Вештачкиот чет-бот Grok, кој го развива компанијата xAI на Илон Маск, повеќе нема да може да уредува фотографии од вистински луѓе за да ги прикаже во тесна облека, како што се бикини или долна облека, во земјите каде што оваа практика е нелегална.

Промената вчера беше потврдена од платформата X , по глобалните реакции на ширењето на сексуализираните длабоки фејкови со вештачка интелигенција. Grok ги исполни барањата на корисниците дигитално да ги „соблече“ жените, а во некои случаи и децата.

„Воведовме технички мерки за да го спречиме Grok да овозможи уредување на фотографии од вистински луѓе во бикини, долна облека и слично. Овие ограничувања важат за сите корисници, вклучително и претплатниците“, објави X.

Платформата дополнително појасни дека можноста за генерирање и уредување на вакви слики е географски ограничена, односно блокирана во областите каде што таквата содржина е спротивна на законот. Покрај тоа, повторно беше нагласено дека уредувањето слики на Grok останува достапно само за корисници кои плаќаат претплата, што, според X, треба да го олесни идентификувањето и санкционирањето на злоупотребата.

Сепак, европската организација AI Forensics предупредува дека сè уште постојат разлики во начинот на кој Grok се однесува кон порнографската содржина на X и во приватните разговори на Grok.com, што го поставува прашањето за доследноста на примената на новите правила.

X повтори дека отстранува нелегална содржина, вклучително и материјал за сексуална злоупотреба на деца, суспендира сметки и соработува со полицијата. Корисниците кои го наведуваат Grok да создава нелегална содржина, вели компанијата, ќе ги сносат истите последици како и оние кои директно објавуваат таква содржина.

Самиот Маск тврдеше дека „не бил свесен за никакви голи слики од малолетници генерирани од Grok“, додавајќи дека четботот отфрла сè што е нелегално.

Но, истражувачите предупредуваат дека проблемот не е нужно во целосната голотија, туку во фактот дека Grok ги изменил фотографиите од малолетници и ги прикажал во сексуализирана или провокативна облека, што исто така може да претставува кривично дело.

Претходно, Маск ги обвини критичарите дека сакаат да „ја задушат слободата на говорот“, а во исто време објави слики генерирани од вештачка интелигенција од британскиот премиер Кир Стармер во бикини на X, што дополнително ги разгоре критиките за сериозноста на пристапот кон целиот проблем.

Поради ширењето на неовластена сексуално експлицитна содржина, главниот обвинител на Калифорнија, Роб Бонта, најави истрага за употребата на Grok. Паралелно, регулаторот во Обединетото Кралство, Ofcom, започна формална постапка против платформата X.

Grok останува забранет во Индонезија и Малезија, додека британскиот премиер вели дека ги поздравува потезите на X, но дека регулаторниот надзор ќе остане на сила.

И покрај најавените мерки, експертите предупредуваат дека остануваат голем број отворени прашања. Истражувачот за јавни политики, Ријана Феферкорн, истакнува дека не е јасно како Grok сигурно ќе утврди дали се работи за вистински лица, ниту како новите правила ќе бидат доследно имплементирани во пракса. Тој исто така додава дека реакцијата на платформата дошла предоцна и дека спорните можности треба да се отстранат веднаш по првите злоупотреби.

-Тешко е целата ситуација да се сфати сериозно, а истовремено да се споделуваат провокативни мемиња со вештачка интелигенција со политичарите – заклучи Феферкорн.

The post „ГРОК“ ПОВЕЌЕ НЕМА ДА ГИ „СОБЛЕКУВА“ ВИСТИНСКИТЕ ЛУЃЕ Компанијата на Маск објави дека вовела технички мерки за тоа appeared first on plusinfo.mk.

Европската унија отвори повеќеслојна истрага против технолошката платформа на Илон Маск, откако нејзиниот четбот „Грок“ бил искористен за создавање сексуално експлицитни дипфејкови со ликови на жени и малолетници.

Претседателката на Европската комисија, Урсула фон дер Лајен, остро ја осуди појавата.

– Згрозена сум што оваа технолошка платформа им овозможува на корисниците дигитално да ги соблечат жените и децата. Ова е незамисливо однесување, а штетата предизвикана од овие дипфејкови е многу реална – изјави таа за „Политико“.

Фон дер Лајен додаде дека ЕУ нема да ја препушти заштитата на децата на компаниите од Силиконската долина.

– Ако тие не дејствуваат, ние ќе дејствуваме – порача таа.

Од почетокот на јануари, илјадници жени и тинејџерки низ Европа пријавиле злоупотреби преку „Грок“, кој автоматски генерирал фотографии во бикини или со разголени тела.

Европската комисија побара од „Икс“ да ги задржи сите внатрешни документи поврзани со работата на „Грок“, заради сомнежи дека компанијата го прекршила европскиот Закон за дигитални услуги.

Иако „Икс“ ја ограничи употребата на функцијата за вештачко генерирани слики само за платени корисници, портпаролот на Комисијата, Томас Рение, потврди дека истрагата ќе продолжи.

Случајот е нов тест за способноста на Унијата да го контролира влијанието на Маск и на големите американски технолошки корпорации. Само еден месец претходно, „Икс“ беше казнет со 120 милиони евра за прекршување на европските закони за дигитални услуги.

Во Обединетото Кралство, регулаторот Ofcom објави дека отвора посебна истрага против „Икс“.

– Постојат длабоко загрижувачки извештаи дека четботот „Грок“ е користен за создавање и споделување сексуализирани слики од деца. Ова потенцијално претставува материјал за сексуална злоупотреба – се наведува во нивното соопштение.

Ofcom веќе побарал од компанијата објаснување за преземените чекори и поставил строг рок до 9 јануари. По добиените одговори, регулаторот одлучил да премине во официјална истрага.

Случајот добива континентална димензија – истраги се отвораат во Брисел, Даблин, Париз и Лондон.

Владата на Велика Британија ќе воведе ново кривично дело оваа недела насочено кон создавање интимни слики без согласност, изјави министерката за технологија Лиз Кендал.

The post ИСТРАГИ ПО СКАНДАЛОТ НА ГРОК СО ЕРОТСКИ ДИПФЕЈКОВИ Неколку европски земји најавија забрани за технологијата appeared first on plusinfo.mk.

Експлозивниот карактер на новата аниме полугола сопатничка „Ани“ во таканаречениот compagnion mode на чатботот Грок на Икс предизвика лавина реакции, јави TechCrunch.

Газдата на Икс, Илон Маск, го промовираше новото претплатничко искуство со чабтотот кој му е ривал на ЧатГПТ. Следуваа коментарите.

Повеќето интернетџии велат дека Ани има провокативен шарм, а некои дури ја нарекуваат „зачинет“ маркетиншки трик кој ги лови копачите по виртуелна интима.

Корисниците на Редит објавија дека Ани реагира како девојка која е лудо вљубена во корисникот и користи и такви зборови и реченици.

pic.twitter.com/9qjdUoyEWV

— Ramdeep Mishra (@ramdeepmishra11) July 14, 2025

„Еј срцка, јас сум Ани, твојата лудо вљубена девојка, која ќе направи да ти прескокнува срцето“.

Според корисници на Икс и Cybernews, NSFW-режимот се активира откако ќе се достигне „ниво 3“ во односот со Ани и откако се „отклучува“ во сетинзите, тоа делува повеќе како соптаник кој е играчка отколку сопатник кој извршува сериозна етичка функција.

Иако неколку западни медиуми изразија загриженост дека ваквата содржина може да ја попречи реалната емоционална поврзаност и да поддржува осаменост (како што нагласува „Psychology Today“ во контекст на „AI girlfriends“), главно корисниците се повеќе љубопитни и „игриво одобрувачки“ кон Ани.

Дали овој маркетиншки потег  е токму она што тимот кој го развива Грок сакал да го постигне?

The post 📽️ КОРИСНИЦИТЕ НА ЧАТБОТОТ ГРОК ЌЕ ИМААТ АНИМЕ СОПАТНИЧКА Аватарот на Ани ги запали социјалните мрежи appeared first on plusinfo.mk.

Урнебесно смешно видео од американските претседателски кандидати Доналд Трамп и неговата соперничка Камала Харис кои изгледа како да се во романтична врска, а потоа имаат и бебе „мал Трамп“ го обиколи интернетот.

AI is completely out of control. pic.twitter.com/P6yhPoXHtv

— Ian Miles Cheong (@stillgray) August 18, 2024

Она што ја вџаши јавноста, освен тоа што снимката изгледа хиперреално, е дека таа била генерирана со помош на Вештачката ингелигенција(ВИ) Грок-2 која ја развива компанијата XAI на техномилијардерот Илон Маск. Грок беше создаден како ривал на познатиот бот Чат ГПТ.

Во екот на претседателската кампања во САД, социјалната мрежа Икс во сопственот на Илон Маск е преплавена со лажни ВИ-слики од кандидатите и од други познати личности, а се чини дека истите често и не се санкционирани или цензурирани од компанијата.

The post 📽 КОГА ТРАМП И КАМАЛА БИ ИМАЛЕ ДЕТЕ… Некој генерирал дипфејк видео со ботот Грок на Илон Маск appeared first on plusinfo.mk.