Градоначалникот на Скопје, Орце Ѓорѓиевски, порача дека градските гробишта мора да бидат места на спомен, почит и тишина, а не на неред и запуштеност.

– Секој од нас има таму некој близок и затоа непријатни глетки и депонии не смеат да се дозволат – изјави Ѓорѓиевски, потенцирајќи дека достоинството на починатите и нивните семејства мора да се почитува.

Тој информира дека пред неколку дена била отстранета голема депонија на паркингот кај градските гробишта, а управата поставила заштитна ограда за да се спречат нови загадувања и несовесно фрлање отпад.

– Ќе продолжиме посветено да се грижиме – додаде градоначалникот, најавувајќи континуирани активности за одржување на чистота, ред и уредност на сите локации под надлежност на ЈП „Градски гробишта“.

Овие мерки се дел од пошироката иницијатива на градот за одржување на јавните простори во Скопје, со посебен акцент на местата кои носат емоционална и културна важност за граѓаните.

The post 📽️ ГРОБИШТАТА НЕ СЕ ДЕПОНИИ, ТУКУ МЕСТО НА СПОМЕН Ѓорѓиевски најави чистење и заштита на сите градски гробишта appeared first on plusinfo.mk.

Голем пожар избувна попладнево во близина на Струмица меѓу Градските гробишта и селото Баница и зафати огромна површина и со голема брзина се шири кон месноста Софилар и куќите во тој дел на градот.

Според командирот на ТППЕ Струмица, Александар Гудев, се работи за пожар од големи размери, кој засега го гаснат 30 пожарникари и 10 возила, а побарана е помош од пожарникарите од Валандово и вклучување на хеликоптер.

Од СВР Струмица попладнево упатија апел до граѓаните да не се движат во делот зафатен со пожар, а лицата кои се затекнати таму веднаш да го напуштат подрачјето.

Директорот на ДЗС, Стојанче Ангелов пожарот кај Струмица е под контрола.

– Пожарот зафати стрелиште со боја, каде што има голем број автомобилски гуми кои се користат како препреки. Брзата интервенција на струмичките пожарникари спречи пожарот да се прошири кон селото Баница и кон градот Струмица. Се очекува наскоро да биде ставен под контрола и да биде изгасен – изјави Ангелов.

The post ГОЛЕМ ПОЖАР КАЈ СТРУМИЧКИТЕ ГРОБИШТА Во гаснењето се вклучени 30 пожарникари и 10 возила appeared first on plusinfo.mk.