Сообраќајот на патниот правец Тетово – Јажинце е целосно нормализиран, информира Автомото сојузот на Македонија (АМСМ). Претходно, делницата беше затворена за сообраќај поради пожар во близина на селото Рогачево, што предизвика сериозни проблеми за возачите и патниците кои се движеа кон граничниот премин.

Од Министерството за внатрешни работи потврдуваат дека патот кон ГП Јажинце е повторно прооден, но ги повикуваат граѓаните на внимателно возење и почитување на упатствата на службите.

Директорот на Центарот за управување со кризи, Мухамед Али, заедно со командирот на ТППЕ Тетово, Авни Ахмети, и раководителката на РЦУК Тетово, Арлинда Мухареми, од терен ја координираа целата акција, која резултираше со успешно ставање на пожарот под контрола.

Големиот пожар што избувна во Јажинце е ставен под контрола благодарение на навремената координација и брзата реакција на сите надлежни служби.

„Во гаснењето беа вклучени противпожарните екипи од Тетово, специјализираните возила на Дирекцијата за заштита и спасување, како и воздушна поддршка од авион „Ер Трактор“ и хеликоптер на Министерството за внатрешни работи. Навремената интервенција овозможи ограничување на ширењето на огнот и заштита на инфраструктурата и имотот на граѓаните. Оваа успешна акција уште еднаш ја потврди важноста на брзата и ефикасна координација, како и меѓусебната соработка меѓу различните институции при справување со кризни ситуации – рече директорот Али.

АМСМ известува и дека поради пожар во Националниот парк Јасен, регионалниот пат Р1106 Македонски Брод – Скопје останува затворен за сите возила.

Иако состојбата на државните патишта е стабилна и коловозите се суви, интензитетот на сообраќајот е зголемен поради летните одмори. На ГП Табановце времето на чекање е околу 30 минути, додека на останатите гранични премини нема подолги задржувања.

The post ВОЗАЧИТЕ МОЖЕ ДА ПОМИНАТ КОН ЈАЖИНЦЕ Патот отворен откако огнот беше ставен под контрола appeared first on plusinfo.mk.

Голем пожар изби вечерва во околината на Јажинце, при што патот кон граничниот премин со Косово е целосно затворен.

Директорот на ЦУК, Мухамед Али и командантот на бригадата од лице место ги координираат активностите за спречување на ширењето на огнената стихија. На терен се сите противпожарни екипи од Тетово, заедно со две специјализирани возила на Дирекцијата за заштита и спасување.

Кон местото на пожарот се упатени и авион „Ер Трактор“ од Дирекцијата и хеликоптер на Министерството за внатрешни работи (МВР).

Поради интервенцијата, сообраќајот на патниот правец Тетово – ГП Јажинце, кај селото Рогачево, е во прекин во двата правци. Затворен е и граничниот премин Јажинце до понатамошно известување.

Властите апелираат до граѓаните да ја избегнуваат областа и да не го попречуваат движењето на службените возила. МВР, во координација со другите надлежни институции, презема мерки за целосно гаснење на пожарот и нормализација на сообраќајот, за што јавноста ќе биде дополнително информирана.

 

View this post on Instagram

 

A post shared by Plusinfo.mk (@plusinfo.mk)

The post 📽️ 📷 ВОЗНЕМИРУВАЧКИ СЦЕНИ ОД ЈАЖИНЦЕ Пожар ја затвори границата, авион и хеликоптер во акција appeared first on plusinfo.mk.