Центарот за управување со кризи утринава информира дека на територија на државата до 06:30 часот активни се три пожари и еден е под контрола. Изгаснати се 24 пожари од вкупно 28 регистрирани пожари.

Активен останува пожарот на планината Готен меѓу општините Василево, Радовиш и Берово каде од вчера, покрај екипи од земјава, дејствуваа и чешкиот хеликоптер „Блек Хок“ и словенечки пожарникари.

Според информациите на ЦУК, активни се и пожарите меѓу селата Галиште и Ќесендре во општина Кавадарци каде гори мешана шума и нискостеблеста вегетација и кракот од пожарот кон селото Градешница во општина Новаци.

The post ИЗГАСНАТИ 24 ПОЖАРИ, ГОРИ НА 4 МЕСТА Планината Готен се гасне со чешкиот хеликоптер „Блек хок“ appeared first on plusinfo.mk.

Хеликоптерот „Блек Хок“ од Чешка попладнево со седумчлен екипаж слета на Меѓународниот аеродром во Скопје.

Како што информира директорот на Дирекцијата за заштита и спасување Стојанче Ангелов, хеликоптерот од утре ќе се вклучи во гаснењето на пожарот на планината Готен.

– Чешкиот Блек Хок со седумчлена посада слета на аеродромот Скопје. Утре наутро ќе почне со дејство врз пожарот на планината Готен од беровската страна – информира Ангелов.

Хеликоптерот е со големо ведро од 3,4 тони вода, а во гаснењето на пожарот ќе бидат вклучени и 62 пожарникари од Словенија кои со 18 специјални противпожарни возила се очекува доцна вечерва да пристигнат во Берово.

– И хеликоптерот и словенечките пожарникари ќе бидат упатени на гасење на големиот пожар на планината Готен од беровската страна. Во текот на утрешниот ден ќе упатиме и други национални сили и ќе се фокусираме на овој пожар, бидејќи на останатите места состојбата е благо релаксирана. Помош ни понуди Австрија со 80 пожарникари и Франција со 50 пожарникари, истакна Ангелов на денешната прес-конференција.

The post ХЕЛИКОПТЕРОТ „БЛЕК ХОК“ СЛЕТА НА СКОПСКИОТ АЕРОДРОМ Утре ќе биде вклучен во гаснењето на пожарот на Готен appeared first on plusinfo.mk.

На ден 24.07.2025 година, се евидентирани вкупно 12 пожари на отворен простор, од кои 7 се активни, 3 се под контрола и 2 се изгаснати, информираше Центарот за управување со кризи во објава на официјалната Фејсбук страница.

Меѓу активните пожари набројани се жариштата во село Нивично кај планината Голем Готен, кај прилепско Бешиште, кај Церово и Групчин, пожарите кај Крапа, Грешница, Латово и Црешнево во Македонски Брод.

Шумскиот појас, кој гори на планината Готен од страна на Берово, во моментов е ставен под контрола, изјави за МИА, Димитар Гошевски, командир на Територијалната противпожарна единица (ТППЕ)-Берово.

Тој вели дека на терен се пожарникари, доброволци, вработени во ЈП „Национални шуми“ и се надева дека нема да се дозволи негово проширување.

Под контрола е пожарот меѓу селата Драгоево и Селце на планината Серта. Командирот на Територијалната Противпожарна единица-Штип, Благој Ренџов, изјави дека досегашните анализи покажуваат дека 70 до 80 отсто од пожарите на отворено се подметнати.

– На терен од вчера сме 15 пожарникари со четири возила, а денеска имаме уште четири возила од македонската интервентна единица и сме горе на сртот, пробуваме да го сопреме огнот да се шири – изјави Ренџов.

Изгаснати се пожарите кај далеководите во скопско Чучер Сандево и кај кумановско Речица.

Изгаснат е пожарот на депонијата „Краста“ во Куманово, информираа денеска надлежните од ЈП „Чистота и Зеленило“. Пожарот избувнал утрово, и според првичните проценки станува збор за самозапалување.

– Пожарот избувнал во горниот дел од депонијата, веројатно од самозапалување. За два и пол часа, пожарот го санираа наши екипи со цистерна, со затрупување на земја. Помогнаа и општествено-одговорни компании, на кои им изразуваме благодарност – изјави директорот на претпријатието, Ненад Стојановски.

Депонијата „Краста“ функционира од 1958 година и зафаќа површина од 12, 5 хектари. Тука се складира сметот на градот со над 100.000 жители. Дневно на депонијата се изнесува од 120 до 150 тони смет.

The post 7 ПОЖАРИ СЕ АКТИВНИ, 2 СЕ ИЗГАСНАТИ Жариштата кај Серта и Готен се под контрола appeared first on plusinfo.mk.

Во текот на својот престој, Вил Фирт ќе работи на преводот на македонски јазик на романот „Небеска Тимјановна“ од Петре М. Андреевски.

Вил Фирт е книжевен преведувач од македонски, српски, хрватски, германски и руски јазик. Дипломирал германски и руски јазик на Националниот универзитет во Канбера, Австралија. Бил стипендист на Универзитетот во Загреб и на Институтот „Пушкин“ во Москва. Од 1990 година Фирт живее во Германија, каде што работи како слободен преведувач на литература и дела од областа на хуманистичките науки.

На македонски јазик превел книги или извадоци од книги од Александар Прокопиев, Драги Михајловски, Влада Урошевиќ, Блаже Миневски, Димитар Башевски, Иван Додовски, Румена Бужаровска, Фросина Пармаковска, Ненад Јолдески и други.

„Превод во движење“ е меѓународен проект кој опфаќа резиденции на книжевни преведувачи во Франција, Шведска, Велика Британија, Летонија, Црна Гора, Македонија, Бугарија, Албанија и Србија.

– Целта на проектот е да се зголеми соработката меѓу книжевните преведувачи од земјите во кои се реализира и да се интензивира книжевната размена во земјите од Западен Балкан и земјите-членки на Европската Унија. Во рамки на преведувачките резиденции, преведувачите и преведувачките работат на конкретен книжевен превод, кој потоа ќе биде објавен во нивните земји – соопшти издавачката куќа „Готен“.

The post ПРЕВЕДУВАЧОТ ВИЛ ФИРТ ВО СКОПЈЕ Ќе ја преведува „Небеска Тимјановна“ од Петре М. Андреевски appeared first on plusinfo.mk.

„Средиштето на светот“ е роман за проблемите поврзани со растењето, пубертетот, зависта и љубомората, пријателството и љубовта. Наменет е за тинејџерската читателска публика. Седумнаесетгодишниот Фил се чувствува како аутсајдер уште откога знае за себеси. Но, и покрај различните чувства што го обременуваат решава да не остане само пасивен набљудувач на својот живот.

Секако дека не може да биде таков кога е опкружен со својата мајка Глес, која го живее животот по свои правила и го поттикнува Фил да биде еднакво силен. Тука се и неговата сестра Дајан, која е непредвидлива и своеглава, со сопствени тајни; неговиот чичко Гејбл, пензиониран војник; неговиот најдобар пријател Кат, кој е великодушен но посесивен.

И конечно, тука е и далечниот Николас, во кој Фил се вљубува… сè додека не се соочи со изневерување и конечно мора да го пронајде своето место во светот.

The post ОБЈАВЕН РОМАНОТ „СРЕДИШТЕТО НА СВЕТОТ“ Проблемите на еден 17-годишник, зависта, љубомората… appeared first on plusinfo.mk.

Конкурсот за пријавување е отворен до 30 април 2021 година.

„Превод во движење“ е програма чија цел е збогатување и засилување на протокот на преведената литература во Европа и особено меѓу земјите од Западен Балкан и земјите-членки на Европската Унија.

Препознавајќи ги литературните преведувачи како влијателни и клучни амбасадори на културниот дијалог, оваа програма обезбедува меѓународна мобилност и професионален развој на литературните преведувачи.

Од „Готен“ посочуваат дека во рамки на резиденцијалниот престој, преведувачите ќе имаат можност да работат на книжевен превод, одблиску да го запознаат оригиналниот јазик, да продолжат да го истражуваат, како и да ја зголемат својата видливост преку поврзување со локалната литературна сцена и претставување на својата активност пред публиката.

Во рамки на програмата можат да се пријават литературни преведувачи кои преведуваат од македонски јазик на јазиците на земјите-членки на Европската Унија.

За време на резиденцијалниот престој, од преведувачите се очекува интензивно да работат на литературниот превод со кој аплицирале за програмата, да учествуваат во настаните или активностите на организацијата што ја организира резиденцијата и да соработуваат со колегите од книжевната сцена.

Издавачката куќа „Готен“ нуди бесплатно сместување, покривање на патните трошоци и месечна стипендија за покривање на трошоците за живот во висина од 800 евра (бруто износ).

Апликациите за резиденциите кои ќе се реализираат во периодот меѓу мај и декември 2021 година треба да бидат испратени најдоцна до 30 април 2021 година. Апликациите за резиденциите во Скопје се праќаат на следната електронска адреса: contact@gotenpublishing.com.

Кандидатите треба да испратат писмо на интерес во кое се објаснети причините за нивното конкурирање за резиденцијата (не подолго од 1 страница), опис на книжевниот превод на кој ќе работат (не подолг од 1 страница) и CV.

Апликациите можат да бидат напишани на англиски и македонски јазик.

Управниот одбор на проектот „Превод во движење“ ќе изврши избор од пристигнатите апликации, а резултатите ќе бидат објавени најдоцна до 15 мај 2021 година.

За Скопје во 2021 година се планирани 2 резиденции, а за 2022 година 3 резиденции.

Во контекст на состојбата со КОВИД-19, сите датуми за резиденцијален престој се условни и ќе зависат од укинувањето на ограничувањата за меѓународни патувања и состојбата во нашата земја. Издавачката куќа „Готен“ ќе осигури дека се преземени сите заштитни мерки, во согласност со упатства на официјалните институции.

„Превод во движење“ (Translation in motion) заеднички проект фокусиран на резиденцијални престои за преведувачи финансиски поддржан од програмата „Креативна Европа“ на Европската Унија.

The post „Готен“ организира резиденции за книжевни преведувачи од македонски јазик appeared first on plusinfo.mk.