Зимските месеци се сезона на настинки и грип, а покачената телесна температура е начинот на кој нашето тело реагира на нападот на вируси, бактерии и други патогени. Ако температурата е блага до умерена, телото ќе се опорави самостојно, а вие можете да му помогнете со многу одмор и природни, домашни лекови кои ќе го зајакнат во борбата против инфекцијата, а со тоа ќе ја намалат и температурата. Природните решенија како што се напиток од цимет или чај од ѓумбир можат да бидат одлична помош и алтернатива на разни лекови што се продаваат без рецепт во обидите да се намали температурата и да се опоравите што е можно поскоро. Секако, ако температурата не се намали во рок од неколку дена или дури и се зголеми, задолжително посетете лекар кој ќе ви препише соодветна терапија.

Оригано

Ова лековито растение е познато по своите здравствени придобивки. Карвакрол, супстанца што ја содржи, е ефикасен против вирусни инфекции кои предизвикуваат треска. Сварете ги листовите од оригано со куркума во прав и пијте го чајот двапати на ден за најдобри резултати.

За останатите домашни лекови кои ќе ви помогнат кога имате температура, прочитајте на „Арт кујна“.

The post НЕ МОРА ВЕДНАШ ДА ТРЧАТЕ ВО АПТЕКА Овие домашни лекови природно ќе ја намалат вашата температура appeared first on plusinfo.mk.

На Универзитетската клиника за респираторни заболувања кај децата во Козле во моментов се хоспитализирани 70 деца, од кои околу 10 се на кислородна поддршка. Меѓу нив, 15 деца имаат потврден вирус на грип од типот А и развиени компликации, изјави за МИА директорката на Клиниката, проф. д-р Катерина Бошковска.

Таа посочи дека на Клиниката дневно се прегледуваат меѓу 150 и 200 деца. Симптомите на грипот обично почнуваат нагло, со висока телесна температура, болка во грлото, мускулна и зглобна болка, носна секреција и сува кашлица.

Проф. Бошковска даде препораки за родителите: да се избегнуваат собири во затворен простор, да се одржува лична хигиена со често миење на рацете, редовна дезинфекција на површините, внес на свежо овошје и зеленчук и престој на чист воздух.

– При појава на симптоми децата да не се носат во градинка, да се изолираат, да се обезбеди добра хидрација и да се даваат лекови за температура. Ако симптомите траат повеќе од три до четири дена или се влошуваат, со интензивна кашлица, забрзано или отежнато дишење, треба веднаш да се побара помош кај матичен лекар или во дежурните педијатриски пунктови. Доколку состојбата е сериозна, децата се упатуваат на болничко лекување во нашата установа – додаде директорката.

The post 10 ОД 70 ДЕЦА ВО КОЗЛЕ СЕ НА КИСЛОРОДНА ПОДДРШКА Грипот ја наполни болницата, дневно се прегледуваат над 200 пациенти appeared first on plusinfo.mk.

Министерката за образование и наука, Весна Јаневска, изјави дека е задоволна што грипот не достигнал размери кои би наложиле продолжување на зимскиот распуст и што учениците денеска непречено го започнаа второто полугодие од учебната година.

Во гостување на Македонската радио-телевизија, Јаневска истакна дека во образовниот систем е потребно воведување поголем ред, особено имајќи предвид дека учениците во земјава и онака имаат помал број наставни часови во споредба со нивните врсници во Европа.

Нејзината порака доаѓа по актуелните јавни дилеми изминативе денови, кога се поставуваше прашањето дали поради зголемениот број заболени од грип ќе има продолжување на зимскиот распуст.

Според Јаневска, сите релевантни истражувања, и домашни и меѓународни, покажуваат дека подолгиот престој на децата во училишните клупи директно влијае врз подобри резултати, повеќе знаење и развој на вештини и компетенции.

„Нашите ученици до 15-годишна возраст имаат околу 900 наставни часови помалку од нивните врсници во Европската Унија, чии стандарди сакаме да ги достигнеме и во чие семејство тежнееме да се приклучиме. Затоа е важно и родителите и возрасните да бидат свесни дека редот во образованието мора да се почитува“, порача министерката.

Учениците денеска го започнаа второто полугодие од учебната 2025/2026 година, по тринеделниот зимски распуст.

The post ВТОРОТО ПОЛУГОДИЕ ПОЧНА БЕЗ ОДЛОЖУВАЊЕ Јаневска задоволна што наставата продолжи и покрај грипот appeared first on plusinfo.mk.

На Инфективна клиника вчера почина 69-годишен пациент од грип, кај кого лабораториски е потврдена инфлуенца А.

Пациентот, како што информираше директорот на Инфективната клиника, Фадил Цана, бил со комордбидитети и не бил вакциниран против сезонски грип, иако бил во ризична група.

– Пациентот беше донесен во исклучително тешка општа состојба со развиена масивна бронхопневмонија. Веднаш беше третиран од страна на медицинскиот тим во одделот за интензивна нега, беше поставен на механичка вентилација, но и покрај сите преземени мерки, пациентот, за жал, почина. Треба да се напомене дека пациентот бил со повеќе коморбидитети: хронична опструктивна белодробна болест, кардиомиопатија и други заболувања – изјави д-р Цана.

Пациентот е од внатрешноста на Македонија. Кај него симптомите траеле пет дена пред приемот во болницата.

На Клиниката, како што информира Цана моментно се хоспитализири околу 30 пациенти со грип. Од нив, дел се со полесна, а други со потешка клиничка слика, од кои неколку се со кислородна поддршка. Еден пациент е механичка вентилација, како потежок случај.

Ова е втора жртва сезонава со грип, откако минатата недела на Универзитетската клиника за инфективни болести и фебрилни состојби во Скопје почина 75-годишна пациентка.

The post ВТОРА ЖРТВА НА ГРИПОТ ВО МАКЕДОНИЈА На Инфективна почина 69-годишен пациент appeared first on plusinfo.mk.

Домашните супи и чорбите од зеленчук биле предмет на истражување од страна на научниците за да се види како овие топли оброци „на лажица“, можат да им помогнат на возрасните да се опорават од инфекции на респираторниот тракт.

Во прегледна статија објавена во списанието Nutrients, истражувачите идентификувале студии кои сугерираат дека зеленчуковите супи и пилешките супи можат да ја подобрат сериозноста на симптомите и да го скратат времетраењето на болеста, веројатно поради намалувањето на инфламаторните маркери.

Респираторните инфекции се глобален здравствен проблем

Акутните респираторни инфекции остануваат голем глобален здравствен проблем, предизвикувајќи широко распространети болести и смртност, оптоварувајќи ги здравствените системи. Инфекциите на горните дишни патишта сочинувале повеќе од 17 милијарди случаи низ целиот свет во 2019 година, при што децата под пет години и постарите возрасни лица се изложени на најголем ризик.

Повеќе за ова прочитајте ТУКА.

The post НАСТИНАТИ СТЕ ИЛИ ИМАТЕ ГРИП? Еве како чорбите помагаат во намалувањето на симптомите appeared first on plusinfo.mk.

На Клиниката за инфективни болести во Скопје почина 75-годишна пациентка како последица на компликации од грип. Според информациите од клиниката, жената имала повеќе хронични заболувања и не била вакцинирана против сезонски грип.

Директорот на Клиниката за инфективни болести, д-р Фадил Цана, потврди дека кај пациентката била дијагностицирана инфлуенца А.

– Се работи за возрасна пациентка на 75 години кај која лабораториски е потвдена инфлуенца А и пациентката имала многу коморбидитети – изјави д-р Цана.

Состојбата на клиниката останува сериозна, каде уште двајца други пациенти се наоѓаат во критична состојба и се приклучени на апарати за дишење, додека неколкумина се на кислородна поддршка. Во моментов се хоспитализирани вкупно 25 пациенти, главно повозрасни лица.

– Тие се хоспитализирани затоа што кај нив при преглед е констатирано дека имаат компликација на вирусот на грип пред сè со респираторно засегање – појаснува д-р Цана.

Според последните податоци на Институтот за јавно здравје, само во првата недела од годинава се регистрирани 1.725 случаи на грип низ земјава.

The post ГРИПОТ ЗЕМА ЗАМАВ ВО МАКЕДОНИЈА Почина жена, двајца пациенти се во критична состојба appeared first on plusinfo.mk.

Албанија се соочува со значително зголемување на респираторните инфекции, додека австралискиот грип почна да ги загрижува здравствените власти.

Според Институтот за јавно здравје на Албанија, досега се пријавуваат по околу 12 илјади нови случаи неделно.

– Пациентите кои се јавуваат во здравствените центри се со симптоми како што се висока температура, кашлица, бронхитис и често отитис – воспаление на средното уво, изјави Артан Симаку од Институтот.

Тој нагласи дека австралискиот грип пристигнал порано оваа година, како што се случува и соседните земји, како Италија и оти во Европа циркулираат AH1N1 и AH3N2.

– Имаме вакцини против сите овие вируси, па затоа вакцинацијата сè уште се препорачува за да се спречат компликации – додава Симаку.

Посочува дека грипот, Ковид-19 и другите респираторни вируси ја влошуваат состојбата кај најмладите, особено кај децата до 5-годишна возраст, што, според него, ја прави неопходна зголемената грижа и навремената вакцинација

The post ВО АЛБАНИЈА КАКО ПОЖАР СЕ ШИРИ АВСТРАЛИСКИ ГРИП Се пријавуваат по 12.000 нови случаи неделно appeared first on plusinfo.mk.

Од 10 до 16 март, заболените се пријавени од 24 ЦЈЗ/ПЕ, Скопје – 371, Тетово – 131, Битола – 110, Велес – 107, а во останатите, бројот на заболени е помал или еднаков на сто. Во текот на оваа недела, во две извештајни единици се регистрира многу ниска, во 12 – сезонска, во осум – средна, во една – висока и во Ресен – многу висока активност на вирусот на грип.

Во однос на возрасната дистрибуција, 827 лица се на возраст од 15 до 64 години. Од случаите, 284 се деца на возраст од пет до 14 години. Над 65 години се 135 лица. Од заболените, 124 се деца на возраст до четири години.

„Во сезоната 2024/2025, вкупниот број на случаи на грип – заболувања слични на грип изнесува 23.661. Во споредба со истиот период од минатата сезона, бројот на пријавени случаи е зголемен за 68,3 проценти, а во однос на моделот од последните 14 сезони, се регистрира зголемување од 21,3 отсто“, наведуваат од ИЈЗ.

Регистрирани се пет починати лица асоцирани со грип во досегашниот тек на сезоната на грипот. Починатите се од Скопје – тројца, по еден од Свети Николе и Радовиш. Четири случаи припаѓаат на возрасната група над 65 години, еден во групата од 15 до 64 години. Сите случаи биле починати во болнички услови, со коморбидитети, невакцинирани против грип.

Заклучно со 11. недела, во државава вакцинирани биле вкупно 72.294 лица со бесплатна или комерцијална вакцина против грип.

„Сентинел надзорот се спроведува како дополнување на редовниот систем за надзор над грип и ковид-19 во Република Северна Македонија, со цел да се добијат подетални информации во однос на инциденца, интензитет, тип на вируси што циркулираат и за имплементација на навремени превентивни мерки. Сентинел САРИ (Сериозни акутни респираторни инфекции) надзорот се спроведува во шест надзорни болници, пет во Скопје (УК за инфективни болести и фебрилни состојби, УК за детски болести, УК за Пулмоалергологија, ГОБ „8 Септември“ и УК за респираторни заболувања кај деца – „Козле“) и една во Штип, КБ – Штип. Дефиницијата за случај на САРИ според што се спроведува надзорот е усогласена со дефиницијата на случај на СЗО од 2014 година. Кумулативно, од сентинел местата што учествуваат, пријавени се вкупно 998 САРИ случаи, од кои 20 лица се пријавени на интензивна нега. Најголем број на САРИ случаи се пријавени од надзорното место УК за детски болести. Во однос на возрасната дистрибуција, најголем број на САРИ случаи се пријавени од возрасната група до четири години. Кумулативно, вкупен број на приеми во сентинел местата е 5.728. Од сите приеми, 17,4 проценти се должат на САРИ. Најголемо оптоварување од 20,3 отсто се бележи кај возрасната група до четири години“, појаснуваат од ИЈЗ.

Во текот на сезоната 2024-2025 регистрирани се девет смртни случи, две лица од возрасната група од 30 до 64 години и седум лица од возрасната група над 65 години. Кај сите починати се регистрирани коморбидитети. Од вкупно починатите лица, кај четири лица е докажано присуство на вирусот на Influenza и тоа: кај две лица Influenza A(H3) и по едно лице Influenza A – нетипизирана, и Influenza A(H1)pdm09.

The post ГРИПОТ ЈА ГУБИ СИЛАТА, НО НЕ СЕ ОПУШТАЈТЕ Бројот на заболени бавно се намалува appeared first on plusinfo.mk.

– Во текот на февруари 2025 година во Македонија пријавени сe вкупно 746 заболени лица од акутни заразни заболувања – без ковид-19, грип, туберкулоза, СИДА, АФП и хронични носителства на хепатит Б и Ц и ХИВ, со вкупна инциденца од 40,6 на 100.000 жители. Во текот на февруари се бележи намалување на вкупниот број заболени лица за 11,3 отсто во однос на претходниот месец јануари 2025 – велат од ИЈЗ.

Најголем број акутни заразни заболувања се пријавени во Скопје, а најмал број во Охрид.

Во февруари, најчесто регистрирано акутно заразно заболување биле овчите сипаници со вкупно 366 пријавени лица. Споредено со јануари, се регистрира намалување на бројот на пријавени од овчи сипаници за 32,6 отсто.

Евидентирани биле 22 случаи на инфективна мононуклеоза, 13 случаи на скарлатина, четири случаи на голема кашлица и еден случај на легионерска болест. Пријавени биле 18 случаи на салмонелози, осум случаи на бактериски алиментарни инфекции и интоксикации и по еден случај на кампилобактериоза, џардијаза и шигелоза. Имало 68 случаи на шуга и еден случај на бактериски менингит. Во групата на сексуално и крвно преносливи инфекции, без ХИВ/СИДА, биле регистрирани седум заболени лица – пријавени се четири случаи на вирусен хепатитис Б и три случаи на инфекција со хламидија.

Во февруари пријавени биле два случаи потврдени на ХИВ и еден случај на СИДА, сите од машки пол, кои припаѓаат на возрасната група од 20 до 49 години.

Од пријавените три случаи на заразни заушки, два припаѓаат во возрасната група од 10 до 14 години, а еден е возрасно лице над 50-годишна возраст. Два од трите случаи се од Скопје, еден е од Куманово.

– Еден од случаите е комплетно вакциниран согласно Календарот за имунизација, а другите два случаи се со непознат вакцинален статус. Трите случаи се клинички потврдени – истакнуваат од ИЈЗ.

Во државава во февруари, пријавени биле вкупно седум случаи на Ковид-19, покажуваат податоците на Институтот.

The post И ВО ФЕВРУАРИ СЕ ШИРЕЛЕ ОВЧИТЕ СИПАНИЦИ Евидентирани биле 22 случаи со мононуклеоза, 13 лица со шарлах, двајца со ХИВ appeared first on plusinfo.mk.

Институтот за јавно здравје (ИЈЗ) информираше дека од 3 до 9 март во државава се пријавени 2.347 случаи на групни пријави за заболени од грип – заболувања слични на грипот, за 8,6 проценти помалку во споредба со претходната недела. Бројот на пријавени лица оваа недела споредено со истиот период од минатата сезона е зголемен за 5,5 пати, а во споредба со бројот за истиот период од типичната епидемиска крива – моделирана од последните 14 сезони, зголемен е за 78,3 отсто. Пријавен бил уште еден смртен случај асоциран со грип.

„Се работи за лице на возраст од 82 години од Скопје, кое било хоспитализирано во КБ – Штип. Кај починатото лице е утврдено присуство на коморбидитети и не било вакцинирано со вакцина против сезонски грип. Кај починатото лице, лабораториски е потврдена influenza А(H3)“, појаснуваат од Институтот.

Од новозаболените, во однос на возрасната дистрибуција, 1.454 лица се на возраст од 15 до 64 години. Деца се 516 на возраст од пет до 14 години. Над 65 години се 198 лица, а 179 се деца на возраст до четири години.

„Највисока инциденца (240,2/100.000) се регистрира кај децата на возраст од пет до 14 години, а кај децата до четири години, инциденцата изнесува 185,5/100.00. Заболените се пријавени од 29 ЦЈЗ/ПЕ, Скопје – 931, Битола – 202, Куманово – 176, Струмица – 112, Тетово – 105, а во останатите, бројот на заболени е помал или еднаков на сто, појаснуваат“ од ИЈЗ.

Во пет извештајни единици била регистрирана многу ниска, во шест – сезонска, во 15 – средна, во една – висока, а во Дебар и Ресен – многу висока активност на вирусот на грип.

Во сезоната 2024/2025, вкупниот број на случаи на грип – заболувања слични на грип, изнесува 22.291, покажуваат податоците.

„Во споредба со истиот период од минатата сезона, бројот на пријавени случаи е зголемен за 61,4 отсто, а во однос на моделот од последните 14 сезони, се регистрира зголемување од 19,6 проценти“, додаваат од ИЈЗ.

Во досегашниот тек на сезоната на грип, регистрирани биле четири починати лица асоцирани со грипот.

Од ИЈЗ потсетуваат дека вакцинацијата против сезонски грип е најефикасна заштита од ова заболување. Заклучно со 10-та недела, во Македонија вакцинирани се вкупно 72.294 лица со бесплатна или комерцијална вакцина.

The post ЕДЕН ПОЧИНАТ И 2.347 НОВИ СЛУЧАИ Грипот ја губи силата, но бидете внимателни appeared first on plusinfo.mk.