Грчка државјанка, службеник во Обединетите нации, надлежна за управување со фондови на организацијата, е обвинета дека за 7 години проневерила над еден 1 милион долари, објавија грчките медиуми, јави дописничката на МИА од Атина.

Според грчката новинска агенција АНА-МПА, случајот, што се однесува на периодот од 2014 до 2021 година, стигнал до грчкото обвинителство по извештајот на надлежните органи на ОН, кои првично се обратиле до Европското јавно обвинителство, кое предметот го проследило до Грција бидејќи присвоените суми не се однесуваат на европските фондови и со тоа предметот не спаѓа во надлежност на европскиот обвинител.

Во обвинението, како што пишува АНА-МПА, наведено е дека вработената, која била на важна позиција, наводно изготвувала извештаи за трошоци со лажни документи, присвојувајќи големи износи, односно над 1 милион долари.

Истрагата започнала по случајна проверка, а вработената наводно ги негирала обвинувањата, тврдејќи дека е жртва на нејзините претпоставени.

The post ПРОНЕВЕРИЛА ПОВЕЌЕ ОД 1 МИЛИОН ДОЛАРИ Гркинка вработена во ОН е обвинета за финансиска измама appeared first on plusinfo.mk.

Убиството на малата Гркинка Василики, за што е осомничен нејзин чичко речиси една недела ги држи во шок жтелите на целиот Балкан и ги полни црните хроники на регионалните медиуми.

Единаесетгодишната Василики Николопулу која во неделата исчезна од областа Миртија во Пиргос, а следниот ден беше најдена мртва на нива во областа Катарача,  во средата попладне беше погребана.

Деновиве се откриваат грозоморни детали од сведочењето на 37-годишниот осомничен за убиството, кој е братучед на таткото на Василики.

– Стоев во пекара и ја видов внуката. Не знам како ми се случи да ја поканам на прошетка. Се договоривме да биде во 8 навечер. Ја чекав и таа дојде по своја волја. Во мини маркетот земавме освежување. Кога стигнавме на целта, ја земав за рака и ѝ предложив да продолжам „понатаму“. Рече дека не сака и дека ќе им каже на родителите – рекол чичкото на рочиштето.

Како што пишуваат грчките медиуми пренесувајќи го неговиот исказ, откако го одбила, тој планирал да ја силува Василики во автомобилот, но кога таа му се заканила дека ќе каже на родителите, ја убил прободувајќи ја со шрафцигер во срцето и во слезината.

– Почнав да ја бодам со шрафцигер во вратот и во грбот. Ја фатив за коса и ја одвлеков во полето. Таму слушнав само „ах”, а потоа ништо. Ја фрлив во трските и отидов кај мајка ми – рекол убиецот.

Според пишувањето на медиумите веднаш по убиството тој легнал да спие, па отишол на работа каде што зборувал со колегите за исчезнатото девојче, а ги тешел и нејзините родители.

The post СЛУШНАВ САМО „АХ“ И ЈА ФРЛИВ ВО ТРСКИТЕ Убиецот на Василики ги раскажал деталите за убиството на внука си appeared first on plusinfo.mk.

Панцери е поранешен пратеник во ЕП и еден од четворицата осомничени кои се притворени во Белгија. Тие се осомничени за примање мито од Катар и Мароко во замена за влијание врз Парламентот во Брисел. Полицијата заплени 1,5 милиони евра во серија на рации во станови, куќи и хотели.

Сликите на банкнотите од 200, 50, 20 и 10 евра беа објавени од страна на полицијата, вклучително и куфер пронајден во хотелот кој беше полн со готовина.

Откако Панцери (67) го напушти Парламентот, тој станал шеф на лоби група наречена „Борба против неказнивоста“. Бидејќи се согласил да ја признае вината и да обебеди информации тој сега се соочува со една година затвор, наместо со „многу потешка затворска казна“, како и парична казна и конфискација на имот од 1 милион евра.

Од него ќе се бара да даде детали за тоа како функционирала мрежата, какви биле финансиските аранжмани со засегнатите земји и „вклученоста на познати и непознати лица во истрагата, вклучувајќи го и идентитетот на лицата кои тој признава дека ги поткупил“.

Другите двајца осомничени во случајот се партнерот на Ева Каили, Франческо Џорџи и лобистот Николо Фига-Таламанка.

Франческо Џорџи минатиот месец ја признал својата улога во аферата. Обвинителите веќе побараа одземање на имунитетот на уште двајца европратеници од левиот центар, Белгиецот Марк Тарабела и Италијанецот Андреа Коцолино.

Адвокатите на двајцата европратеници негираа дека имале некаква улога во скандалот, но барањето се разгледува од Комисијата за правни прашања на Парламентот.

Катар категорично негираше дека се обидел да стекне влијание преку подароци и пари, додека Мароко исто така силно ги отфрли наводите дека барал влијание врз прашања како што се правата за риболов и спорниот статус на Западна Сахара.

Обвинителите рекоа дека сведокот Панцери се согласил со договорот за признавање вина според законот за информатори користен само еднаш претходно во Белгија.

Неговиот адвокат, Марк Ујтендаеле, рече дека тој признал кривична одговорност, додавајќи:

– Важно е да се знае дека ова е човек кој е уништен и не му останува уште многу живот.

ЗГОДНАТА СОЛУНЧАНКА ШТО ЈА ПОСРАМИ ЦЕЛА ЕВРОПА Која е Ева Каили, зошто Папандреу не ја сака и зошто ја нарекоа тројански коњ?

The post СВЕДОК СЕ СЛОЖИЛ ДА ОТКРИЕ СЀ ЗА СКАНДАЛОТ ВО ЕУ Се одмотува клопчето на „Катаргејт“ во кој е вмешана Ева Каили appeared first on plusinfo.mk.

Апсењата поради наводна корупција во Европскиот парламент се „многу, многу загрижувачки“, изјави шефот за надворешна политика на ЕУ, Жозеп Борел.

И ирскиот министер за надворешни работи Сајмон Ковени рече дека обвиненијата против четири лица се „многу штетни“.

Меѓу средствата кои ги пронајде белгиската полиција во вкупно 16 претресувања, пронајдени биле и компјутери и мобилни телефони.

Кој го нареди замрзнувањето на имотот? Тоа бил шефот на Управата за спречување перење пари, Хараламбос Вурлиотис, а со цел да се обезбедат податоци за нејзините имоти, сметки, фирми и друго во Грција.

The post ЗАМРЗНАТ ИМОТОТ НА ГРКИНКАТА КАИЛИ ОД ЕВРОПАРЛАМЕНТОТ Борел вели дека скандалот е многу, многу загрижувачки appeared first on plusinfo.mk.

Нејзината 50-годишна кариера беше крунисана со филмот на режисерот Џон Маден од 2001 година „Мандолина на капетанот Корели“, во кој глумеше заедно со Николас Кејџ и Пенелопе Круз и филмот на Маноел де Оливиера „Зборувачка слика“ од 2003 година, во кој таа се појави заедно со Кетрин Денев и Џон Малкович.

„Гркот Зорба“, хитот од 1964 година во кој Папас глумеше со Ентони Квин и Алан Бејтс, беше особено забележан по неговата партитура од Микис Теодоракис.

Во политичкиот трилер „З“ (1969) од Коста Гаврас, сместен во грчкиот град Солун, таа ја играше вдовицата на ликот кој го глумеше Ив Монтан.

Еден од нејзините најголеми успеси беше главната улога во „Електра“, грчката трагедија на Еврипид во режија на Михалис Какојани во 1962 година.

„Прекрасна, импресивна, динамична, Ирене Папас беше олицетворение на грчката убавина на филмските екрани и на сцената, меѓународна ѕвезда која зрачеше со грчката душа“, рече министерката за култура Лина Мендони.

„Со силата на нејзиниот талент и шармот на нејзината личност, таа го освои светот на филмот и театарот“, додаде Мендони. Папас во последните години боледувала од Алцхајмерова болест. Од Министерството за култура не соопштуваат кога точно починала.

Родена е во село во близина на Коринт, на Пелопонез, во семејство на учители. Таа беше мажена двапати, а за Марлон Брандо рече дека тој е „страста на нејзиниот живот“. За првпат се запознале во 1954 година во Рим, а последен пат се виделе во 1999 година во Атина.

ФОТО: IMDb

The post ПОЧИНА ИРЕНЕ ПАПАС Славната грчка актерка и пејачка appeared first on plusinfo.mk.

Како што соопшти МВР, во СВР Битола случајот бил пријавен на 12 јануари во 19.40 часот.

Од лекар на Итна медицинска помош била констатирана смрт без траги на насилство, а по наредба на јавен обвинител телото било предадено на обдукција.

The post Пронајдена мртва 87-годишна Гркинка во куќа во Битола appeared first on plusinfo.mk.