Две непознати лица со употреба на сила отворале паркомати во неколку локации низ главниот град и одзеле пари. Ова во Секторот за внатрешни работи Скопје било денеска пријавено од страна на ЈП „Градски паркинг“.

Како што информираат од полицијата, во периодот од 04:03 до 05:50 часот биле насилно отворени паркомати во катната гаража „Разловечко востание“, во Комплексот клиники „Мајка Тереза“, на булеварот Кочо Рацин, како и во Градскиот трговски центар.

Од полицијата велат дека се преземаат мерки за целосно расчистување на случаите и пронаоѓање на сторителите.

The post НАПАД НА ПАРКОМАТИ ВО СКОПЈЕ Две лица одзеле пари од јавни паркинзи во текот на ноќта appeared first on plusinfo.mk.

„На 17.12.2024 Единицата за финансиски криминал при Секторот за криминалистички истраги во Одделот за сузбивање на организиран и сериозен криминал криминал до ОЈО Скопје заради постоење на основи на сомнение за сторено кривично дело „злоупотреба на службена положба и овластување“ по член 353 став 3 во врска со став 1 од КЗ во врска со член 22 „соизвршителство“ од КЗ поднесе кривична пријава против Ѓ.Т. (49) од Скопје, извршен директор на А.Д. Градски трговски центар – Скопје во временскиот период 2017 – 2024 година, Г.И. (48) од Скопје, вработен во А.Д. Градски трговски центар – Скопје, Д.С. (48) во Скопје, вработен во А.Д. Градски трговски центар – Скопје и С.Т. (50) во Скопје, вработен во А.Д. Градски трговски центар – Скопје“, соопшти МВР.

Како што стои во соопштението, лицата делото го сториле така што второпријавениот Г.И. во својство на претседател на Комисија за спроведување на јавна набавка, заедно со третопријавениот и четвртопријавениот Д.С. и С.Т., членови на Комисијата за спроведување на јавна набавка, во текот на 2020 година со неизвршување на својата службена должност постапиле спротивно на одредбите на законот за јавни набавки и спровеле постапка за јавна набавка за потребите на А.Д. Градски трговски центар – Скопје во која неосновано ја отфрлиле понудата на економски оператор од Скопје, иако согласно бараните критериуми во тендерската документација не постоеле услови за отфрлање, при што од двајца понудувачи, како единствена понуда за евалуација останала понудата од друг економски оператор од Скопје, која била речиси двојно поскапа.

По ова, истите изготвиле извештај за спроведена постапка во кој дале предлог за најповолна понуда да се одбере двојно поскапата понуда.

„Првопријавениот Ѓ.Т. во својство на извршен директор на А.Д. Градски трговски центар – Скопје, ја злоупотребил својата службена положба со неизвршување на својата службена должност така што постапил спротивно на одредбите на законот за јавни набавки и иако бил должен да увиди дека постапката не е спроведена согласно законот за јавни набавки истиот донел одлука за избор на најповолен понудувач и во име на А.Д. Градски трговски центар – Скопје со правното лице од Скопје склучил рамковна спогодба за јавна набавка за стоки и услуги, со вкупна вредност на спогодбата од  31.000.000 денари, без ДДВ и времетраење на спогодбата од една година, по која што рамковна спогодба и склучени договори кон истата на правното лице од Скопје му биле исплатени вкупно 30.999.325 денари“, велат од МВР.

Со ваквите инкриминирани дејствија, додаваат, како и со непостапување согласно своите службени овластувања пријавените го сториле делото „злоупотреба на службена положба и овластување“ предвидено и казниво по член 353 став 3 во врска со став 1 од КЗ во врска со член 22 „соизвршителство“ од КЗ., со што овозможиле на правното лице од Скопје да се стекне со противправна имотна корист од 30.999.325 денари (околу 500.000 евра).

The post КРИВИЧНА ПРИЈАВА ПРОТИВ ПОРАНЕШЕН ДИРЕКТОР НА ГТЦ И ТРОЈЦА ВРАБОТЕНИ Одбрале двојно поскапа понуда на јавна набавка appeared first on plusinfo.mk.

Постојат недоследности во начинот на спроведување на пописот на средствата и на изворите на средствата и отстранувањето на средствата од сметководствената евиденција на расходуваните средства без истите да бидат физички отстранети, се посочува во извештајот и тоа; дел од залихите се застарени; не извршеното запишување на правото на сопственост на земјиштето и на дел од деловниот простор на деловниот објект; не е реално и објективно искажана вредноста во финансиските извештаи на деловниот објект – Градски трговски центар; постои неусогласеност меѓу вредноста на основната главнина евидентирана во трговските книги и запишаниот основачки влог во Централниот регистар на РСМ и во Статутот на друштвото и недоследности при спроведувањето на Законот за јавни набавки.

– Во периодот на вршење на ревизијата во СВР Скопје е пријавена кражба на електрична енергија поради наводна интернет трговија со крипто валути. Согласно издаденото Соопштение на МВР од 16.11.2021 година, од страна на СВР Скопје е постапено и е утврдено дека: „ не постојат елементи за сторено кривично дело, казниво согласно Кривичниот законик односно не е констатирана кражба на електрична енергија ниту се лоцирани компјутери за копање на крипто валути во просторот на Градскиот трговски центар Скопје – се вели меѓу другото во извештајот од Државниот завод за ревизија.

Во ревизорскиот извештај стои дека финансиските трансакции и информации, рефлектирани во финансиските извештаи на Градски трговски центар – Акционерско друштво за издавање на деловен простор под закуп Скопје, се во согласност со релевантната законска регулатива, упатства и воспоставени политики.

The post НЕРЕАЛНА ВРЕДНОСТ ВО ФИНАНСИСКИТЕ ИЗВЕШТАИ НА ГТЦ Ревизорите не пронајдоа докази за крадење струја и „копање“ криптовалути appeared first on plusinfo.mk.