„Косово нема агресивен пристап и освојувачки аспирации како Србија. Косово има за цел мир и стабилност, додека Србија има за цел дестабилизација и војна“, рече Свечља.

Тој додава дека Србија е таа што ја подигнала состојбата на борбена готовност и „наредила да се постават нови барикади“, но, како што вели, „за да се заштитат криминалните групи на северот“.

„Токму Србија, под влијание на Русија, ја подигна состојбата на воена готовност и нареди да се подигнат нови барикади, со цел да се оправдаат и заштитат криминалните групи кои ги тероризираат особено граѓаните од српска националност, кои живеат на Косово“, напиша Свечља на Фејсбук.

Косовскиот министер рече дека нивните институции се во тесна координација со меѓународните партнери, кои работат на „решавање на ова прашање без каква било можна ескалација“.

Тој го обвини претседателот на Србија дека, според него, сака „по секоја цена да ги оштети демократските вредности на Косово“.

Српскиот претседател Александар Вучиќ синоќа изјави дека Приштина ја подигнала борбената готовност. Тој во видео порака на Инстаграм го спомнува наводното вооружување на Албанците.

Во интервју објавено денеска на порталот „Ослобоѓење“ со седиште во Сараево косовскиот премиер Албин Курти тврди дека неговата влада има начин да ги отстрани барикадите и предупреди дека нивното поставување е резултат на инструкциите што доаѓаат од Белград.

– И политичките директиви и финансиите (на косовските Срби) доаѓаат од Србија. Имаме моќ да ги отстраниме тие 11 барикади што беа поставени пред две недели. Но, КФОР инсистира да им дадеме уште малку време – рече Курти.

The post НЕ Е ТОЧНО ДЕКА КОСОВО ЈА ПОДИГНАЛО БОРБЕНАТА ГОТОВНОСТ Косовски министер ги негира тврдењата на Вучиќ appeared first on plusinfo.mk.

Припадници на Националната гарда од сите делови на земјата веќе се испратени во Вашингтон да обесхрабрат какво било можно повторување на насилството од 6 јануари, кога пет лица беа убиени откако приврзаниците на претседателот во заминување Доналд Трамп влегоа во Конгресот.

Федералното биро за истраги (ФБИ) предупреди дека во главните градови на сите 50 држави може да има маршеви на вооружени приврзаници на Трамп, пренесе Би-Би-Си.

За движење е затворена Национална алеја во областа Колумбија.

Барикади се кренати должи сите улици во американската престолнина Вашингтон и насекаде има зголемени безбедносни мерки и контроли. Зградата на Конгресот на САД е обезбедена со метални огради.

Покрај Националната гарда, на улиците на Вашингтон е засилено и присуството на полицијата, додека во поширокиот центар на градот најавено е дека ќе бидат затворени најмалку 12 метро станици.

Тимот на Бајден веќе ги повика Американците да избегнуваат патувања во главниот град поради пандемија од ковид-19.

Се очекува, особено утре, да има протести, бидејќи приврзаниците на Трамп и десничарите преку социјалните мрежи повикаа на протести на 17 јануари и марш во Вашингтон на денот на инаугурацијата.

Пред можните протести гувернерите на Мериленд, Ново Мексико и Јута прогласија вонредна состојба во нивните држави.

Калифорнија, Пенсилванија, Мичиген, Вирџинија, Васингтон и Висконсин ја активираа својата Национална гарда, а Тексас ќе го затвори Конгресот од денес до 20 јануари.

The post САД се во готовност поради можни протести appeared first on plusinfo.mk.

За време на следната фаза од проверката на борбената готовност, 1868-та артилериска база, 969-та резервна тенковска база и 3620-та артилериска база се ставаат во највисока борбена готовност, соопшти белоруското Министерство за одбрана.

Министерството претходно соопшти дека голем број воени единици биле ставени во состојба на готовност за време на третата фаза од сеопфатната армиска проверка што започна на 24 август.

Претседателот на Белорусија, Александар Лукашенко, му нареди на Министерството за одбрана внимателно да го следи движењето на силите на НАТО во Полска и Литванија, а исто така и силите долж западната граница да ги стави во целосна борбена готовност поради зголемените тензии во регионот.

Во Белорусија продолжуваат протестите против резултатите од неодамнешните претседателски избори, на кои Лукашенко го освои шестиот мандат и за кои опозицијата тврди дека не биле регуларни.

The post Во готовност се ставени три воени бази во Белорусија appeared first on plusinfo.mk.