Подната фонтана повторно ќе биде симболот на Скопје. Фонтаната што некогаш мамеше погледи од скопјани, гости и туристи, фонтаната што беше едно од најпрепознатливите лица на центарот на градот, по повеќе од една деценија заборав, негрижа и пропаѓање – , конечно се враќа во функција, соопшти попладнево скопскиот градоначалник Орце Ѓорѓиевски на неговата Фејсбук-страница.

„Ова повеќе нема да биде простор по кој ќе минуваат автомобили и тешки товарни возила. Ова нема да биде запуштено место оставено на забот на времето. Ова повторно ќе биде место за прошетка, за фотографија, за убавина, за гордост. Место што ќе го разубавува плоштадот и ќе го претставува Скопје онака како што заслужува – достоинствено, модерно и препознатливо“, нагласи градоначалникот.

Тој информираше дека во моментов се изведуваат градежните активности и најави оти за само неколку дена, подната фонтана повторно ќе заживее.

„Во изминатиот период ги вративме во функција и ‘Лотосов цвет’, со децении заборавена фонтана, ‘Воин на коњ’, ‘Филип II Македонски’, ‘Олимпија’, ‘Паднати борци’, плоштадот ‘ВМРО’, а повторно засвети и Вечниот оган. Ги враќаме симболите на градот. Го враќаме сјајот на Скопје. Го враќаме она што со години беше оставено и заборавено. Скопје живее. И Скопје мора да биде такво – убаво, достоинствено, гордо и наше. Скопје какво што го заслужуваме“, пишува градоначалникот во објавата.

The post 📷 ПОДНАТА ФОНТАНА НА ПЛОШТАДОТ ЌЕ БИДЕ ВО ФУНКЦИЈА ЗА НЕКОЛКУ ДЕНА Оживува уште еден симбол на Скопје appeared first on plusinfo.mk.

– Градоначалникот на Скопје Орце Ѓорѓиевски попладнево информираше дека Град Скопје ќе даде поддршка за уредување на просторот околу седиштето на Македонската академија на науките и уметностите (МАНУ).

Тој на својот Фејсбук профил наведе дека МАНУ е една од најзначајните институции во државата, дом на науката, уметноста и знаењето што, како што рече, ја движат државата напред.

– Заедно со претседателот на Македонската академија на науките и уметностите, академик Живко Попов, извршивме обиколка на просторот околу седиштето на оваа значајна институција. Како Град Скопје, ќе дадеме поддршка во уредувањето на просторот, со цел овој дел да добие достоинствен, убав и репрезентативен изглед каков што ѝ прилега на институција од вакво национално значење – истакна Ѓорѓиевски.

Градоначалникот додаде дека институциите што го чуваат знаењето, идентитетот и културната меморија на државата, заслужуваат почит, грижа и вистинско внимание.

The post НОВ ИЗГЛЕД ЗА ПРОСТОРОТ ОКОЛУ МАНУ Ѓорѓиевски најави поддршка за уредување за домот на науката и уметноста appeared first on plusinfo.mk.

Изградбата на мега паркот во Општина Бутел е во завршна фаза, а просторот кој со години бил запуштен и неискористен наскоро ќе биде предаден на користење на граѓаните, соопштуваат од Град Скопје.

На површина од 8.000 квадратни метри, новиот парк се трансформира во модерна зелена оаза која ќе биде наменета за одмор, рекреација и секојдневни активности на сите генерации.

Како што информираат надлежните, паркот ќе располага со богато хортикултурно уредување, уредени пешачки патеки, детски игралишта, фитнес зони и урбана опрема, со што ќе се создаде безбедна и пријатна средина за граѓаните.

Од Град Скопје посочуваат дека овој проект претставува значаен чекор кон унапредување на јавните простори и создавање позелено, почисто и поквалитетно урбано опкружување во главниот град.

Мега паркот во Бутел, како што е најавено, наскоро ќе ги отвори своите врати, нудејќи ново место за спорт, рекреација и семејни активности.

The post МЕГА ПАРК ВО БУТЕЛ СЕ ОТВАРА НАСКОРО Новата зелена оаза на Скопје е во завршна фаза appeared first on plusinfo.mk.

Град Скопје ги информира граѓаните дека претстојниот викенд ќе се спроведе авионска дезинсекција против возрасни форми на комарци на целото подрачје на главниот град.

Според соопштението, прскањето е планирано да се реализира во раните утрински часови во сабота, 27 јуни и во недела, 28 јуни.

Од Град Скопје посочуваат дека доколку временските услови не дозволат реализација на дезинсекцијата во предвидениот термин, активностите ќе бидат одложени и ќе се спроведат првиот нареден ден кога ќе има поволни временски услови.

Воедно, градските власти упатија апел до пчеларите навремено да ги преземат сите неопходни мерки за заштита на пчелните семејства за време на прскањето.

Авионската дезинсекција е дел од редовните активности на Град Скопје за намалување на популацијата на комарци во летниот период и за заштита на јавното здравје.

The post ВИКЕНДОВ ВО СКОПЈЕ ЌЕ СЕ ПРСКА ПРОТИВ КОМАРЦИ Градот апелира пчеларите да ги заштитат пчелните семејства appeared first on plusinfo.mk.

The post 📽️ РЕД И ЧИСТОТА ЗА ПОУРЕДНО СКОПЈЕ Улиците секојдневно се перат, ѓубрето се собира appeared first on plusinfo.mk.

Градоначалникот на Град Скопје, Орце Ѓорѓиевски извести дека денеска заедно со градоначалникот на општина Сарај, Мухамед Елмази, го посетиле просторот покрај реката Вардар, на патот кон селото Рашче, место кое, како што вели до вчера било дива депонија, а денес веќе се чисти и се подготвува да добие сосема нов лик.

„Овој запуштен простор ќе прерасне во голем, модерен и уреден парк, со хортикултурно и партерно уредување, зелени површини и содржини за рекреација, одмор и дружење на жителите од овој дел на Сарај.

Исто така, наскоро започнуваме и реконструкција на мега-паркот во Сарај, кој децении е оставен во негрижа. Ова место има природна убавина, има потенцијал и заслужува грижа. Не заслужува отпад, запуштеност и заборав, туку живот, зеленило и простор во кој граѓаните ќе уживаат. Вложуваме во секој дел од Скопје, затоа што сите наши сограѓани заслужуваат еднакви услови, уредена околина и подобар квалитет на живот“, порача Ѓорѓиевски.

The post 📽️ ГОЛЕМА ТРАНСФОРМАЦИЈА ВО САРАЈ Просторот на дивата депонија ќе се претвори во парк appeared first on plusinfo.mk.

Скопје предолго време беше град со запуштени јавни површини, нарушена хигиена и недоволно одржувана инфраструктура, се наведува во објава на градоначалникот Орце Ѓорѓиевски, кој сподели видео на социјалните мрежи со споредба „пред и после“ неговото стапување на функција.

Во видеото се прикажани делови од градот кои претходно биле во занемарена состојба, а денес, како што се наведува, се спроведуваат активности за нивно чистење, уредување и реконструкција.

– Преку посветена работа на терен се подобруваат условите за живот на граѓаните, се обновуваат запуштени локации и се создава почиста и поуредена урбана средина. Ова е процес кој бара време, труд и континуирана посветеност, но промените се веќе видливи. Скопје заслужува да биде чист, уреден и модерен град во кој граѓаните ќе се чувствуваат горди – истакна градоначалникот Орце Ѓорѓиевски.

Тој додава дека целта е враќање на редот, функционалноста и достоинството на главниот град, преку континуирани активности на терен и подобрување на јавниот простор.

„Затоа што го сакаме Скопје“, стои во неговата порака.

The post 📽️ ОД ЗАПУШТЕНО ДО УРЕДЕНО СКОПЈЕ Ѓорѓиевски покажа како се менува градот appeared first on plusinfo.mk.

Градоначалникот на Скопје, Орце Ѓорѓиевски информира дека се почнати активности за уредување на паркот „Македонија“ 1, 2 и 3 во Карпош, каде се поставува нова урбана опрема – клупи, корпи за отпадоци, како и уредување на летниковците кои секојдневно ги користат голем број граѓани.

„Го уредуваме еден од најубавите паркови во Скопје. Парковите се белите дробови на градот. Таму децата растат, семејствата создаваат спомени, младите се дружат, а повозрасните наоѓаат мир, сенка и простор за одмор. Токму затоа, започнавме со уредување на паркот „Македонија“ 1, 2 и 3 во Карпош, каде поставуваме нова урбана опрема – клупи, корпи за отпадоци, како и уредување на летниковците кои секојдневно ги користат голем број граѓани“, објави Ѓорѓиевски на Фејсбук.

Нашата обврска, додаде тој, е парковите да бидат чисти, уредени, безбедни и достојни за сите посетители.

„Затоа редовно ги одржуваме зелените површини кои се под надлежност на Град Скопје, но истовремено упатувам и апел до сите граѓани – да ги чуваме парковите како свој дом. Само со совесен однос можеме да имаме поубав, почист и позелен град“, нагласи градоначалникот.

The post 📷 СЕ ДОТЕРУВА ЕДЕН ОД НАЈПОСЕТУВАНИТЕ ПАРКОВИ ВО КАРПОШ Нови клупи, корпи и летниковци во „Македонија“ appeared first on plusinfo.mk.

Градот Скопје ги известува граѓаните дека на 11 јуни 2026 година, во четврток, во раните утрински часови ќе се изврши авионска дезинсекција против ларви од комарци на целото подрачје на градот.

Од Град Скопје посочуваат дека акцијата е дел од редовните мерки за заштита на јавното здравје и намалување на бројноста на комарците во летниот период.

„Доколку временските услови не дозволат реализација на дезинсекцијата, таа ќе се изврши првиот нареден ден кога ќе бидат поволни временските услови, во истиот термин“, информираат од Град Скопје.

Оттаму упатија и апел до пчеларите навремено да ги преземат потребните мерки за заштита на пчелите, со цел да се избегнат евентуални штети.

The post УТРЕ РАНО ЌЕ СЕ ПРСКА ПРОТИВ КОМАРЦИ Градот со важно предупредување за граѓаните и пчеларите appeared first on plusinfo.mk.

Подната фонтана на плоштадот во Скопје ќе биде обновена, а градот ќе добие и 3 нови современи јавни тоалети. Ова го најави градоначалникот Орце Ѓорѓиевски на седница на Советот на Град Скопје, одговарајќи на советнички прашања поврзани со комуналната инфраструктура.

Тој информираше дека во тек се подготовки за повторно ставање во функција на подната фонтана која во минатото повеќепати беше оштетувана од возила што пропаѓаа во неа.

– Фонтаната „Александар Македонски“, која последните 8 години не работеше, е ставена во функција, обновена е и работи и фонтаната „Лотосов цвет“ пред Градскиот парк – рече градоначалникот.

Ѓорѓиевски соопшти и дека повеќе од 210 јавни чешми за пиење вода веќе се ставени во функција, додека најголем дел од фонтаните низ градот повторно работат.

Во однос на јавните тоалети, тој најави дека се подготвуваат три нови современи објекти. Еден ќе биде поставен во Градски парк, втор на плоштадот „Филип II“, а третиот во близина на Градскиот плоштад.

Градоначалникот се осврна и на проектот БРТ, за кој рече дека е во фаза на претквалификација и дека наскоро ќе биде распишан тендер.

Тој повтори дека трасата нема да минува низ постојното средишно зеленило и најави дополнителни зелени појаси долж коридорот по кој ќе се движат автобусите.

Паралелно, преку ребалансот на буџетот се планира реконструкција на киното „Милениум“, обновување на градската библиотека „Браќа Миладиновци“ и на Планетариумот во МКЦ, како дел од подготовките за 2028 година кога Скопје ќе ја носи титулата Европска престолнина на културата.

The post ПОДНАТА ФОНТАНА НА ПЛОШТАДОТ СЕ ВРАЌА ВО ФУНКЦИЈА Ќе се обновуваат и киното „Милениум“ и библиотеката „Браќа Миладиновци“ appeared first on plusinfo.mk.