Грејната сезона завршува денес, а од утре започнува преодниот период кој ќе трае до крајот на месецот, информираше Регулаторна комисија за енергетика.

Од РКЕ соопштија дека преодниот период ќе трае до 30 април и дека во тој временски интервал греење ќе има само доколку временските услови го наложуваат тоа.

Според Правилата за снабдување со топлинска енергија и Тарифниот систем, доколку прогнозираната средна надворешна температура за следниот ден е еднаква или пониска од 12 степени Целзиусови, снабдувачот ќе мора да обезбеди греење.

Податоците за температурите ќе се земаат од Управа за хидрометеоролошки работи, а во случај да бидат исполнети условите, во грејните простории треба да се обезбеди температура од 20±1 степен Целзиусов.

Во преодниот период, греењето ќе се обезбедува во интервал од 06:00 до 22:00 часот во текот на денот.

The post ГРЕЕЊЕ САМО ПОД 12 СТЕПЕНИ Заврши грејната сезона, но радијаторите не се гасат целосно appeared first on plusinfo.mk.

За 65.000 домаќинства во Скопје утре завршува грејната сезона. Дали нивните радијатори ќе топлат уште половина месец односно до 30 април колку што дозволува законот ќе зависи од временските услови, велат од ЕСМ.

Од ЕСМ потсетуваат дека официјалниот период за испорака на топлинска енергија завршува на 15 април, но согласно регулативата, постои можност грејната сезона да биде продолжена најдоцна до 30 април, во зависност од временските услови.

– Конечната одлука за евентуално продолжување на снабдувањето со топлинска енергија ја носи Регулаторната комисија за енергетика и водни услуги (РКЕ) на дневно ниво, и тоа врз основа на прогнозираната средна надворешна температура за наредниот ден која доколку е еднаква или помала од 12°C според податоците од УХМР, ќе се врши испорака на топлинска енергија. ЕСМ и друштвата основани за производство, дистрибуција и снабдување со топлинска енергија во целост ќе ги следат овие одлуки за што навремено ќе ја информираат јавноста за сите промени во режимот на испорака согласно најавеното променливо време – велат од ЕСМ.

Дали на 16 април скопјани ќе имаат парно, според ова ќе зависи од прогнозата на УХМР на среднодневната температура за тој ден која ја испраќа до Регулаторната комисија за енергетика, а која потоа ја препраќа до ЕСМ снабдување со топлина.

Сепак, дали ќе имаат топли радијатори и во деновите до крајот на месецов скопјани ќе треба дневно да се информираат од веб-страницата на ЕСМ снабдување каде што секојдневно ќе се објавува информација за тоа дали се исполнети условите за испорака на топлинска енергија за наредниот ден.

Новата цена на парното Регулаторната комисија за енергетика ќе ја формира на 31 јули.

Од ЕСМ велат дека навреме ќе ги поднесат документите кај регулаторот, но додаваат дека цената зависи од прогнозираната цена на гасот на берзите, како и од контролата на компаниите кои произведуваат, дистрибуираат снабдуваат топлинска енергија и нивните трошоци во 2025 година.

– Носителите на лиценца за производство, дистрибуција и снабдување на топлинска енергија, поднесуваат Барање за одобрување на регулиран максимален приход и цена на топлинска енергија на 31 мај, а РКЕ на РСМ носи одлука до 31 јули. Дали ќе има покачување на цената на топлинската енергија зависи од РКЕ на РСМ, но тоа е директно поврзано со фјучерсите, односно од прогнозираната цена на гасот на берзите, како и од контролата на трошоците за 2025 година – велат од ЕСМ.

Сепак, уверуваат оттаму, со оглед на фактот дека поради кризата на Блискиот Исток, цената на гасот драстично порасна, ќе ја следат состојбата на пазарот за новите набавки на гас за непречено одвивање на следната грејна сезона.

– Ние ќе ја следиме состојбата на цените на горивата на пазарот и кога ќе оцениме дека е најповолна, ќе објавиме јавен повик за набавка на природен гас – велат од ЕСМ.

Законски грејната сезона во Скопје почнува на 15 октомври и завршува на 15 април следната година. Законот меѓутоа предвидува услови во кои сезоната може да почне пред официјалниот датум и да заврши по официјалниот крај.

Сезоната може да почне на 1 октомври и да трае до 30 април следната година, а услов за тоа е прогнозираната средна надворешна температура за наредниот ден да биде помала или еднаква на 12 степени Целзиусови, според податоците од Управата за Хидрометеоролошки работи на Република Северна Македонија.

Со парно се греат околу 66.000 активни потрошувачи, од кои 65.000 домаќинства и повеќе од 1.000 деловни потрошувачи, во кои се вклучени болници, здравствени домови, средни и основни училишта и градинки.

The post ЗАВРШУВА ГРЕЈНАТА СЕЗОНА Од прогнозата зависи дали ќе има топли радијатори до крајот на април appeared first on plusinfo.mk.

Жителите на повеќе населби во Скопје вечерва останаа парно греење поради дефект.

„Поради зголемени загуби на вода во системот и потребата од изолација на истекување вода од дистрибутивната мрежа во реонот околу улицата „Павел Шатев“ („Бихаќка“), топланите Исток и Запад нема да испорачуваат топлинска енергија во период од околу три часа“, пишува во соопштението објавено на веб страницата на „ЕСМ Снабдување“.

Екипите на Дистрибуција на топлина се на терен и активно работат на изолирање на проблемот, со цел воспоставување стабилност и нормализација на снабдувањето, се додава во соопштението.

„Се користат сите расположливи ресурси, а екипите преземаат засилени мерки и вложуваат максимални напори за што побрзо враќање на редовната испорака на топлина до потрошувачите“, информира компаниијата.

За дополнителни информации, граѓаните може да се обратат во Центарот за грижа на потрошувачи на телефонските броеви (02) 3076 200 и 075 400 100.

The post ДЕЛОВИ ОД СКОПЈЕ ОСТАНАА БЕЗ ПАРНО ГРЕЕЊЕ Топланите Исток и Запад не испорачуваат топлинска енергија поради дефект appeared first on plusinfo.mk.

Нафтата за греење и мазутот од полноќ поскапуваат, а цената на бензините и дизелот остануваат исти, одлучи  Регулаторната комисија за енергетика(РКЕ).

Според оваа одлука, малопродажните цени на нафтените деривати во просек за 0,49 % во однос на одлуката од 22.09.2025 година.

Малопродажната цена на Екстра лесното масло за домаќинство (нафта за греење) се зголемува за 0,50 ден/лит. и таа ќе се продава по цена од 69,50 денари за литар, а цената на Мазутот М-1 НС се зголемува за 0,64 ден/кг и сега ќе изнесува 37,59 денари за килограм.

Цената на бензинот „еуросупер-95“останува 95, 75 денари за литар, на бензинот еуросупер-98“, 98 77 денари, а дизелот ќе се продава по цена од 69,50 денари за литар.

The post ДОАЃА ГРЕЈНАТА СЕЗОНА Поскапеа нафтата за греење и мазутот appeared first on plusinfo.mk.

Владата размислува за нов сет на мерки за намалување на загадувањето пред почетокот на зимската грејна сезона. Премиерот Христијан Мицкоски денеска најави дека на владина седница ќе биде разгледана иницијативата за поставување филтри на оџаците на домаќинствата и државните институции што се греат на фосилни горива.

– За еден месец започнува грејната сезона. Денеска на владина седница ќе отворам значајна точка. Гасификацијата ќе трае подолго, затоа треба да разгледаме можност, како што субвенционираме клими и топлотни пумпи, да обезбедиме филтри на оџаците за 5 до 10 илјади домаќинства. Лично работев на оваа проблематика и видов дека во голем дел од градовите на тој начин е намалено загадувањето – изјави Мицкоски.

Покрај граѓаните, мерките ќе ги опфатат и околу 500 државни објекти, кои според Владата најчесто користат дрва како енергенс.

– Постои можност и таму да се инсталираат филтри. Очекувам повторно од ноември невладини организации да се активираат и да се борат за почист воздух, иако во изминативе седум години ги немаше. Оваа мерка би била вонредна, но мора да видиме како законски да ја реализираме, бидејќи сме во изборен период – додаде премиерот.

Најавените мерки се дел од напорите на Владата за подобрување на квалитетот на воздухот, кој традиционално е најзагаден токму во зимските месеци.

The post ЗАГАДУВАЊЕТО ЌЕ СЕ НАМАЛУВА СО ФИЛТРИ Владата ќе помогне на 10.000 семејства и 500 државни објекти appeared first on plusinfo.mk.

РЕК Битола сезонава ќе работи со два блока, затоа што третиот не е ремонтиран, информираше денеска министерката за енергетика, рударство и минерални суровини Сања Божиновска по посетата на најголемиот производствен капацитет на електрична енергија во Македонија.

„За жал, новите раководства на АД ЕСМ и на РЕК Битола затекнаа тешка состојба. Еден блок од термоелектраните, ТЕ Битола 1, воопшто не бил ремонтиран, а веќе влеговме во грејната сезона. Таа постројка според оперативниот план требало да подложи на ремонтни зафати во март годинава, односно веднаш по завршувањето на претходната грејна сезона, но, тоа не било реализирано. Колку што е можно, во техничко-технолошка смисла, стручните екипи на АД ЕСМ и на РЕК Битола го подготвија овој капацитет да биде на располагање на електроенергетскиот систем во текот на зимата и периодично да се вклучува во мрежата“, рече Божиновска.

РЕК Битола во моментов работи според енергетскиот биланс за овој период, со два блока.

„Свесни сме дека станува збор за капацитети стари преку четири децении. Вработените ги знаат сите можни предизвици и ќе направат сè што е во нивна моќ максимално да ги одржат работните процеси во термоелектраната во текот на претстојната зима. Зголемувањето на домашното производство е наш императив и добив уверување дека се преземаат сите потребни чекори за континуирано и доверливо производство на електрична енергија“, рече Божиновска.

Таа ги посети и рудниците „Суводол“ и „Брод-Гнеотино“, каде, исто така, состојбата во  јагленокопите е лоша.

„Таму воопшто не се работело според постојните рударски проекти, па јагленокопот „Суводол“ е затекнат без откриен јаглен. Со целосна реорганизација и натчовечки напори на вработените, состојбите полека се консолидираат, но, секако ќе биде потребно одредено време да се дојде до поголеми и поквалитетни количини на јаглен. Во моментов, на депонијата во РЕК Битола има резерви од околу 200.000 тони јаглен. Најголемиот дел се обезбедува од „Суводол“ и „Брод-Гнеотино“. Дел се увезува од Грција, врз основа на постоечки договор од март годинава. Она што е значајно за увозот на јаглен, новото раководство на АД ЕСМ успеа да испреговара намалување на цената на услугата, со што компанијата ќе заштети повеќе од три милиони евра, кои ќе бидат насочени кон инвестиции“, вели министерката за енергетика.

РЕК Битола, додаде таа, е еден од најголемите приоритети. Една од целите е модернизација на комбинатот и значително подобрување на перформансите за производство.

„Истовремено, ќе преземеме чекори за намалување на загадувањето преку промена на електростатските филтри“, изјави министерката, соопштија од нејзиниот кабинет.

The post РЕК ЌЕ ДОБИЕ НОВИ ФИЛТРИ, ЗА ПОЧИСТ ВОЗДУХ Нема доволно јаглен, но грејната сезона ќе биде стабилна appeared first on plusinfo.mk.

– Што се однесува до турбуленции на пазарот на електрична енергија во Европа, јас бев меѓу првите уште летоска којшто зборуваше дека како ќе доаѓа зимата, така ќе има потреби да се влече енергија од пазарот во Европа од страна на Украина, бидејќи за жал таму поради руската агресија е целосно уништен електроенергетскиот систем на државата. Сето ова ќе влијае во насока на зголемување на цените на електричната енергија на берзите – рече Мицкоски во одговор на новинарско прашање по поставувањето камен-темелник на новото основно училиште „Крсте Мисирков“ во скопската населба Ченто.

Тој додаде дека сепак не очекува да има некои позначителни потреси на пазарот во земјава.

– Од она со кое што располагам како информација, на почетокот на грејната сезона имаме за повеќе од два и пол пати помалку дефекти од она кое што било по принципот како до сега. Она што го имаме како располагање на ресурс во РЕК Битола и во другите електрани е на нивото очекувано за овој период од годината. За жал, хидрологијата е намалена, некаде околу 22-23%, можеби требаше да биде над 30 во овој период но таква беше годината – сушна. Ценам дека капацитетите со коишто располага државата подготвени ќе ја дочекаат и ја дочекаа оваа грејна сезона и не очекувам да имаме некои позначителни потреси на пазарот – рече Мицкоски.

Сега, како што кажа, работат двата блока во РЕК Битола, бидејќи нема потреба за повеќе, а од втора половина на декември ќе биде вклучен по потреба и третиот блок.

За ветувањето дека ќе се укине давачката за пристап од 200 денари на сметките за потрошена електрична енергија за граѓаните, рече дека ќе биде укината во текот на мандатот на оваа Влада.

– Во овој момент работиме на консолидирање на електроенергетскиот сектор и мислам дека Регулаторната комисија за енергетика ги прави пресметките. Кога тие ќе бидат готови ќе донесеме одлука која што е најважна и најдобра за граѓаните – рече Мицкоски.

Во насока на консолидација, како што посочи, е и одлуката да не се префрлаат пари на АД ЕСМ, туку самата компанија преку кредит да си ги плати старите долгови.

– Пари на Државни електрани се префрлувале. Поентата е сега со работењето на ова раководство да се консолидира компанијата и помалку да се префрлаат. Тоа е суштината. Кредитот којшто е земен е за да ги плати старите долгови наследени од претходното раководство во големина од 5 милијарди денари и тоа се средства коишто се наследени од претходно. Заемот е земен по исклучително поволни услови, ќе има и грејс период од две-три години, доволен период за да може компанијата да се консолидира. Ние продолжуваме да работиме во насока на консолидирање на јавниот сектор и државата од она кое што е наследено од претходната влада на СДСМ и ДУИ и добро е што полека но сигурно се консолидира сето ова – потенцира Мицкоски.

The post НЕМА ДА ИМА ТУРБУЛЕНЦИИ СО СТРУЈАТА ВО ЗИМСКИТЕ МЕСЕЦИ Работат двата блока во РЕК Битола, ако треба ќе работи и третиот appeared first on plusinfo.mk.

Во Скопје 27 објекти имаат прекин на довод на струја во топлинските потстаници. Во 43 објекти екипите на операторот на дистрибутивниот систем немаат пристап до топлинската станица, а 100 објекти засега не можат да добијат испорака на топлина од системот за централно греење поради дефекти во внатрешните инсталации, соопшти ЕСМ.

Компанијата ги повика потрошувачите и заедниците на сопственици да соработуваат, за успешен старт на грејната сезона на 15 октомври. За информации или пријави на дефекти и завршени интервенции, потрошувачите може да се јават во Центарот за грижа за потрошувачи на телефонските броеви 023076200 и 075400100.

Градоначалникот на општина Карпош, Стевчо Јакимовски, ја повика Владата да ги покрие трошоците за греење на општинските основни училишта, во висина од 8,3 милиони денари, затоа што локалната самоуправа не е должна да го прави тоа.

Јакимовски нагласи дека минатата година, за децата да не останат без греење, општината издвоила 6 милиони денари за оваа намена, затоа што тогашната Влада не сакала да ги плати сметките.

Локалната самоуправа само управува со основните училишта, а сите обврски кон училиштата ги покрива Владата, односно Министерството за образование. Тие ги исплаќаат средствата преку т.н. блок-дотации, кои што стигаат до општините, а тие само ги пренесуваат до училиштата.

– За жал, средствата што ги исплаќаат од министерството за образование до училиштата, ни од далеку не достасуваат за основните потреби на училиштата, а тоа е да се покријат основните трошоци за електрична енергија, да ги покријат трошоците за парно, за ѓубретарина, за вода итн. Не станува збор за тековно и инвестиционо одржување. Сето тоа го покрива локалната самоуправа, а ние имаме обврска само да управуваме. Сето тоа треба да биде на товар на Владата,  така пишува во законот – вели Јакимовски во соопштение до јавноста.

The post ЌЕ ИМА ЛИ МНОГУ СТУДЕНИ РАДИЈАТОРИ НА СТАРТОТ НА ГРЕЈНАТА СЕЗОНА? Неизвесно е во 170 објекти во Скопје appeared first on plusinfo.mk.

Оттаму додаваат дека во тек е испитување на  стабилноста и доверливоста на постројките по извршените ремонти на ТЕ Битола 2 и ТЕ Битола 3. На ТЕ Битола 1 годинава воопшто не беше извршен ремонт, така што и врз таа постројка се во план дополнителни интервенции во пресрет на зимата.

Според годишниот план за производство на АД ЕСМ, предвидено е во овој период, РЕК Битола да работи со еден блок, додека се во тек процесите за консолидација на комбинатот и нормализација на состојбите во рудникот Суводол.

The post БЕЗ ПАНИКА, ВАКА СЕ ПОДГОТВУВАМЕ ЗА ГРЕЈНАТА СЕЗОНА Исклучувањето на блоковите во РЕК Битола било испланирано appeared first on plusinfo.mk.

Коњановски нагласи дека во претстојната грејна сезона, новите раководства на АД ЕСМ и на РЕК Битола влегуваат со извршена сеопфатна анализа на актуелните состојби во рударско енергетските комбинати.

– Претходните раководства на АД ЕСМ, на РЕК Битола не ги подготвувале капацитетите во пресрет на грејната сезона. Утврдено е дека нема доволно количини на јаглен, а затекнатиот јаглен на депониите е со исклучително лош квалитет. Веднаш консултиравме професори од Рударскиот факултет при Универзитетот „Гоце Делчев“ во Штип кои наскоро ќе излезат со констатирани забелешки за работата на рудниците во комбинатот со насоки во однос на понатамошната експлоатација на јаловината и на јагленот. При увид на теренот, од реномираните експерти се споделени впечатоци дека ископите во постојните рудници при РЕК Битола се вршени спротивно на проектната документација – посочи Коњановски.

Во изјава за медиумите, Коњановски истакна дека во моментов, користејќи ги сите ресурси што комбинатите ги имаат на располагање, направена е реорганизација во однос на капацитетите во рудниците, со цел во најкус можен рок да се обезбеди фронт за ископ на квалитетен јаглен.

– Обезбедивме многу поповолни финансиски услови за набавка на квалитетен јаглен од веќе постоечки договор за набавка на овој енергент од увоз, со што овозможивме одлични предуслови за реализација на планираните производни количини на електрична енергија за оваа грејна сезона. Сакам да истакнам – рече Коњановски, дека за разлика од претходните набавки на јаглен, за сите идни набавки на овој енергент, тогаш кога ќе има потреба, особен акцент ќе се даде на квалитетот.

Од АД ЕСМ информираа дека имаат докази дека изминативе неколку години се увезувал јаглен со катастрофален квалитет, со специфики кои се во спротивност со пропишаните за работа на термоелектраните. Тоа предизвикало хаварии на блоковите поради кои ЕСМ издвојувале милионски суми за санација.

– Ние имаме одговорност за заштита на животната средина и здравјето на граѓаните, но истовремено и одговорност да ги сочуваме термоелектраните – како материјално и национално добро. За сите неправилности кои продуцирале недомаќинско и неодговорно однесување, АД ЕСМ ги разгледува можностите од покренување на кривична и дисциплинска постапка кон раководни лица што директно влијаеле на затекнатите состојби во битолскиот рударско енергетски комбинат – најави Коњановски за време на денешната посета на РЕК Битола.

Во моментов, ремонтните активности во блок 2 во РЕК Битола се завршени и тој е веќе на мрежа, додека ремонтот на ТЕ Битола 3 е завршен во согласност со планот. Зафатот на ТЕ Битола 1 сѐ уште не е ни започнат.

The post ХАОС ВО РЕК БИТОЛА, НЕМА ДОВОЛНО ЈАГЛЕН Коњановски посочи на неодговорноста на претходното раководство appeared first on plusinfo.mk.