Времето утре ќе биде сончево и топло, со мала до умерена локална облачност, најави Управата за хидрометеоролошки работи, од каде и за утре издадоа портокалов метеоаларм за топло време за целата територија на Македонија.

Во попладневните часови ќе има услови за развој на нестабилност проследена со пороен дожд, засилен ветер и појава на грмежи.

Наместа процесите ќе бидат поинтензивни во форма на невреме со силен ветер, пороен дожд, грмежи и услови за појава на град. Ќе дува слаб до умерен ветер од југоисточен правец.

Минималната температура најниско ќе се спушти во Берово, до 8 степени Целзиусови Најтопло ќе биде во Скопје, Гевгелија, Фемир Капија и во Велес, каде максималната температура ќе изнесува 35 степени.

И во четврток претпладне времето ќе биде сончево и топло, со мала до умерена локална облачност, а попладне наместа ќе биде нестабилно со пороен дожд, грмежи и засилен ветер. Заради големата енергија во атмосферата локално процесите ќе бидат во форма на невреме со интензивен пороен дожд, силен ветер и појава на град.

До крајот на оваа седмица наместа ќе има услови за локална нестабилност, проследена со пороен дожд, грмежи и засилен ветер.

The post ДОАЃА ГОЛЕМА ПРОМЕНА НА ВРЕМЕТО, КОНЕЧНО ДОЖД Претпладне горештина, попладне порој, грмежи и ветер appeared first on plusinfo.mk.

Километарски колони и повеќечасовни чекања ја одбележаа денешната состојба на граничните премини кон Грција, поради штрајкот на грчките царински службеници.

Возачите кои утринава се упатија кон грчкото крајбрежје се соочија со целосен застој. Поради штрајкот, обработката на возилата се одвива со значително забавен режим, што предизвика огромен метеж, особено на најфреквентниот премин Богородица – Евзони.

Според сведоштвата на патниците на терен, колоните од возила се протегаат на неколку километри, а чекањето трае со часови под отворено сонце и високи температури.

Од надлежните институции апелираат до граѓаните за трпение и внимателно планирање на патувањето.

„Ги повикуваме граѓаните пред да тргнат на пат да ја проверат состојбата на граничните премини во живо. Доколку имаат можност, да го одложат патувањето или да користат алтернативни премини”, се вели во препораката.

Се очекува застојот да продолжи сѐ додека трае штрајкот на грчките цариници. На сите кои сепак мора да патуваат денеска, им се препорачува да обезбедат доволно вода, гориво и да предвидат значително подолго време за патување.

The post ШТРАЈК ВО ГРЦИЈА ПРЕДИЗВИКА КОЛАПС НА ГРАНИЦАТА Колони возила заглавени на плус 40 степени appeared first on plusinfo.mk.

Времето утре ќе биде сончево и многу топло со мала до умерена облачност. Во попладневните и вечерните часови ќе има локален развој на нестабилна облачност со пороен дожд и грмежи, наместа во форма на краткотрајно невреме со засилен ветер и услови за појава на град.

Максималната температура ќе биде во интервал од 32 до 40 степени.

И во Скопје ќе биде сончево и многу топло, а попладне ќе се развие мала до умерена нестабилна облачност. Ќе дува слаб до умерен јужен ветер.

До вторник ќе се задржи многу топло време со дневна температура наместа и над 40°C. Во попладневните часови ќе има услови за локална појава на нестабилност со краткотраен пороен дожд и грмежи. Ќе дува умерен, а во западните делови повремено засилен ветер од југозападен правец.

Во среда, а особено во четврток поради продор на посвежа воздушна маса од север ќе има значително опаѓање на дневната температура. Ќе дува засилен северен ветер, а претежно во северните делови ќе има повремен дожд.

The post ГОРЕШТИНИТЕ НЕ ПОПУШТААТ Работната недела почнува со 40 степени appeared first on plusinfo.mk.