Сообраќајниот метеж на јужната граница ја смени страната, па од вчера попладне се бележат долги колони возила на граничниот премин „Богородица“ за влез во Македонија. Голем број граѓани преку социјалните мрежи револтирано коментираат дека процедурите се вршат многу бавно и дека времето на чекање за пасошка контрола трае дури и до четири часа.

Километарските колони од автомобили, автобуси, кампери и мотоцикли целосно го блокираа меѓуграничниот простор, додека во спротивниот правец, односно за излез од Македонија и влез во Грција, сообраќајот во моментов е релаксиран и нема поголеми задржувања.

Поради силното и пеколно јунско сонце кое дополнително ја отежнува веќе заглавената состојба, а со оглед на тоа што меѓу патниците има голем број семејства со мали деца, се апелира до возачите постојано да ја проверуваат состојбата преку Авто-мото сојузот на Македонија. Како препорака се наведува патувањето да се планира во доцните вечерни часови, кога може да се избегнат екстремно високите дневни температури. Патниците се советуваат да бидат подготвени со доволно залихи на вода, да покажат максимално трпение во сообраќајниот шпиц.

Големиот прилив на патници кои се враќаат во земјава или транзитираат кон север по завршувањето на продолжените викенди, наведува на заклучокот дека притисокот врз граничните служби ќе трае цел ден.

The post НА „БОГОДОРИЦА“ СЕ ЧЕКА И ДО ЧЕТИРИ ЧАСА ЗА ВЛЕЗ ВО МАКЕДОНИЈА Продолжува сообраќајниот колапс на границата со Грција appeared first on plusinfo.mk.

Со заедничка одлука на истражниот судија и јавниот обвинител, денеска е одредена мерка притвор за македонскиот државјанин кој ја уби 45-годишната жена на Крит и кој подоцна го признал убиството, јави дописничката на МИА од Атина.

Кривичното дело се случило на 30 мај годинава, на денот кога жената била пријавена за исчезната. Случајот бил расветлен минатата недела, кога 43-годишниот македонски државјанин, кој бил потстанар во нејзината куќа и последен кој ја видел, станал главен осомничен. Во неделата, во предистражната постапка, тој го признал убиството.

Тој се товари за кривично дело убиство со умисла и денеска бил изведен пред истражен судија и јавен обвинител во градот Ханија на Крит.

Според грчките медиуми, во својот исказ тој изразил каење и се извинил на семејството на жртвата, наведувајќи дека делото се случило по расправија и без претходно планирање.

Осомничениот ќе остане во притвор до почетокот на судскиот процес.

Како што претходно објави МИА, станува збор за 43-годишен македонски државјанин со иницијали М.Л., кој подолг период живеел и работел на Крит и изминатите четири години изнајмувал стан во сопственост на убиената жена.

Исчезнувањето на 45-годишната Ставрула Левендаки било пријавено со задоцнување од речиси десет дена, што ја одложило и почетната истрага.

Полицијата подоцна соопшти дека осомничениот, соочен со доказите, го признал делото и го посочил местото каде што било скриено телото – на приватна земјоделска парцела кај Ханија. По неговите насоки, телото било пронајдено закопано, завиткано во кеси и врзано со пластични стеги.

Случајот изминатата недела е една од главните теми во грчките медиуми, особено поради тоа што осомничениот првично негирал вина и давал изјави за медиумите.

The post ПРИТВОР ЗА МАКЕДОНЕЦОТ НА КРИТ Го призна убиството на 45-годишната жена, ќе чека судење зад решетки appeared first on plusinfo.mk.

Големи пожари зафатија повеќе делови од Грција, а најкритична е состојбата на островот Крит и во централните региони на земјата, каде што стотици пожарникари, со поддршка од противпожарни авиони и хеликоптери, водат интензивна битка за локализирање на огнената стихија.

Еден од најсериозните пожари избувнал во Ираклион на Крит, каде што огнот започнал во складиште за дрва. Според досегашните информации, најмалку четири куќи и две деловни згради биле зафатени од пламените јазици. Иако пожарникарите соопштуваат дека ситуацијата е делумно ставена под контрола, огнот сè уште не е целосно изгаснат и продолжува да претставува опасност за околните објекти.

Властите потврдија дека во пожарот се оштетени повеќе деловни простории, како и дворови на околните објекти. Снимките од местото на настанот покажуваат огромни облаци густ црн чад кои се издигнуваат над Ираклион и се видливи од голем дел од градот, предизвикувајќи вознемиреност кај локалното население.

Според првичните сознанија, пожарот избувнал на дрвени палети складирани во магацинот, а точната причина за неговото настанување сè уште не е утврдена. Поради големата количина лесно запалив материјал, пламенот за кратко време се проширил и кон соседните објекти, што дополнително ја усложнило интервенцијата.

Веднаш по избувнувањето на пожарот бил активиран националниот систем за предупредување при итни случаи. До жителите било испратено известување со препорака да останат во своите домови, да не се изложуваат на чадот и да ги затворат прозорците и вратите додека трае опасноста.

Во гаснењето на пожарот учествуваат 95 пожарникари со 18 противпожарни возила, а од воздух помага и еден хеликоптер кој постојано интервенира на најкритичните точки.

Во текот на целата операција, Националниот координативен центар за операции и управување со кризи (ESKEDIK) ја следи состојбата во реално време преку беспилотни летала опремени со оптички и термални камери, што им овозможува на службите побрзо да ги лоцираат жариштата и поефикасно да ги насочуваат силите на терен.

Forest fires are raging out of control in the Balkans.

The situation is most dire in Greece and Croatia. pic.twitter.com/WZLRzmUCxv

— GREY ZONE (@N_S_K_G_72597) June 24, 2026

The post 🎥 ПЕКОЛ ВО ГРЦИЈА, ОГНОТ ГОЛТА ДОМОВИ И ДЕЛОВНИ ОБЈЕКТИ! Стотици пожарникари се борат со пламените јазици appeared first on plusinfo.mk.

Грција ќе исплаќа по 5,33 евра за секој килограм уловена риба Lagocephalus sceleratus, позната како зајачка риба, соопшти тамошниот министер за земјоделство и храна.

Според министерот Маргаритис Схинас, исплатата од 5,33 евра е чист надомест за рибарите. Дополнителните трошоци за ладење, транспорт и уништување на уловените риби ќе ги покриваат локалните власти.

Мерката е воведена по примерот на Кипар, каде што рибарите веќе добиваат 4,73 евра за килограм уловена зајачка риба.

Зајачката риба со години создава проблеми во Егејското Море и во водите околу Крит.

Експертите предупредуваат дека со затоплувањето на морето рибата сè побрзо се шири, а дополнителен проблем е што речиси нема природни непријатели во Медитеранот, па е закана за морскиот биодиверзитет.

Најголем удар трпат рибарите. Поради исклучително силните заби, зајачката риба ги оштетува мрежите, јадиците и другата рибарска опрема.

Написите за зголемено присуство на оваа риба летово ги кренаа алармите кај јужниот сосед.

Пилот-програмата за улов првично ќе се спроведува во јужниот дел на Егејското Море и околу Крит, каде што проблемот е најизразен. Опасниот вид првпат бил регистриран во грчките води во 2005 година кај Родос и Крит. Во Медитеранот пристигнал преку Суецкиот Канал од Црвеното Море.

The post ПОЗНАТО КОЛКУ ЌЕ ЗАРАБОТУВААТ РИБАРИТЕ ОД ЗАЈАЧКАТА РИБА Грција ја засилува битката против опасниот морски натрапник appeared first on plusinfo.mk.

Македонските граѓани кои планираат да патуваат кон Грција претстојниот викенд треба да очекуваат сериозни измени и можни метежи во сообраќајот.

Поради градежни работи на проектот за изградба на новиот надвозник, дел од обиколницата околу Солун ќе биде целосно затворен во двата правци, објавија грчките власти.

Ова се термините и правците на кои сообраќајот ќе биде во прекин:

– Западен правец (кон центарот на Солун) – целосно затворен од петок (26 јуни) од 23:00 часот до недела (28 јуни) до 23:00 часот.

– Источен правец (кон аеродромот и Халкидики) – целосно затворен во истиот период.

– Надвозник Пилеа – Панорама – затворен од сабота (27 јуни) од 05:00 часот до недела до 23:00 часот.

За време на блокадата, сообраќајот ќе се пренасочува по алтернативни патишта кои минуваат низ самиот град Солун. Се очекуваат значителни метежи, особено во текот на викендот.

Од надлежните институции апелираат до возачите да планираат патувањето навреме, да користат алтернативни рути и да бидат трпеливи.

The post ОБИКОЛНИЦАТА ОКОЛУ СОЛУН ВИКЕНДОВ ЌЕ БИДЕ ЗАТВОРЕНА Ако патувате кон Халкидики, ќе бидете пренасочени низ градот appeared first on plusinfo.mk.

Претседателот на ДУИ Али Ахмети во својот говор на изборното собрание на партијата во Бутел зборуваше и за протестите во Албанија. Ахмети рече дека „непријателите на нацијата се обидуваат да создадат несигурност“. Исто така, нагласи дека овие протести ја погодуваат најголемата индустрија во Албанија – туризмот.

– Има некои настани, случувања и во Албанија. Тоа е земја каде што ни помогнаа. Албанија го засолни Косово. Албанија е неразделен дел од слободата на Косово. Без помошта, без средствата на Албанија, Косово не би било Косово какво што е денес. Затоа, со болка ги следиме работите. Гледаме дека тука Албанија, од овие протести кои не знаат каде им е главата, трпи два удара. Силни удари.

Главната индустрија на Албанија е туризмот. Туризмот е погоден. Од каде дојде првата кампања? Од Грција, бидејќи туризмот е загрозен од Албанија, тој е загрозен во Грција. Соседна земја не треба да размислува вака за својот сосед, но еве што се случи, првата изјава и првите реакции дојдоа од Грција. Кој стана првиот портпарол на оваа кампања? Во Белград? Истиот оној што води кампања за протестите во Србија води кампања за протестите во Албанија.

Некој може да стане и да каже: Али Ахмети го брани Еди Рама. Не, Али Ахмети ја брани Албанија, а Албанија страда. Таа е погодена. Главната гранка на индустријата, туризмот; главната гранка, странските и домашните инвестиции. Немојте да мислите дека нема последици за домашните инвеститори, а камоли за странските. Бидејќи ниеден домашен инвеститор не го ризикува својот капитал таму каде што има неизвесност.

А кој се обидува да создаде несигурност во Албанија? Непријателите на албанската нација. Не велам дека овие луѓе излегле таму, тие се непријатели, паднале во стапицата на непријателите, без добро да ги анализираат и проучат последиците што ги предизвикуваат врз нацијата, не само во Албанија, туку и пошироко – рече Ахмети.

The post АХМЕТИ ЈА ОБВИНИ ГРЦИЈА ЗА ПРОТЕСТИТЕ ПРОТИВ РАМА Лидерот на ДУИ ги нацрта „непријателите на Албанија“ appeared first on plusinfo.mk.

Три лица се уапсени, а уште 105 се осомничени дека се дел од криминална организација, која со специјализирани манипулации на електрични броила крадела струја во повеќе делови на Грција, при што нанела штета што надминува девет милиони евра, јави дописничката на МИА од Атина.

Од грчката полиција информираа дека од рано утрово во тек е акција во Солун во соработка со Операторот на дистрибутивната мрежа за електрична енергија (ДЕДДИЕ) за разбивање на криминалната организација „чии членови вршеле специјализирани манипулации на електрични броила на ДЕДДИЕ (во деловни објекти и домови) во регионите Атика, Македонија, Тракија, Тесалија и Пелопонез, со цел кражба на електрична енергија“.

– Досега се уапсени тројца клучни членови на организацијата, додека вкупно 105 лица се осомничени како вршители на кражби на струја. Штетата нанесена на ДЕДДИЕ надминува девет милиони евра – информираа од полицијата.

The post РАЗБИЕНА КРИМИНАЛНА ОРГАНИЗАЦИЈА КОЈА КРАДЕЛА СТРУЈА ВО ГРЦИЈА Направиле штета од 9 милиони евра appeared first on plusinfo.mk.

Сопругата на македонскиот државјанин осомничен за убиството на Ставрула Левендаки на Крит тврди дека тој е невин. Таа ја опиша жртвата како „чудна жена“ и случајот го нарече заговор против нејзиниот сопруг.

Поддршка до смрт и тврдење дека станува збор за заговор. Вака сопругата на македонскиот државјанин осомничен за убиството на 45-годишната Ставрула Левендаки на Крит застана зад својот сопруг пред неговото денешно појавување пред судот.

Во изјава за грчката телевизија Мега, таа категорично ги отфрли обвинувањата.

– Сигурна сум дека е невин. Го поддржувам и тоа до смрт. Мојот сопруг никогаш не погледнал друга жена. Ни како помлад, ни сега кога сме заедно 20 години – изјавила сопругата.

Таа оценила дека Левендаки била „чудна жена“ и дека случајот претставува заговор против нејзиниот сопруг.

Во меѓувреме, грчките медиуми објавија и аудио-снимка од разговор меѓу осомничениот и братот на убиената жена. Во разговорот, според објавеното, тој вели дека сака жената да биде пронајдена и дека му е важно нејзиното здравје.

Случајот со недели ја бранува грчката јавност. Македонскиот државјанин, кој живеел како потстанар во имотот на Левендаки, е осомничен дека ја убил 45-годишната жена, а потоа го закопал телото на нива во близина на Ханија.

Според досегашните информации од истрагата, тој наводно признал дека по расправија со сопственичката на куќата дошло до фатален инцидент. Истражителите соопштија дека осомничениот им го покажал местото каде што било скриено телото.

МАКЕДОНСКИ ДРЖАВЈАНИН ЈА УБИЛ ГРКИНКАТА ВО ЧИЈ СТАН ЖИВЕЕЛ Го закопал телото и давал изјави за медиумите

The post СОПРУГАТА ЗАСТАНА ЗАД ОСОМНИЧЕНИОТ МАКЕДОНЕЦ ВО ГРЦИЈА „Го поддржувам до смрт, таа беше чудна жена“ appeared first on plusinfo.mk.

The post 🎥 ЗАЕВ НЕ СЕ ПЛАШИ ОД РИБАТА СО ЗАЈАЧКИ УСНИ Со друштво плива во Егејско Море appeared first on plusinfo.mk.

Поранешната европратеничка на Нова демократија Ана Мисел Асимакопулу и уште три лица, меѓу кои и поранешниот генерален секретар во Министерство за внатрешни работи на Грција се осудени на осум до 20 месеци условна затворска казна за случајот со неовластено користење мејлови на Грци кои живеат во странство, јави дописничката на МИА од Атина.

Случајот е од почетокот на март 2024 година, кога тогашната европратеничката на Нова демократија во пресрет на европските избори испратила мејлови со предизборен материјал до голем број грчки граѓани кои живеат во странство без притоа да постои нивна согласност, а нивните електронски адреси биле споделени од Министерството за внатрешни работи, откако се пријавиле на платформата за поштенско гласање на евроизборите.

Во судскиот процес против Асимакопулу и уште три лица денеска беше соопштена пресудата според која сите обвинети се прогласени за виновни.

Поранешната европратеничка, која по скандалот соопшти дека нема да се кандидира на евроизборите во јуни 2024 година, е осудена на 20 месеци условна затворска казна, а поранешниот генералниот секретар во Министерство за внатрешни работи на Грција доби 18 месеци.

Останатите двајца обвинети, кои се поранешни високи членови на владејачката Нова демократија се осудени на 8 и 12 месеци условна затворска казна.

The post ПОРАНЕШНА ГРЧКА ЕВРОПРАТЕНИЧКА ОСУДЕНА ЗА ЗЛОУПОТРЕБА НА МЕИЛ АДРЕСИ Доби 20 месеци условна казна appeared first on plusinfo.mk.