Управата за хидрометеоролошки работи предупреди за нестабилно време во текот на утрешниот ден, со пороен дожд, грмежи и со локално невреме.

„Под влијание на циклонска активнос утре времето ќе биде променливо облачно со повремени врнежи од дожд. Локално ќе биде нестабилно со пороен дожд, грмежи и со засилен ветер. Наместа ќе има поинтензивни процеси во форма на невреме со пообилен пороен дожд, во количина над 20 литри на квадратен метар, електрични празнења, силен ветер и со појава на град“, се вели во инфпрмацијата од УХМР.

Најстудено утре се очекува да биде во Маврово, со утринска температура до 9 степени, а најтопло во Гевгелија со максимална температура до 29 степени Целзиусови.

Во Скопје утре времето ќе биде променливо облачно со повремени врнежи од дожд. Во делови од котлината ќе има поинтензивни процеси во форма на невреме со интензивен пороен дожд, електрични празнења, силен ветер и со изолирана појава на град, температурата ќе се движи од 14 до 27 степени.

На страницата за метеоаларми во Европа за Македонија е издадено жолто и портокалово ниво на предупредување, за дожд и за грмотевици.

Во следните денови ќе се задржи променливо облачно време со сончеви периоди во текот на денот.

Во сабота и во понеделник повторно се очекуваат поинтензивни процеси со пообилен пороен дожд и со локално невреме.

Алармите за предупредување на населението од временски непогоди се издаваат во жолта, портокалова и во црвена боја и се дел од системот за метеопредупредувања во Европа. Жолт аларм значи умерена опасност од временските прилики, со можност за умерени последици по околината, портокалов значи дека опасноста е голема, а црвениот аларм предупредува за екстремна опасност, со можност за катастрофални последици по луѓето, нивните имоти и по околината.

Алармите се издаваат за различни временски прилики и појави: за ветер, дожд, горештина, студ, снег, мраз, грмотевици, крајбрежни настани, шумски пожари, лавини, поплави, порои, опасности на море и за суша.

The post ПРЕДУПРЕДУВАЊЕ ЗА ОПАСНО ВРЕМЕ Порој, грмотевици и силен ветар низ цела Македонија, на некои места е можен и град appeared first on plusinfo.mk.

Под влијание на циклонска активност со центар над Џеновскиот Залив, во петок и во сабота (29/30 август) целиот регион ќе биде зафатен од поројни врнежи, грмежи, силен јужен ветер.

На повеќе места се очекува појава на силни временски непогоди, проследени со многу дожд (над 50 л/м2 за кратко време) силен и бурен ветер, силни грмежи и громови, појава на крупен град, а над Јадранот можна е и појава на пијавица (торнадо).

Повеќе детали за прогнозата на Славчо Попоски на следниот ЛИНК.

The post СИЛНО НЕВРЕМЕ ДОАЃА НА БАЛКАНОТ, МОЖНА Е СУПЕРКЕЛИЈСКА БУРА За викендот ќе врне крупен град и ќе грми appeared first on plusinfo.mk.

Невреме проследено со силен ветер и грмотевици го зафати Скопје и околината во доцните попладневни часови. Граѓаните од повеќе делови на градот пријавуваат грмотевици, засилен ветер и локален дожд со слаб до умерен интензитет.

На социјалните мрежи веќе кружат видеа и фотографии, а меѓу нив и снимка од паднато дрво на автопатот Скопје – Тетово. Засега нема информации за повредени или поголеми материјални штети.

Од Управата за хидрометеоролошки работи (УХМР) предупредуваат дека врз Македонија се движи нестабилна воздушна маса, особено над западниот и централниот дел на земјата.

– Се забележуваат области со интензивни врнежи западно од Скопје, кон Тетово и Гостивар, што укажува на присуство на активна конвективна облачност со силен дожд, а можеби и град – соопштија од УХМР.

Радарската слика покажува интензивна атмосферска активност, со присуство на силни врнежи, грмежи и можна појава на град.

Граѓаните се повикуваат на претпазливост, особено при движење на отворено и во близина на дрвја, билборди и слични конструкции.

Од УХМР информираат дека нестабилност проследена со пороен дожд, засилен ветер, грмежи и наместа појава на град има и во регионот на Македонски Брод и Кичево, југозападно од Тополчани, како и во Кривопаланечкиот регион. Прилепскиот и Тополчанскиот регион, исто така, е зафатен од силна нестабилност проследена со пороен дожд, грмежи засилен ветер и појава на град.

– Нестабилност проследена со пороен дожд, засилен ветер,грмежи и наместа појава на град имаме во регионот на Македонски Брод и Кичево, југозападно од Тополчани и во Кривопаланечкиот регион. Прилепскиот и Тополчанскиот регион зафатен од силна нестабилност проследена со пороен дожд , грмежи засилен ветер и појава на град. Нестабилност имаме и во Скопската Котлина како и на североистокот на Македонија – велат од УХМР.

The post СИЛЕН ВЕТЕР И ГРМОТЕВИЦИ ГО ТРЕСАТ СКОПЈЕ  Започна невремето во главниот град, УХМР алармира appeared first on plusinfo.mk.

Повеќе од 30.000 громови ја погодиле изминатата ноќ Велика Британија, која е зафатена од силно невреме и дожд, пренесува ДПА.

Метеоролошката служба соопшти дека поголемиот дел од громовите се случиле на море, но обилните дождови и невремето го погодиле и копното, предизвикувајќи поплави и штети во Кент.

На социјалните медиуми има бројни пријави за прекини во снабдувањето со електрична енергија поради невремето.

Полицијата во Кент го затвори автопатот A256 за сообраќај, а транспортните компании ги откажаа сите патувања.

The post СИЛНО НЕВРЕМЕ ВО ВЕЛИКА БРИТАНИЈА 30.000 громови го параа небото, поплавени улици, објекти без струја appeared first on plusinfo.mk.

Француската опсерваторија за урагани и бури Кераунус соопшти дека на 24 август се забележани повеќе од 22.000 удари на гром низ целата земја.

Според податоците на француската метеоролошка служба Метео-Франс, бурата за време на викендот била во сила во 24 провинции.

Локалните медиуми известуваат дека многу дрвја биле урнати, а патиштата поплавени во провинциите погодени од невремето.

Едно лице загина во сообраќајна несреќа во провинцијата Мозел, кога дрво паднало на патот.

На снимките објавени на социјалните мрежи се гледаат возила погодени од град кои формираат долги редици додека чекаат на патиштата.

The post ВАКВО НЕШТО РЕТКО СЕ СЛУЧУВА Повеќе од 22.000 удари на гром во Франција за еден ден appeared first on plusinfo.mk.

Во текот на 24 часа на 6 август 2016 во Скопје наврнале 92,9 литри на метар квадратен, а во текот на првите два часа од почетокот на невремето имало повеќе од 800 громови.

Невремето и поројот од вода предизвика пад на дрвја, а домовите останаа без електрична енергија. Околу илјада граѓани беа евакуирани во текот на ноќта на 6 август.

Граѓаните од целата држава координирани од Црвениот крст, Кризниот штаб и надлежните институции во наредните денови се солидаризираа за собирање на најнеопходната помош за настраданите. 8 август 2016 беше прогласен за Ден на жалост во Република Македонија.

Управата за хидрометеоролошки работи во извештаите по невремето информираше дека на Зајчев рид – главната метеоролошка станица во Скопје, бил забележан рекорден интензитет за петчасовни врнежи од 84,5 милиметри.

Да не се заборави, но никогаш да не се повтори!

The post 📽️ 📷 8 ГОДИНИ ОД КАТАСТРОФАТА ВО СТАЈКОВЦИ 22 лица го загубија животот во поплавите во Скопје appeared first on plusinfo.mk.

Времето во главниот град продолжува да биде многу топло, со мала облачност. Но и во Скопје за попладневно е можно нестабилно време со пороен дожд и грмежи. Во делови од Скопската Котлина е можно невреме со силен ветер и град. Температурата се очекува да биде од најниски 19 до највисоки 39 степени.

Слична е прогнозата за цела недела, со таа разлика што од УХМР најавуваат благо постепено опаѓање на дневните температури. Во претпладневните и пладневните часови се очекува топло време, додека во попладневните и вечерните часови, на повеќе места се очекува нестабилно време и локални невремиња.

The post ПОВТОРНО НАЈАВА ЗА НОВО НЕВРЕМЕ Претпладне ќе биде многу топло, а попладне пороен дожд со грмежи appeared first on plusinfo.mk.

Од почетокот на неделата метеоролозите предупредуваат на интензивна активност на грмотевици, а жителите на северна Грција за тоа беа предупредени од итниот број 112 во средата.

Невремето стигна до Атика во четвртокот, најсилно ги погоди североисточните предградија на Атина, а жителите добија и итни СМС пораки. Обилни врнежи беа забележани и на островот Лезбос во источниот дел на Егејското Море и во централна Грција.

Генералниот секретар за цивилна заштита за Катимерини изјави дека предупредувањето за Атика е неопходно поради интензивните громови во областа.

Според Противпожарната служба, неколку мали пожари избувнале како последица од удари на гром во северните предградија Дионис, Маратон и Халандри.

Портпаролот на Противпожарната служба Василис Ватракојанис изјави дека дождот не успеал да ги изгасне овие пожари за што е потребна интервенција на пожарникарите.

СЦЕНИ КАКО ОД ХОРОР ФИЛМОВИ ПРИСТИГНУВААТ ОД ГРЦИЈА! Дождот ги поплави улиците, громовите пукаат, државата е на штрек

The post РЕГИСТРИРАНИ НАД 12.000 УДАРИ НА ГРОМ САМО ДЕНЕСКА Дождот не успеа да ги изгаси пожарите предизвикани од невремето appeared first on plusinfo.mk.

Дожд и силно невреме ја погодија Грција, а последиците од лошото време веќе се манифестираа на северот на Атика и областите на централна Грција и Самотракија.

Во голем број случаи веќе имало поплави, додека громови предизвикале пожари, поради што пожарникарите имале полни раце работа. Мрежата на Националната опсерваторија на Атина забележала над 400 удари од гром во рок од два часа.

Дождот со послаб интензитет продолжува да врне, а претходно обилни дождови наврнаа во Дионисос, Агиос Стефанос и Спата. Пороен дожд во попладневните часови наврна и во Елефсина.

Σπάτα Αττικής τώρα όπως μας ενημερώνει η φίλη της σελίδας Λαμπρινή Πάσχεντη#κακοκαιρια pic.twitter.com/sMnmv2hROm

— Meteo24news.gr (@Meteonews_gr) July 4, 2024

Попладнево лошо време го зафати и подрачјето на Пелопонез.

Вчера комисијата за проценка на ризици одржа итен состанок, а се состана и координаторот за Цивилна заштита, кој ги разгледа опасните временски појави.

Најголемо количество дожд наврна на Агиос Стефанос.

Λαμία τώρα . αποκλειστικό video από τον φίλο της σελίδας Vasili Kefala#κακοκαιρια #Λαμια #Ελλάδα pic.twitter.com/698HWsAkw7

— Meteo24news.gr (@Meteonews_gr) July 4, 2024

За потсетување, на мобилните телефони на жителите на Атика беше испратена пораката 112 нешто по 12 часот, бидејќи се очекуваше влошување на времето во следните неколку часа.

Од вчера „бран“ невреме ја зафати Грција, а главни обележја се дождот, невремето и големата громогласна активност. Се очекува слабеење на интензитетот во четврток доцна навечер.

Особено драматично беше во Солун, каде поројните води сериозно го нарушија сообраќајот, па дури и однесоа контејнери за ѓубре и други предмети.

Solun danas. Vreme je nepredvidivo i ne postoji grad na svetu u kome ne može da se desi nekoliko sati haosa nažalost. pic.twitter.com/sZ0d13uhxW

— Ilija Zivotic PhD (@MrZivotic) July 4, 2024

The post 📷 📽️ СЦЕНИ КАКО ОД ХОРОР ФИЛМОВИ ПРИСТИГНУВААТ ОД ГРЦИЈА! Дождот ги поплави улиците, громовите пукаат, државата е на штрек appeared first on plusinfo.mk.

Македонија е под сериозна закана утре по 15 часот да биде зафатена од силно невреме налик на тоа што вчера и денеска ги зафати Словенија и Хрватска, каде што спасувачите бијат битка со надојдените води за да ги спасат заглавените лица.

Како што информираат синоптичарите од Управата за хидрометеоролошки работи (УХМР), нестабилното време со пороен дожд и грмежи, наместа во форма на невреме со интензивен дожд, ветер и електрични празнења, треба да пристигне во земјава од Јадранското море преку Албанија.

Ленче Ризова од УХМР вели дека интензинтетот на невремето во Македонија ќе биде послаб од тој во Словенија, но сепак апелира до граѓаните да бидат внимателни.

– Овој фронтален систем постепено се поместува и утре од пладне го очекуваме во нашата земја. Веќе од попладнето, во вечерните часови и во текот на ноќта ќе има нестабилност на повеќе места. Таа ќе биде проследена со поинтензивни процеси во форма на невреме со поинтензивен дожд и за шест часа некаде ќе наврнат и над 20 литри на метар квадратен. Ќе има и силен ветер, електрични празнења – вели Ризова за Канал 5.

Од недела следува период на посвежо време со умерен, повремено засилен ветер од западен и северозападен правец.

Плусинфо денеска ја објави прогнозата на метеопрогнозерот Славчо Попоски кој вели дека прво Словенија, потоа Хрватска, Јадранот, Босна и Херцеговина, Црна Гора и соседна Србија, а потоа и Македонија утре попладне и навечер, ќе бидат зафатени од студен фронт од север кој ќе предизвика силно невреме.

– Од ова невреме во поголем дел од Македонија се очекуваат поројни врнежи од дожд, силен ветер, силни и чести електрични празнења, силен ветер, како и појава на град кој локално би можел да биде и крупен. Токму поради ова апелираме на крајна претпазливост – рече Попоски.

Од ЈП Водовод и канализација соопштија дека екипите на секторот Канализација при ЈП Водовод и канализација во текот на утрешниот ден ќе спроведат и дополнителни активности за расчистување на сливниците и шахтите на критичните точки и сите подвозници во градот, со цел непрекината функционалност на атмосферската канализациона мрежа.

Како што најавија, овие активности, покрај редовните активности за одржување на канализационата мрежа, ќе бидат спроведени во согласност со податоците на УХМР и најавите за невреме во текот на утрешниот ден.

Екипите на ЈП Водовод и канализација – Скопје истакнаа дека се подготвени за интервенции и навремени реакции и во текот на утрешниот ден, во согласност со условите и во зависност од интензитетот и количината на водениот талог, со цел задоволување на потребите на граѓаните и градот Скопје.

ПРИСТИГНУВА УБИЕЦОТ НА ЛЕТОТО Невремето од Словенија, Хрватска и од Србија утре ќе удри и по нас!

The post МЕТЕО АЛАРМ И ПРЕДУПРЕДУВАЊЕ ДО ГРАЃАНИТЕ Еве кога точно се очекува во Македонија да дојде невремето appeared first on plusinfo.mk.