Ова денеска кандидатот на СДСМ и коалициските партнери за градоначалник на Општина Битола, Христо Кондовски, им го порача на големите вљубеници на планината и адреналинските спортови, членови на ПСК Пелистер, Битолски конзули, Extreme bike и Pelister Unique Trail Marathon.

„Како иден градоначалник ја повторив мојата заложба за вложување во инфраструктура, вклучително и во патната инфраструктура во овој регион, што е потреба како за битолчани, така и за посетителите кои доаѓаат на Пелистер од целата држава, но и од странство. Дополнително, уредувањето на планинарски патеки и вложувањето во капацитети кои ќе го унапредат туризмот ќе даде посебен импулс во оваа област, како и поголемата поддршка за здруженијата кои низ посветено секојдневно работење го шират добриот глас за Пелистер и Битола, привлекувајќи туристи од целиот свет.“-рече Кондовски, кој во изминатите денови го промовираше и проектот за модернизација на Скијачкиот центар Ниже Поле, предвидувајќи и набавка на нова опрема за заснежување и вештачки снег, како и замена на трите ски лифови со нови.

The post КОНДОВСКИ ГИ ИЗРАДУВА ЉУБИТЕЛИТЕ НА ПЛАНИНИТЕ Адреналинските спортови ќе станат дел од туризмот appeared first on plusinfo.mk.

– Зелената агенда е на сила. Загадувањето на воздухот веќе не е табу тема бидејќи ги чистиме и воздухот и водата. Ќе продолжи набавката на еколошки јавен превоз за уште повеќе да се намалува аерозагадувањето во градските средини – рече тој, додавајќи дека зелената агенда ќе се спроведува и преку субвенции за набавка на возила со хибриден погон или електрични возила за такси превозот, кој пак ќе биде униформиран по принципот на западните земји со рекомпонирање на фиксните такси локации според тековните потреби.

– Електромобилноста е можност на 21 век, која за брзо ќе стане реалност. Ние како Општина мора да имаме визија и капацитет да ги следиме светските трендови. Затоа планираме поставување на повеќе пунктови за електрично полнење во општина Битола. Со сите овие мерки ќе овозможиме јавен и такси превоз по мерка на нашите сограѓани. Тоа ќе го намали сообраќајниот метеж , но и загадувањето од возилата – објасни Кондовски.

Тој рече дека нашата држава станува привлчена за инвестирање во зелена агенда.

– Од сонцето правиме струја. Од ветерот правиме струја. Од оптадот правиме струја. Следете ги македонските полиња, ќе никнат стотици ветерници и фотоволтаици. Градиме пречистителни станици за да ги заштитиме водите и почвата на нашата земја. Ќе продолжи распределбата на субвенциите за инвертери за греење и за енергетско ефикасни фасади. Гасот стига до домаќинствата, не постои поеколошки и поефтин енергенс – додаде Кондовски.

The post ЗЕЛЕНАТА АГЕНДА Е НА СИЛА ВО БИТОЛА Кондовски му објави војна на аерозагадувањето appeared first on plusinfo.mk.