Убиство на жена од нејзиниот сопруг во град на Пелопонез ја потресе Грција. Обдукцијата покажа дека 41-годишникот ја пробол 39-годишната Василики најмалку 45 пати, пишува Прототема. Смртоносни биле две убодни рани во градите и една во грбот.

Сопругот го признал делото откако бил уапсен. Истрагата допрва ќе ги откри мотивите, додека се шпекулира за убиство од љубомора.

Василики, мајка на две деца била пронајдена мртва во спаната соба од семејниот стан. Претходно крици го разбудиле соседството.

Повеќето убоди ги добила на подот

Обдукцијата открила брутални детали. Според наодите на судскиот лекар, жената била избодена најмалку 45 пати.

На телото биле пронајдени бројни повреди на вратот и на лицето, како и голем број одбранбени рани на рацете, што укажува дека се обидувала да се заштити.

Истражителите утврдиле и траги што упатуваат на физичко насилство пред нападот.

Судскиот лекар заклучил дека најголемиот дел од убодите биле нанесени откако жената веќе паднала на подот. Полицајците ја пронашле во ембрионална положба. Според грчките медиуми, во раката сè уште држела нож.

Осомничениот вчера бил изведен пред обвинител и побарал рок за да ја подготви својата одбрана. Неговиот адвокат тврди дека меѓу сопружниците имало физичка пресметка пред убиството.

Но, ваквото објаснување засега не се совпаѓа со доказите што ги собрале истражителите.

„Патолошки љубоморел“

Пријателка на Василики за грчките медиуми изјавила дека осомничениот со месеци покажувал опсесивна љубомора. Според неа, тој барал сопругата да ги затвори профилите на социјалните мрежи и ширел гласини дека има вонбрачна врска.

– Патолошки ѝљубомореше. Еднаш ја чекал пред школата за танцување. Немаше доверба во неа за ништо – изјавила нејзина пријателка.

Таа додала дека Василики во последно време им се доверувала на блиските дека чувствува голем притисок дома.

– Никој од нас не можеше да замисли дека работите ќе завршат вака – рекла пријателката.

Taa била над него со нож?! 

Иако го признал делото, 41-годишникот тврдел дека се разбудил и ја видел сопругата над себе со нож. Истражителите не се убедени во оваа верзија.

Соседи изјавиле дека слушале расправија и викање пред да се слушнат повиците за помош.

Според нивните сведоштва, конфликтот траел извесно време пред трагичниот крај.

Поради тоа, полицијата проверува дали на убиството му претходел уште еден од честите семејни конфликти.

Децата спиеле, некој им дал седативи?

Особено потресен е податокот дека двете малолетни деца на брачната двојка, на возраст од шест и десет години, спиеле во соседната соба додека се случувало злосторството.

Тие не сфатиле што се случува. За време на претресот била пронајдена и таблета со седативи без рецепт.

Истражителите проверуваат дали децата евентуално добиле супстанции што би можеле да објаснат зошто не се разбудиле.

Не е соопштено дали досега се утврдени такви индиции.

Им отворил врата, имал крв на облеката

Трагедијата била откриена нешто пред два часот по полноќ. Жители на зградата ја повикале полицијата откако слушнале женски крици и повици за помош.

Кога патролата пристигнала, вревата веќе престанала. Полицајците затропале на вратата.

Осомничениот им отворил со видливи траги од крв на облеката.

The post ЈА ПРОБОЛ 45 ПАТИ, Ѝ ОТВОРИЛ НА ПОЛИЦИЈАТА Страшен фемицид во Каламата ја потресе Грција   appeared first on plusinfo.mk.

Возач фатен со телефон во рака во Грција веднаш останува без возачката дозвола на еден месец и плаќа казна од 350 евра. Секој следен прекршок носи уште построги санкции, кои достигнуваат до 4.000 евра и осум години без возачка дозвола.

Санкциите за мобилен во рака додека возите според новиот Закон за сообраќај кај нашиот јужен сосед се едни од најригорозните во Европа.

Секоја наредна казна е потешка

Санкциите растат со секој следен прекршок. Првиот прекршок носи казна од 350 евра и одземање на дозволата на еден месец. Вториот се казнува со 1.000 евра и шест месеци без дозвола.

Третиот прекршок веќе значи 2.000 евра казна и одземање на возачката дозвола на една година.

Несреќата ја множи сметката

Казните стануваат уште построги ако користењето телефон доведе до сообраќајна несреќа.

Во таков случај, втор прекршок носи 2.000 евра казна и четири години без возачка дозвола. Трет прекршок се казнува со 4.000 евра и одземање на дозволата на осум години.

Половина секунда што може скапо да чини

Експертите предупредуваат дека возачите кои користат телефон реагираат околу половина секунда побавно од останатите. При брзина од 110 километри на час тоа значи околу 14 метри подолго растојание за сопирање.

Токму поради ваквите ризици грчките власти решија значително да ги заострат казните. Целта е да се намали бројот на несреќи предизвикани од невнимание зад воланот.

Не е исклучена ниту затворската казна

Законот предвидува и затворски казни ако користењето телефон предизвика тешки последици.

Доколку има тешка телесна повреда, сторителот може да добие казна затвор до 10 години. Во случај на смрт, казната може да достигне до 20 години.

Ако во несреќата има голем број жртви или повредени, грчкиот закон предвидува и доживотен затвор.

The post ЕДЕН ПОВИК ДОДЕКА ВОЗИТЕ ВО ГРЦИЈА МОЖЕ ДА ВЕ ЧИНИ ДОЗВОЛА Новите казни достигнуваат и до 4.000 евра appeared first on plusinfo.mk.

Тројца вооружени разбојници утрово ограбиле банкарска филијала во градот Като Титореа во Централна Грција. Тие украле повеќе од 200.000 евра, но, додека бегале, дел од парите им паѓале по патот.

Фотографии покажуваат како маскираните напаѓачи трчаат со торби полни пари, додека банкноти паѓаат зад нив, пишува Прототема.

Половина час чекале да се отвори сефот

Според сведоци, разбојниците влегле во банката веднаш по отворањето. Тие биле тешко вооружени и со покриени лица.

Еден носел капа, маска и карирана кошула.

Напаѓачите останале во банката околу 30 минути, чекајќи да заврши временското одложување за отворање на сефот.

Στην Τιθορέα μισή ώρα κράτησε η ληστεία και η Αστυνομία δεν εμφανίστηκε!
Τους έβγαζε και φωτογραφίες ο κόσμος τους ληστές!
Τραγέλαφος Χρυσοχοΐδη!
Έχουμε γεμίσει μπάτσους, αλλά ασφάλεια δεν έχουμε… pic.twitter.com/i71j90xXal

— ΚΕΡΒΕΡΟΣ (@RXRqdEgogik2Z9P) May 11, 2026

Στο βίντεο έχει καταγραφεί ένας από τους δράστες με το καλάσνικοφ στο χέρι να παραμένει στην είσοδο της τράπεζας και να μην επιτρέπει σε κανέναν να μπει στο κατάστημα#ingr #news #ΛΗΣΤΕΙΑ pic.twitter.com/AW8tcskW4b

— in.gr/news (@in_gr) May 11, 2026

Побегнале кон Парнасос

Кога добиле пристап до парите, зграпчиле плен што според првичните проценки надминува 200.000 евра.

Потоа избегале со автомобил.

Според информациите, се упатиле кон Парнасос преку Амфиклија.

„Полицијата никогаш не се појави“

Жители од областа тврдат дека полицијата не пристигнала за време на грабежот.

– Полицијата никогаш не се појавила – рекол жител од областа.

Грчката полиција сега спроведува голема операција за пронаоѓање на сторителите.

Истрагата е насочена кон пошироката област околу Парнасос и можните патишта за бегство.

The post 📷 ГИ ОГРАБИЛЕ, ПА ПОЧНАЛЕ ДА „СЕАТ“ ЕВРА ПО УЛИЦА Грабеж од 200.000 евра ја крена грчката полиција на нозе appeared first on plusinfo.mk.

Исчезнувањето на 16-годишната Лаура ја држи Грција во неизвесност веќе речиси еден месец. Најновите полициски сознанија отвораат сериозна можност девојчето уште првиот ден да отпатувало со авион за Германија.

Лаура последен пат била видена на 8 јануари во близина на градот Патра. Според полицијата, непосредно пред исчезнувањето го продала својот мобилен телефон за да не може да биде лоцирана. Со парите се упатила со такси кон Атина.

Еден ден претходно ги избришала сите профили на социјалните мрежи. Камерите и видеоснимките потврдиле дека по пристигнувањето во Атина се движела самостојно.

Авиокомпанијата молчи, истрагата продолжува

Иако постојат индиции дека купила авионска карта и заминала за Германија, авиокомпанијата сè уште не одговорила на барањата на грчката полиција. Случајот формално не се води како кривично дело, па не постоела обвинителска наредба за итна достава на податоци.

Портпаролката на полицијата, Константија Димоглиду, реагираше јавно:

– Ова можеше да ни биде соопштено уште во првите часови – рече таа, осврнувајќи се на информацијата дека девојчето купило карта и заминало истиот ден.

Според полицијата, недостигот од соработка не ја запрел истрагата. Од самиот почеток се разгледувала можноста Лаура да заминала во странство, и покрај противречните дојави дека била забележана на различни локации низ Атина.

Што покажуваат снимките и трагите?

Полициските податоци укажуваат дека Лаура рано утрото на 8 јануари пристигнала во Атина. Камерите ја снимиле во туристичка агенција во областа Омонија, каде во готово платила нешто повеќе од 200 евра за авионска карта до Франкфурт. Снимките ја потврдиле и нејзината идентификација.

Подоцна се качила во автобус што превезува патници до меѓународниот аеродром. Се претпоставува дека полетала со лет околу 17:30 часот. Кога родителите околу 20 часот го пријавиле исчезнувањето, според полициската проценка, таа веќе можела да биде слетана во Германија.

Зошто исчезна Лаура?

Причините остануваат нејасни. Според сведоштво на нејзина пријателка, Лаура тешко се прилагодувала по преселбата од Германија во Грција. Јазичната бариера, новата средина и проблемите на училиште оставиле силен товар.

Роднини во Германија, според медиумски наводи, посочиле и тензичен однос со таткото, со тврдења за насилничко однесување. Тие околности, според истите извори, довеле до нејзино претходно привремено сместување во установа во Германија.

The post ЛАУРА САМА КУПИЛА КАРТА ЗА ГЕРМАНИЈА? Исчезнувањето што ја вознемири Грција appeared first on plusinfo.mk.

Двајца српски државјани, на возраст од 48 и 46 години, се уапсени во Бугарија и во Хрватска под сомнение дека се дел од злогласната криминална мрежа „Пинк Пантер“, која стои зад, како што пишува Екатимерини, спектакуларниот грабеж на златарница на Халкидики на 2 септември 2025 година.

Полицијата соопшти дека двајцата биле приведени по неколкумесечна истрага на одделот за организиран криминал на грчката полиција, во координација со Европол. Тие биле предмет на европски потерници, издадени по докази што ги поврзале со грабежот вреден речиси 580.000 евра, при што биле украдени луксузни часовници и накит од врвни брендови.

Истрагата открила дека 48-годишникот, кој веќе се бара во Швајцарија за други кражби, влегол во продавницата заедно со соучесник и со закана со оружје ги држел двајцата вработени, додека 46-годишниот, заедно со жена која сè уште е во бегство, ја надгледувал околината преправајќи се дека е муштерија.

Целата акција, траела само неколку минути и покажала високо ниво на професионализам и координација. Според полицијата, четворица членови на групата престојувале во Грција од 20 август до 2 септември, користејќи фалсификувани пасоши и изнајмени возила со украдени регистарски таблички.

Групата спровела неколку дена извидување на теренот, внимателно испланирала рути за бегство и користела електрични тротинети за движење низ туристичките улици.

„Пинк Пантер“ веќе две децении е симбол на елитен криминал – мрежа составена главно од државјани на поранешна Југославија, позната по своите брзи и спектакуларни грабежи во Европа, Азија и Блискиот Исток.

Властите сега ја очекуваат екстрадицијата на двајцата осомничени во Грција, додека потрагата по останатите двајца членови продолжува.

The post ФИЛМСКИ ГРАБЕЖ НА ХАЛКИДИКИ, УАПСЕНИ СРБИ Лица поврзани со „Пинк Пантер“ украле накит вреден 580.000 евра appeared first on plusinfo.mk.

Во селото Вориза, во областа Ираклио на островот Крит, избувнала вооружена пресметка меѓу две семејства, во која најмалку двајца загинаа, додека повеќе од 10 лица беа повредени. Сцените биле шокантни: куќи со траги од куршуми, уништени автомобили и улици преполни со полиција и медицински екипи. Полицијата го блокирала целото село, а на местото пристигнал и началникот на грчката полиција, јави Прототема.

Грчкиот портал ја опиша ситуацијата како „село-фантом“. Силно вооружени полицајци патролирале низ тесните улички, додека локалното население останало затворено во домовите.

Βεντέτα στα Βορίζια Ηρακλείου: Δύο τραυματίες νοσηλεύονται φρουρούμενοι – Η ανακοίνωση της ΕΛ.ΑΣ.https://t.co/siZxEbFCbE

— Athens Voice (@athensvoice) November 1, 2025

Βεντέτα στα Βορίζια: Ποιος είναι ο 39χρονος που έχασε τη ζωή τουhttps://t.co/I34NFFr5gQ

— Athens Voice (@athensvoice) November 1, 2025

Според извори на грчката полиција, конфликтот започнал по поставување експлозивен уред пред куќа во изградба, што предизвикало одмаздничка реакција меѓу двете семејства. Потоа следела престрелка со автоматско оружје. Некои повредени биле носени со трактори и приватни возила во болницата во Ираклио.

Грчките медиуми потсетуваат дека критските вендети се дел од локалната традиција на семејна чест и одмазда. Сличен инцидент во истото село бил забележан и во 1955 година, кога 3 лица биле убиени, а 14 повредени.

Грчката полиција денес ја држи областа под строга контрола и спроведува масовна истрага за да ги идентификува учесниците во крвавиот судир.

Вориза е планинско село со 504 жители, познато по својата историја и долгите семејни традиции.

The post 📷 КРВАВА „ВЕНДЕТА“ ВО СЕЛО НА КРИТ, СЕ ПРЕСМЕТАА ДВЕ ФАМИЛИИ Најмалку двајца загинаа во престрелката во Ираклио appeared first on plusinfo.mk.

Локалната заедница во грчкиот Пелопонез е во шок по двојното убиство што се случи вечерта на 5 октомври 2025 година во познатиот кампинг „Амос“ во Финикунта. Жртви на масакрот се 68-годишниот сопственик на кампот, архитектот Костас Томарас, и неговиот долгогодишен пријател и чувар Василис, стар околу 50 години.

Според истрагата, вооружениот напаѓач пристигнал на мотор околу 20:30 часот, влегол во кампот и прво го застрелал сопственикот во просториите на рецепцијата. Чуварот се обидел да побегне, но бил погоден во грб. Сторителот потоа исчезнал, а полицијата интензивно трага по него.

Посебно вознемирува фактот дека убиството го видел внукот на Томарас — момчето успеало да избега и да го пријави злосторството.

Дополнителна мистерија во случајот предизвика новиот тестамент на убиениот, составен само три дена пред неговата смрт, во кој тој речиси целиот свој имот му го остава токму на својот внук – сведок на злосторството.

„Го пишувам мојот тестамент во случај на ненадејна смрт…“ — започнува документот што ги шокираше грчките власти.

Томарас во тестаментот, покрај внукот, оставил дел од имотот и на својот чувар Василис, како и парични средства за сестрата и нејзиниот син. Полицијата веќе има во свои раце и претходен тестамент составен пред една година, а се смета дека споредбата на двата документи може да ја открие вистинската причина за убиството.

Истражителите испрашуваат сведоци, меѓу кои и локален бензинџија кој видел млад човек на мотор, со кацига и темна кожа. Но внукот на Томарас дал поинаков опис — светол тен, руса коса и младолик изглед, што укажува дека можеби сторителот е малолетник.

Истрагата продолжува со целосна мобилизација на грчките безбедносни служби, додека жителите на Финикунта живеат во страв и неверување по шокантното двојно убиство.

The post СОПСТВЕНИК НА КАМП СИ ГО ПРЕДВИДЕЛ СВОЈОТ КРАЈ Три дена пред двојното убиство оставил тестамент кој открива морничава вистина appeared first on plusinfo.mk.

Општина Солун почнува со поставување блокатори на тркала за сите возила кои непрописно се паркирани и оваа мерка важи без исклучок и за странските туристи, вклучувајќи ги и многубројните Македонци кои често го посетуваат градот за шопинг или прошетка.

Според надлежните, блокаторите ќе се ставаат на возила паркирани на места наменети за жители, на рампи за лица со попреченост и во зони за товарење и истовар, кои се критични локации за движење и пристап.

„Паркирањето на стотици возила со странски таблички, особено во туристичката сезона, стана секојдневие. Имаше и случаи кога возачите вадеа регистарски таблички за да избегнат казна. Ова повеќе нема да помине“, соопштува Општина Солун.

Ако забележите дека вашето возило не може да се придвижи, тоа значи дека е блокирано со блокатор на тркало. Потребно е да се јавите на бројот на општинската полиција: +30 2313 317930, да ја платите казната, по што само надлежните ќе ја отстранат блокадата.

Заменик-градоначалникот задолжен за општинската полиција, Костас Циапакидис, изјави за грчката агенција АНА-МПА.

– Во многу случаи, странци ја кинеа казната и си заминуваа од земјата без никаква последица. Со блокаторите тоа веќе не е можно – само по уплата на казната, автомобилот може да биде ослободен. Имавме случаи каде возила беа паркирани на забрането и по 15 дена – Циапакидис.

Мерката ќе биде активна најмалку до крајот на септември, а властите најавуваат и дека ќе има проширување на контролите во централните делови на Солун, каде што македонските туристи најчесто се движат – улиците околу ТЦ „Mediterranean Cosmos“, променадата, и централниот плоштад.

The post ВНИМАВАЈТЕ КАДЕ ПАРКИРАТЕ ВО СОЛУН Градот воведе блокатори за тркала appeared first on plusinfo.mk.

Криминалната мрежа позната како „локумадес мафија“, која ја тероризирала Ситонија на вториот крак од Халкидики, доби правосуден епилог – нејзиниот водач е осуден на 16 години затвор.

Грчките медиуми јавуваат дека 42-годишниот маж бил прогласен за виновен поради повеќе кривични дела, меѓу кои изнуда, закани, нанесување телесни повреди и употреба на огнено оружје. Сите овие дела биле насочени кон лица кои се обиделе да продаваат крофни, популарните грчки „локумадес“, на преполните плажи во Ситонија во текот на летото 2021 година.

Во истрагата било утврдено дека криминалната група, која броела 12 члена, спроведувала вистинска кампања на заплашување и насилство за да воспостави монопол врз продажбата на крофни на плажите. За да се осигураат дека нема конкуренција, тие најмалку седум пати употребиле насилство и закани по живот, а некои од нападите вклучувале и употреба на огнено оружје. Метите не биле само независните продавачи, туку и сопствениците на угостителски објекти кои соработувале со нив или дозволувале други да продаваат.

Оваа мрежа не само што заплашувала локални продавачи, туку и присилувала странски државјани да работат за нив под нечовечки услови. Тие биле приморувани да продаваат 500 до 600 крофни дневно, по цена од 2 евра. Сепак, од тие пари добивале само по 50 центи по крофна, додека остатокот го земала криминалната група, остварувајќи профит од 500 до 600 евра дневно. Станува збор за добро организиран систем кој комбинирал економски притисок, заплашување и брутална сила.

Полицијата на Грција тогаш успеала да ја разбије групата, а неколку од членовите веќе добиле парични казни, додека некои биле ослободени. Но судот бил особено строг со водачот, кој според обвинението бил организатор и главен извршител на насилствата и заканите. Ваквиот епилог ја испрати пораката дека на плажите на Халкидики нема место за организиран криминал, дури и кога станува збор за крофни.

The post РАЗОТКРИЕНА „ЛОКУМАДЕС МАФИЈА“ ВО ГРЦИЈА Водачот доби 16 години затвор, неговата група уценувала и тепала за монопол appeared first on plusinfo.mk.

Паралелно, во непосредна близина на убиството бил пронајден пиштолот, како и ракавиците на сторителот.

Од грчката полиција соопштија дека по методична и детална истрага од страна на полициските службеници од Одделот за безбедност во Полигиро, со асистенција на Одделот за кривични дела против животот и личната слобода на Управата за безбедност во Солун, „идентификуван е странски државјанин, кој лани во јули заедно со неговиот соучесник, пукал и смртно ранил странски државјанин, нивен сонародник и повредија уште еден нивни сонародник, кои беа на одмор на Халкидики“.

Истрагата, веднаш по убиството била проширена на поширокото подрачје, што резултирало со откривање на рутата на сторителите при нивното бегство, а на оддалеченост од неколку стотини метри од вилата, во непроодна област, бил пронајден пиштолот со придушувач и шаржер, волнена капа и ракавици со траги од барут.

Од лабораториски испитувања и анализи на наодите, утврдено било дека пиштолот бил користен во конкретното кривично дело.

– Според собраните информации, се чини дека мотивот на кривичното дело е поврзан со ривалство помеѓу две криминални групи кои главно се занимаваат со трговија со дрога и се со седиште во земјата од каде што потекнуваат. Горенаведениот странски државјанин е уапсен и е задржан во притвор во својата земја, како осомничен за негово учество во убиството на две лица, што се случи лани во март во нивната земја. Против него е распишана европска потерница и се преземаат потребните дејствија за негова екстрадиција во нашата земја – соопштија од грчката полиција.

Додаваат дека истрагата продолжува за идентификување на останатите соучесници или други инволвирани лица во инцидентот.

Од грчката полиција потсетуваат дека во раните утрински часови на 15 јули 2023 година, на Халкидики, две маскирани лица, се приближиле до вилата и со употреба на огнено оружје пукале во внатрешноста, што резултираше со смртоносна повреда на еден 39-годишник и повреда на 45-годишник, кои во вилата престојуваа со уште тројца нивни сонародници.

Веднаш по убиството, во околината биле пронајдени 19 чаури.

Тогаш, убиен беше Орхан Бајрами – Оки, кој се сметаше за еден од главните водичи на криминалната група „Дуќанџик“, додека пак во март минатата година во скопската чаршија беа убиени две лица, веројатно членови на истата група.

The post РАСЧИСТЕНО УБИСТВОТО НА ОРХАН БАЈРАМИ НА ХАЛКИДИКИ Убиецот е во притвор во Македонија, Грција бара екстрадиција appeared first on plusinfo.mk.