Словенија е погодена од силни бури придружени со силни налети на ветер, пороен дожд и град. Сообраќајот во земјата е забавен, а Агенцијата за заштита на животната средина издаде портокалово предупредување за целата територија.

Од агенцијата посочуваат дека поради дождот може да дојде до задржување на вода и зголемување на реките.

На објавите на социјалните мрежи се гледа дека паѓал град со големина на јајце, а најлошото било околу Шемпетер во долината Савиња.

ТВ Словенија јави дека во текот на вечерта бурата постепено ќе ослабне.

Силна бурна ќелија, која пристигна преку брегот од Италија, се движи кон внатрешноста на Хрватска, придружена со врнежи од дожд, силни налети на ветер и локален град.

Водна пијавица е снимена над морето во близина на Умаг. Се очекува активноста на бурата дополнително да се интензивира во наредните часови. Во Пореч е забележано мало метеоцунами. Морето се искачило за половина метар за само неколку минути, малку го прелеало брегот, а потоа одеднаш се повлекло, објави Истрамет на Фејсбук.

Управата за заштита на животната средина издаде портокалова тревога за регионите Риека, Карловац и Загреб поради локално можни грмотевици со привремено силни до бурони ветрови, а можна е и појава на град.

The post 📽️ МЕТЕОЦУНАМИ ЈА ПОГОДИ ИСТРА Во Словенија паѓаше град со големина на јајце appeared first on plusinfo.mk.