Министерот за внатрешни работи Панче Тошковски денеска од Струга порача дека МВР веќе презема мерки за обезбедување мирен и безбеден изборен процес во пресрет на претстојните локални избори.

Тој ја посети Полициската станица за гранични проверки Ќафасан и Одделението за внатрешни работи во Струга, каде што одржа работни средби со раководствата на СВР Охрид и ОВР Струга.

Според информациите од МВР, Тошковски бил запознаен со актуелната безбедносна состојба во регионот, при што биле посочени забележителни резултати во борбата против насилниот криминал, како и напредок во сообраќајната безбедност. Тој истакна дека оваа област и понатаму ќе остане приоритет, а ќе се вложуваат и дополнителни напори за унапредување на состојбите.

Посебно внимание министерот посвети на состојбата на граничниот премин Ќафасан, каде што ова лето е евидентирано зголемување на бројот на патници во споредба со истиот период минатата година.

– Во соработка со албанските колеги работиме на имплементација на системот ‘One Stop’, кој заедно со одредени инфраструктурни прилагодувања ќе овозможи трајно решение за намалување на гужвите и побрз проток на патници и возила во туристичката сезона – изјави Тошковски.

The post МВР ЌЕ ОБЕЗБЕДИ МИРНИ И БЕЗБЕДНИ ИЗБОРИ Тошковски ветува спречување на инциденти и насилства appeared first on plusinfo.mk.

Двајца албански државјани беа приведени од полицијата на граничниот премин „Ќафасан“ во обид да ја напуштат државата со мито скриено во документи.

Како што информира МВР, на 25 јули 2025 година во 12:25 часот, полициски службеници од Полициската станица за гранични проверки „Ќафасан“, при Регионалниот центар за гранични работи Запад, ги лишиле од слобода лицата Д.К. (35) и Е.А. (22), двајцата од Албанија.

„При преземање на службени мерки за гранична проверка при излез од државата, лицето Д.К. ставил пари во своите сообраќајни документи и ги приложил на полицискиот службеник, обидувајќи се на тој начин да го подмити“, соопштија од МВР.

По консултација со јавен обвинител, против двајцата ќе биде поднесена соодветна кривична пријава.

The post НЕУСПЕШЕН ОБИД ЗА МИТО НА „ЌАФАСАН“ Полицијата приведе двајцата Албанци кои ставиле пари во документи appeared first on plusinfo.mk.

„По уредувањето на влезот и излезот во и од државата се проценува системот. Оттука, македонскиот е трул со самоуништување и непочит кон националните обележја. Државните симболи во континуитет се деградираат, со крајно непочитување и кршење на законите од страна на властите.

Прекршен е член 19 од Законот за употреба на грбот, знамето и химната на Република Македонија, според кој: „кога знамето е спуштено, ниеден негов дел не смее да го допира подот…” Знамето на сликиве не само што е фрлено на земја, туку е и извалкано со кал. Фотографиите ни ги пратија загрижени сограѓани, за кои, единствено, Левица е гласот на народот. Единствено, Левица се бори за националните интереси.

Левица апелира до техничкиот министер Панче Тошковски веднаш да реагира за ваквото кршење на законите и да утврди одговорност од лицата кои дозволиле вакво непочитување на државните симболи!“ – стои во реакцијата од Левица.

The post 📷 ЈАРБОЛОТ ПРАЗЕН, ДРЖАВНОТО ЗНАМЕ ФРЛЕНО НА ЗЕМЈА Левица регистрира скандал на граничниот премин Ќафасан appeared first on plusinfo.mk.