Градоначалникот на Скопје  најави почеток на широка акција за реконструкција на пешачките патеки во градот. Целта е подобрување на безбедноста, уреденоста и функционалноста на јавниот простор.

Активностите стартуваа на булеварот „Партизански одреди“, на потегот од мостот „Обединети нации“ до пешачкиот мост „Влае“. Се реконструира површина од 1.200 м².

„Оваа делница добива целосно нов лик – пешачка патека со ширина од 4 метри, комплетно реконструирана и современо уредена, со нова подлога, подобрена пристапност, уредени рабници и зголемена безбедност за сите учесници во сообраќајот“, пишува градоначалникот Орце Ѓорѓиевски на својот Фејсбук профил.

Според Ѓорѓиевски, оваа делница била меѓу најбараните од граѓаните, бидејќи станува збор за фреквентна зона со долгогодишни проблеми.

„Со оваа интервенција, конечно ставаме крај на сликите на запуштеност и небезбедност. Ваквите слики стануваат минато“.

Градот најавува дека ќе продолжи со реконструкција на пешачките патеки и велосипедската инфраструктура, како и со нови урбани решенија.

Целта, според градските власти, е создавање функционален и уреден град кој ги става граѓаните на прво место.

The post 📷 КРАЈ ЗА ЗАПУШТЕНИТЕ ПЕШАЧКИ ПАТЕКИ Ѓорѓиевски најави голема реконструкција на јавните простори appeared first on plusinfo.mk.

Градоначалникот на Град Скопје, Орце Ѓорѓиевски објави видео од булеварот „Македонија“ чија изградба почна вчера и се очекува првата фаза да биде реализирана во рок од 90 дена.

„Градот Скопје со визија и посветена работа ги испишува нивите страници на една убава, достоинствена и горда историја“, пишува Ѓорѓиевски.

Градоначалникот најави дека ваа недела треба да биде распишана и тендерската постапка за втората фаза, а дека очекува целата сообраќајница, којашто е околу два километра, да биде завршена до крајот на неговиот мандат.

– Рокот на изведба е 90 дена, а од следната недела ќе ја почнеме тендерската постапка за втората фаза која ќе подрзабира два нови кружни текови и влез во подземната сообраќајница. За да не го губиме времето, ќе ја почнеме тендерската постапка наредните 10 дена и верувам дека веднаш по завршување на првата фаза, ќе започнеме со реализација на втората фаза. Оваа фаза опфаќа проширување на дел од сообраќајниците тука и уредување на целиот простор. Опфаќа нова атмосферска канализација и 60 нови шахти, што значи дека и атмосферските води ги средуваме во овој дел од нашиот главен град. Опфаќа на улицата Пролет, приклучување и нов крак кон улицата Борис Трајковски и уште едно проширување и нов крак на улицата 11 Октомври – изјави вчера Ѓорѓиевски.

The post 📽️ ВАКА ЌЕ ИЗГЛЕДА ПРВАТА ФАЗА ОД БУЛЕВАРОТ МАКЕДОНИЈА Треба да биде реализирана во рок од 90 дена appeared first on plusinfo.mk.

Градоначалникот на Град Скопје, Орце Ѓорѓиевски, денеска заедно со министерот за здравство, Азир Алиу, како и стручни тимови од ЈП „Градски паркинг“ и Град Скопје, одржаа координациски состанок со кој официјално се отпочнува изградбата на две монтажни катни гаражи во рамки на Клиничкиот центар.

– Со реализацијата на овој проект, кој ќе го изведува Град Скопје, ќе се обезбедат околу 500 нови паркинг места, со што конечно се става крај на долгогодишниот хаос со паркирањето во и околу Клиничкиот центар – изјави Ѓорѓиевски.

Тој посочи дека ова е конкретно, функционално и трајно решение кое директно ќе го олесни секојдневието и работата на здравствените работници, но и пристапот на пациентите од целата држава кои секојдневно доаѓаат на лекување.

Изградбата на монтажните гаражи ќе овозможи подобра организација на сообраќајот, слободен и непречен пристап за итната медицинска помош и поголема безбедност за сите учесници во сообраќајот, со почитување на јавниот простор и современите урбанистички стандарди.

Проектот се спроведува во координација со премиерот Христијан Мицкоски и според градоначалникот претставува јасен сигнал за заедничка посветеност кон решавање на реалните проблеми на граѓаните и унапредување на здравствениот систем.

– Со заедничка работа, координација и јасна визија, чекор по чекор градиме функционални и одржливи решенија во интерес на граѓаните. Ова е само дел од она што следува. Скопје ја живее новата ера – нагласи Ѓорѓиевски.

The post НОВИ 500 ПАРКИНГ МЕСТА НА КЛИНИЧКИ Две монтажни катни гаражи за здравствени работници и пациенти appeared first on plusinfo.mk.