Царинските службеници на граничниот премин Блаце спречија обид за криумчарење на 120 килограми тутун за наргиле, кој бил наменет за продажба на македонскиот пазар.

Тутунот бил откриен при контрола на возило кое влегувало во државата. Возачот, македонски државјанин со иницијали Ф.Б., на прашањето од цариниците дали има нешто за пријавување одговорил дека нема ништо. Сепак, поради сомнеж, службениците извршиле детална проверка на автомобилот.

Во багажникот биле пронајдени 480 пакувања тутун за наргиле од по 250 грама, скриени во просторот за резервна гума и покриени со прекривка.

Од Царинската управа велат дека со оваа акција е спречен обид за нелегална продажба на тутунски производи вредни околу 384 илјади денари.

„Со оваа заплена е спречена нелегална трговија со акцизна стока и избегнување плаќање давачки во износ од околу 744.000 денари, од кои 342.000 денари се однесуваат на акциза“, велат од Царинската управа.

Според информациите, осомничениот тутунот го набавил од лице од Приштина, а против него е поднесена кривична пријава за криумчарење.

Од Царината посочуваат дека ваквите случаи се откриваат сè почесто.

„Од почетокот на годината откривме четири случаи на криумчарење и нелегална трговија со тутунски производи. Ќе продолжиме со засилени контроли за да се спречат ваквите обиди“, информираат од Царинската управа.

Тие додаваат дека нелегалниот тутун не само што ја поткопува легалната трговија, туку претставува и ризик за здравјето на граѓаните.

The post НЕМАЛ НИШТО ЗА ПРИЈАВУВАЊЕ, А ВО КОЛАТА 120 КИЛОГРАМИ ТУТУН Царината спречи шверц вреден стотици илјади денари appeared first on plusinfo.mk.

Царинските службеници во изминатите денови запленија големо количество непријавена стока на повеќе гранични премини и во внатрешноста на државата.

Според податоците на Царинската управа, во акциите биле откриени 40 штеки цигари, пет грама марихуана, 2.700 ќесички со суплементи, 17 парфеми, 7.500 евра, 600 пакувања со вештачки трепки, 35 литри алкохолни пијалоци и друга нелегално пренесувана стока.

На Меѓуградската автобуска станица во Скопје, при контрола на автобус со турски регистарски таблички кој сообраќал на релација Истанбул – Гостивар, биле пронајдени непријавени 40 штеки цигари и 17 парфеми.

– Производите биле скриени на повеќе места во внатрешноста на автобусот, вклучително и во просторот за одмор на возачите – велат од Царината.

На граничниот премин Блаце, пак, цариниците спречија внес на пет грама марихуана, откриени при контрола на патнички кампер управуван од француски државјанин.

– Со овој случај уште еднаш покажавме дека дрогата нема да помине на македонските граници – нагласуваат од управата.

На Табановце, при претрес на возач на автобус, се откриени непријавени 9.500 евра. На лицето му биле вратени 2.000 евра, додека остатокот од 7.500 евра бил запленет.

– Парите кои не се пријавени согласно закон, се предмет на соодветна постапка – информираат од Царината.

Во друг случај на истиот граничен премин, мобилен тим со помош на скенер открил разна непријавена стока, меѓу која и опрема за уредување на домот.

На Блаце, при контрола на минибус, цариниците запленија 2.700 ќесички со суплементи „Arabesca Genitals“ и „Arabesca Slim Mix“, скриени во различни делови од возилото. Возачот изјавил дека стоката требало да ја достави во Скопје.

Во Меѓународниот аеродром Скопје, пак, при контрола на италијанска државјанка пристигната од Рим, пронајдени се 600 пакувања со вештачки трепки во нејзиниот багаж.

При контрола на стока со потекло од Турција, наменета за фирма од Гостивар, запленети се и 120 пара чорапи со ознаки на заштитена трговска марка, за кои постои сомневање дека повредуваат права од интелектуална сопственост.

– Нашите мобилни тимови постојано се на терен и резултатите покажуваат дека спречуваме значителен број прекршочни дела – велат од Царинската управа.

Дополнително, на премините Дојран и Табановце биле запленети 35 литри алкохолни пијалоци, употребувана пумпа, 117 парчиња облека и друга разновидна стока. Против сторителите во сите случаи се поведени соодветни постапки.

The post ШВЕРЦЕРИТЕ НА МАКА, ЦАРИНАТА ТРЕСЕ СЀ ЖИВО Заплена на 7.500 евра, 2.500 суплементи, 40 штеки, парфеми и дрога appeared first on plusinfo.mk.

Оттаму апелираат возачите да се придржуваат кон препораките за движење.

The post ПРЕНАСОЧЕН Е СООБРАЌАЈОТ КОН ГРАНИЧНИОТ ПРЕМИН БЛАЦЕ Има технички проблеми на терминалот на косовска страна appeared first on plusinfo.mk.

Телевизијата од извори во полицијата дознава дека мотивот за кршење на камерите бил да не се снимаат докази од ситуации кога полицајци ја злоупотребуваат службената положба. МВР повело повеќе истражни постапки за докажување на одговорноста за намерно уништување на камерите, но засега нема кривични пријави.

МВР пред два дена соопшти дека води истрагата за скандал со земањето поткуп на овој граничен премин.

The post ПОЛИЦАЈЦИ ОШТЕТИЛЕ КАМЕРИ ЗА ДА НЕ СЕ ГЛЕДА ДЕКА ЗЕМААТ МИТО Внатрешната контрола во МВР поведе истрага appeared first on plusinfo.mk.

Тој на Фејсбук тврди дека граничната полиција не се однесувала професионално кон народен избраник и претставник на гласачите во земјава.

„Почитувани граѓани, членови, симпатизери и поддржувачи на коалицијата Алијанса за Албанците и Алтернатива, се извинувам ако овие натписи направија да се чувствувате лошо, но ве уверувам дека не предизвикав ниту мал инцидент. Моето однесување можеби не им се допадна на граничните полицајци кои се обидоа да ме испровоцираат мене и моето семејство. Исто така, јас и моето семејство, и покрај притисокот на граничната полиција, не сме воопшто загрижени за заканите со парични казни и запирања, загрижувачки е злоупотребата на моќта што се обидува да ме извалка“, напиша меѓудругото Салиу.

Тој вели дека побарал да помине побрзо оти имал дипломатски пасош, но како што ели, полицијата и царината биле дрски со него.

Според полицискиот извештај, тој на висок тон им се обратил на полицајците со образложение дека никаде не чекал ред и дека ни тука нема да чека.

„На 27.02.2021 во 18.25 часот на Граничен премин „Долно Блаце“, А.С.(60) од Скопје, кој се претставил како пратеник во Собранието на РСМ и кој бил со неговото семејство со патничко возило ‘фолксваген пасат‘, со скопски регистарски ознаки, на висок тон се обратил на полициските службеници со образложение дека никаде не чекал ред и дека ни тука нема да чека. По целосно документирање на случајот, против А.С. ќе бидат изготвени поднесоци по член 4 од Законот за прекршоците против јавниот ред и мир, по Законот гранична контрола (избегнување гранична контрола) и по Законот за безбедност на сообраќајот на патиштата (престигнување колона)“, се вели во полицискиот билтен.

The post Пратеникот Салиу: Јас не предизвикав инцидент на ГП Блаце, полицајците ме испровоцираа appeared first on plusinfo.mk.