Земјава се наоѓа во еден од најбрзите процеси на демографско стареење во Европа. Таквата состојба упатува на итни системски реформи – вклучително зголемување на возраста за пензионирање, приспособување на стапките на придонеси, ревизија на моделот за усогласување на пензиите, диверзификација на инвестициите во вториот столб, како и зголемување на капацитетите за услуги кон старите лица, предупредува во последниот извештај на Државниот завод а ревизија тема „Стареење на населението“ за периодот 2014 – 2024 година.

Во него се наведуваат низа пропусти кои државата ги направила за да ја сопре демографската структура на населението и да ја подобри состојбата на лицата постари од 65 години.

Ревизорите констатираат дека стратегијата за стари лица е истечена пред повеќе од 5 години, услугите за долготрајна нега се достапни за помалку од 1% од постарите лица, што упатува на сеопфатни системски реформи, а трансферите од буџетот секоја година растат. Во 2024 година тие изнесувале 690 милиони евра, а во 2025 година овие трансфери се очекува да го надминат наведениот износ.

„Постои ризик од зголемување на социјалната исклученост и дополнително оптоварување на јавните финансии во наредните децении“, се вели во извештајот

Според ревизорите, еден од најголемите ризици е демографската проекција која за нашата држава е негативна, односно предвидува учеството на лицата над 65 години да се искачи на над 34% до 2055 година, бројот на лица над 80 години ќе се зголеми повеќе од 6 пати во однос на состојбата во 2024 година, додека работоспособното население ќе се намали за речиси половина милион лица, што дополнително ќе ги засили притисоците врз јавните финансии.

Ревизорите констатираат дека пензискиот систем се соочува со сериозни предизвици за одржливост, а грижата за старите лица останува недоволно развиена и нефункционална во услови на брзо демографско стареење.

Првиот столб на пензискиот систем кој е организиран на солидарна основа континуирано работи со негативно финансиско салдо. Расходите за пензии ги надминуваат приходите од придонеси, а разликата се покрива со трансфери од централниот буџет на државата. Инвестициските портфолија, пак, на задолжителните пензиски друштва (втор столб) се високо концентрирани во државни обврзници, што обезбедува стабилност, но ја ограничува заштитата од инфлација и потенцијалот за повисок реален принос.

„Иако пензискиот систем димензиониран во три столба, обезбедува редовна исплата на пензии, неговата фактичка одржливост е нарушена поради неповолните демографски трендови, ниската стапка на придонеси, како и зголемувањата на пензиите кои не се засновани на раст на платите, вработеноста и придонесите. Иако пензиите се исплаќаат навремено, тоа се постигнува со растечки буџетски трансфери и со одложување на потребните структурни реформи“, стои во извештајот на ДЗР.

Во периодот од 2014 до 2024 година, учеството на буџетските средства во вкупните приходи на Фондот за пензиско и инвалидско осигурување се движи помеѓу 32,6% и 43,6%.

Во 2024 година трансферите од Централниот буџет достигнуваат околу 690,6 милиони евра. Просечната пензија бележи раст за целиот период, но овој раст се финансира и со буџетските трансфери.

„Во отсуството на навремени и ефективни реформи, трансферите од буџетот за првиот пензиски столб би можеле да достигнат 7,4% од БДП во 2057 година што ќе доведе до сериозно оптоварување на Централниот буџет“, се наведува во извештајот.

Ревизорите утврдиле и дека просечната старост на населението е зголемена од 32,3 години во 2000 на 41,8 години во 2024 година. Учеството на лицата над 65 години расте, додека уделот на помладите генерации опаѓа.

Главната причина за демографскиот пад не е само нискиот наталитет, туку и емиграцијата на населението. Во последните години се регистрирани драстични намалувања кај децата во прво одделение во однос на родените 6 години претходно. Бројот на запишани во основно училиште е понизок за 2.774 ученици, а кај матурантите оваа разлика е повисока и изнесува 34,6%, од 22.585 живородени само 14.771 биле матуранти.

Според проекциите на Државниот завод за статистика, уделот на лицата над 65 години ќе се искачи од 19,1% во 2025 на 32,6% во 2050 и 34,2% во 2055 година. Бројот на лица над 80 години ќе се зголеми од околу 22.000 во 2024 на над 144.000 во 2055 година, додека работоспособното население (15 – 64 години) ќе се намали за приближно 470.000 лица.

Според ревизорите, и системот за грижа за стари лица е недоволно развиен.

Буџетот за социјална заштита од 2019 до 2025 година е зголемен за 68,8%, но растот е главно насочен за исплата на паричните права како што се надоместок за помош и нега од друго лице и социјална пензија.

Социјалната пензија опфаќа 13.230 корисници, но износот е двојно помал од минималната пензија и не ја намалува сиромаштијата.

Ревизорите оценуваат и дека формалните услуги за стари лица се ограничени, помош и нега во домот добиваат околу 3.000 корисници или помалку од еден отсто од 315.000 лица над 65 години и не е достапна во 31 општина во земјата.

Дневните центри имаат капацитет од само 200 лица, а домовите за стари лица располагаат со 2.378 кревети, што во просек е 7 легла на 1.000 жители над 65 години.

„Притоа постојат листи на чекање и нерамномерна географска распределеност (претежно во Скопскиот регион) што е уште еден показател за недоволниот капацитет на овие услуги. Според извршени проекции заклучно со 2024 година околу 63.000 лица над 65 години имаат потреба од долготрајна нега додека до 2050 година овој број ќе порасне на 108.000 лица (за 70%). Поради ова без значително зголемување на капацитетите, товарот ќе падне врз семејствата и неформалниот сектор“, се наведува во извештајот.

Оттаму додаваат дека навремени и координирани структурни реформи би придонеле за намалување на ризиците односно системот за пензиска и социјална заштита да може соодветно да одговори на забрзаното стареење на населението.

Притоа се препорачува зајакнување на институционалните капацитети, подобрување на координацијата, мониторинг и финансиска одржливост на системот за грижа за стари лица, кои треба да одговорат на демографските предизвици во наредните децении.

The post БРОЈОТ НА ЛИЦА НАД 80 ГОДИНИ ЌЕ СЕ ЗГОЛЕМИ ОД 22.000 НА 144.000 ВО 2055 ГОДИНА Грижата за стари лица не го следи брзото стареење на нацијата appeared first on plusinfo.mk.

Какламанис пишува дека со сочувство ги следи трагедијата и тешките времиња низ кои поминува земјата и во име на членовите на грчкиот Парламент и од него лично изразува сочувство и искрена тага за пожарот.

„Ја споделуваме огромната тага на семејствата на жртвите и се солидаризираме со погодените од оваа огромна катастрофа. Го пренесуваме нашето најискрено сочувство, како и нашите желби за брзо закрепнување и заздравување. Стоиме покрај вас и лично ве уверувам дека ќе им пружиме најдобра можна помош на повредените кои се лекуваат во Грција“, пишува Какламанис во писмото до Гаши.

Во 2 болници во Солун, како што претходно објави МИА, хоспитализирани се вкупно 5 поврдени со изгореници.

ДВАЈЦА ПАЦИЕНТИ ПРЕНЕСЕНИ ВО СОЛУНСКАТА БОЛНИЦА СЕ ОПЕРИРАНИ Во грчките болници се сместени вкупно 5 тешко повредени во Кочани

The post ГРЦИЈА ЌЕ ИМ ЈА ПРУЖИ НАЈДОБРАТА МОЖНА ПОМОШ НА ПОВРЕДЕНИТЕ Какламанис му изрази сочувство на Гаши appeared first on plusinfo.mk.

Грижата е емоционална и ментална реакција на ситуации, мисли или настани кои предизвикуваат чувство на несигурност, страв или неизвесност.

Кога се грижиме, нашето внимание е насочено кон некој реален или замислен проблем, често поврзан со иднината и можните негативни исходи.

Тоа е природен човечки одговор на ситуации кои ги доживуваме како потенцијално опасни или проблематични и служи како начин на кој нашиот ум се обидува да најде решенија или да се подготви за можните предизвици.

Грижата може да биде корисна ако нѐ мотивира, нè тера да размислуваме за проблемите, а врз основа на што потоа ги преземаме неопходните чекори за нивно решавање.

На пример, грижата за здравјето може да нè мотивира да ги промениме животните навики или да одиме на лекар. Но, ако стане претерана или неконтролирана, грижата може да стане штетна. Потоа доведува до анксиозност, стрес и чувство на преоптоварување, што го отежнува нормалното функционирање.

Постои разлика помеѓу рационална грижа, која произлегува од реални ситуации и проблеми, и ирационална грижа, која се заснова на претерано размислување за работи кои се надвор од нашата контрола или кои можеби никогаш нема да се случат.

Сите ние се соочуваме со чувства на анксиозност во одреден момент од нашиот живот.

Можеби нешто одеднаш ве оптоварува, добивате лоши вести или се наоѓате во ситуација која ви создава стрес и напнатост. Иако грижата е природна реакција на неизвесноста и предизвиците, важно е да знаете како да се смирите и да ја вратите контролата над вашите мисли и чувства.

Повеќе за ова прочитајте ТУКА.

The post ШТО ДА ПРАВИТЕ КОГА ЌЕ ПОЧУВСТВУВАТЕ НАПЛИВ НА ЗАГРИЖЕНОСТ? Грижата е природен човечки одговор на ситуации кои ги доживуваме како потенцијално опасни appeared first on plusinfo.mk.

Во пресрет на еден од најголемите верски празници, продолжува поддршката која Општина Аеродром ја дава за народната кујна која функционира во рамки на црквата Св. Никола во Аеродром. Станува збор за хуманитарна организација поддржана од страна на Општина Аеродром која на дневна основа обезбедува околу 100-тина оброци.

Честитајќи го утрешниот празник Богојавление – Водици, градоначалникот Тимчо Муцунски истакна дека преку донација на прехранбени производи продолжуваат активностите за поддршка на народната кујна.

„Во пресрет на еден од најголемите празници Богојавление – Водици, правиме мали работи, но со многу љубов и искреност. Честитајќи го утрешниот празник, посакувам здравје и љубов. Моја искрена желба е во духот на религијата – поддршката, меѓусебната помош и хуманоста да станат наша секојдневна навика“, напиша Муцунски во својата Фејсбук објава.

Поддршката за ваквите иницијативи и конкретно за народната кујна во Аеродром е уште потврда за грижата и решеноста на Општина Аеродром да биде сериозна поткрепа на оние кои имаат потреба од тоа.

The post ПРАВИМЕ МАЛИ РАБОТИ, НО СО МНОГУ ЉУБОВ И ИСКРЕНОСТ Муцунски во пресрет на утрешниот верски празник подели околу 100 оброци appeared first on plusinfo.mk.

Ова е трета реакредитација по ред за болницата што е евидентен доказ за континуитетот во одржување на високите стандарди во грижата на пациентите. Ревизијата на болницата од страна на стручниот тим експерти од  Joint Commission International се одвиваше во периодот од 6 до 10 февруари.

Во петдневната контрола беа опфатени сите структури во болницата, сите услуги, како и процеси и процедури поврзани со грижа и нега на пациентите и тие беа оценети на највисоко ниво досега.

Најуспешната реакредитација досега е само потврда дека целиот тим на болницата успешно ги одржува JCI-стандардите и континуирано се стреми кон унапредување на квалитетот и безбедноста на пациентите.

ИМПЛЕМЕНТАЦИЈАТА НА JCI-СТАНДАРДИТЕ ГАРАНТИРА ВИСОКА БЕЗБЕДНОСТ ЗА ПАЦИЕНТИТЕ

Сите процеси и процедури што се опфатени според JCI-протоколите гарантираат почит и исполнување на Интернационалните цели за безбедност на пациентите, кои се од исклучителна важност, а тоа се: правилна идентификација на пациентот, ефективна комуникација, подобрување на безбедноста на високоризични лекови, сигурна и безбедна операција, намалување на ризик од интрахоспитални инфекции, намалување на ризикот од повреда, како резултат на пад во болнички услови.

Клиничка болница „Аџибадем Систина“, како акредитирана болница, ги има имплементирано сите JCI-стандарди и нуди висок квалитет и безбедност на медицинска услуга во секој детаљ, од прием на пациентот сè до напуштање на болницата. За секоја процедура во болницата постојат точно утврдени упатства и правила. Согласно со стандардите, „Аџибадем Систина“ располага со над 3,500 пишани процедури, формулари и упатства кои се достапни за сите вработени и кои секојдневно се почитуваат при работата со пациентите.

ПАЦИЕНТОТ ВО ФОКУСОТ НА ГРИЖАТА, ЗОШТО Е ВАЖНО ДА СЕ ПРИМЕНУВААТ СТАНДАРДИТЕ

Исполнувањето на стандардите има една основна цел, пациентот да биде ставен во фокусот на грижата, сè со цел да се избегне и најмала грешка при неговиот третман. Целокупниот персонал во „Аџибадем Систина“ следи точни упатства како да постапи во секој дел од работата со пациентот.

Точна идентификација на пациентот – пациентот за време на престојот во „Аџибадем Систина“ е соодветно идентификуван со идентификациски алки преку кои персоналот е запознаен со одредени состојби уште при самиот влез во болничката соба и презема соодветни акции. На информациските алки се назначени најважните информации – лични податоци, дали пациентот е  алергичен на одредена храна и лекови, дали има одредено инфективно заболување, дали кај него постои ризик од пад, одредено ограничување. Доколку истовремено во болницата е присутен уште еден пациент со исто име и презиме, соодветно се означуваат за да не дојде до грешка при одредени медицински активности.

Ефективна комуникација – секој пациент во „Аџибадем Систина“ навремено е информиран за својата состојба и за интервенциите што треба да му бидат изведени. Преку специјални формулари се врши соодветна, брза и навремена комуникација помеѓу медицинските лица во болницата, со што се намалува можноста за пренос на грешна информација. Според JCI- стандардите,  лекот што треба да се аплицира кај кој било пациент мора да има тројна контрола, првенствено од докторот што ја препишува, потоа контрола и потврда од секторот за фармација и на крај медицинската сестра пред да го аплицира. Во болницата се имплементирани електронски системи преку кои медицинските лица што се грижат за пациентот може да дојдат до потребната информација за третманот на пациентот.

Подобрување на безбедноста на високоризични лекови – Особено се посветува внимание на начинот на обележување, чување и апликација на високоризичните лекови. Согласно со стандардите, овие лекови се посебно обележани и имаат посебен начин на апликација, односно мора да бидат потврдени од две медицински лица пред да се аплицираат на пациентот.  Во оваа група спаѓаат и лекови што звучат или изгледаат слично и тие исто така соодветно се обележуваат, со цел да се намали ризикот од грешка при нивна апликација.

Сигурна и безбедна операција – пред да се започне со операција и интервенција со анестезија во „Аџибадем Систина“, се прави дополнителна проверка на идентитетот на пациентот, видот на интервенција, проверка на тимот кој работи во сала и видот на анестезија за да се избегне каква било грешка која би ги загрозила здравјето и животот на пациентот. Пред секоја интервенција се врши целосна проверка на инструментите за стерилизација. При годинешната ревизија, контролорите дадоа позитивна забелешка за работата на Централна стерилизација во „Аџибадем Систина“ која работи според највисоки стандарди. Во овој дел се следат сите индикатори за потврда на стерилизација, а на секој апарат за стерилизација секојдневно се врши тест за биолошка контрола и исправност на апаратот. Пред стерилизација се прави инспекција на секој инструмент и се редат во сетови за стерилизација. Секој инструмент се запишува во формулар за контрола на сите фази на дезинфекција и стерилизација. Начинот на чување на инструментите се одвива во просторија каде што се контролираат температурата и влажноста на воздухот.  На овој начин се запазени сите највисоки протоколи за стерилност и исправност на инструментите со кои се изведува хируршката интервенција.

Намалување на ризик од интрахоспитални инфекции – Согласно со JCI-стандардите, во болницата постои мултидисциплинарен тим кој се грижи за превенција и контрола на интрахоспиталните инфекции. Во болницата се користат најсовремени дезинфекциски средства за хигиена на раце и одржување на целокупната хигиена во болницата на највисоко ниво. Од особено значење е континуираната едукација на пациентите, персоналот и посетителите за важноста за одржување на дезинфекција и хигиена на раце.

ТРЕТАТА РЕАКРЕДИТАЦИЈА СО НАЈДОБРИ РЕЗУЛТАТИ ДОСЕГА

Третата реакредитација на Клиничка болница „Аџибадем Систина“ ревизорите на Joint Commission International ја оценија како најуспешна досега, со минимален број забелешки. Позитивни критики беа упатени во однос на целокупната грижа за пациентите и начинот на кој се спроведуваат процедурите и протоколите за работа. Особено беа издвоени процесот на работа на единиците за интензивна нега и високите критериуми според кои се лекуваат критично болните пациенти. По спроведената контрола, ревизорите го издвоија и Одделот за кардиохирургија како врвен кардиохируршки центар и согласно со JCI-стандардите, овој оддел е на ниво на светските кардиохируршки центри.

Во имплементацијата и одржувањето на стандардите беа вклучени сите вработени во болницата, а со целокупниот процес раководеше Одделот за квалитет. Првата JCI-акредитација клиничка болница „Аџибадем Систина“  ја доби во 2016 година и со тоа стана првата JCI- акредитирана болница во Македонија и во поширокиот регион.

The post ПАЦИЕНТОТ НА ПРВО МЕСТО „Аџибадем Систина“ по трет пат ја доби акредитацијата за квалитет и безбедност на пациентите appeared first on plusinfo.mk.

Прилепчанецот Горан Димески (51 година), утринава е пронајден мртов на клупа пред прилепската Болница, откако вчера, по едномесечно лекување на ампутираната нога во Болницата, бил исфрлен од установата, објави Алфа. Семејството на сега веќе починатиот Горан, кој инаку бил бездомник, обвинува за негрижа и најавува тужба против Болницата.

– Вчера, дојдов да го посетам брат ми сабајлето и слеговме долу, тој е со ампутирана нога, слеговме долу со количката, го истуркав да пиеме кафе, излеговме во дворот. Едно време дојдоа некои личности ко боди-гарди, и во униформа и без униформа, дојдоа и ги фрлија ранците од брат ми. Не видов јас ни кога пакувале, ни што спакувале, ни што имало во ранците, и му рекоа – ти, да те нема од Болницава. Зошто како – не знам – вели рече Зоран Димески, брат на сега починатиот Горан.

Бидејќи раната на ампутираната нога крварела и гноела, а имала и оток со болки, Зоран побарал лекувањето да биде продолжено. Но, кај службите во Болницата не наишол на разбирање и не му било дозволено повторно да влезат. По ова, тој побарал помош и од социјалните служби кои исто така процениле дека пациентот не е за домашно лекување. Ама, ни тоа не помогнало, па пациентот останал на една од клупите, со надеж дека некој ќе се смилува и повторно ќе го врати на Ортопедското одделение.

– Така го пуштија, како терминатор, од системи го симнаа и го пуштија надвор. Јас не сакав ризик да преземам и му реков – ќе те оставам брат, овде, белки ќе се најде некој од мајка роден во оваа наша Болница… тие, не се најде никој во 30 часа некој да му излезе во пресрет… Секретарката рече ќе дојде ортопед да го види, ни дојде ни ништо – видно вознемирен раскажува братот Зоран.

Кога видел Зоран дека нема да успее да го врати во Болницата, извадил документ, за Горан од денеска да биде сместен во Старскиот дом, иако раната не му била заздравена, а немал ни отпусна листа. Меѓутоа, утринава Горан бил пронајден починат на клупата каде што синоќа го оставил брат му.

– Сношти го оставив, му донесов кебе, му донесов сокче, му донесов да јаде нешто и му реков – брат, да те земам дома ми е страв, гној имаше на ногата, да не направиме триста глупости. Овде стој, камери има, ќе те види некој и ќе те прибери….Сабајле се јавив да го слушнам да му кажам дека ќе дојдам да го видам, ми се јавува службено лице од МВР, ми вика да дојдиш ваму. Одам, брат ми – покријан со кебето, вели – починат е – вели братот Зоран.

Од Болницата пак, кратко ни рекоа дека на пациентот му била пружена сета потребна здравствена грижа, дури и подолго од што требало. Бил испуштен, бидејќи му завршило болничкото лекување, но добил препораки за понатамошно домашно лекување и преврски.

Телото е предадено на обдукција, а за смртта биле известени и сите надлежни институции. Семејството најави тужба.

The post СО АМПУТИРАНА НОГА ГО ИСФРЛИЛЕ ОД БОЛНИЦА Прилепчанец починал на клупа пред здравствената установа appeared first on plusinfo.mk.

Како членовите на семејството стануваат наши непријатели? Ова прашање често си го поставуваме, а рускиот психијатар и психотерапевт Михаил Литвак го има вистинскиот одговор.

Познатиот руски психијатар и психотерапевт Михаил Литвак вели дека понекогаш најблиските луѓе можат да ни бидат најголеми непријатели, иако тоа воопшто не го забележуваат. Имено, поради преголемата грижа, тие можат да постават граници на нашиот понатамошен развој и напредок, кои многу тешко се надминуваат. Тој верува дека некои ставови можат да не блокираат уште од мали нозе.

Повеќе за ова на порталот „Мајка и дете“.

The post САБОТАЖА СО НАЈДОБРИ НАМЕРИ Преголемата родителска грижа е најголем непријател на детето appeared first on plusinfo.mk.

Во моментов се утврдуваат околностите на инцидентот, како и повредите кои ги претрпело бебето, кое судејќи според видеото, немало ниту една година.

Снимката очигледно ја направила мајката на детето, чиј глас се слуша зад камерите:

– Престани да правиш! – врескаше шокираната жена.

Ве предупредуваме, видеото е вознемирувачко и не се препорачува за малолетници и лица со чувствителна здравствена состојба.

The post СТРАШНО ВИДЕО Монструм фрла новороденче низ собата додека мајката вреска! appeared first on plusinfo.mk.

– Согласно законските прописи, грејната сезона може да започне од први октомври доколку прогнозираната средна надворешна температура за наредниот ден е еднаква или помала од 12 С, според податоците од Управата за хидрометеоролошки работи – стои во соопштението.

Оттаму велат со цел испораката на топлинска енергија од системот за централно греење да се одвива непречено, потребно е потрошувачите да ги завршат интервенциите на внатрешната инсталација пред почетокот на грејната сезона и тоа да го пријават во Центарот за грижа за потрошувачи на телефонските броеви 02 3076 200 и 075 400 100.

– Апелираме до сите Управители односно Заедници на сопственици да овозможат непречен пристап на службените лица до топлинската подстаница на објектот и да обезбедат постојано напојување на топлинската станица со електрична енергија (платени сметки за електрична енергија за топлинската станица и функционална електрична инсталација) –  информираат од БЕГ.

За информации или пријави за одредени интервенции, потрошувачите може да се јават во Центарот за грижа за потрошувачи на телефонските броеви 02 3076 200 и 075 400 100, а подетални информации за моментално затворените објекти може да се добијат и на веб страната на Снабдување со топлина Балкан Енерџи.

The post БЕГ се подготвува за почетокот на грејната сезона appeared first on plusinfo.mk.

Теоретските физичари, д-р Џерардо Аквино од Институтот Алан Туринг во Лондон и професорот Мауро Болоња од чилеанскиот универзитет „Тарапака“ во нивното истражување истакнуваат дека луѓето ќе чувствуваат сериозни последици дури и пред да го урнат последното дрво, а измените вклучуваат загрозен опстанок на многу видови, вклучително и нашиот.

Истражувањата на физичарите покажаа дека шансите да се избегне тој катастрофален исход се мали, или – во најдобар случај – имаме помалку од 10 отсто шанса да го избегнеме „незапирливиот колапс“, како што велат стручњаците.

Според нив, еден од поефикасните начини на справување со овие проблеми, е поголемата употреба на Сончевата енергија.

Друга позитивна работа, според написот, е тоа дека населението не расте како што многумина очекуваат. Уште повеќе, се очекува и значително намалување на тој параметар.

И, додека сѐ ова е прилично бавен процес, многу може да се направи со промени во пристапот или со радикална цивилизациска трансформација. Пред сѐ, тоа може да се случи ако се сосредоточиме повеќе на заедничките, отколку на личните интереси. Никој не вели дека ќе биде лесно, но на крајот на краиштата, „сè зависи од нас“, се нагласува во текстот.

The post Колапсот на Земјата е сè поблиску, доколку луѓето не го спречат тоа appeared first on plusinfo.mk.