Новак Ѓоковиќ не крие дека сака уште еднаш да настапи на Олимписките игри, а доколку плановите му се остварат, токму во Лос Анџелес во 2028 година би можел да стави крај на една од најуспешните тениски кариери во историјата.

Српскиот тениски ас во разговор со шпанските медиуми откри дека настапот на Олимписките игри во Лос Анџелес му е голема желба, но истовремено призна дека конечната одлука ќе зависи и од неговата физичка состојба.

– Мислам дека настапот во Лос Анџелес ми е сон, но и голема желба. Кажав неколку пати досега дека сакам да стигнам до Олимписките игри во 2028 година, но ќе видиме што ќе се случи и како ќе реагира моето тело – изјави Ѓоковиќ.

Тој објасни и дека во последниот период внимателно го избира распоредот на настапи, бидејќи сака повеќе време да посвети и на семејството и на другите улоги што ги има надвор од тенискиот терен.

– Денес не играм и не се натпреварувам на неколку турнири, а така се решив зашто сакам да бидам посветен на различните улоги кои ги имам во животот како татко, сопруг, син или брат – додаде српскиот тенисер.

А потоа јасно ја откри својата голема желба – кариерата да ја заврши носејќи го српското знаме на Олимписките игри.

– Моја желба е да стигнам до Олимписките игри во Лос Анџелес, со српско знаме на рамениците и така да ја завршам кариерата – порача Ѓоковиќ.

The post ЃОКОВИЌ ОТКРИ КОГА САКА ДА СЕ ПЕНЗИОНИРА Српскиот ас има една голема желба за крајот на кариерата appeared first on plusinfo.mk.

Македонската тенисерка Лина Ѓорческа се чувствува одлично и подготвено пред мечот на ланската финалистка на Вимблдон, Амана Анисимова, вели тренерот на Ѓорческа за „Мундокаст“ на 4news.

– Мислам дека еуфоријата повеќе се чувствува таму во Македонија, во сите медиуми и портали. Кај нас тој прв бран на емоции по пласманот во главниот турнир веќе помина. Влезени сме во нормален процес на тренирање и подготовки за мечот кој следи. Лина се чувствува одлично, здравствено е сè супер и сè е подредено на тој настап – изјави Димитар Лабудовиќ ексклузивно за „Мундокаст“ велејќи дека со 3 меча зад себе Лина е навикната на условите.

Ѓорческа која стана првата Македонка која ќе учествува во главната ждрепка на еден гренслем турнир – легендарниот Вимблдон. Таа го оствари својот сон. Со убедлива победа во квалификациите обезбеди пласман на најпрестижниот гренслем во светот.

Осврнувајќи се на досегашниот успех на Лина,  Лабудовиќ вели дека и не треба да има притисок за претстојниот меч.

– На крајот од денот, притисок не треба да има. Лина нè стави на светската тениска мапа, сите сме зад неа, па нека му ја мисли Анисимова -самоуверено порача тренерот и ипрати силна порака да се вреднуваат и поддржуваат македонските спортисти, а не само „да ги тапкаме спортистите по рамо“.

МОЖЕБИ СМЕ МАЛА ЗЕМЈА, НО ИМАМЕ ОГРОМНО СРЦЕ Ѓорческа вели дека пласманот на Вимблдон е остварување на сонот

The post ЛИНА Е СПРЕМНА ЗА АНИСИМОВА, TAA BEЌЕ ИСПИША ИСТОРИЈА Македонката без притисок влегува во најголемиот предизвик во кариерата appeared first on plusinfo.mk.

Историја за македонскиот тенис: Лина Ѓорческа за првпат ќе настапи на главниот турнир на Вимблдон, откако со убедлива победа во квалификациите обезбеди пласман на најпрестижниот гренслем во светот.

Македонската тенисерка Лина Ѓорческа го оствари најголемиот успех во својата кариера, станувајќи првата Македонка која ќе учествува во главната ждрепка на еден гренслем турнир – легендарниот Вимблдон.

Во финалното коло од квалификациите, Ѓорческа со сигурна и доминантна игра ја совлада Италијанката Лусија Бронцети со 2:0 во сетови, 6:1 и 6:2, со што обезбеди место меѓу најдобрите на светот.

Македонската тенисерка од почеток до крај го контролираше натпреварот, не дозволувајќи и на противничката да се врати во игра, и со стил го завери историскиот пласман.

Овој успех претставува огромен момент за македонскиот спорт, бидејќи за првпат една тенисерка од Македонија ќе настапи на главниот турнир на Вимблдон, еден од најпрестижните во светот.

Пласманот на главниот турнир освен спортска сатисфакција максимално го зголеми паричното салдо на Ѓорческа, која веќе има обезбедено награда од 100.000 долари со самото учество со најдобрите на Вимблдон. Името на противничката во историската пресметка на терените во Лондон ќе ја дознаe на утрешната ждрепка.

The post МАКЕДОНКА ЌЕ ЈА ГАЗИ ТРЕВАТА НА ВИМБЛДОН! Неверојатен успех за Лина Ѓорческа и македонскиот тенис appeared first on plusinfo.mk.

20-годишното момче успеа да го надигра искусниот Ѓоковиќ, покажувајќи дека пред него е неверојатно светла иднина, а за неговиот квалитет доволно говори фактот дека веќе е прв светски рекет.

Ѓоковиќ одлично го отвори мечот и го доби првиот сет со 6:1 во гемови. Се чинеше дека Карлос Алкараз има преголема трема, но тој успеа да се врати во вториот и го освои во тај-брејк. Србинот имаше сет-топка која не ја искористи, а тоа го искористи Алкараз и го доби со 8:6 на поени.

Шпанецот продолжи во одличен ритам и во третиот сет, го освои експресно со 6:1 во гемови, но Ѓоковиќ не се предаде. Се врати во четвртиот сет со 6:3 во гемови.

Драмата продолжи во петтиот сет. Алкараз брзо направи брејк, а потоа и имаше сили да го задржи до крајот за 6:4 и за конечен триумф над Новак Ѓоковиќ.

The post ГОЛЕМ ПОДВИГ НА МЛАДИОТ АЛКАРАЗ ВО ВИМБЛДОН! Го надигра Ѓоковиќ и се закити со својот втор гренслем appeared first on plusinfo.mk.

Швајцарскиот тенисер Роџер Федерер проговори за тоа кога е најдобро време да ја заврши кариерата.

– Не постои вистински момент! Но, јас би сакал сам да го изберам. Сигурен сум дека ќе разберам кога ќе дојде време за тоа. Не се плашам од животот по кариерата. Транзицијата ќе биде лесна – изјави Федерер за швајцарскиот дневен весникот „Блик“.

Претходно, тренерот на тенисерот изјави дека Федерер најверојатно ќе го пропушти Австралија опен, кој ќе се одржи на почетокот на 2022 година.

Четириесетгодишниот Федерер е 20-кратен освојувач на Грен слем, носител на олимписки сребрен медал во сингл (2012) и олимписки шампион во двојки (2008).

The post ФЕДЕРЕР ГО ПРОПУШТА ПРВИОТ ГРЕНСЛЕМ Швајцарецот размислува за пензија appeared first on plusinfo.mk.