Скоро сите родители се лишени од сон во првата година од животот на своето дете. Ова е сосема нормално, особено во првите месеци кога бебето често се буди ноќе, но понекогаш се чини дека оваа несоница трае долго време, дури и по првата година, па родителите велат дека детето спие лошо и дека е така од раѓање.

Сепак, неврологот д-р Артур Улјаков тврди дека проблемите со спиењето кај децата често се јавуваат поради некои грешки што родителите ги прават несвесно, од незнаење. Еве за кои грешки станува збор и како да ги поправите.

Грешка 1
Тие ја затемнуваат собата преку ден, а ја држат светилката вклучена ноќе. Родителите често ги спуштаат завесите преку ден, додека детето спие, и го затемнуваат просторот, за да може детето подобро да спие. Ноќе, пак, ја оставаат светилката вклучена за да не се плаши. На овој начин, се попречува производството на мелатонин, хормон потребен за спиење, кој подобро се синтетизира во темница, вели д-р Уљаков за aif.ru.

Повеќе за ова на порталот „Мајка и дете“.

The post 5 ГРЕШКИ ПОРАДИ КОИ ДЕТЕТО ЛОШО СПИЕ Невролог објаснува во што е проблемот и како да се реши appeared first on plusinfo.mk.

Министерот за внатрешни работи Панче Тошковски пред стартот на проектот „Безбеден град” изјави дека е можно е граѓаните да добијат известување или записник што не се однесува на нивното возило или на прекршок што тие не го сториле.

Тој, тоа го објасни со фактот дека дел од податоците за сопствениците на возила во постојните евиденции може да бидат неточни, што може да се должи на претходно доставени погрешни информации од граѓаните или на грешки при внес во системите.

– Секој граѓанин кој ќе забележи несогласување во податоците ќе има право да се обрати во која било полициска станица и да пријави дека станува збор за грешка – дека возилото не е негово, дека не управувал тој или дека има друг вид неточност. Согласно законски утврдена процедура, Министерството за внатрешни работи во рок од 24 часа ќе изврши проверка и корекција на податоците, а граѓанинот ќе добие известување дека нема да биде прекршочно гонет доколку не го сторил прекршокот – рече Тошковски во гостување на МТВ.

Тој нагласи дека во новиот систем е воведен и дополнителен механизам за заштита на личните податоци.

По добивањето на СМС-известување за сторен сообраќаен прекршок, граѓанинот ќе треба преку линк да пристапи до записникот, при што за преземање на документот ќе биде потребно внесување на матичен број. Со ова се овозможува дополнителна автентикација и проверка на веродостојноста на податоците, со цел лични информации да не бидат доставени на погрешно лице.

Тошковски потенцираше дека, и покрај современата технологија, можни се технички грешки поради надворешни фактори како светлина, временски услови или други околности што може да влијаат врз читањето на регистарските таблички.

Во такви случаи, граѓаните повторно ќе имаат можност да побараат исправка, која ќе биде извршена во најкус можен рок.

-Не постои совршен систем и не тврдам дека нема да има грешки. Ќе ги има, но тие ќе се коригираат. Овој систем е значително подобар од она што го имавме досега, а неговата основна цел е да спасува животи и да обезбеди поголема безбедност во сообраќајот. Важно е одговорност да сноси оној што го сторил прекршокот- рече Тошковски.

Проектот „Безбеден град” претставува дел од пошироките напори на Министерството за внатрешни работи за дигитализација, зголемување на транспарентноста и унапредување на безбедноста на сите учесници во сообраќајот.

The post ПОГРЕШНИТЕ ИЗВЕСТУВАЊА ОД „БЕЗБЕДЕН ГРАД“ ЌЕ СЕ КОРИГИРААТ ЗА 24 ЧАСА Тошковски убедува дека со внес на матичен број се спречува доставување податоци на погрешно лице appeared first on plusinfo.mk.

Централната изборна комисија на Косово денес одлучи да спроведе целосно пребројување на гласовите на избирачките места во 28 општини. Одлуката е донесена откако делумното пребројување во 10 општини покажа големи несовпаѓања во гласовите за кандидатите за пратеници на предвремените парламентарни избори одржани на 28 декември минатата година.

По пребројувањето на гласовите за парламентарните избори во Косово, утврдено е дека во 316 од вкупно 914 избирачки места, промените изнесуваат речиси 15.000 гласови. Поради ова, целиот изборен процес беше доведен во прашање.

Станува збор за разлики во гласовите за поединечни кандидати, а не за политички партии.

Најголемите неправилности беа забележани во Призрен, каде што беше утврдено дека повеќе од 10.000 гласови на Демократската партија на Косово им биле припишани на погрешни кандидати во рамките на истата партија за време на броењето. Ова укажува на можни манипулации.

Во меѓувреме Обвинителството на Косово започна истрага за можни изборни манипулации, а полицијата доби наредба да ги идентификува одговорните за неправилностите во процесот на броење.

Ситуацијата со броењето на гласовите дополнително ја комплицира политичката ситуација во која се наоѓа Косово повеќе од една година. Според проценките на некои набљудувачи, пребројувањето на гласовите и конечното потврдување на резултатите од страна на Централната изборна комисија би можело да потрае до средината или крајот на февруари.

Косово е без целосно функционални институции веќе една година, а без нови институции нема да биде можно да се усвои буџетот за 2026 година. Сепак, најголемиот проблем е изборот на нов претседател, кој мора да биде избран најдоцна до 4 март од страна на Парламентот на Косово – што во моментов дури и не е на повидок.

Доколку тоа не се случи, Косово автоматски оди на нови вонредни избори.

The post ОТКРИЕНИ НЕРЕГУЛАРНОСТИ НА ПАРЛАМЕНТАРНИТЕ ИЗБОРИ НА КОСОВО Околу 15.000 гласови запишани на погрешни кандидати, ќе се повтори пребројувањето appeared first on plusinfo.mk.

Тоа, како што рече, е непримерно и погрешно и нема така да помине, бидејќи ударот врз граѓаните е удар врз сите нас.

– Ние ќе се браниме и имаме право да се браниме. Бранејќи ги граѓаните го браниме суверенитетот на државата. Ние сме коректни, не се однесуваме насилнички како што тоа го правеле некои други влади во минатото. Не бараме ништо, бараме почитување, бидејќи ние ги почитуваме. Го почитуваме секој инвеститор и тука сме да помогнеме за се што треба ако имаат институционален проблем или друг тип на проблем. Како Влада сме тука за се што можеме да помогнеме и бараме почитување – рече Мицкоски во интервју за ТВ Канал 5.

Нагласи дека има два факти за високите сметки што ги добиваат граѓаните од ЕВН.

– Едниот факт е дека за 40 проценти се помалку жалбите пред Регулаторната комисија за енергетика во споредба со лани тоа време и вториот е дека сметките се зголемени откако ќе се нивелираат, бидејќи ЕВН не ги чита броилата на време – прецизира Мицкоски.

Прашан зошто не го поддржуваат предлогот од опозицијата за намалување на ДДВ-то за струјата од 18 на 5 отсто и на храната на нула проценти иако тоа го предлагале кога тие биле опозиција, Мицкоски рече дека имало ценовни шокови кога тоа го предлагале, а сега тоа не е случај.

– Не станува збор дали нас ние прифатливо или не ни е. Тогаш кога ние го предлагавме имаше екстремно големи ценовни шокови, инфлација од 20 до 25 па и 30 проценти, а сега тоа не е случај. Тогаш импутот и во производството и во оперативното работење беше резултат на тие високи ценовни шокови поради високите цени на енергенсите. Од тие причини се намалуваше процентот на ДДВ. Ако не дај Боже дојдеме до таква ситуација апсолутно тоа е опција и не бегаме ние од таа опција – посочи Мицкоски.

За цените во маркетите рече дека нема да се намалат доколку само се намали ДДВ-то за храната.

– Зошто некој би ја намалил цената ако ние го намалиме ДДВ-то ако пазарот ја одредил таа цена. Ако мислите дека нешто чини 50 денари и ние да го намалиме ДДВ и некој ќе биде хуман и ќе го направи 47, 48 денари се лажете. Нема тоа да го направи. Тоа нема да се случи ако нема мерки воведени од Владата – потенцира Мицкоски.

The post „ВЛАДАТА ЌЕ СЕ БРАНИ, ГРАЃАНИТЕ НЕМА ДА ПЛАЌААТ ГРЕШКИ“ Мицкоски ја предупреди ЕВН, мора броилата да се читаат за сметките да не растат appeared first on plusinfo.mk.

Таа потсети како Зеленски еднаш клекнал пред граѓаните на Украина за време на дебатата со поранешниот претседател на земјата, Петро Порошенко.

Како што истакна таа, ваквите изјави на Зеленски ја покажуваат „неговата манијакална суштина“.

– Признавањето дека греши, дека води во ќорсокак, не е на дневен ред. Граѓаните на Украина се фрлаат во овој казан, се намалува старосната граница за мобилизација, ова е реалност за која сега сите зборуваат, а очигледно е дека чекорат на тој начин. Има изјави и за нуклеарно оружје, бидејќи во спротивно би морале да признаат дека се во ќорсокак, како и целата идеологија. Но, токму изјавите за нуклеарното оружје во целата оваа ситуација ја покажуваат неговата манијакална суштина – заклучи Захарова.

Портпаролот на Кремљ Дмитриј Песков во средата изјави дека подготовеноста на Зеленски да преговара со Русија е празна изјава и дека истата мора да се заснова на нешто, односно, како што вели, не може да се заснова на законска забрана за такви преговори.

– Анализата на нашата земја… покажува дека господинот Зеленски има големи правни проблеми со неговиот легитимитет, но и покрај тоа руската страна останува отворена за преговори – посочи Песков пред новинарите.

The post ЗЕЛЕНСКИ ДА КЛЕКНЕ ПРЕД УКРАИНЦИТЕ КАКО ШТО КЛЕКНА ПРЕД ПОРОШЕНКО Захарова бара покајание од украинскиот лидер appeared first on plusinfo.mk.

„На овој ден за прв пат се слушнаа зборовите „Да ви ја честитам суверена и слободна Република Македонија“ на плоштадот Македонија каде се прославуваше независноста. Воедно да не заборавиме дека 8 септември е стремежот на илјадници претходно борци за слободна и своја држава. Тогаш се градеа темелите на Републиката и создаваа институции, но и денес имаме битки кои мора да ги победиме, заеднички, поинакви, иако поинакви сепак подеднакво важни“, наведува Мицкоски.

Мора да се победи разочарувањето, додава Мицкоски, кое ни го оставија и криминалот и корупцијата кои денес се најважните проблеми против кои се бориме. Секој атом од силите да го вложиме во градба на иднина каква заслужува секој еден човек.

„Овој пат државата е на потег и нејзе ја враќаме на народот. Да создадеме земја на среќни граѓани и силна економија. Општество кое ќе одговара на реалните потреби и ќе нуди реални решенија. Да си ги зачуваме луѓето овде во нашата татковина. Оваа генерација има обврска да ги исправи грешките и да создаде иднина за сите наредни. Ова е нашата заедничка битка и заедно се бориме и заедно ќе успееме! Нека е честит и вековит денот на независноста. Бог да ја благослови Македонија!“, посочува премиерот во честитката по повод Денот на независноста.

The post ЗАЕДНО ДА СОЗДАДЕМЕ ИДНИНА ЗА НАРЕДНИТЕ ГЕНЕРАЦИИ Премиерот Мицкоски го честиташе Денот на независноста appeared first on plusinfo.mk.

Секој родител се труди да биде најдобар и е подготвен да направи сѐ за своите деца.

Некои со строгост ги насочуваат децата на вистинскиот пат, некои со поблаги методи на воспитување.

Секое семејство има свој начин на воспитување, но сите имаат една заедничка работа: кога ќе погледнат наназад, секој сфаќа какви грешки направил.

Ова се најчестите работи за кои се каат повеќето родители.

Не уживале во разговорот со детето

Како што расте детето, му требаат сѐ повеќе разговори со возрасните.

Тие секогаш имаат куп прашања и колку и да ви е заморно, секој момент на комуникација е драгоцен за детето.

За ова и за уште некои други работи за кои најчесто жалат родителите и посакуваат да го вратат времето назад, прочитајте на „Мајка и дете“.

The post 10 РАБОТИ ЗА КОИ РОДИТЕЛИТЕ НАЈМНОГУ ЖАЛАТ Секој родител се кае поради нешто од детството на своите деца appeared first on plusinfo.mk.

Предиграта може да создаде подлабока емотивна врска и исчекување за позадоволително сексуално искуство. Од суштинско значење е да се избегнат вообичаените грешки во предиграта, како што се недостатокот на комуникација, брзањето низ предиграта или претераното фокусирање на еден дел од телото.

Пристапете кон предиграта како истражување на преференциите на вашиот партнер и секогаш бидете отворени за експериментирање и комуникација за да обезбедите пријатно искуство за двајцата.

Ова се 7-те најчести грешки во предиграта што треба да ги избегнувате, пишува порталот Њус 18.

Целосно прескокнување на предиграта

Една од најголемите грешки што луѓето ја прават е целосно прескокнување на предиграта. Предиграта е суштински дел од сексуалното искуство бидејќи помага да се зголеми возбудата и да се изгради интимност. Прескокнувањето на предиграта може да доведе до помалку задоволувачко сексуално искуство.

Премногу фокусирање на еден дел од телото

Друга честа грешка е премногу фокусирање на еден дел од телото. Иако одредени области можеби се почувствителни од другите, од суштинско значење е да се пристапи кон предиграта како взаемно истражување на телата и преференциите на едни со други и да постои отвореност за експериментирање и за комуникација.

Пребрзо движење

Пребрзото движење низ предиграта исто така може да биде грешка. Важно е да одвоите време за да создадете возбуда и интимност, а брзањето низ предиграта може да го направи искуството избрзано и неисполнето.

Игнорирање на комуникацијата

Од клучно значење е да комуницирате со вашиот партнер и да бидете приемчиви за повратните информации кои ви ги дава. Игнорирањето на комуникацијата со вашиот партнер може да доведе до помалку задоволувачко искуство за двете лица. Важно е да бидете внимателни на говорот на телото на вашиот партнер и да побарате повратна информација за да се осигурате дека и двајцата партнери уживаат во искуството.

Игнорирање на несексуалниот допир

Несексуалниот допир е важен дел од предиграта и може да помогне да се изгради интимност и поврзаност. Игнорирањето на несексуалниот допир може да го направи искуството механичко и неемоционално.

Претпоставка дека на сите им се допаѓаат истите работи

Претпоставката дека на сите им се допаѓаат исти работи во предиграта исто така може да биде грешка. Секој има различни преференци и важно е да побарате и да дадете повратни информации за да се осигурате дека и двајцата партнери уживаат во искуството.

Неуспешно експериментирање

Предиграта е можност да експериментирате со нови техники и сензации, но занемарувањето на експериментирањето може да доведе до здодевно и неисполнувачко искуство. Отвореноста кон испробување нови нешта и комуникацијата со вашиот партнер за тоа што ве прави да се чувствувате добро (и за тоа што не ви се допаѓа), може да го подобри искуството и да ја продлабочи врската.

The post СЕКОЈ ДОПИР НЕ МОРА ДА БИДЕ СЕКСУАЛЕН Кои се 7-те најчести грешки во предиграта? appeared first on plusinfo.mk.

The post РАЗБРАВМЕ КАДЕ СМЕ ГРЕШЕЛЕ, АМА ИМАМЕ ПЛАН КАКО ДА СЕ ПОПРАВИМЕ Ковачевски побара втора шанса од Чучер Сандево appeared first on plusinfo.mk.

– Денеска самите сведочите дека медиумите се слободни имаме демократија, за ова се боревме. Кај нас нема апсења затоа што некој не се согласува со нас. На 27 април организираа упад во Собрание за да не ја предадат власта. Во 2012 носеа буџет како што одговара на фамилијата на власт и ги истераа со сила сите наши пратеници и новинари. Ние сме различни како луѓе. Сме имале и ние грешки – жив човек греши, но нашите грешки не се со лоша намера – потенцира Пендаровски.

Претседателскиот кандидат од СДСМ упати критики за опозицијата и ги прозва Христијан Мицкоски и ВМРО-ДПМНЕ дека не направиле ништо за државата.

– Христијан Мицкоски и ВМРО-ДПМНЕ не направија ништо за државата кога беше потребно за европската иднина на Македонија. Опозицијата беше главната кочница и ги блокираше своите сограѓани и земјата. Нека не ве лажат сега дека со нив подобро ќе живеете, нема иднина со тие луѓе, видовте што правеа кога беа на власт. Сите важни стратешки цели досега ги постигнавме ние. Сеат лаги за наводни навреди, а истите тие не сопреа од навредувања. Како што лажат за договорите кои ги постигнавме, така лажат и за сѐ друго, не им верувајте ништо – рече Пендаровски.

Во своето обраќање, Пендаровски потенцираше дека единствената опција за државата да продолжи вистински да се развива е со гласање на бројот на 1.

– Знам дека граѓаните повторно ќе ја донесат исправната одлука. Бев претседател на сите, не делев, туку обединував. Ако ја добијам вашата поддршка и во следните пет години ќе работам за граѓаните и државата, затоа што нашите деца мора да имаат услови за пристоен и достоинствен живот. Само со бројот 1 ќе одиме напред – рече Пендаровски.

The post „СМЕ ИМАЛЕ И НИЕ ГРЕШКИ, НО НАШИТЕ ГРЕШКИ НЕ СЕ СО ЛОША НАМЕРА“ Пендаровски призна дека власта била „грешна“, но и дека тие биле различни како луѓе appeared first on plusinfo.mk.