Познатиот тениски ас Новак Ѓоковиќ ќе треба да ја достави потребната документација или да урне дел од промените што ги направил во куќата во шпанското одморалиште Марбеља, пренесува Марбела 24 Хорас.

Медиумот вели дека на 13 февруари тенисерот по вторпат бил казнет со 5.000 евра.

Градскиот совет на Марбела води спор против Ѓоковиќ од февруари 2024 година, откако тој, наводно, извршил реновирање без дозвола кон крајот на 2022 година. Во февруари 2024 година, му беше наредено да ги реши неправилностите во рок од два месеци.

После тоа, на 06.08.2024 година му е изречена првата казна од 5.000 евра.

The post 📽️ ГРАДЕЖНА ИНСПЕКЦИЈА ГО КАЗНИ ЃОКОВИЌ Ќе мора да урне дел од промените што ги направи на вилата во Марбела appeared first on plusinfo.mk.

Димитриевски информира дека против него е покренат обвинителски предлог од страна на ОЈО Куманово и обвинителот Иса Сулејмани, за кого тој веќе побарал изземање поради пристрасност и селективно постапување во предистражна постапка.

Во обвинението Димитриевски се товари за злоупотреба на службена положба и овластување, при градба на станбена зграда на локација во Куманово, во самата близина на Здравствениот дом Куманово или Школски диспанзер и дополнително, на гимназијата „Гоце Делчев“.

– Ова е прв пат, кога обвинителството го штити приватниот, а не јавниот интерес, а овој обвинителен акт е само уште една потврда за таквото однесување. Имено, во овој случај само се потврдува досега многу пати повтореното тврдење дека власта преку своите сателити инсталирани во судско-обвинителската власт, креира неосновани случаи, го злоупотребува правниот систем, во случајов Обвинителството, а во одредени моменти и дел од судиите на Уставниот суд, за да креира неосновни кривични пријави за наводна злоупотреба на службената положба и овластување од моја страна како актуелен градоначалник на Општина Куманово – рече Димитриевски.

Тој рече дека тоа е веќе видено сценарио кое што и претходно во многу наврати било применето кон него и кон неговите истомисленици. Димитриевски нагласи дека не е случајно, што токму во овој момент, кога е номиниран за кандидат за претседател на Македонија од политичката партија Движење ЗНАМ, поддржан од над 11.500 потписи на граѓаните, се изнудува и креира неоснован обвинителски предлог од страна на ОЈО Куманово и од обвинителот Сулејмани.

– За жал, оваа владејачка структура сѐ повеќе потстетува на режимот на бегалецот Груевски, бидејќи и методите се исти, дури и многу пософистицирани, иако во одреден период заедно со дел од нив се боревме против истиот тој режим. Сакам да им порачам на сценаристите и на режисерите на овој монтиран случај дека не постои сила, ниту цена која може да ме оттргне од мојот трасиран пат, да ги бранам државните, националните и интересите на сите граѓани не само на Куманово, туку и на Македонија. Напротив, за мене ова е дополнителен поттик да бидам уште поуверен во сопствените ставови, во ставовите на моите истомисленици и да ја истуркам оваа борба до крај, сѐ со единствена цел да се оневозможи на никој поединец во државата да му се случува вакво нешто – рече Димитриевски.

На прашање за што конкретно станува збор Димитиревски објасни:

– Се работи за предмет којшто се води пред Основното јавно обвинителство Куманово, во кое што еден од подносителите на кривичната пријава е всушност и потврден спонзор на една од актуелните партии во власта, којшто има личен интерес, да изгради станбен објект со 11 спрата. Во општината согласно законите се води управна постапка, а јас бев претходно известен од страна на две јавни институции, гимназијата „Гоце Делчев“ и Школската амбуланта Куманово – Здравствен дом Куманово дека им е загрозен јавниот интерес, при што јас како градоначалник сум должен во вакви постапки истото да го проверам и доколку се потврди дека е загрозен јавниот интерес, тоа да го спречам. Во овој случај постои стручно мислење кое го потврдува јавниот интерес. Врз мене во континуитет се вршат различни форми на притисок за да се обезбеди градежна дозвола за изградба. Во овој случај, за жал има инволвирано и лица, носители на највисоко ниво на функции во државата. Во овој случај обвинителот којшто има поднесено поднесок против мене до Кривичниот суд во Куманово, всушност постапува целосно пристрасно, иако има поднесено барање за негово изземање од предметот, бидејќи селективно и нереално ја утврдил фактичката состојба, истиот согласно законот мора да сопре со сите дејствија против мене. Сепак, тој истиот своеволно поднесува обвинителен поднесок, со цел да ми наштети лично мене, како и на Движењето ЗНАМ За наша Македонија, со кој заедно настапуваме на претстојните избори.

Димитриевски рече дека не може да ги објави имињата на функционерите, бидејќи смета дека може да ги загрози идните можни кривични постапки кои самиот тој ќе ги поднесе, а и по службена должност ќе бидат поднесени против овие лица.

– За сите овие случувања известени се нашите стратешки партнери и пријатели ЕУ, САД и сите дипломатски претставници и меѓународните организации во Македонија – рече Димитриевски.

The post „ВЛАСТА МИ МОНТИРА СУДСКИ СЛУЧАЈ ЗА ДА ЈА ОСУЕТИ МОЈАТА КАМПАЊА“ Максим Димитриевски обвинува дека е жртва на судско-обвинителска местенка appeared first on plusinfo.mk.

„При донесување на оваа одлука, Судот направи анализа на Законот за прогласување на Дојранското езеро за споменик на природата и во таа насока утврди пропуст во постапката за донесување на конкретната локална урбанистичко-планска документација. Уставниот суд констатира дека не е испочитувана обврската за обезбедување на согласност од страна на Министерството за животна средина и просторно планирање. Исто така оваа обврска е пропишана и во Законот за заштита на природата“ – информира Уставниот суд.

Судот утврди дека не била во целост почитувана постапката за донесување на решението и со тоа се повредуваат темелните вредности на уставниот поредок на Република Северна Македонија, односно владеењето на правото, уредувањето и хуманизацијата на просторот и заштитата и унапредувањето на животната средина.

The post УКИНАТА ГРАДЕЖНА ДОЗВОЛА ЗА ИЗГРАДБА НА ХОТЕЛ ВО СРЕТЕНОВО Немал еколошка согласност appeared first on plusinfo.mk.

Според нив, со новата опрема ќе се обезбеди подобро рафинирање на маслото за јадење и подобар квалитет, но и помала потрошувачка на пареа, а со тоа ќе се намалат и штетните емисии во воздухот.

Тие тврдат дека постапката за добивање градежна дозвола две и пол години е заглавена во општинската администрација.

Како што информира на  Олгица Стојанова директор на производство и одржување, на 5 декември 2017 година А.Д „Благој Ѓорев“ првпат поднеле барање до Општина Велес за отпочнување на постапка за имплементација на новата опрема.

– Знаеме дека за тоа е потребно време но две и пол години е долг период за да не ни дозволат да инвестираме веќе набавена врвна опрема произведена од „Алфа Лавал“ –  посочи Стојанова.

Таа информира дека за инсталирање на оваа современа  опрема ќе се гради и метална  конструкција која ќе биде повисока, со што ќе се замени старата опрема со нова поефикасна за работа и ќе се намали потрошувачката и ќе се намалат штетните емисии во воздухот од фабриката.

– Со оваа опрема добиваме и автоматизација со што побезбедно би го набљудувале процесот, иновативност, развојна технологија со која би имале постојано следење на параметрите на пософистициран начин и би обезбедиле подобар квалитет -рече Стојанова.

Таа  јавно го повика градоначалникот Аце Коцевски на заедничка средба на помирување и решавање на случајот.

The post „Маслодајна“ Велес две и пол години чека градежна дозвола за инсталирање опрема appeared first on plusinfo.mk.