Стапката на сиромаштија во Германија се искачи на рекордно високо ниво од 16,1% во 2025 година, оставајќи околу 13,3 милиони луѓе во ризик од сиромаштија, наведува во својот извештај Паритетната алијанса за социјална помош.

Според извештајот, 70% од засегнатите имаат германско државјанство, а 30% немаат германско државјанство.

-Во исто време, јазот меѓу регионите и демографските групи расте. Додека сиромаштијата се зголемува генерално, таа станува особено вкоренета кај постарите возрасни лица, жените и самохраните родители – вели Јоаким Рок, извршен директор на здружението.

Според дефиницијата на ЕУ, луѓето се сметаат за изложени на ризик од сиромаштија ако нивниот приход е под 60% од националниот медијан. Во Германија, тој праг бил 1.446 евра (1.683 долари) месечно за едночлено домаќинство и 3.036 евра за домаќинство со двајца возрасни и две деца под 14 години.

Во извештајот се вели дека во многу домаќинства владее акутна финансиска сиромаштија. За 6,9% од населението, минатогодишниот приход не бил доволен за покривање на тековните трошоци и не можеле да ги покријат секојдневните трошоци  меѓу кои и повисоки сметки за енергија и замена на основните апарати за домаќинство.

Според податоците, речиси секое петто лице над 65 години е погодено од сиромаштија или е во опасност од сиромаштија. Стапката кај постарите лица изнесува 19,5%. Другите групи, исто така, се повеќе погодени: самците (стапка на сиромашни или загрозени: 30,3%), самохрани родители (28,9%) или лицата со ниско ниво на образование (29,1%). Дури четири од пет погодени лица се невработени.

По намалувањето на стапките од 2020 до 2023 година, се случи „негативен пресврт на трендот“, нагласува организацијата која наведува дека разликите меѓу регионите се големи.

Така, Баварија и Баден-Виртемберг, со силна економска структура, имаат најниски стапки на засегнати – 12,6, односно 13,2%.

Највисок удел на засегнати е забележан во Бремен (27,5 %), Саксонија-Анхалт (21,3%), како и во градовите-држави Хамбург (18,9%) и Берлин (18,7%).

Во западна Германија, регионите како Трир (21,4 %), Везер-Емс (20,8%) и Арнсберг (19,6%) беа особено погодени, а во источна Германија, на пример, Кемниц (18,2%) или Лајпциг (17,4%).

The post АЛАРМАНТНИ ПОДАТОЦИ ЗА СИРОМАШТИЈАТА ВО ГЕРМАНИЈА Повеќе од 13 милиони луѓе едвај ги покриваат трошоците appeared first on plusinfo.mk.

Силен земјотрес со јачина од 6,1 степен според Рихтеровата скала денеска ја погоди провинцијата Баликесир во Турција. Земјотресот беше почувствуван во околните провинции, особено во Истанбул, Измир и Бурса. Само неколку минути по првиот потрес, истата област ја погоди уште еден земјотрес со јачина од 4,2 степени.

Според Американскиот геолошки институт земјотресот веројатно е почувствуван и на македонска, бугарска, грчка и кипарска територија.

Sındırgı Belediye Başkanı Serkan Sak: “Can kaybımız yok ama tespit çalışmalarına devam ediyoruz. Yıkım kararı verilen binalardan bir kaç tanesinin yıkıldığı görülüyor”https://t.co/J2GyxTQvTT pic.twitter.com/Y53vadMtrW

— İlke TV (@ilketvcomtr) October 27, 2025

Според податоците објавени на веб-страницата на Управата за катастрофи и вонредни ситуации на Турција (АФАД) потресот од 6.1 степен е регистриран со епицентар во областа Синдирги.

SON DAKİKA | Balıkesir Sındırgı’dan gelen ilk bilgilere göre bazı yapılar yıkıldı. #deprem
pic.twitter.com/gAfhHCwyP3

— Daktilock (@daktilock) October 27, 2025

Утврдено е дека земјотресот, кој беше почувствуван во многу провинции во регионите Мармара и Егеј, се случил на длабочина од 5.99 километри.

Министерот за внатрешни работи, Али Јерликаја, објави дека тимовите веднаш почнале со теренски проверки и скенирање на теренот во врска со земјотресот од 6.1 степен во областа Синдирги.

Bursa’da 596 yıllık tarihi Emirsultan Camii’nin kubbesine yıldırım düştü. pic.twitter.com/uq4DOmA58R

— BPT (@bpthaber) October 27, 2025

Во изјава на социјалните мрежи, Јерликаја потврди дека сите тимови од АФАД и релевантните институции веднаш започнале со теренски истражувања.

Јерликаја, во изјава за Си-Ен-Ен Турк, потврди дека земјотресот предизвикал материјална штета. – Уништени се три згради и еден дуќан, изјави Јерликаја.

Sındırgı’da meydana gelen 6,1 büyüklüğündeki deprem sonrası bazı binalar yıkıldı

Cumhurbaşkanı Erdoğan’dan açıklamahttps://t.co/J2GyxTQvTT pic.twitter.com/9awiKzmNWG

— İlke TV (@ilketvcomtr) October 27, 2025

Една празна зграда, која веќе била оштетена во претходен земјотрес, се урнала по силниот потрес во Синдирги.

Проф. д-р Шенер Ушумезсој во изјава за Си-Ен-Ен Турк рече дека земјотресот во Баликесир не е последователен потрес (aftershock), туку „поттикнувачки“ земјотрес.

Balıkesir’de 6,1 büyüklüğünde deprem

Sındırgı Kaymakamı Doğukan Koyuncu:
“Şu an birkaç noktada yıkım var. Şu ana kadar can kaybı tespit etmedik, tarıyoruz. Köylerden şu an için olumsuz bir haber gelmedi”https://t.co/J2GyxTQvTT pic.twitter.com/J7IqqhisQa

— İlke TV (@ilketvcomtr) October 27, 2025

– Земјотресот во Синдирги е продолжение, малку понајугоисточно. Линијата на раседот пукнала на 15 километри оддалеченост, и таа има продолжение кон југ – објасни Ушумезсој.

Rabbim beterinden kurusun…#deprem #sındırgı #Balıkesir

pic.twitter.com/R5F0ZBHxVE

— Hamza YILDIZ (@cpr_cpr) October 27, 2025

Тој додаде дека станува збор за расед кој се откинува на површина од околу 100 километри.

– Луѓето од Синдирги не треба да очекуваат поголем земјотрес. Овој земјотрес е дел од претходниот земјотрес во Баликесир Синдирги. Како фиоките во комода. Откако се скрши едната, се скрши и другата. Тоа не е последователен потрес, туку земјотресот што тој го поттикна – нагласи професорот.

The post 📷 📽️ РАЗОРЕН ЗЕМЈОТРЕС ЈА ПОГОДИ ТУРЦИЈА Потресите траеја долго, се почувствуваа во Истанбул appeared first on plusinfo.mk.

Студентите во блокада во Србија за вечерва најавија нови протести под мотото „Србија не може да се смири“. Според организаторите, собирите ќе се одржат на повеќе локации во Белград, како и во уште девет градови низ земјата.

На социјалните мрежи веќе се појавија снимки од протестите во Ваљево каде што може да се види дека избил пожар во штаб на владејачката Српска напредна партија (СНС).

Како причина тие ги наведуваат прекумерната употреба на сила од страна на полицијата, како и нападите врз демонстрантите извршени од маскирани лица и приврзаници на Српската напредна партија.

U Valjevu su mladi sa prikrivenim identitetom bacali pirotehnička sredstva ka prostorijama SNS, a izbio je i požar.

Sve o velikim protestima u Valjevu, Kniću, ali i širom Srbije čitajte u našem blogu https://t.co/JWD8hpspDv pic.twitter.com/EWve32oxhd

— TV N1 Beograd (@n1srbija) August 16, 2025

U Valjevu noćas nije bilo ĆACIJA a upravo su maskirane osobe demolirale prostorije SNS.
– Ringer (Blic) foto slucajno potpisuje kao “STUDENTI PROTEST BLOKADA”.
A sad OBAVEZNO procitajte priloženi post. https://t.co/dDetWZKR7o pic.twitter.com/trIL76a2tG

— ГОРСКИ Geysir (@DaniloKoprivica) August 16, 2025

Hiljade Valjevaca izašle su na ulice u protestu zbog nasilja policije nad demonstrantima u njihovom gradu ove nedelje.
https://t.co/0UQfkDKrrw
https://t.co/g0iq9Ek4mC pic.twitter.com/K8ExRP1w6c

— BBC NEWS na srpskom (@bbcnasrpskom) August 16, 2025

Граѓаните велеат дека протестираат против Вучиќ, вклучително и врз малолетници“. Дополнително, демонстрантите обвинуваат маскирани групи за уништување на повеќе објекти.

Демонстрациите траат уште од ноември минатата година, кога при уривање на покривна конструкција на железничката станица во Нови Сад загинаа 16 лица.

The post 📽️ ПРОТЕСТИ ВО СРПСКИTE ГРАДОВИ, ДЕМОЛИРАН ШТАБ НА СНС „Србија не може да се смири“ appeared first on plusinfo.mk.

На територијата на Македонија денеска се евидентирани повеќе активни пожари, при што најсериозни се жариштата во Источна, Југоисточна и Југозападна Македонија. Според последните податоци, бројот на активни пожари варира, но најкритични се подрачјата околу Берово (Малешевија), Прилеп (околината на селата Бешиште, Градешница и Дрен), Македонски Брод (селото Црешнево и помеѓу Локвица и Крапа) и Желино.

Главно се зафатени нискостеблести шуми, деградирани дабови насади, смрека, грмушки и ниска вегетација. Пожарите често се шират поради високите температури, ниската влажност и присуството на ветер, што дополнително ги отежнува напорите за гаснење.

На терен непрекинато интервенираат пожарникарски и заштитни служби, екипи на Национални шуми, воздухопловна поддршка и локално население. Дел од пожарите се доближуваат до населени места, со што ризикот по луѓе и објекти е зголемен.

Како најчеста причина за пожарите се наведуваат човечки фактори: непочитување на забраната за палење оган, несовесно фрлање отпушоци и намерно или ненамерно палење отпад. Мерките вклучуваат апел до граѓаните за максимална претпазливост и почитување на забраните за отворен оган во природа.

Надлежните служби напоменуваат дека борбата со пожарите е особено тешка поради екстремно високите температури – на повеќе места над 38 до 40 Целзиусови степени – и се надеваат на најавените врнежи во текот на наредните денови, што би можело да придонесе за стабилизирање на состојбата.

Состојбата се следи постојано, а јавноста е повикана да биде внимателна и да соработува со надлежните институции во спречување на нови пожари.

The post ПОВЕЌЕ АКТИВНИ ПОЖАРИ БЕСНЕАТ НИЗ МАКЕДОНИЈА Најзагрозени се Берово, Прилеп, Македонски Брод и Желино appeared first on plusinfo.mk.

Утрешниот ден ќе биде еден од најжешките ова лето. Според најавите на метеоролозите, Македонија ја очекува сончево и исклучително топло време, со температури кои ќе достигнат речиси 40 степени Целзиусови, особено во Скопје и Гевгелија.

Како што информира Управата за хидрометеоролошки работи (УХМР), времето ќе биде стабилно – сончево и многу топло, со мала до умерена локална облачност. Ќе дува слаб до умерен северен ветер, кој нема значително да придонесе за разладување.

Минималните утрински температури ќе се движат од 10°C во Берово до 19°C во Гевгелија. Дневните ќе достигнат од 29°C во Маврово, до дури 39°C во Гевгелија и во Скопје.

Во главниот град Скопје исто така ќе биде многу жешко. Максималната температура ќе се движи околу 39°C, а минималната ќе биде околу 18 степени.

– Утрешниот ден носи високи температури кои може да бидат опасни, особено за постарите лица, хронично болните и децата. Препорачуваме избегнување на директна изложеност на сонце од 11 до 17 часот и внесување на доволни количини течности – предупредуваат од УХМР.

Лекарите, пак, апелираат граѓаните да останат во затворени простории со климатизација, а доколку излегуваат надвор – да носат светла облека, капа и да не забораваат на водата.

КЛИМАТИЗИРАН ПРЕВОЗ, ФЛЕКСИБИЛНО РАБОТЕЊЕ, ЗАШТИТА НА РАНЛИВИТЕ Владата донесе итни мерки поради топлотниот бран

The post ВНИМАВАЈТЕ УТРЕ, ТЕМПЕРАТУРИ ДО 40 СТЕПЕНИ Ќе биде врело во Скопје и во Гевгелија, лекарите предупредуваат appeared first on plusinfo.mk.

Дали би се качиле во авион без да знаете каде патувате? Ако вашиот одговор е „да“, тогаш веројатно сте дел од растечкиот број авантуристи кои бараат автентични искуства, возбуда и патувања без однапред позната дестинација.

Феноменот на таканаречените летови со непозната дестинација сè повеќе го освојува светот, а „Скандинавските ерлајнс“ (САС) распродадоа едно такво патување за само четири минути.

– Патувањето е поврзано со откривање, а „Непозната дестинација“ е дизајнирана да ја разгори возбудата од истражувањето нови и неочекувани места. Има нешто магично во тоа да се качите во авион, а да не знаете каде ќе слетате – рече Арон Бакстром, потпретседател за производи и лојалност во САС.

Овој концепт првпат беше воведен во 2024 година, кога цел авион беше исполнет со членови на „EuroBonus“ кои летаа за Атина без никакви информации. Реакциите на патниците беа ентузијастички: 96% од учесниците рекоа дека би го повториле искуството.

Оваа година, летот полета од Копенхаген, а дестинацијата беше Севиља. Во текот на трите дена (4-7 април), патниците беа целосно потопени во изненадување, никој не го знаеше ниту градот ниту хотелот каде што ќе престојуваат. Тие можеа да ја изберат само категоријата сместување, но без конкретни информации за локацијата.

Зошто луѓето сè почесто избираат мистериозни патувања?

Овој вид патување станува сè попопуларен меѓу Европејците и низ целиот свет. Луѓето се уморни од планирање – истражување на илјадници опции, прегледи и хотели. Просечниот патник прегледува дури 141 веб-страници пред да одлучи каде да оди на одмор. Наместо слобода, тие се соочуваат со конфузија.

Сега, она што е во срцето на патувањето се враќа – изненадување, спонтаност и чувство за авантура. Еден пример доаѓа од компанијата „WizzAir“, која оваа година избра 35 патници и ги однесе на „патувањето на животот“. Дестинацијата беше Анталија, Турција, а целиот настан брзо стана вирален на социјалните мрежи.

Сè повеќе понуди во Европа

Компаниите низ цела Европа го прифаќаат трендот. „Lufthansa Surprise“ им овозможува на патниците од Минхен и Франкфурт да изберат мистериозен лет според нивниот стил на патување.

„Opodo“ нуди евтини пакети „лет + хотел“ до непознати дестинации.

Луксузната агенција „Black Tomato“ има ексклузивна понуда „Get Lost“, која ги носи патниците во оддалечените делови на светот. Платформата „srprs.me“ нуди мистериозни градови во Европа (3 до 5 дена, цена околу 240 фунти, поаѓање од Британија).

„Journee“ од Лондон овозможува индивидуални патувања со персонализација – корисниците пополнуваат прашалник и исклучуваат места или искуства што не ги сакаат. Потоа тимот го организира летот, хотелот и активностите.

Комбинација од непознатото и заедништвото

– На нашето прво патување „Непозната дестинација“, бевме особено трогнати од тоа како целосно непознати луѓе брзо почнаа да се поврзуваат. Кога ќе ги отстраните сите очекувања и ќе споделите вакво искуство, постои силно чувство на заедништво – вели Бакстром од САС.

Како да се подготвите за мистериозно патување?

Компаниите генерално даваат основни упатства како што се временските услови на дестинацијата, но не ја откриваат локацијата. Затоа, се препорачува да се спакувате како за класично четиридневно патување:

слоевита облека,

удобни панталони,

јакна и удобни чевли.

Сè друго – ќе биде дел од вашата авантура.

The post СЕ КАЧУВАТЕ ВО АВИОН И НЕ ЗНАЕТЕ КАДЕ ОДИТЕ Мистериозните патувања станаа хит во Европа, сè се распродава за 4 минути appeared first on plusinfo.mk.

Сè повеќе градови низ воведуваат строги мерки против краткорочното изнајмување станови преку онлајн платформи како Airbnb иако тоа придонесува за поголем престој на туристи. Една од причините за ова е тоа што тоа придонело за зголемување на цените за изнајмување и недостиг на станови за локалното население.

Критичарите на ваквите градски одлуки велат дека со ова ќе се уништат малите претприемачи во корист на хотелските капацитети.

Шпанскиот град Барселона објави целосна забрана за краткорочно изнајмување од 2028 година и враќање на 10.000 станови на пазарот за долгорочно изнајмување. Планот неодамна беше поддржан од шпанскиот Уставен суд.

Њујорк од 2023 година го ограничи краткорочното изнајмување на станови за најмногу две лица, при што домаќинот мора да биде присутен за време на престојот. По оваа одлука бројот на реклами се намали за дури 92% во рок од една година.

Слични прописи постојат во Берлин, Санта Моника.

Од регионот Грција од 1 јануари воведе и ограничувања за краткорочно изнајмување на станови и куќи преку онлајн платформи. Новите правила ги опфаќаат и најпопуларни населби меѓу странските туристи: Синтагма, Колонаки, Плака, Монастираки, Псири, Макриани, Акропол, Кукаки, ​​Илисија, областа околу хотелот Хилтон, Омонија, Платија Вати, Егзархија, Неаполи.

И Загреб размислува за ваков потег каде што се разгледуваат различни мерки – од зголемување на даноците за недвижности до забрана за изнајмување во одредени зони.

Критичарите тврдат дека сето ова ќе влијае на средната класа и малите изнајмувачи, додека големите хотелски групи, честопати во сопственост на странци, ќе имаат корист.

Додека градовите се обидуваат да најдат рамнотежа помеѓу потребите на локалното население и туристичката индустрија, сè повеќе е јасно дека не постои единствено решение.

The post НЕМА ВЕЌЕ КРАТКОРОЧНО ИЗНАЈМУВАЊЕ СТАНОВИ Повеќе градови во светот удрија забрана appeared first on plusinfo.mk.

Министерството за здравство планира да набави 100 амбулантски возила за болниците во државата, планот треба да помине на Влада, изјави денеска во Куманово министерот за здравство Арбен Таравари, кој очекува наскоро да почне процедурата.

Модерните возила, како што соопшти, ќе се распределат низ болниците во државата, поголемите и онаму каде што има најголем недостаток.

– Инаку од 2014-та година, за жал, не се набавени возила мислам од Министерството за здравство. Има возила коишто ги набавиле на пример, самите болници или пак донации од општествено-одговорни компании, како што денеска е случајот со „Балкан Груп“ – изјави Таравари.

Нагласи дека има недостаток на доктори, средномедицински и технички персонал насекаде во државата, но, како што рече, 1.800 вработувања во здравствениот сектор е „инфузија“.

– Сите болници имаме недостаток на кадар, каде и да одите во Македонија од Гевгелија до Гостивар, од Охрид до Куманово, од Велес до Штип, секаде до Кичево, секаде има недостаток на кадар. Знаете дека сме започнале, веќе 250 специјализанти се вработуваат, за средномедицинскиот кадар, тече постапката да се трансформираат работните места од договор во решенија. 1.800 вработувања за една година, никогаш не се случило во Македонија во здравствениот систем – рече Таравари.

The post ЗДРАВСТВОТО ЌЕ ДОБИЕ 100 НОВИ ВОЗИЛА Таравари објави амбициозен план, Владата е на потег appeared first on plusinfo.mk.

Туристичката атракција на Обединетите Арапски Емирати – Дубаи, во таа смисла, се најде на врвот. А пак, Доха (Катар), Сиетл и Скрентон (САД) го поделија второто место. И покрај тоа што имаат значајна економска улога, градовите како Дубаи и Доха честопати се критикувани поради недостигот на „културна содржина“ и постои впечаток дека изгледаат „вештачки“ во живо.

Листата најздодевни места продолжува со американските градови: Хјустон, Орландо, Индијанаполис и Детроит, по коишто следат Милтон Кејнс во Обединетото Кралство и финскиот главен град Хелсинки – посочувајќи дека современото урбанистичко планирање и ефикасност не гарантираат привлечно искуство за туристите.

Мислењата се поделени: Некои апсолутно го поддржуваат изборот, а други ја оспоруваат листата. Се чини, секој го доживува градот зависно од своите лични афинитети и интереси.

„Сум бил на доволно места за да  сфатам дека неколку се всушност уникатни. Градовите и населбите се интересни само онолку колку што вие ги правите. Исто така зависи од вашите желби“, напишал еден корисник. „Идиотска статија која се состои од мислења на идиоти кои очигледно немаат доволно остроумност да истражуваат што да прават во градот што планирале да го посетат“, напишал друг корисник.

The post ЛИТВАНСКИ ПОРТАЛ ОБЈАВИ ЛИСТА НА 10 НАЈЗДОДЕВНИ ГРАДОВИ ВО СВЕТОТ Некои корисници се согласиле, други се разгневиле appeared first on plusinfo.mk.

Во главниот град на Србија вечерва пристигнуваат групи студенти и активисти кои веќе неколку дена пешки од повеќе градови во Србија пешачат кон Белград.

Во главниот град на Србија вечерва пристигнуваат групи студенти и активисти кои веќе неколку дена пешки од повеќе градови во Србија пешачат кон Белград за да учествуваат на протестот закажан за утре, а белградските студенти кои се на блокада им организираа пречек на Теразије.

14.3.2025 Beograd
Terazije pic.twitter.com/ksheJFkfMI

— Generalni Strajk Srbija – Gen. Strike (@KrahSNSa) March 14, 2025

Во Теразије најпрвин пристигнаа група студенти велосипедисти, а во блокадата ги пречекаа белградски студенти кои во Теразије пристигнаа од повеќе правци, скандирајќи и свирејќи со вувузели и биејќи тапани, како и групи граѓани.

Сообраќајот е во прекин на Теразије и околните улици, како и на плоштадот Никола Пашиќ.

Поставен е црвен тепих за студентите кои доаѓаат во Белград, а планиран е и хорски настап.

На Плоштадот на Републиката се поставени угостителски и неколку шатори за студентите кои пристигнуваат.

Нема полицајци во униформи.

Docek NOBELOVACA u Beogradu
Terazije, 14.3.2025 pic.twitter.com/Nvv3ORWKn6

— Generalni Strajk Srbija – Gen. Strike (@KrahSNSa) March 14, 2025

Групи студенти од Нови Сад, Суботица, Крагуевац, Ниш, Краљево, Ужице, Крушевац, Вршац, Чачак, Ваљево и Лозница вечерва пеш и со велосипед треба да пристигнат во Белград.

На студентите кои пристигнуваат им се обезбедува сместување во зградите на факултетите, како и во некои средни училишта.

Студентите кои ги блокираат факултетите за утре закажаа протест пред Домот на Народното собрание.

Студентските групи од крајот на ноември ги блокираат факултетите барајќи да се исполнат четирите барања што ги поставија и кои и покрај низата чекори преземени од надлежните државни институции, тврдат дека сè уште не се исполнети, објави Телеграф.

STIGLI SMO U BEOGRAD!

Ko to ide, ko to gazi?
NIŠKI STUDENT NAILAZI! #studenti #niš #MaršNaBeograd pic.twitter.com/RfUNb15lPo

— Neformalna grupa studenata Niša (@ngs_nis) March 14, 2025

The post 📽️ ЦРВЕН КИЛИМ, АПЛАУЗИ, СОЛЗИ И ОВАЦИИ ЗА СТУДЕНТИТЕ Во Белград пеш пристигнуваат последните демонстранти од цела Србија appeared first on plusinfo.mk.