден од столбовите на работењето на НЛБ Групацијата

НЛБ Групацијата ја постави одржливоста во срцето на своето работење, во сите свои одлуки и активности, знаејќи дека со таквото делување може да влијае на квалитетот на животот и одржливиот развој на сите пазари во регионот каде што работи. Вниманието на НЛБ Групацијата е насочено кон иднината, кон создавање подобар живот за сегашните и идните генерации.

Во согласност со ваквата своја определба и стратегија за развој, НЛБ Групацијата, преку проектот #РамкаЗаПомош, сака да им даде поддршка и на останатите уникатни и иновативни идеи кои се однесуваат на предизвиците на одржливоста. Токму затоа, со овој конкурс на проектот #РамкаЗаПомош се бараат проекти кои придонесуваат за постигнување на најмалку една од седумнаесетте цели за одржлив развој на Обединетите Нации и ги следат насоките на Рамката за одржливост на НЛБ Групацијата.

The post НЛБ БАНКА ГО БАРА НОВИОТ ТЕСЛА И НУДИ 100.000 ЕВРА Групацијата ќе поддржи три најдобри идеи за одржлив бизнис appeared first on plusinfo.mk.