Поранешната Мис Универзум Каролина Флорес Гомез беше брутално убиена на 15 април, со куршум во лицето, вратот и главата од нејзината свекрва. Обвинителството ја именуваше нејзината свекрва како главен осомничен за убиството, откако во јавноста се појави видео од ужасниот злостор.

Сопругот на трагично починатата поранешна Мис Универзум изнесе застрашувачка изјава пред истражителите, тој призна дека се обидел да го дои нивното бебе врз безживотното тело на неговата сопруга, кратко откако таа наводно била убиена од неговата „љубоморна“ мајка.

Покрената е голема полициска потрага по Ерика Марија Херера (63), откако вознемирувачко видео го прикажува како се приближува кон Каролина Флорес Гомез (27) вооружена со пиштол, објавува „Сан“.

Злосторството се случило доцна во ноќта на 15 април во елитна населба во Мексико Сити. Свекрвата избегала по пукањето и полицијата сè уште ја бара.

Бизарен потег на сопругот по убиството

Според локален новинар за криминал, сопругот на Каролина, Алехандро, рекол дека не го пријавил веднаш злосторството бидејќи сакал да го нахрани бебето.

Неговото објаснување ја запрепасти јавноста: тој тврди дека се обидел да го стави бебето на градите на починатата мајка за да ја дои, како што обично правела Каролина во тоа време. После тоа, го бањал бебето и дури потоа ги повикал своите адвокати.

Тој не ја известил полицијата до следниот ден, оправдувајќи го своето одложување со страв дека социјалните служби би можеле да му го одземат детето. Алехандро во моментов не е уапсен, но е под истрага за тоа што не го пријавил убиството на неговата сопруга.

| El esposo de Carolina Flores, identificado como Alejandro Sánchez, presenció el ataque, pero no denunció los hechos hasta el día siguiente, aproximadamente 24 horas después, lo que permitió que la asesina (su madre) escapara. https://t.co/JxXJL5tkvC pic.twitter.com/HhVnWWoC82

— Alerta Mundial (@AlertaMundoNews) April 24, 2026

Дали ѝ дал време на мајка си да избега?

Мајката на Каролина, Рејна Гомез Молина, изнесе сериозни обвинувања против својот зет.

Таа тврди дека Алехандро намерно го чувал телото во куќата и го одложил повикувањето на полицијата за да ѝ даде на мајка си доволно време да избега. Истражителите сè уште официјално не ги потврдиле овие обвинувања.

Вознемирувачките снимки од безбедносните камери од денот на убиството ја покажуваат Каролина, облечена во бела бањарка, како оди кон задниот дел од куќата. Локалните медиуми известуваат дека таа тргнала да донесе вода за нејзината свекрва. Потоа Херера тивко ја следи , по што низ собата одекнуваат вресоци и истрели.

„Мој си, а таа те украде“

Неколку секунди по пукањето, Алехандро влегува во кадарот држејќи го бебето во раце.

– Што беше тоа? – ја прашува мајка си на шпански.

На снимката се слуша и гласот на непознато лице, кое вика: „Што направи, дали си луда?“

– Ништо, ме налути – мирно одговара неговата мајка.

– Што ти е? Таа ми е жена – мирно одговара Алехандро.

Потоа неговата мајка одговара со морничавите зборови: „Мој си, а таа те украде“.

Ве предупредуваме дека видеото е вознемирувачко!

Meksika’da eski güzellik kraliçesi Carolina Flores Gómez (27), aynı evde yaşadığı kayınvalidesi Erika Herrera tarafından 6 el ateş edilerek vahşice öldürüldü.

Olayın videosunda kocası şok içinde “Ne yaptın sen… Deli misin?!” diye bağırıyor.

Bazı insanların akıl sağlığı… pic.twitter.com/3sGcZIjvor

— Serkan Tanyildizi (@srkntnyldz) April 23, 2026

Близок пријател на Каролина открил за шпанскиот портал „Дебата“ дека нејзината свекрва почнала психолошки да ја злоупотребува жртвата откако забременила.

Пријателот тврди дека Каролина сметала дека Херера „никогаш не ја сакала“ и дека ситуацијата драстично се влошила за време на бременоста.

Друг мотив за злосторството?

Покрај посесивната љубомора, се шпекулира дека мотивот за злосторството може да биде и наследство од повеќе милиони долари, бидејќи Каролина неодамна добила голема сума пари по смртта на нејзиниот татко.

Овој трагичен настан длабоко ја потресе мексиканската јавност и предизвика бран протести низ Баја Калифорнија за време на викендот.

Каролина, по потекло од Сан Диего, ја освои титулата Мис Тин Универзум за Баја Калифорнија во 2017 година и беше гордост на нејзиниот роден град Енсенада, каде што освои и неколку локални награди за убавина.

The post 📷 📽️ (ВОЗНЕМИРУВАЧКО) ГРОЗОМОРНО УБИСТВО НА МИСИЦА Свекрва ја уби снаата, а сопругот сакал да го дои бебето од мртвото тело appeared first on plusinfo.mk.

Ирина Заруцка, 23-годишна девојка која избегала од ужасите на војната во Украина за да најде безбедност во Соединетите Американски Држави, беше брутално убиена на 22 август во воз Шарлот, Северна Каролина. Нејзината смрт, снимена на камерите за надзор и споделена низ целиот свет, не е само лична трагедија, туку станува потресен симбол на распадот на системот кој требало да ги заштити најранливите. Грозоморното убиство предизвика жестока национална дебата за криминалот, менталното здравје безбедноста во јавниот превоз. Но, и за човештвото. Украинката, избодена од пореметен убиец кој одамна требало да биде зад решетки или во институција, умираше сама. Никој од останатите патници не стана и не се обиде да ѝ помогне. Сите поминуваа покрај неа, како ништо да не се случи. Но, грозоморното убиство предизвика и една друга жестока дебата во САД – расна дебата. Во крвавата сцена само жртвата Заруцка е бела, останатите – убиецот и сопатниците се црни …

Убиство снимено со камера

Таа вечер, Ирина со воз се враќаше дома од работа во локалната пицерија. Зад неа седеше 34-годишниот Декарлос Браун.

Снимките од безбедносните камери покажуваат застрашувачка сцена. По околу четири минути мирно возење, Браун вади и отвора мал џебен нож, стана без никаква провокација, ја зграпчи Ирина одзади и набрзина и нанесе 3 убоди во вратот. Нападот трае помалку од 4 секунди. Збунета и во шок, Ирина се држи за вратот и устата, а крвта почнува да тече. Убиецот заминува. По неколку секунди несреќната девојка се струполи на седиштето, па на подот.

Никој од присутните не ѝ помогна на ниту еден начин – ниту пред ужасниот напад, ниту по него.

Кој е убиецот?

Декарлос Браун, човекот одговорен за овој бесмислен чин, не е непознат за полицијата и правосудниот систем. Неговата приказна е хроника на насилство, ментални болести и пропуштени можности за интервенција.

Браун има повеќе од 14 апсења за прекршоци, вклучувајќи тешка кражба, провала и вооружен грабеж, за кои отслужил 5-годишна затворска казна. По неговото ослободување од затвор во 2020 година, неговото семејство забележало драстична промена. Му била дијагностицирана шизофренија, но одбивал да ги зема лековите. Станал сè поагресивен и параноичен.

Неговата мајка, Мишел Девит, опишала како нејзиниот син станал насилен, викал и трескал врати. Тој тврдел дека има „материјал“ или „чип“ во неговото тело што го контролирал. Во јануари истата година, само неколку месеци пред убиството, бил уапсен за злоупотреба на бројот за итни случаи 911. Во тоа време, тој им рекол на полицајците дека верува дека некој му вградил „вештачки“ материјал што контролира што јаде, како оди и како зборува. И покрај очигледните знаци на тешка ментална болест и историја на насилство, судијата го ослободи без кауција.

Семејството очајно се обидуваше да добие помош за него. Неговата мајка поднесе барање за негово принудно психијатриско лекување, по што тој помина 14 дена во институција, но набрзо беше пуштен. Болниците одбија да го примат бидејќи не претставуваше непосредна закана за себе. На крајот, исцрпени и исплашени за сопствената безбедност, неговите родители го однесоа во засолниште за бездомници.

Гнев и политичка бура во САД

Убиството на Украинката Ирина Заруцка деновиве предизвикува политичка бура и жестока дебата во Соединетите Американски Држави. Републиканските политичари, вклучувајќи го и претседателот Доналд Трамп, го искористија случајот како доказ за неуспехот на политиките за „мек“ криминал во градовите предводени од демократите.

Американскиот претседател Доналд Трамп, објави видеопорака за случајот.

– Го видов ужасното видео од една убава, млада украинска бегалка која дојде во Америка за да избега од бруталната војна во Украина и невино се возеше со метро во Шарлот, Северна Каролина, каде што беше брутално нападната од ментално пореметен лудак. Сторителот беше познат криминалец, кој претходно беше уапсен и ослободен без кауција во јануари. Тој беше уапсен 14 пати. Што по ѓаволите правеше тој возејќи се со воз и шетајќи по улиците? Криминалци како овој треба да бидат затворени – рече Трамп.

Крвта на оваа невина жена буквално може да се види како капе од ножот на убиецот, а сега нејзината крв е на рацете на демократите кои одбиваат да ги затворат лошите луѓе, додаде тој.

„Ѕверот кој толку брутално уби убава млада Украинка, која дојде во Америка барајќи мир и безбедност, треба да добие брзо судење и единствена можна казна – смртна казна. Нема друга опција“, напиша Трамп на социјалната платформа Трут соушл.

Осомничениот, 34-годишниот Декарлос Браун е соочен со обвинение за убиство од прв степен, за што во Северна Каролина е предвидена смртна казна.

И убиениот Чарли Кирк зборуваше за Ирина

Видеото од убиството извршено на 22 август пред неколку дена го објави Транзитниот систем на областа Шарлот. Стана вирално на социјалните мрежи и го привлече вниманието на влијателните личности, коментаторите, политичарите и на милиони луѓе во светот, кои се гневни поради безумниот чин.

Граѓаните коментираат дека ако ситуацијата била обратна, односно, ако жртвата била црна жена, а убиецот бел маж „медиумите ќе врескале“ и дека ќе имало протести, а за овој настан немаше никакво известување. Многумина велат дека овој грозоморен настан направил голема примена во нивната свест. Стотици изјавуваат дека се многу тажни што ја изневериле Ирина. Афроамериканци, пак, исто така, ги критикуваат медиумите што не известуваат за настанот, затоа што со тоа се создава омраза кон црните луѓе, кои, исто така, го осудуваат убиството.

И соработникот на Трамп, активистот Чарли Кирк, врз кој вчера беше извршен атентат, зборуваше за трагичното и ужасно страдање на Ирина. Тој на своите профили на Фејсбук и на Икс објавуви повеќе видеа и свои коментари за убиството на младата украинска бегалка.

Во нејзина чест се најавува дека ќе се сликаат мурали на зградите низ градовите во САД. Милијардерот Илон Маск најави дека ќе донира милион долари за таа намена.

Во онлајн некролог, семејството напиша дека Заруцка избегала од војната во Украина со нејзината мајка и браќа и сестри во 2022 година и „брзо го прифатила својот нов живот во Соединетите Држави“. Во него се вели дека таа била „надарена и страсна уметница“.

„Нејзиното отсуство остава длабока празнина, но нејзиниот дух засекогаш ќе живее во срцата на оние што ја сакале“, се вели во некрологот.

Ирина Заруцка ќе биде погребана во САД.

The post 🎥📷 ГРОЗОМОРНОТО УБИСТВО ВО ВОЗ ШТО ЈА РАЗБЕСНУВА АМЕРИКА Трамп побара смртна казна, ќе се цртаат мурали за Украинката Ирина appeared first on plusinfo.mk.

Судот наведува дека вечерта девојката измешала неколку таблети „треан“ со лимонада и му дала на својот татко да се напие. Лекот за неа претходно го набавила нејзината тетка, односно сестрата на нејзината мајка. Потоа, Кулишиќ го заклале неговата 32-годишна сопруга и нејзиниот 19-годишен љубовник.

Тамара, ќерката на Саша од првиот брак, вели дека никој ниту во своите најлуди соништа не можел да замисли вакво злосторство.

– Сето тоа се случило на спиење… Тааа монструм жена, на татко ми му турила таблети за спиење и тој ги испил. Бил дезориентиран и тоа момче од 19 години го удрило татко ми три пати со боксер во главата и така изгубил свест – изјави Тамара за Мондо.

Таа вели дека чувствува и тага и гнев откако открила што се случувало со нејзиниот татко.

– Не можам да ја опишам мојата состојба, чувствувам и тага и гнев. Откривајќи кој и на кој начин го убил татко ми… Не знам. Она што 100% сигурно можам да го кажам е дека мотивот за ова убиство се пари! Користољубие и ништо друго. Па, тоа 19-годишно момче, само еден ден пред да се случи сѐ, на Инстаграм ги објави парите и напиша: „стигна платата, дали некому му треба ситно“. Страшно! – вели ќерката на убиениот Саша Кулишиќ.

Судот детално опиша како сопругата и љубовникот го убиле Кулишиќ. Во се учествувала неговата малолетна ќерка, неговата сопруга Андреа Кулишиќ и нејзиниот љубовник Дражен Лазаревиќ. Првите резултати од истрагата укажуваат дека Андреа и Дражен решиле да извршат кривично дело за да можат да ја продолжат љубовната врска, за што, како што пишува Кликс, неодамна дознал и нејзиниот сопруг.

Не е исклучена можноста зад сѐ да стои користољубие, односно дека осомничените сакале да го присвојат имотот на Кулишиќ, убедени дека кога него ќе го нема, ним ќе им остане куќата и бизнисот. Телото на убиениот Саша Кулишиќ е пронајдено во шума во околината на Добој. Тој бил гол и врзан за дрво со јаже и со селотејп.

„Осомничените се обвинети дека имале намера да му го одземат животот на Кулишиќ, на 29 јануари попладне откако малолетната А.К.(14), ќерка на осомничената Андреа и убиениот Саша, според претходен договор, здробила поголем број таблети „треан“ од 10 мг, кои по барање на осомничените ги купила сестрата на Андреа, и ги измешала со вода.

Според договорот со осомничените, малолетничката вечерта отишла во семејниот дом на нејзиниот татко, каде што направила лимонада со вода во која имала искршени таблета, која му ја дала на својот татко со намера да го успие. Мајката и ќерката претходно му дала на Кулишиќ од тие таблети без тој да знае за тоа“ – стои во судското известување.

Откако апчињата почнале да делуваат и тој заспал, ќерката ја оставила отклучена влезната врата од куќата, известувајќи ги осомничените кои дошле и влегле внатре.

„По влегувањето во внатрешноста на куќата, на малолетната ќерка и било кажано да оди во дневната соба и да ја затвори вратата, а осомничените влегле во просторијата во која спиел Кулишиќ, главата му ја залепиле со селотејп, а нозе и рацете му ги врзале со јаже и му задале неколку удари од кои искрварил, а потоа го извадиле од куќата и со моторно возило го однеле во шумата во непосредна близина на блиското излетничко место. Таму осомничените со непознат предмет му нанеле четири убодни рани и од повредата и загубата на крв настапила смрт, а потоа во таква состојба го оставиле во шума и се упатиле во непознат правец“ – соопшти Судот изнесувајќи ги во јавност стравичните детали од грозоморното убиство.

The post 📷 ЌЕРКАТА ГО ТРУЕЛА, МАЈКАТА И ЉУБОВНИКОТ ГО ЗАКЛАЛЕ Откриени стравични детали за грозоморното убиство во Добој  appeared first on plusinfo.mk.