Боне смета дека Франција ќе избегне целосни забрани за патување во европски земји, но дека ќе обезбеди советодавни услуги за патувања во региони, каде има обновено зголемување на бројот на случаи на новиот коронавирус.

– Ние се обидуваме да ги лоцираме жариштата, без воведување непропорционални мерки, изјави тој за Франс Интер.

Како пример, Боне ги наведе „силните препораки“ дадени од француските власти против патувањето во Каталонија, каде повторно има пораст на бројот на заразени.

– Но, тоа не е мерка што се применува во цела Шпанија, нагласи Боне.

Ова е во спротивност со пристапот на британската Влада, која воведе задолжителен целосен карантин за сите патници кои се враќаат од Шпанија, објави Политико. 

The post Франција: Да се избегне целосно затворање на границите во Европа и Шенген зоната appeared first on plusinfo.mk.

Сепак, загриженоста е поголема кога станува збор за грчко- турските односи и позицијата на Турција, со оглед на тоа дека еден од седум анкетирани рекле дека многу (40 отсто) или доста (30 отсто) се загрижени за конкретната тема.

Во однос на политичката сцена во Грција, предност од 19 отсто има владејачката Нова демократија во однос на опозициската СИРИЗА, а Кирјакос Мицотакис со 48 отсто, според анкетираните, е посоодветен а премиер, наспроти 24 проценти, колку што добива Алексис Ципрас.

Од анкетираните, 54 отсто, позитивно ја оценуваат и работата на грчката Влада во изминатата една година од победата на Нова демократија на ланските избори.

Поконкретно, 31 отсто од испитаниците велат дека владата работи подобро отколку што очекувале, 23 проценти одговориле дека е во рамките на нивните очекувања.

Истражувањето на јавното мислење на агенцијата „Pulse“ за грчката телевизија „Скај“ било спроведено од 6 до 8 јули 2020 година, а биле анкетирани 1.305 лица со право на глас.

The post Анкета: Отворањето на границите загрижи 64 отсто од Грците appeared first on plusinfo.mk.

За потсетување, минатата недела Советот на ЕУ издаде листа на 14 земји за кои се смета дека е безбедно да им биде дозволено да влезат на територијата на Шенген зоната со оглед на епидемиолошката состојба. Препораката на Советот не е задолжителна за земјите членки на ЕУ кои можат да одлучат да не ја применат.

Таков е случајот со Белгија, која денеска најави дека го разгледува списокот поднесен од страна на ЕУ.

Експертската група за управување со ризици и препорача на белгиската Влада да постапи внимателно со оглед на тоа дека повторно се воведуваат рестриктивни мерки во повеќе европски региони и дека вирусот и натаму се шири.

Иако Белгија нема да воведе рестрикции кон други земји на ЕУ, списокот изготвен од страна на Советот на ЕУ за трети земји претставува проблем, брифираат од експертската група.

Белгија нема да ги отвори границите за 14-те земји ставени на европскиот список затоа што “ризикот е сѐ уште голем“ или затоа што тие земји не воведуваат мерки на реципроцитет, односно не ги отвораат границите за белгиските граѓани.

Земјите за кои ЕУ даде зелено светло се Србија, Црна Гора, Уругвај, Грузија, Алжир, Австралија, Канада, Јапонија, Мароко, Нов Зеланд, Руанда, Јужна Кореа, Тајланд и Тунис.

Белгиската Влада вети дека состојбата ќе се следи дневно во овие земји и дека одлуката може да се промени и забраните да бидат отстранети доколку се исполнети условите.

The post Белгија не ги отвора границите за земјите од белата листа на ЕУ appeared first on plusinfo.mk.

Тој информираше дека и денеска и утре ќе се дискутира за мерки на границите, но дека за време на викендот немаше поголема опасност од ширење на вирусот, но денеска не прецизираше кои би биле евентуалните нови заштитни мерки на границите – дали ПЦР тестови или можеби спуштање на рампите на границите.

Од Македонија засега може да се патува во Србија, на Косово и во Албанија.

The post Филипче: Можни нови мерки на границите, чекаме информации од јужна Србија и Косово appeared first on plusinfo.mk.

Ова предмалку го потврди и премиерот Оливер Спасовски,  при посетата на Чучер Сандево.

– Ова не е прашање на политика, и затоа Владата не може да носи одлука која би била политичка. Ние сакаме да носиме одлука врз основа на стручните лица. Ако се согледа каква било потреба, ако се согледа дека има потреба од преземање мерки, тогаш ќе се разговара на Влада. А засега Владата нема донесено  никаква одлука, и во моментов важи старата, односно дека границите се отворени – рече Спасовски.

The post Границите со Косово и Србија остануваат отворени appeared first on plusinfo.mk.

За тоа дали дали отворањето на границите на земјата ќе придонесе да се зголеми бројот на заразени  со ковид-19, односно дали некои мерки се прерано донесени, д-р Фабио Скано, советник на регионалниот директор на СЗО Европа, денеска одговори дека зголемувањето на бројот на заразени не го гледаме само во Македонија и во регионот, туку и во други европски земји кои почнаа со олабавување на мерките.

– Отворањето на границите е тешка одлука, но не може да се прави бинарна интерпретација во однос на здравствената состојба. Мора да се балансира, треба да обезбедиме рана детекција, без експлозивно ширење на заразата. Ако има потреба, во исто време да бидеме и селективни во однос на мерките кои се спроведуваат. Најважно е кога се отвораат границите да видиме за каков пренос на вирусот станува збор, да ги изолираме новите случаи и да ги изолираме контактите – изјави на прес-конференцијата д-р Скано.

Тој додаде дека вирусот нема да си замине, а колку побрзо го спуштиме гардот, ќе бидеме помалку претпазливи – толку побрзо вирусот ќе се врати. Но, тоа може да се менаџира.

– Затоа е многу важно однесувањето на индивидуата за намалување на ризикот за ширење на вирусот – да обезбеди тој нов случај да не ја шири заразата на други лица. Ова е круцијално – веднаш да се  тестираат  и изолираат контактите со заболените – нагласи д-р Скано.

The post Скано: Тешка одлука е отворањето на границите, важно е да ги изолираме новите случаи и контактите appeared first on plusinfo.mk.

Според Филипче, отворањето на границите со воспоставената контрола на аеродромите и начинот на анкетирање на патници на влез во државата, нема ризик за зголемување на бројот на дијагностицирани пациенти.

– Како што е познато, на почетокот на кризата имавме случаеви кои дојдоа од странство, но тие беа ризик за мал број контакти во нивната непосредна околина. Доколку се почитуваат превентивните мерки тогаш овој ризик практично се сведува на минимум. Неможе ниту една држава од светот да живее сама во себе затворена со затворени граници. Сметам дека отворањето на границите со контролата што ја имаме, односно термалните камери на аеродромите и начинот на анкетирање на патници на влез во државата, сметам дека нема ризик за зголемување на бројот на дијагностицирани пациенти – посочи министерот Филипче.

На новинарско прашање во врска со можностите и условите здравствените работници да користат одмор, министерот Филипче истакна дека ќе се направи систем на автентична организација на секоја јавна здравствена установа.

– Имајќи предвид дека од почетокот на кризата здравствените работници деноноќно работат, ќе се направи соодветен распоред во секоја ЈЗУ бидејќи на здравствените работници им е потребен одмор но тоа нема да значи загрозување на работењето на јавните здравствени установи –  одговори министерот Филипче.

За време на посетата на Клиничка болница-Битола, министерот беше запознат со работата на таа јавна здравствена установа, како и со стартот на новата лабараторија за анализи за вирусот Ковид-19 која работи во состав на Центар за јавно здравје-Битола. 

The post Филипче: Oтворањето на границите и аеродромите нема да го зголеми бројот на нови случаи appeared first on plusinfo.mk.

Границите на државата целосно се отвораат – реши Владата денеска.

Врз основа на препораките на Комисијата за заразни болести, Владата денеска донесе одлука од петок, 26 јуни 2020 година, целосно да бидат отворани сите гранични премини за непречено движење на патници и возила.

Нема да биде потребно приложување на PCR тестови, и нема да има упатување до домашна изолација или спроведување во задолжителен државен карантин, информира премиерот Оливер Спасовски.

– Владата денеска донесе Одлука од петок, 26 јуни, да бидат отворени за сообраќај и Меѓународниот аеродром Скопје и на Аеродромот „Св. Апостол Павле“ во Охрид. Согласно овие одлуки Владата денеска донесе одлука да биде укината забраната за организиран превоз, која исто така стартува од 26 јуни. На денешната седница Владата донесе одлука, исто така од петок, 26 јуни, угостителските објеки да можат да работат и во внатрешноста на објектите преку соодветен протокол за работа. Од петок, 26 јуни 2020 година, се дозволува и работата на теретаните и вежбалните, а моловите, од истиот датум, ќе можат да работат и во неделите – информираа Спасовски на Фејсбук.

За сите одлуки до петок, 26 јуни годинаva, кога започнува нивната важност, ќе бидат подготвени протоколи кои ќе бидат задолжителни за сите економски оператори и институции во чија надлежност се овие одлуки.

The post Границите од петок целосно се отвораат, без тест, изолација или карантин appeared first on plusinfo.mk.

Министерот за здравство Венко Филипче најави дека викендов ќе дискутираат за отворање на границите некаде од почетокот на следната недела без карантин и без Пи-си-ар тестирање, но оти засега нема да препорача отворање на градинките, додека за враќање на учениците од есен во училиштата интензивно ќе се работат протоколи.

– Со оглед на тоа што не можеме да живееме затворени и  тоа што апсолутно целиот регион, еве сега со нови податоци, со исти епидемиолошки ризик, овој викенд ќе имаме состанок со Комисијата за заразни болести и ќе разговараме за отворање на границите некаде следната недела.  Веднаш после заклучокот после препораката, којшто ќе се темели на анализите, ќе ја соопштиме таа одлука на јавноста – рече министерот за здравство Венко Филипче во гостување на ТВ Канал 5.

Тој истакна дека во целиот регион епидемилошкиот ризик е еднаков, веќе се отвораат и аеродромите и цела Европа.

-Претходната одлука беше одлука да се отворат сите затворени гранични премини со препораките што важат сега, но со оглед на тоа што во целиот регион епидемиолошкит ризик е еднаков, еве веќе се отвораат и аеродроми, се отвора цела Европа, насекаде во светот и секаде се препорачуваат истите мерки, секаде важат истите принципи на превенција, така што одлуката ќе биде да се отворат границите целосно, без карантини и без Пи-Си-Ар тестирање. Еве ќе носиме одлука и ќе дискутираме викендов некаде за почетокот на следната недела, рече Филипче.

Појасни дека се уште е рано да се отворат градинките, а целта е да се заштитат и постарите затоа што децата се преносители на вирусот.

– Можат да  заболат со многу лесна форма меѓутоа ќе страдаат и постарите. Многу малку се деца и практично нема дете кое има тешка клиничка форма, но сметаме дека се уште е рано градинките да се отворат. Скринингот е при крај. Сега за сега нема да препорачам да се отворат градинките. Ќе ја следиме ситуацијата, бројките, анализата, контактите па ќе донесеме соодветна одлука, рече Филипче.

Тој најави дека ќе претстои интензивна работа на протоколите за училиштата  во однос на тоа дали да работат со намален број ученици кои ќе престојуваат во училницата или во две смени, или со запазување  колку што може во рамки на една училница исто како што сега се организираат настаните со курсеви, едукации и тн.

– За сето тоа постојат овие епидемиолошки принципи. Сметам  дека треба да се запазат. Се повеќе се нудат онлајн програми не само кај нас,  во светот, веројатно некаква таква комбинација  на онлајн програми со физичко присуство  во училниците ќе биде не само кај нас, насекаде во светот, наведе Филипче.

Министерот оцени и дека нема никаква поделеност во рамки на Комисијата за заразни болести, помеѓу членовите врз основа на нивната партиска припадност.

– Нема никакво различно мислење коешто се темели на било што друго освен кога се отвора мегдан за дилеми, па се дискутира, се дискутира, се разгледуваат итн. Луѓето кои таму членуваат се стручни, со години работеле во своите професионални полиња, на полето на епидемиологијата микробиологијата, инфективната медицина, вирусологијата итн. Тие ги претставуват и своите институции, истакна Филипче.

Тој рече дека апсолутно може да каже дека од самиот почеток Комисијата си ја врши работата многу професионално.

– Никогаш нема друг критериум за носење, димензионирање на мерки освен професионалниот критериум, а тоа е медицината, односно епидемиологијата, потенцираше министерот, посочувајќи дека немало никакво попуштање за верските лидери врз основа на што било друго, како празник или настан.

The post За отворање на границите без карантин и тест ќе се разговара викендов appeared first on plusinfo.mk.

За отворање на границите ќе се разговара до крајот на неделава, по што ќе се знае кога ќе се отворат. Владата донесе одлука да има транзитит за патници кои нема да се задржуваат во земјата повеќе од пет часа. Ќе предложиме и отворање на нови гранични премини, а до крајот на неделата ќе разговараме и за отворање на границите – истакна Филипче одговарајќи на новинарско прашање на денешната прес-конференција.

За ова прашање ќе се дискутира и на Комисијата за заразни болести.

За спроведување на изборниот процес, особено за тоа како ќе се бројат ливчињата на лицата коишто се заразени со корона, но и за безбедноста на сите други учесници на изборите, за гласачите и членовите на избирачките одбори, Филипче денеска појасни:

– За изборниот процес има протоколи за ниеден учесник да не биде доведен во ризик. Целосно сме на располагање за соработка со Државната изборна комисија (ДИК) за изборите безбедно да се спроведат. Предвиден е и протокол кој точно утврдува како да се спроведе процесот и што треба сите учесници да направат, а којшто е врз основа на медицински и епидемиолошки аргументи. Дистанцата, честата дезинфекција на рацете, заштитната маска, но и носење ракавици,  се основни за кој било процес да го направат безбеден. Tоа важи и за гласањето во домашни услови. Но ако мерките не се почитуваат тогаш се зголемува ризикот од пораст на бројот на заразени – додаде Филипче.

The post За границите ќе се знае до петок, за изборите има правила никој да не е во ризик, вели Филипче appeared first on plusinfo.mk.