Со пуштањето на експресниот пат Градско-Дреново во должина од 26 км го скратуваме времето на патување кон Прилеп, Битола, Ресен и чувствувам огромна радост и задоволство затоа што со заедно со премиерот Христијан Мицкоски, министерот Александар Николоски и во присуство на бројни гости, пратеници, градоначалници, ја пуштивме во употреба делницата Фариш-Дреново, во должина од 10,2 км., истакна Коце Трајановски, директор на ЈП „Државни патишта“.

„Вложивме натчовечки напори да ги совладаме препреките на кои наидовме затоа што проектот беше закочен. Овој експресен пат започна да се гради далечната 2016 година и наместо да се заврши во предвидениот рок, во 2018 договорот со иведувачот Рубау бил раскинат, па потоа повторно започнат да се гради во 2021 со рок на изведба до 2023, но и тој рок бил одложуван за сега конечно да го завршиме она што некој друг не успеал со години да го заврши! Инаку, овде на оваа делница од само 10,2 км имаме 1 тунел со две цевки, 21 мост, 11 потпорни ѕида, 1 вијадукт, 7 АБ конструкции, бројни подпатници, цевасти пропусти и 1 кружен тек на постојниот пат со клучка Дреново. Реализирана е изведба на ободни канали, регулација на реката на неколку потези, заштита на косини, поставена е заштитна ограда, хоризонтална и вертикална сигнализација и друга патна опрема, а вкупната вредност на проектот достигна 44,74 милиони евра средства обезбедени со заем од ЕБОР“, објави Трајаноски на Фејсбук.

The post 📷 ЕВЕ КАКО ИЗГЛЕДА ПАТОТ ФАРИШ-ДРЕНОВО Изградени се 21 мост и 11 потпорни ѕидови appeared first on plusinfo.mk.

„Најзаслужни за делницата Градско-Дреново се работниците затоа што направија да изгледа импозантно“.

Ова на Фејсбук денеска го напиша премиерот Христијан Мицкоски откако вчера официјално беше пуштен во употреба новиот експресен пат Градско-Дреново-Фариш.

„Експресен пат за Прилеп, делница Градско-Дреново. Инвестиција вредна 37.500.000 евра. Три клучки, 4 вијадукти, 4 надвозници и 3 подвозници. Ги поздравуваме и им се заблагодаруваме на работниците затоа што тие го направија ова да изгледа импозантно. Заедно да продолжиме да ја градиме Македонија“, напиша Мицкоски на Фејсбук.

Тој објави и видео од новиот пат, додавајќи: „Заедно продолжуваме да ја градиме Македонија“.

The post 🎥 „СЕКОЈА ЧЕСТ НА РАБОТНИЦИТЕ, ОВА ИЗГЛЕДА ИМПОЗАНТНО“ Мицкоски објави видео од новиот пат Градско-Дреново appeared first on plusinfo.mk.

Пратеникот од СДСМ Миле Талески изјави дека експресниот пат Градско-Дреново е над 92 проценти реализиран од владата на СДСМ.

– Овој проект, вреден над 37 милиони евра, е дел од посветената работа на СДСМ во развојот на патната инфраструктура и подобрување на животот на граѓаните од овој крај – изјави Талески.

Како што рече тој, владата на СДСМ ги завршила трите клучки кај Градско, Росоман и кај Дреново, четирите вијадукти, сите мостови, натпатници и потпатници, како и 98 проценти од поставениот асфалт.

Тој додаде дека и делницата од Дреново до Фариш е над 80 проценти реализирана од владата на СДСМ.

– Беа пробиени и двата тунела на оваа делница и зошто власта сега доцни е прашање. Реализацијата на овој проект е огромно економско значење за сите граѓани, особено за жителите на Прилеп, Битола, Ресен, Крушево, Градско. Пат кој значи подобрување на локалната економија, но и безбедноста на граѓаните, затоа што станува збор за пат направен по европски стандарди. СДСМ многу инвестираше во различни проекти, особено во патната инфраструктура. Целосно ја обновивме патната делница кај Плетвар, патот од Прилеп кон езерото, а ја започнавме реализацијата на стратешкиот проект за автопат Прилеп-Битола како дел од Коридорот 10д, прв автопат во овој регион – додаде Талески.

The post ШТО НЕ КАЖУВАТЕ ВАКВИ РАБОТИ?! Па и патот Градско-Дреново го изградил СДСМ, скоро сто отсто! appeared first on plusinfo.mk.

Не сум видовит, но некако како да изостана моментот кога членови на опозициските партии доаѓаат овде, се сликаат со делницата Градско-Дреново и го претставуваат проектот како свој проект. Јас ја користам оваа прилика да кажам дека оваа градба е за македонските граѓани и дека тие ќе ја користат. Граѓаните се тие кои ќе го користат сето ова, па сакам да им се заблагодарам на опозициските партии кои не успеаја за 7 години да го завршат овој проект и еве сега ние го сторивме тоа.

Ова го изјави премиерот Христијан Мицкоски на денешното свечено пуштање во употреба на делницата Градско-Дреново.

– Ќе продолжиме и понатаму да ги развиваме проектите. Ние сме земја која нема излез на море, не изобилува со некои ресурси како нафта и гас, па тоа претставува некаков недостаток. Меѓутоа, тоа што го имаме, другите го немаат. А тоа е дека сме природна крстосница. Годината ја започнавме со пуштање во употреба на еден ваков убав пат кој ги поврзува градовите Куманово и Крива Паланка, а сега го пуштаме и овој пат Градско-Дреново. За неколку дена од денеска ќе го пуштиме првиот дел од пругата кон Бугарија. И ова се првите три проекти кои ќе го одбележат почетокот на оваа година, кои многу лесно можат да бидат споменици на едно лошо време кое сега е зад нас. Кога бевме избрани за Влада имавме дилема дали да се однесуваме како нашите претходници или сето она за што се потрошени македонски пари да го завршиме и да го пуштиме во употреба и покрај сите недостатоци што ни ги оставија. Ние одлучивме да го сториме ова второто – изјави премиерот.

Нека ни е аирлија, вака се сака татковината, додаде Мицкоски.

– Продолжуваме и понатаму, договорени сме со ЈП „Државни патишта“ да продолжи проектирањето на делот кај Плетвар, кој треба да се прошири. Исто така продолжува изградбата на автопатот Прилеп-Битола, а бараме начин како да ја завршиме обиколницата кај Битола која годишно ја користат милиони возила. Продолжуваме и со Коридор 8 кај Гостивар и Кичево, а ќе има и поврзување на Кичево со Охрид. Очекувам дека отсечката од Врбјани до Охрид ќе биде пуштена на почетокот на оваа туристичка сезона. На тој начин се сака и се гради татковината. На тој начин ќе продолжиме да работиме. Нека ни е со среќа – порача премиерот Мицкоски.

Делницата Градско-Дреново е во должина од 15,5 километри плус 1 километар од делницата Фариш-Дреново, или вкупно 16,5 километри од експресниот пат.

Вредноста на проектот е 37.300.000 евра од кои 26.700.000 евра се обезбедени преку ИПА фондовите и 10.600.000 евра се обезбедени од Буџетот.

Делот што се пушта во употреба содржи 3 клучки Градско, Росоман, Дреново, 4 вијадукти, 1 мост, 4 натпатници и 3 потпатници.

ОД СКОПЈЕ ДО ПРИЛЕП ЌЕ ПАТУВАМЕ ЗА 60, А ДО БИТОЛА ЗА 90 МИНУТИ На Плетвар ќе се гради трета лента

ОТСЕГА ЌЕ ПАТУВАМЕ БРЗО И БЕЗБЕДНО Коце Трајановски на свеченото пуштање во употреба на делницата Градско-Дреново

The post ВАКА СЕ САКА ТАТКОВИНАТА! Премиерот Мицкоски ја пушти во употреба делницата Градско-Дреново appeared first on plusinfo.mk.

– За брзо време ќе го отвориме и вториот дел од Дреново до Фариш, каде што има 2 преубави тунели, а понатаму ќе работиме и на изградба на трета лента на Плетвар, па со тоа ќе овозможиме од Скопје до Прилеп да се патува за 60-70 минути. Исто така, знаете дека веќе работиме на автопат Прилеп-Битола, па од Скопје до Битола ќе може да се патува за 90 минути. Честитки, за многу години – истакна Николоски.

Инаку, делницата Градско-Дреново е во должина од 15,5 километри плус 1 километар од делницата Фариш-Дреново, или вкупно 16,5 километри од експресниот пат.

Вредноста на проектот е 37.300.000 евра од кои 26.700.000 евра се обезбедени преку ИПА фондовите и 10.600.000 евра се обезбедени од Буџетот.

Делот што се пушта во употреба содржи 3 клучки Градско, Росоман, Дреново, 4 вијадукти, 1 мост, 4 натпатници и 3 потпатници.

The post ОД СКОПЈЕ ДО ПРИЛЕП ЌЕ ПАТУВАМЕ ЗА 60, А ДО БИТОЛА ЗА 90 МИНУТИ На Плетвар ќе се гради трета лента appeared first on plusinfo.mk.

За само 10 дена пуштаме во употреба уште еден експресен пат и тоа е добро за Македонија.

Вака директорот на ЈП „Државни патишта“, Коце Трајановски, денеска го започна својот говор за време на свеченото пуштање во употреба на делницата Градско-Дреново.

– За само 2 месеци, благодарение на Владата, успеавме да го решиме проблемот и да ја откочиме реализацијата на овој значаен пат. Имавме проблем со една огромна косина и со неасфалтиран дел, но успеавме да го решиме проблемот и еве сега свечено го пуштаме во употреба експресниот пат. Направени се косините, вертикалната и хоризонталната сигнализација. Овој пат е долг 15,5 километри, дополнително имаме уште 1 километар. Се поврзуваат Прилеп, Битола, Ресен, Охрид. Овој пат ќе обезбеди побрзо и побезбедно движење. Сигурно ќе прашате кога ќе бидат пуштени и останатите 9 километри, но јас ќе кажам дека поради безбедносни причини, односно поради тоа што се работи за пат со многу црни точки, неговото пуштање во употреба ќе биде одложено за неколку месеци. Нека ни е со среќа! – порача Трајановски.

Делницата Градско-Дреново е во должина од 15,5 километри плус 1 километар од делницата Фариш-Дреново, или вкупно 16,5 километри од експресниот пат.

Вредноста на проектот е 37.300.000 евра од кои 26.700.000 евра се обезбедени преку ИПА фондовите и 10.600.000 евра се обезбедени од Буџетот.

Делот што се пушта во употреба содржи 3 клучки Градско, Росоман, Дреново, 4 вијадукти, 1 мост, 4 натпатници и 3 потпатници.

The post ОТСЕГА ЌЕ ПАТУВАМЕ БРЗО И БЕЗБЕДНО Коце Трајановски на свеченото пуштање во употреба на делницата Градско-Дреново appeared first on plusinfo.mk.

Коридорот 10д е еден од најзначајните патни правци во државата бидејќи низ него дневно поминуваат околу 6.000 возила од сите категории и многу товарни возила. Токму од овие причини посветуваме внимание на изградбата на експресниот пат Градско-Дреново со кој значително ќе се олесни протокот на сообраќај, а со завршувањето на изградбата значително ќе се скрати и времето на патување од Градско кон Прилеп и Битола, изјави денеска директорот на Јавното претпријатие за државни патишта (ЈПДП) Коце Трајановски по увидот на работите на патот.

Тој, како што соопштија од Државни патишта, побарал поголема динамика во изградбата и запазување на роковите.

Процентот на реализација на првата делница е 95, а на втората делница 85 отсто. Вкупната должина, пак, на експресниот пат е 26 километри. На првата делница Градско-Дреново, изведувач на работите е Штрабаг, а на втората делница Дреново–Фариш, изведувач на работите е СИНОХИДРО.

Првата делница е речиси готова, потребно е уште да се постави заштитна одбојна ограда, како и санација на една косина. На втората делница веќе се целосно пробиени двете цевки на тунелот, изведени се бетонските работи на тунелот, се санираат косините, се врши асфалтирање, а се гради и еден кружен тек на постојниот пат (кај клучка Дреново), како и изведба на други тековни градежни работи согласно со Проектната документација.
Тајановски денеска сподели и видео од увидот.

The post 📽 ПРИВРШУВА ИЗГРАДБАТА НА ЕКСПРЕСНИОТ ПАТ ГРАДСКО – ДРЕНОВО Следната година ќе биде пуштен во сообраќај appeared first on plusinfo.mk.