Компанијата МАКОТЕН ДООЕЛ ги демантира обвинувањата изнесени на прес конференција на Имране Велиу од политичката партија ДУИ дека компанијата загрозила земјиште каде што има гробишта, и таквите тврдења ги оцени како чиста клевета со која недозволиво, за сурови политички интереси, се манипулира со најдлабоките верски чувства.

„МАКОТЕН ДООЕЛ е компанија со странски капитал, кој доаѓа од земја членка на ЕУ и секоја инвестиција реализирана во Македонија се прави исклучиво согласно позитивните законски прописи. „Казино Фламинго“ веќе 19 години приредува игри на среќа во хотелски комплекс на граничниот премин Богородица и речиси 6 години во срцето на Скопје во хотелот Мериот во деловен објект кој е наша сопственост. МАКОТЕН ДООЕЛ е дел од Групација „Новоматик Македонија“. Вкупната вредност на досега реализираните инвестиции надминува 80 милиони евра. Во континуитет подржуваме различни граѓански иницијативи, проекти и реализираме бројни хуманитарни и донаторски активности. Манифестираме висока општествена одговорност преку хуманитарни и спонзорски активности во најзначајните општествени сфери, јавното здравство, спортот и културата.

Оттука, ја уверуваме јавноста дека како и досега, така и во иднина, нема со било кој нов инвестициски проект да си го нарушиме нашиот корпоративен углед на сигурен партнер на заедницата. Казино Фламинго“ не црта градежни парцели, ниту се занимава со урбанистичко планирање. Секое тврдење дека имаме за цел да нарушиме нечие достоинство или да загрозиме земјиште каде има гробишта е чиста клевета со која недозволиво, за сурови политички интереси, се манипулира со најдлабоките верски чувства.

Земајќи го предвид погоре наведеното, апелираме да престанат суптилните обиди за злоупотреба на светски познатиот бренд „Казино Фламинго“ во дневно-политички препукувања за да избегнеме неоснована штета врз нашиот корпоративен углед“ – се вели во соопштението на МАКОТЕН ДООЕЛ.

Претходно ДУИ на прес конференција обвини дека во близина на гробиштата во Блаце се одвиваат градежни работи на парцела која, според нивните податоци, фигурира како сопственост на компанијата Казино Фламенго. Партијата смета дека на тоа место ќе се гради објект за дејност поврзана со игри на среќа, а со тоа би се осквернавиле гробиштата и би се повредиле верските чувства на граѓаните.

The post НИЕ НЕ ЦРТАМЕ ПАРЦЕЛИ, КЛЕВЕТА Е ДЕКА ЗАГРОЗУВАМЕ ГРОБИШТА Реакција на компанијата МАКОТЕН ДООЕЛ на прес-конференција на ДУИ appeared first on plusinfo.mk.

Три лица се уапсени по нападот врз двајца вработени на гробиштата во Бутел, информира полицијата.

Според информациите, станува збор за 48-годишен маж и неговите двајца синови, кои биле приведени откако околу пладне нападнале двајца работници на АД Бутел во близина на гробиштата во Бутел.

Нападот се случил откако вработените ги забележале тројцата кај едно гробно место и, според пријавата, ги предупредиле дека ќе повикаат полиција бидејќи им биле познати од претходни кражби. Во тој момент тие биле нападнати со гасен пиштол, боксирач и нож.

Двајцата работници се здобиле со повреди и биле пренесени во ЈЗУ „Св. Наум Охридски“, каде им била укажана лекарска помош.

– На 07.04.2026 во 13:40 и во 19.10 часот, полициски службеници од СВР Скопје ги лишија од слобода А.М.(48) и неговите синови Ј.М.(26) и Б.М.(27), сите од Скопје. Тие се сомничат дека околу 12:40 часот во близина на гробиштата Бутел ги нападнале Е.Д.(51) и М.Д.(54), вработени во АД „Бутел“, при што употребиле оружје – гасен пиштол и ладно оружје (боксирач и нож). Притоа, Е.Д. и М.Д. се здобиле со телесни повреди, констатирани во ЈЗУ „Св.Наум Охридски – информираат од МВР.

Од полицијата велат дека осомничените се приведени и задржани во полициска станица, а по целосното расчистување на случајот против нив ќе следува кривична пријава.

The post ТЕПАЧКА НА ГРОБИШТА, УПОТРЕБЕНИ ГАСЕН ПИШТОЛ, НОЖ И БОКСИРАЧ Татко и двајца синови нападнале двајца вработени во „Бутел“ appeared first on plusinfo.mk.

Рускиот државјанин Анатолиј Москвин имал исклучително морбидно и болно хоби. Тој собирал тела на мртви девојки од гробиштата, ги облекувал и им да им ставал шминка.

Според Дејли меил, крадец на гробови од Русија, кој ги ископал останките на 29 девојки и ги претворил нивните мумифицирани трупови во кукли, би можел да биде ослободен од притвор следниот месец.

Анатолиј Москвин (59) живеел со телата, облекувајќи ги во чорапи, облека и чизми до колена. Исто така, ставал кармин и шминка на нивните лица.

Вознемирувачките фотографии од неговиот дом покажале неколку тела и скелети, од кои едно било облечено да изгледа како мече. Ги поставил на полици и каучи, заедно со други предмети.

Крадецот е високообразован експерт за гробишта и поранешен преведувач на воено разузнавање, и секоја година го одбележувал роденденот на секоја од своите мртви жртви во својата соба во морничави ритуали.

Досега, судовите постојано одбивале да го ослободат, но про-кремљскиот медиум Шот објавува дека психијатрите веруваат дека е безбедно да се врати дома.

Тие велат дека „поднесуваат документи до судот за отпуштање и сместување на пациентот со помош на роднини“.

Тие сакаат да го прекласифицираат како „неспособен“, што значи дека може да живее со пријатели или роднини или во установа за помош при живеење, што не го става во затвор.

Болница во градот Нижни Новгород одби да коментира. Москвин беше уапсен во 2011 година и се изјасни за виновен по 44 точки од обвинението за осквернување на гробовите на девојчиња на возраст од три до 12 години.

Родителите на мртвите деца чии гробови ги отворил и ограбил долго време бараа тој да биде затворен до крајот на животот.

Тие се плашат дека би можел да ги продолжи своите навики, кои вклучуваат живеење со останките на некои деца до десет години.

Москвин претходно им кажал на властите дека сака да се ожени со својата неименувана девојка и да работи како наставник по странски јазици.

Тој постојано одбива да им се извини на семејствата на своите жртви. Се верува дека можеби ограбил дури 150 гробови. Телото на жртвата на убиството Олга Чардимова, 10, беше едно од 29-те што ги ископа и ги претвори во мумифицирани кукли, некои со музички кутии вметнати во нивните тела.

Нејзината мајка, Наталија Чардимова, 53, немаше поим дека ковчегот е празен за време на нејзините редовни посети на гробот.

За време на претходниот обид на лекарите да го ослободат, кој на крајот беше поништен од судот.

– Исто така, многу се плашам дека ќе се врати на старите навики. Немам доверба во неговото закрепнување. Тој е фанатик. И би ни било многу тешко, не дај Боже, повторно да поминеме низ тие настани, ексхумацијата и повторното закопување, ако повторно го најде местото каде што беше погребана. Моето здравје се влошува и не мислам дека би можела да го издржам. Не сакам трагични настани. Животот е веќе тежок. Ова „Суштеството“ донесе страв, ужас и паника во мојот живот – рече таа.

На крадецот на тела претходно им рекол на родители: „Ги оставивте вашите девојчиња на студ, а јас ги донесов дома и ги стоплав“.

– Тие девојчиња се девојчиња. Нема родители во моите очи. Не ги познавам ниту една од нив. Освен тоа, ги закопаа своите ќерки и тука мислам дека нивното право врз нив завршува. Значи, не, не би се извинил – додаде тој.

Во советско време, Москвин работел како преведувач за воено разузнавање во Црвената армија, а подоцна напишал неколку книги по историја.

– Ги видовме тие кукли, но не се сомневавме дека внатре има тела. Мислевме дека е негово хоби, да прави големи кукли, и не видовме ништо лошо во тоа – рече неговата мајка Елвира (86).

По одлуката од 2020 година против неговото ослободување, таа тврдеше дека судот бил пристрасен кон нејзиниот син, кој бил „неспособен да биде во општеството, да работи или да се жени“.

The post 📽️ (ВОЗНЕМИРУВАЧКО) РУСИН ОТКОПУВАЛ ДЕВОЈЧИЊА ОД ГРОБОВИ, ГИ ОБЛЕКУВАЛ И ГИ ШМИНКИРАЛ КАКО КУКЛИ Хорор сцени во куќата на Москвин кој може наскоро да биде ослободен appeared first on plusinfo.mk.

Јавното претпријатие Лајка алармира за сериозен пораст на случаи на напуштање на домашни кучиња во околината на градските гробишта Бутел.

– Во последниот период, нашите теренски служби и граѓански пријави укажуваат на континуирано напуштање на кучиња од неодговорни сопственици, кои од различни делови на градот ги доведуваат животните на оваа локација и ги оставаат. Оваа појава, покрај тоа што претставува суровост кон животните, сериозно го нарушува и јавното здравје, безбедноста на граѓаните, како и функционирањето на објектите од јавен интерес на таа територија. Напуштените кучиња, често нестерилизирани, се размножуваат, гравитираат низ поширокото градско подрачје и го усложнуваат предизвикот на контрола на популацијата на бездомни животни – велат од Лајка.

Од претпријатието апелираат до граѓаните да не напуштаат животни зашто тоа е казниво дело согласно Законот за заштита и благосостојба на животните. Да пријавуваат вакви случаи до надлежните институции, со можност за доставување видео или фото докази и да се информираат за можностите за вдомување, стерилизација и одговорно сопствеништво.

Од Лајка најавуваат дека во соработка со инспекциските служби ќе ги засилат контролите и ќе поднесат пријави против сите лица кои ќе бидат фатени во ваков прекршок.

The post ВРИЕ ОД НАПУШТЕНИ КУЧИЊА НА ГРОБИШТАТА ВО БУТЕЛ Се размножуваат неконтролирано и ја нарушуваат безбедноста на граѓаните appeared first on plusinfo.mk.

Од гробно место во село Орешани, општина Зелениково, исчезнала бронзена биста со ликот на починато лице, при што сопственичката на гробот го пријавила случајот во полиција.

Како што информираат од Министерството за внатрешни работи, денеска во 08:40 часот, во СВР Скопје, 75-годишната В.Т. од Скопје пријавила дека во периодот од 3 ноември 2024 година до 8 мај 2025 година, од гробот на нејзиниот починат брат е украдена поставената биста.

• УКРАДЕНИ СЕ 3 БРОНЗЕНИ БИСТИ ОД ГРАДСКИТЕ ГРОБИШТА „БУТЕЛ“ Отстранети се од гробните места со специјален алат

Полицијата презема мерки за целосно расчистување на случајот, а засега не се откриваат дополнителни детали дали станува збор за кражба од личен, материјален или од друг мотив.

Кражбите од гробишта, особено на метални објекти, се сè почеста појава последните години и се сметаат за тешко морално и кривично дело.

УКРАДЕНИ СЕ 2 БРОНЗЕНИ БИСТИ НА ГРОБИШТАТА „БУТЕЛ“ Полицијата истражува, случаите стануваат сѐ почести

The post УКРАДЕНА БРОНЗЕНА БИСТА ОД ГРОБИШТА ВО ОРЕШАНИ Жена го пријавила исчезнувањето на спомен-плочата со ликот на починатиот брат appeared first on plusinfo.mk.

Духовден, познат и како Духови или Задушница по Света Троица, е еден од најпочитуваните празници во македонската православна традиција, кога верниците на посебен начин се сеќаваат на своите починати блиски.

Во 2025 година, празникот се одбележува на 8 јуни, во недела, и традиционално носи со себе богатство од обичаи, верувања и семејни ритуали, пренесувани од колено на колено.

„Ниту мртов човек не треба да се заборави“

Во многу македонски села, но и во урбаните средини, верниците рано изутрина на Духовден заминуваат на гробиштата, каде ги чистат и ги украсуваат гробовите со свежо цвеќе, пченица, вино и свеќи.

Се пали кандило, а свештеник чита молитви за покој на душите на починатите. Се верува дека на овој ден, душите на мртвите се присутни меѓу живите и бараат спомен и молитва.

– Мајка ми вели: „Ако не ги посетиш мртвите, ќе те посетат тие тебе“. Затоа секоја година носиме што сме подготвиле – погача, компот, пченица – и ги делиме за спомен – раскажува една средовечна велешанка.

Преливање со вино и делење „за душа“

Еден од највпечатливите обичаи на Духовден е преливањето со црвено вино – ритуал кој симболично ја поврзува крвта на Христос со вечниот живот.

Се преливаат гробовите, а на посетителите им се делат варена пченица, погачи и вино „за душа“. Сè што се дава, се прави во име на некој починат член од семејството.

На гробишта се среќаваат роднини, се пали свеќа, но и се простува за некоја стара кавга. Мртвите не сакаат караници, туку сплотеност.

Задушница не е ден за веселба

Иако доаѓа по празникот на Света Троица, Духовден не е празник на радост. На овој ден не се слуша гласна музика, не се прават веселби, свадби или прослави.

Во народната традиција се верува дека радоста на живите може да ја вознемири тагата на мртвите.

Во некои делови од Македонија, жените не перат, не чистат и не готват на овој ден – сè се приготвува однапред, за да може целото семејство да се посвети на молитвата и споменот.

Сеќавање како дел од идентитетот

Духовден е повеќе од религиозен ритуал – тој е момент на сеќавање, простување и духовно обединување. Токму преку овие обичаи, македонското семејство го одржува чувството за заедништво и почит кон претците, што е длабоко вкоренето во колективната меморија на народот.

Како што велат етнолозите: „Обичаите за Духовден ја покажуваат способноста на македонскиот народ да ги негува врските со оние што не се повеќе тука, но и да го зачува културното ткиво на една заедница“.

Во време на забрзан живот и технолошка отуѓеност, празници како Духовден потсетуваат дека смиреноста, молитвата и сеќавањето се темел на човековата духовност – и дека животот не завршува, туку преминува.

The post ДЕН ЗА СПОМНУВАЊЕ НА МРТВИТЕ Македонски народни обичаи и верувања за Духовден appeared first on plusinfo.mk.

Поранешен директор на јавното комунално претпријатие во Струмица е осомничен дека инкасирал во буџетот на оваа институција повеќе од 30.000 евра овозможувајќи ѝ на компанија да користи деловен простор во Градската капела на гробиштата во Градот и да врши дејност оператор на погребални услуги во простор кој не смее да се издава на трети лица за тие намени, велат од МВР за Плусинфо.

Според соопштението првопријавениот З.Г., екс-директор во ЈПКД „Комуналец“ Струмица ја злоупотребил службената положба и во 2022 и во 2023 година потпишал два договори за закуп на просторот на 10 години со второпријавениот Е.Н., управител на компанијата ДПТУ „МАРИЈА ПОЛИ ПЛАСТ“ Струмица.

„Имено, првопријавениот извршувајќи ја функцијата директор на ЈПКД „Комуналец“ Струмица во текот на 2022 година злоупотребувајќи и искористувајќи ја својата службена положба склучил Договор под закуп на деловен простор лоциран во Градска капела на Градски гробишта во Струмица со второпријавениот како управител на правното лице ДПТУ „МАРИЈА ПОЛИ ПЛАСТ“ ДООЕЛ Струмица со закупнина од 14.200 денари со ДДВ месечно за период од 10 години или вкупно 170.400 денари за една година.

Во 2023 година првопријавениот со второпријавената како управител на правното лице ДПТУ „МАРИЈА ПОЛИ ПЛАСТ“ ДООЕЛ Струмица, и покрај тоа што сè уште им траел Договорот за закуп со умисла извршиле и второ временски поврзано дејствије искористувајќи ист траен однос со што потпишале уште еден ист Договор за закуп за период од 10 години и покрај тоа што претходниот договор од 2022 година бил во важност за кое нешто од страна на второпријавената како управител веднаш е извршена уплата за закупнина во вкупен износ од 1.704.000 денари.

Со таквите дејствија првопријавениот во дејствије со второпријавената постапиле спротивно на член 4 став 2 од Законот за гробишта и погребални услуги и член 7 став 1 точка 4 од Закон за заштита и конкуренција со што му овозможил на второпријавениот да ја врши дејноста како оператор на погребални услуги и да се стекне со имотна корист вршејќи дејност во објект кој согласно Законот за гробишта и погребални услуги и Правилникот за нормативи и технички стандарди и здравствено -санитарни услови за изградба и реконструкција на гробиштата не смее да се даде под закуп на трети лица“, се вели во соопштението на МВР.

Против екс-директорот денеска, 29 април, е поднесена пријава за „Злоупотреба на службена положба и овластување“ чл.353, додека против управителот на фирмата е поднесена пријава и за кривично дело „Злоупотреба на службена положба и овластување“ чл.353 ст.4 в.в. и за дело „Соизвршителство“ според чл.22 од Кривичниот законик.

The post ЕКС-ДИРЕКТОР НА СТРУМИЧКИ „КОМУНАЛЕЦ“ ЈА ИЗДАВАЛ КАПЕЛАТА НА ГРОБИШТАТА Претпријатието заработило 30.000 евра преку двоен договор со фирма appeared first on plusinfo.mk.

Две бронзени бисти се украдени од Градските гробишта Бутел во Скопје, информираа денеска од Министерството за внатрешни работи.

На 22 април 2025 година, во 10.00 часот, двајца скопјани – 49-годишниот Д.Ј. и 51-годишниот Б.В. – пријавиле во СВР Скопје дека во периодот од 22 февруари до 21 април од гробишта биле одземени 2 бронзени бисти.

Случајот доаѓа по само 8 дена од претходната кражба, кога тројца скопјани – С.А.М. (47), С.Ш. (68) и М.Г. (69) – пријавија дека на 14 април биле украдени 3 бронзени бисти со употреба на сила и алатки.

Полицијата презема мерки за расчистување на случајот.

Ова е уште еден случај на вандализам и кражба на културно и материјално значајни објекти на јавни простори. Бронзените бисти, покрај симболичната и емотивна вредност, се и мета за крадци поради вредноста на металот.

УКРАДЕНИ СЕ 3 БРОНЗЕНИ БИСТИ ОД ГРАДСКИТЕ ГРОБИШТА „БУТЕЛ“ Отстранети се од гробните места со специјален алат

The post УКРАДЕНИ СЕ 2 БРОНЗЕНИ БИСТИ НА ГРОБИШТАТА „БУТЕЛ“ Полицијата истражува, случаите стануваат сѐ почести appeared first on plusinfo.mk.

Три бронзени бисти биле украдени од Градските гробишта „Бутел“ во Скопје, потврдија од Министерството за внатрешни работи.

Како што информираат од МВР, на 14 април 2025 година, во СВР Скопје случајот бил пријавен од тројца скопјани, 47-годишниот С.А.М., 68-годишниот С.Ш. и 69-годишниот М.Г., кои пријавиле дека со употреба на физичка сила и подесен алат се одземени 3 бронзени бисти, поставени на гробни места.

Одделот за криминалистички истраги работи на расветлување на настанот, а од МВР додаваат дека се преземаат соодветни мерки за пронаоѓање на сторителот и за утврдување на сите околности, поврзани со кражбата.

Ова е уште еден случај на вандализам и кражба на културно и материјално значајни објекти на јавни простори, кои се честа мета поради вредноста на материјалите од кои се изработени.

НАСИЛНО Е УКРАДЕНА СПОМЕН-ПЛОЧА ОД ЖЕНА ПАРК Била откорната од Споменикот на култура посветен на Егејците

The post УКРАДЕНИ СЕ 3 БРОНЗЕНИ БИСТИ ОД ГРАДСКИТЕ ГРОБИШТА „БУТЕЛ“ Отстранети се од гробните места со специјален алат appeared first on plusinfo.mk.

Владата нема многу ингеренции за решавање на проблемите на граѓаните кои се незадоволни од трасата на автопатот од Коридорот 8 бидејќи според договорот што го направила поранешната влада трасирањето го прави конзорциумот „Бехтел и Енка“, изјави денеска министерот за транспорт и врски Александар Николоски на прашање дали Владата ќе им помогне на жителите на гостиварското село Здуње кои бараат автопатот да се тргне од нивните гробишта.

Тој рече дека ќе се разговара со конзорциумот за да им се удоволи на жителите на селото.

– Во однос на Коридорот 8 таму изведувач е конзорциумот „Бехтел и Енка“. Согласно законите такви какви што се донесени од претходната влада и надлежностите се целосно нивни, тие го прават проектирањето и тие го прават трасирањето. Она што можам да кажам е дека ќе поразговараме со нив. Ние правиме неделни состаноци и ќе разговараме. Веќе еднаш сме разговарале, имаше слични проблеми и на други места и ќе направиме сѐ проблемот да се реши. Но треба да се свесни граѓаните дека поради законите на претходната влада нашите надлежности се во рамки на тоа буквално да замолиме, а не нешто да спроведеме или да наредиме – рече Николоски.

На прашање кога ќе се овозможи повторно железнички транспорт до Солун по дефектот на пругата кај Поликастро, Николоски рече дека согласно одговорот од грчките власти тоа ќе биде за две недели од денеска.

The post АВТОПАТОТ ШТО ГО ГРАДИ „БЕХТЕЛ И ЕНКА“ МИНУВА НИЗ СЕЛСКИ ГРОБИШТА Николоски вети дека ќе разговара со конзорциумот да се смени трасата appeared first on plusinfo.mk.