Телевизијата „Скај“ наведе дека товарниот брод утрово навлегол во морскиот дел контролиран од европската операција „Ирини“ за спроведување на ембаргото за оружје во Либија.

Според грчката државна телевизија ЕРТ, началникот на европските сили дал наредба, од грчката фрегата да полета хеликоптер и да го провери сомнителниот брод.

„Според информациите, кога хеликоптерот му се приближи на товарниот брод што плови под знаме од Танзанија, добил порака од една од турските фрегати дека бродот е под заштита на турската држава“, објави ЕРТ, и додаде дека потоа, било наредено хеликоптерот да се врати, а фрегатата да продолжи да го следи конкретниот брод.

The post Грчка фрегата брка брод под сомнение дека пренесува оружје во Либија appeared first on plusinfo.mk.