Метеоролозите нѐ информираат дека утре нѐ очекува променливо облачно и топло време со сончеви периоди. Ќе дува слаб до умерен ветер од северозападен правец.

Попладне се очекува локален развој на нестабилна облачност, проследен со пороен дожд, грмежи и засилен ветер.

Минималните утрински температури ќе се движат од 9 степени во Берово до 18 степени во Гевгелија, додека максималните дневни ќе достигнат од 23 степени во Маврово до 34 степени во Гевгелија.

Во Скопје ќе преовладува променливо облачно и топло време со сончеви периоди. Ќе дува слаб до умерен ветер од северен правец. Попладне во делови од котлината ќе има услови за нестабилност со пороен дожд, грмежи и засилен ветер. Температурата ќе се движи од 14 до 32 степени.

Во среда се очекува слична временска состојба – променливо облачно и топло со сончеви периоди, со слаб до умерен северозападен ветер. Попладне ќе има локална нестабилност со пороен дожд, грмежи и засилен ветер, а наместа и поинтензивни процеси со обилен дожд и можност за град.

Минималните температури ќе се движат од 9 до 18 степени, а максималните од 27 до 33 степени.

Според прогнозата на УХМР, и во четврток ќе се задржи променливо облачно и топло време со сончеви периоди и слаб до умерен северен ветер. Попладне наместа се очекуваат краткотраен пороен дожд и грмежи.

Температурите ќе се движат од 10 до 19 степени минимални и од 27 до 34 степени максимални.

The post ПОПЛАДНЕ ПОРОЕН ДОЖД И ГРМЕЖИ По утринското сонце следат локални бури appeared first on plusinfo.mk.

Територијата на Македонија во текот на денешниот ден ќе се наоѓа под влијание на циклонска активност со центар југоисточно од нас и на влажна и на нестабилна воздушна маса. Времето ќе биде променливо облачно и нестабилно на повеќе места со пороен дожд, грмежи и со засилен ветер од северен и од североисточен правец.

Локално атмосферските процеси ќе бидат поинтензивни и во форма на невреме со обилен пороен дожд, силен ветер од северен и од североисточен правец (од 50 до 60 км/час) електрични празнења и со услови за појава на град. Токму поради очекуваните ваквите поинтензивни атмосферски процеси апелирам на поглема внимателност.

Целата прогноза на Славчо Попоски може да ја прочитате на следниов ЛИНК.

The post ПОДГОТВЕТЕ СЕ ЗА НЕСТАБИЛНО ВРЕМЕ Силен дожд, грмежи и град во повеќе региони appeared first on plusinfo.mk.

Метеоролозите нѐ информираат дека утре нѐ очекува претежно облачно со слаб локален дожд низ целата земја и со услови за појава на ретки грмежи. Ќе дува умерен, повремено засилен ветер од северозападен правец, кој ќе биде поизразен долж Повардарието.

Минималните утрински температури ќе се движат од -1 во Маврово до 6 во Гевгелија, а максималните дневни од 7 во Маврово и 17 Целзиусови степени во Гевгелија.

Во Скопје, облачно со повремени слаби врнежи од дожд. Ќе дува слаб до умерен ветер од северен правец. Температурата ќе се движи од 5 до 14 степени.

В петок нѐ очекува сончево со мала до умерена облачност. Ќе дува слаб до умерен ветер од северен правец.

Минималните утрински температури ќе се движат од -1 степени до 7 степени, а максималните дневни ќе бидат во интервалот од 12 степени до 19 степени.

Според прогнозата на УХМР, сончево со мала до умерена локална облачност ќе имаме во сабота и ќе дува слаб до умерен ветер од југоисточен правец.

Минималните утрински температури ќе се движат од -2 степени до 6 степени, а максималните дневни ќе бидат во интервалот од 11 степени до 18 степени.

The post ДОЖД, ВЕТЕР И МОЖНИ ГРМЕЖИ Нестабилно време нѐ очекува во Македонија appeared first on plusinfo.mk.