Градоначалникот на општина Бутел Дарко Костовски информира за голема градежна офанзива која се спроведува со силна динамика во населеното место Скопје Север, во која ќе бидат вложени повеќе од 60 милиони денари, или околу милион евра.

„Денеска ја завршивме реконструкцијата на вториот крак на улицата Боро Менков. Реконструкцијата ги опфати и тротоарите, како и паралелните паркинзи. Ги реконструираме и сите пристапни патеки до зградите.

Со оваа реконструкција се опфатени зградите на улиците Боро Менков, Костурска, Лазо Москов, Гоце Стојчевски. Наскоро ќе се реконструира и улицата Костурска заедно со двата големи паркинг – простори и пристапни патеки.

Исто така, за првпат ќе се изгради и тротоар за безбедно и непречено движење. Ова е најголемата градежна офанзива која се одвива во Скопје Север“ – пишува градоначалникот Костовски на неговата Фејсбук-страница.

The post СКОПЈЕ СЕВЕР Е ВО ГОЛЕМА ГРАДЕЖНА ОФАНЗИВА Се реконструираат улици, тротоари, паркинзи… appeared first on plusinfo.mk.

Претседателот на Владата, Христијан Мицкоски, заедно со вицепремиерот и министер за транспорт, Александар Николоски и директорот на Јавното претпријатие за државни патишта, Коце Трајановски денеска направија увид во текот на градежните активности на терен долж трасата на автопатот во изградба Охрид – Кичево.

Притоа беше најавено дека се става во употреба надвозникот на клучката кај село Подмоље, со што ќе се олесни сообраќајот на тој дел од магистралните патни правци Охрид – Кичево и Охрид – Струга, а истовремено ќе овозможи и асфалтирање на втората коловозна лента на тој дел од трасата.

Премиерот посочи дека интензивно се работи на делови од патот каде има свлечишта, а истовремено се изработуваат и проекти за стабилизирање на земјиштето што е мошне важно за завршување на целата траса.

– Станува збор за неколку километри кај селото Ботун, но и оние делови каде се поврзува тунелот кај Пресека…Кај Кичево има десеттина свлечишта, ваму има шест, така што очекувам од есенва да се работат теренски активности со што целата секција од Кичево до Охрид ќе биде стабилизирана и безбедна – рече Мицкоски.

Тој изрази задоволство од сегашната динамика на активностите на терен, со нагласок дека со несмалена динамика се работи на уште три автопатски делници и тоа Тетово – Гостивар, Гостивар –  Букојчани и Прилеп – Битола, а ги посочи и покренатите јавни повици и тендерски процедури и за патните делници Блаце – Скопје и Букојчани – Кичево.

-Имаме огромна офанзива која очекувам да резултира со конечно завршување и заокружување на автопатската патна инфраструктура во Македонија – рече премиерот Мицкоски.

Директорот на Јавното претпријатие за државни патишта, Коце Трајановски, пред медиумите даде извештај за тоа што моментално се работи на трасата.

– На потегот од Климештани па се до Охрид значи активно се работи скоро на секој метар. Има многу механизација, многу изведувачи, многу подизведувачи. Сите заедно сме сплотени за да може оваа делница да ја пуштиме што поскоро. Се работи исто така на патот кај „Свети Еразмо“, веќе таму почна да се асфалтира. Се работи исто така на натпатникот овде кај Подмоље, каде веќе се бетонираат гредите од натпатникот за поврзување на Подмоље со регионалниот пат. Се работи и на пристапните патишта на Подмоље, Оровник и на Горенци каде без пристапни патишта не може да се пушти во употреба автопатот.  Сите тие ќе се вклучуваат и исклучуваат на клучката кај аеродромот. Исто така, имаме уште еден дел на којшто интензивно се работи, а тоа гледано од Кичево кон Охрид, некаде после бензиската „Еко Петрол“ на левата страна. За среќа се заврши пред некој ден се бетонираше потпатнкот што долго време се работеше, и активно сега таму се асфалтира. Очекуваме дека за неколку дена и тој еден и пол километар, ќе бидат асфалтирани, со што левата лента од Климештани до Охрид, ќе биде целосоно затворена со асфалт и ќе може да се вози по неа – рече тој.

Трајановски уште посочи дека се поставува еластичната ограда на средишниот и на страничните делови на автопатот, на дислокација на кабли од двете страни на трасата, на поставува и на жичната ограда, согласно стандардите за модерен автопат.

The post ГРАДЕЖНА ОФАНЗИВА ЗА ЗАОКРУЖУВАЊЕ НА ПАТНАТА ИНФРАСТРУКТУРА Со забрзана динамика се гради автопатот Кичево – Охрид appeared first on plusinfo.mk.

Владата предводена од ВМРО-ДПМНЕ го започнува најамбициозниот проект за локален развој досега – вреден 250 милиони евра, наменет директно за капитални инвестиции во општините. Со оваа грандиозна програма, се поставуваат темелите за 1.200 нови градилишта на територија на цела Македонија.

„Секоја општина, секој град, секое село добива шанса за развој. Ова не е случајно – туку резултат на системски пристап и силна политичка волја“, се наведува во соопштението на ВМРО-ДПМНЕ.

Преку јавниот повик за капитални проекти, Владата одобри над 800 проекти, од кои 600 само во ресорот транспорт, со кои ќе се изградат нови улици, локални патишта, плоштади и мостови. Истовремено, над 140 проекти се насочени кон заштита на животната средина, вклучувајќи нови канализации, водоводи, пречистителни станици и енергетски ефикасни системи.

Вкупната поддршка за локалната самоуправа достигнува 20 милијарди денари, што претставува најголем буџет досега од национално ниво за локалниот развој.

„Се гради гантограм на активности – почнува градежна офанзива каква што не сме виделе до сега“, велат од партијата.

Како симбол на оваа нова ера на инфраструктурен развој, во Велес веќе е пуштен во употреба реконструираниот мост кај Башино село, чија санација чинела 320.000 евра. Дополнително, во тек е проектирање на сосема нов мост, кој ќе биде изграден со иновативна технологија што досега не е користена во Македонија.

The post ГРАДИЛИШТА ЌЕ НИКНУВААТ НАСЕКАДЕ Владата најави 1.200 проекти низ Македонија appeared first on plusinfo.mk.

– Очекуваме да отвориме 67 километри фронт за нови автопатишта на делниците на коридор 8 и 10 д. Ќе се работи на Прилеп-Битола, на Тетово-Гостивар и Гостивар –Букојчани. Исто така до почетокот на летната сезона да пуштиме во употреба автопат од селото Врбјани до Охрид со еден мал исклучок кај селото Ботун. Очекувам да го пуштиме во употреба и вториот дел од експресниот пат Прилеп –Градско, претходоно го пуштивме од Градско до Дреново и имавме една уникатна ситуација која се нема видено во регионот, а тоа е во рок од две недели успеавме да пуштиме три делници и тоа 42 километри експресни патишта и 31 километри пруга – рече Николоски во изјава за МТВ.

Тој, како што рече, силно верува дека градежништвото и делот на нискоградбата ќе помогне во економскиот развој затоа што многу сектори врзува околу себе и тоа е нешто на што ќе работиме во наредниот период.

The post НИКОЛОСКИ ОТВОРА ФРОНТ ОД 67 КИЛОМЕТРИ ЗА ИЗГРАДБА НА НОВИ АВТОПАТИШТА Тоа ќе поттикне економски раст и развој на земјата appeared first on plusinfo.mk.

– Имаме градежна офанзива која ја започнавме, активна реконструкција следи некаде до крајот на септември, на сето она кое што го правевме како проекти во изминатите месеци. Дојдовме во град без проекти и единствени работи затекнати во реализација се оние проекти кои што ги напоменувавме досега, а беа оставени со бројни проблеми и предизвици. Проблемите кои што ги затекнавме полека ги решаваме, се посветуваме на новите проекти и она што беше во програмата и гледаме активно што е можно повеќе да ги реализираме барањата на граѓаните уште во првата година на мандатот – рече Арсовска во гостување на „Инфомакс“.

The post АРСОВСКА ЌЕ СЕ СОНЧА ПО СКОПСКИТЕ УЛИЦИ „Нема да одам на одмор, ќе се посветам на градот“ appeared first on plusinfo.mk.