Она што гостите на големите крузери го гледаат како совршено сервирани оброци, зад сцената претставува огромна организација во која нема простор за грешка. Македонскиот шеф Виктор Настески сподели дел од секојдневјето на бродот на кој во моментов работи, откривајќи колку храна се троши и колку луѓе се потребни за да функционира целиот систем.

– Зад сцената: 2.900 луѓе, 11 кујни, 0 можности за грешка – напиша Настески, нагласувајќи дека за успехот на една кујна најважна е тимската работа.

Во моментов тој раководи со 112 готвачи и 60 хигиеничари, распоредени во 11 кујни на бродот. Тимовите работат во смени 24 часа дневно, седум дена во неделата, а неговите обврски не се ограничени само на организацијата на персоналот. Шефот е одговорен и за набавката на продуктите, опремата, менијата и тренинзите.

Особен предизвик е снабдувањето со храна. Како што објаснува Настески, на копно, ако недостига некој производ, може да се направи дополнителна набавка. Насред океан, пак, нема можност за „тркнување до продавница“. Затоа, набавките за крстарења што траат 14, 16, 19 или 30 дена, а особено за патувањата околу светот кои траат и до 100 дена, мора да бидат прецизно испланирани.

А количините се навистина импресивни. За 2.900 гости и вработени дневно се трошат околу 3.000 јајца и 900 кроасани.

На неделно ниво се трошат 3.000 килограми компири, 3.500 килограми пилешко месо, 1.400 килограми говедско месо и 600 килограми сланина. Во кујните неделно се користат и 1.400 килограми брашно, 1.000 килограми шеќер, 1.300 килограми кромид, 600 килограми печурки и 1.200 килограми ориз.

На ова се додаваат и 1.700 килограми лубеници и дињи, 4.300 литри млеко, како и 220 килограми кафе во зрно и дури 8.000 кесички кафе – сето тоа за само една недела.

Токму поради огромниот обем на работа, голем дел од денот на Настески минува во канцеларија, каде што се координира целата логистика.

– Еве го секојдневниот логистички хаос кој ретко кој го гледа – напиша тој, поканувајќи ги следбениците да му постават прашања за бродот, кујната, логистиката и животот на море.

The post ШЕФОТ ВИКТОР ОТКРИВА КОЛКУ ХРАНА СЕ ТРОШИ НА БРОД СО РЕЧИСИ 3 ИЛЈАДИ ЛУЃЕ Среде океан нема „ќе тркнам до продавница“! appeared first on plusinfo.mk.

Славниот готвач од ресторанот Нома, еден од највисоко оценетите ресторани во светот, поднесе оставка поради обвинувања на поранешните вработени за злоупотреба.

Рене Реџепи го објави своето заминување на социјалните мрежи, велејќи: „По повеќе од две децении градење и водење на овој ресторан, решив да се повлечам и да им дозволам на нашите извонредни лидери сега да го водат ресторанот во неговото следно поглавје.“

Поранешните вработени го обвинија готвачот за создавање токсична работна средина, вклучително и вербална и физичка злоупотреба, според извештаите на медиумите.

Угостителскиот објект со седиште во Данска, се подготвуваше за резиденција во Лос Анџелес, но корпоративните спонзори се повлекоа по тврдењата за злоупотреба и протестите пред неговата поп-ап локација.

Во изјава објавена на Инстаграм, Реџепи рече: Извинувањето не е доволно; јас ја преземам одговорноста за моите постапки.

 

View this post on Instagram

 

A post shared by Rene Redzepi (@reneredzepinoma)

Повеќе за ова, како и за биографијата на Рене Реџепи како син на сиромашен албански имигрант од Македонија, прочитајте ТУКА и ТУКА.

The post 🎥 РЕНЕ РЕЏЕПИ ПОДНЕСЕ ОСТАВКА ПО ОБВИНУВАЊАТА ЗА МОБИНГ „Извинувањето не е доволно, ја преземам одговорноста за моите постапки“ appeared first on plusinfo.mk.

Познатиот готвач и автор на бестселери, Џејми Оливер, е горд татко на пет деца кои ги има со сопругата Џулс, со која е во брак 25 години, а се чини дека неговиот син Бади сериозно ги следи стапките на својот татко.

Во текот на викендот, Џејми сподели неколку фотографии на Инстаграм од снимањето на кулинарен ТВ проект во Есекс. На снимањето му се придружил 14-годишниот Бади

На една симпатична селфи фотографија, Бади се насмевнува покрај својот татко, облечен во црвена маица, додека Џејми кратко напишал: Моето момче.

Младиот готвач подоцна се појави и на стори на Инстаграм, кадешто се гледа како готви пред камерите, со морето во позадина.

– Да, моето момче готви вистинска гозба – додаде гордиот татко.

Џејми никогаш не криел дека неговиот син има природен талент за готвење. Во интервју за HELLO! тој откри:

– Бади обожава да готви, но е тинејџер и моментално ги истражува сите свои страсти, од мода и спорт до музика. Но, знам дека секогаш ќе му се враќа на готвењето. Тој има база на знаење и вештини што ќе траат цел живот.

 

View this post on Instagram

 

A post shared by Jamie Oliver (@jamieoliver)

Сè уште не е познато во кој проект ќе се појави Бади, но ова нема да биде негово телевизиско деби.

Претходно оваа година, тој се појави во епизода од серијата „Chef’s Table: Legends“, каде што подготвуваше полнети тестенини со својот татко на семејниот имот „Spains Hall“ вреден шест милиони фунти во Есекс. Пред тоа, младиот готвач водеше своја емисија, „Cooking Buddies“, на детскиот канал CBBC, во која ги учеше своите врсници како да готват.

Иако Бади сè уште живее со своите родители, Џејми и Џулс сè повеќе ја чувствуваат празнината во куќата. Нивните постари ќерки, Попи (23) и Дејзи (22), веќе го напуштија домот, додека дома се останати Петал (16) и најмладата Ривер (9).

Зборувајќи за промените, Џејми признава: „Сега е помалку хаотично дома, но не можам да кажам дека е потивко. Ни недостига таа врева, таа бучава. Знам дека Џулс го чувствува тоа особено.

The post КОПИЈА НА ТАТО СО ИСТИОТ ТАЛЕНТ Џејми Оливер сподели фотографија со синот кој се заканува да му ја преземе славата appeared first on plusinfo.mk.

Александра Розенфелд која ја освои титулата Мис на Франција во 2006 година, изнесе тешки обвинувања против славниот француски готвач Жан Имбер, тврдејќи дека во текот на нивната врска во 2013 година била жртва на физичко и психолошко насилство.

Таа, во јавен пост на Инстаграм откри дека Имбер ѝ го скршил носот со удар со глава. Таа додава дека најтешко ѝ било не толку поради физичката повреда, колку поради континуираната психолошка контрола и манипулациите што ги трпела.

„Тие удари не беа најболното. Полошо беше бавното, скриено уништување – контролата, омаловажувањата, тишината со која ме казнуваше,“ напиша таа.

Имбер, кој стекна слава откако победи во „Top Chef“ и води престижни ресторани во Париз и Монте Карло, ги негирал обвинувањата. Неговиот тим тврди дека инцидентот се случил за време на жестока расправија и дека не се работи за систематско насилство.

Случајот добива дополнителна тежина затоа што уште три жени го обвинија Имбер за слично контролирачко и токсично однесување. Француската јавност реагира бурно, а медиумите веќе ја споредуваат оваа приказна со некои од најголемите скандали во светот на гастрономијата и шоу-бизнисот.

The post ПОЗНАТ ГОТВАЧ Ѝ ГО СКРШИЛ НОСОТ НА ПОРАНЕШНАТА МИС НА ФРАНЦИЈА Убавицата го обвини познатиот шеф Жан Имбер за семејно насилство appeared first on plusinfo.mk.

Во Веро Џамбо, на 10 мај во сабота, со почеток во 12 часот, ќе се одржи промоцијата на новата кулинарска книга на Давор Панчевски, кај нас познат како Dave’s Kitchen. Станува збор за неговиот трет готвач, „Брзо и забавно готвење“, издаден на македонски и англиски јазик, во две посебни изданија.

„Оваа книга е посветена на сите љубители на готвењето кои сакаат да уживаат во подготовката на вкусни, лесни и брзи јадења, кои се подготвуваат за помалку од половина час. Авторот во ова дело објави 100 нови рецепти со кои покажува дека готвењето не мора да биде комплицирано за да биде неверојатно вкусно“, се вели во соопштението.

Посетителите на промоцијата ќе имаат можност да го купат новиот готвач, да дегустираат специјално подготвени јадења од рецептите во книгата, да се запознаат и да се советуваат со авторот и, како што велат од организацијата на настанот, да уживаат во една убава атмосфера и вистинско кулинарско доживување.

Веро Џамбо ги кани сите љубители на вкусната храна кои ќе имаат можност да добијат инспирација за брзо и креативно готвење и да запознаат луѓе со слични интереси.

„Забавата од кујната на Dave’s Kitchen в сабота во Веро Џамбо ќе биде незаборавно гастро искуство!“, порачуваат од организацијата на настанот.

The post „БРЗО И ЗАБАВНО ГОТВЕЊЕ“ В САБОТА ВО ВЕРО ЏАМБО Ќе биде промовирана новата книга на Давор Панчевски appeared first on plusinfo.mk.

Зимин зад себе ги остави сопругата и 17-годишната ќерка.

Инаку, тој отворено се спротиставил на војната меѓу Русија и Украина, а во Русија не се вратил откако бил протеран поради критиките на Путин и поради инвазијата на Крим.

Според неофицијални информации, сопственикот на станот не можел да дојде до него цели 7 дена, па отишол да види што се случува и на подот начекал грозоморна сцена.

За случајот бил информиран обвинителот на Вишото јавно обвинителство во Белград.

Наредена е обдукција со токсикологија.

The post ПОЗНАТ ТВ ГОТВАЧ Е ПРОНАЈДЕН МРТОВ ВО БЕЛГРАД Зимин бил жесток противник на Путин appeared first on plusinfo.mk.

Вистински мајстор, готвач, мастер шеф или пак ликовен уметник кој е плус и одличен готвач, знае и чувствува како да ги користи состојките на свој начин, како да создава нови вкусови и како да ги подготвува вообичаените јадења со нови методи и на нов начин.

О да, имаме такви примери…

Вистинскиот готвач-уметник знае да направи одреден креативен скок за да ги збогати познатите јадења и да се извлече од оној научен, механички начин на подготовка на храната што сме го гледале уште од деца.

Врвните готвачи се креативци кои го користат својот внатрешен компас и природен талент за да ги комбинираат вкусовите, формите и мирисите во уникатна гурманска комбинација, исто како што уметниците комбинираат и користат различни бои и материјали за да создадат извонредно уметничко дело.

Повеќе за ова прочитајте на „Арт кујна“.

The post ПИЦИТЕ НА МАЕСТРО ДИМЕ ТЕМКОВ Готвач, мастер шеф, уметник или сѐ заедно?! appeared first on plusinfo.mk.

Телото на еден маж од ултралуксузната јахта „Бајезијан“ вредна 30 милиони долари која потона е пронајдено, а според крајбрежната стража се работи за бродскиот готвач Рикардо Томас, пишува Би-Би-Си. Неговото име во извештаите некаде е напишано и како Рекалдо.

Додека 15 лица беа спасени во мистериозното потонување на бродот, италијанската крајбрежна стража активно се трага по шестмина, меѓу кои и „британскиот Бил Гејтс“, Мајк Линч, за кој се верува дека го организирал патувањето. Фактот што Линч во јуни во САД бил ослободен од обвиненија за кои му се закануваше казна од 20 години затвор, направи ДејлиТелеграф да напише дека патувањето било организирано заради „прослава на слободата“.

Во случајот беше обвинет и неговиот бизнис-партнер Стив Чембрлејн.

Два дена пред потонувањето на јахтата Чембрлен беше удрен од автомобил сообраќајна несреќа во Кембриџшир во Велика Британија. Тој почина утрово. Ова повторно е причина за шпекулации во врска со случајот. Чембрлен беше шеф на позната компанија за сајбер-безбедност Дарктрејс.

Експертите велат дека е многу тешко да се трага по лицата, бидејќи потонатата јахта лежи речиси недопрена и неоштетена на морското дно.

Освен тајкунот Линч, се трага и по неговата 18-годишна ќерка Хана Џонатан Блумер, претседател на меѓународната банка Морган Стенли Џуди Блумер, сопругата на Блумер Крис Морвило, адвокат на Клифорд Шанс.

Меѓу 15-мината спасени, пак, се:

Сопругата на Линч, Анџела Бакарес Шарлот Голунски, нејзиниот сопруг Џејмс и нивната едногодишна ќерка Софи Ајла Роналд, државјанка на Нов Зеланд која работи во Клифорд Ченс и нејзиниот партнер.

Нуркачите се обидуваат да стигнат до остатоците од јахтата, кои се наоѓаат на околу 50 метри под вода на морското дно. Првичните обиди за пристап до него беа попречени од мебелот на бродот што го блокираше пристапот.

Се стравува дека телата на исчезнатите може да се најдат внатре. По силното невреме што ја предизвика трагедијата, во текот на ноќта има повеќе дождови и ветер.

Локалните метеоролози велат дека временската тревога била воведена околу четири дена пред катастрофата, откако големата топлина ја подигнала температурата на Медитеранот на 30 степени Целзиусови, повисока од нормалната.

The post КОИ СЕ ШЕСТЕМИНА ПО КОИ СЕ ТРАГА НА ПОТОНАТАТА ЈАХТА КАЈ СИЦИЛИЈА? „Британскиот Бил Гејтс“ сакал да ја „прослави слободата“ со крстарењето, пишува Дејли Телеграф appeared first on plusinfo.mk.

Потоа продолжил да готви за семејството станувајќи се подобар и подобар. Одел на пракса во тамошните ресторани и хотели, а потоа, продолжил да стекнува искуство и како војнички готвач во касарната „Илинден “ во Ѓорче Петров.

Целиот текст прочитајте го на „Арт кујна“.

The post НАМЕСТО ШКЕМБЕ ЧОРБА, ВО БИТОЛА СЕ ЈАДЕ И ВКУСНО САГАНАКИ Омилениот битолски шеф, освен нашата, во мал прст ја има и морската храна appeared first on plusinfo.mk.

Телото на Тафари Кемпебл (45) од Дамфрис, Вирџинија, било пронајдено по дводневна потрага во Едгартаун грејт понд, во близина на домот на семејството Обама, јави денеска Ен-пи-ар. Полицијата на Масачусетс соопшти дека поранешниот претседател не бил присутен за време на давењето.

Кемпбел служел како готвач за сосови во Белата куќа додека Обама беше претседател и во 2016 година заминал да работи за поранешниот претседател и неговата сопруга.

Во заедничка изјава споделена со американските медиуми, семејството на Обама соопшти дека Кемпбел бил „сакан дел од семејството“.

– Кога првпат го сретнавме тој беше талентиран главен готвач за сосови во Белата куќа, креативен и со страст за храна и неговите можности да ги поврзе луѓето. Во годините што поминаа го знаеме како топла, забавна и исклучително љубезна личност кој ги направи нашите животи малку посветли – изјавија од семејството Обама.

Кемпбел бил забележан последен пат во неделата, негов пријател кој исто така пловел на даска видел кога тој паднал во водата, кратко се борел да остане на површината за да потоне целосно, се наведува во извештај од полицијата.

Готвачот оставил зад себе сопруга и двајца синови близнаци, соопшти семејството Обама.

The post МУ СЕ ЛИЗНАЛА ДАСКАТА И ПОТОНАЛ Се удави личниот готвач на семејството Обама appeared first on plusinfo.mk.